المساعد الشخصي الرقمي

مشاهدة النسخة كاملة : كم يسوى الباثفندر 2008se2


بقيةالسلف
19/01/2010, 02:37 PM
ياجماعة ودي اشري لي واحد ماشي 55الف نوع Se2 اللي بشاشة نفيقيشن ودفي دي وبصمه....
ارجو الرد عاجل
الربذي
19/01/2010, 05:09 PM
السلام عليكم


تراه بدون نفقيشن الا اذا كان فتحة لان علمي فيه نوع عادي شاشه اماميه مع كميرة خلفية بدون ملاحه نفقيشن
ونوع يجي فتحه وبصمه ويجي نفيقيش
وسعره كان 136الف الحين ب90 بالتسعينات الى 88نزولا اذا كان نظيف ولولوي
اذا النوع الاول بالسبعينات .الى 80الف
ابوناصر426
19/01/2010, 08:55 PM
سعره في الثمانين واذا هو نظيف يجيب 90 بالراحة
بقيةالسلف
19/01/2010, 11:19 PM
يعطيكم العافية
الموتر نظيف وماشي 52 وهو النوع اللي يجي فتحة ونفيقيشن وبصمة ودفيدي طبعاً Se وراعيه طالب95 وش رايكم تكفووووووووووووووون
ابوناصر426
19/01/2010, 11:34 PM
يعطيكم العافية
الموتر نظيف وماشي 52 وهو النوع اللي يجي فتحة ونفيقيشن وبصمة ودفيدي طبعاً Se وراعيه طالب95 وش رايكم تكفووووووووووووووون

والله انها مهيب خسارة في الباثفاندر، بس كاسره خله يبيعك الموتر بتسعين، لانه مغليه شوي.
بقيةالسلف
20/01/2010, 08:23 AM
ابو ناصر يعطيك العافية ماقدرت ارد عليك على الخاص عموماً الرجال يحلف ان الموتر مسيوم 95 والرجال واضح عليه الصدق(طبعا هو راعيه مهو شريطي) الرجال طاق له طقم كفرات جديده (دنلوب)
المهم رحنا فحصناه عند البريدي وقال البريدي"الموتر جديد ياعم ولكن يبيلك تغير فحمات امامية وفلتر الهواء والبدي مابوه طقة مسمار"

هاه وش الراي يالربع؟؟
يسوى 95 وإلا لا إذا كان لا هل مثل هالنوع متوفر في السوق علماً إني لي اكثر من شهر ونص مالقين باثفندر2008 ابد
طبعا هوse2 مواصفاته (بشاشة نفيقيشن ودفي دي-في السقف وقدام- وبصمه وفتحة)

انا محتااااااااااااااااااار وابي الرأي السديد
asak333
20/01/2010, 09:38 AM
شف وانا اخوك اناأعتقد سعره مابين ال90 و95 وترى الموتر ان كان نظيف ومثل ما تقول تشعر صدق راعيه لا يردك ال1000 والا ال2000 وبقولك شي اذا بيساعدك انا معي باث نفس الموديل ونفس المواصفات كان ماشي 30000 كيلو سامه صاحب معرض ب100000 وطبعا صاحب المعرض يدور الربح ولولا انه ماأعتقد انه يجيب مكسب ماسامه بالقيمه هذي وترى الكلام هذا له ثلاثة اشهرولذلك اقولك السعر بين ال90 وال95
بقيةالسلف
20/01/2010, 12:37 PM
لاهنت اخوي asak333 ماقصرت وبيض الله وجهك بس سؤالي هل اللي عندك se وإلا Le
والله يختار الخيرة الصالحة
ابوناصر426
20/01/2010, 12:56 PM
توكل على الله واشتره
والله يرزقك
بقيةالسلف
20/01/2010, 01:31 PM
هلا ابو ناصر
جزاك الله خير والله يختار الخيرة الصالحة
صقرالعرب2007
20/01/2010, 10:12 PM
ولله يالغالي باين من كلامك من الموتر انه نظيف ماشاءالله

لكن كانك تبي الراي السديد

فاقولك انا قبل فتره كنت ادور باث من مودييل 2008 وطالع

حصلتلي واحد 2009 نظييييييف ماشي 45 نفس مواصفات الي انت عارضه بس بدون فتحه ونفقيشن

حده علي بـ 92 وماكتب لي الله

وحصلت واحد 2007 ماشي 57 ب 78 حده لي راعيه

السراحه واااجد الي لقيتهن والسراحه الباث الي انت لاقيه وحده لك بـ 95 ألف والله وااااااااجده مرره

انا اخبر كنت حاط موضوع طالب فيه باث ودق علي واحد معه 2008 نفس مواصفات الي انت عارضه وماشي 50 بس بدون نفقيشن كنت بشريه وترددت وأخيراً قالي انه باعه على اخوه بـ 85 ألف

انا اقولك كانك تبي تحط 95 ألف بموتر أنصحك زدها 5 الآف ولا 4 وخذلك يوكن دبل 2008 نظيييف روعه من احسن مايكون وممشاه بالستينات

بس حق خويك لا يحوشك تراه طامع به زوووود


الله يختارلك الخيره المباركه حيثما كانت
بقيةالسلف
22/01/2010, 02:15 AM
الله لا يهينك ياصقر العرب بس ترى فرق السعرجديد بين اللي انت تقول وبين اللي انا لاقيه حول 20الف لأنه يفرق الدفيدي والبصمة والنفيقيشن وفتحة
صقرالعرب2007
22/01/2010, 03:42 PM
لله يالغالي نصيحتي لك لا تستعجل بالشراء وتندم.. أنا معي موتر قديم ورايح فيها ومن سنه ونص ابشري جازم ودور ولا شريت الا قبل شهر.. الركاده زينه بالشراء

بعدين للمعلوميه الفرق بسعر المواصفات يطيح ثلاث ارباعه في المستعمل.. يعني زي ماتقول فرق حول 20 ألف في الجديد بالنفقيشن والبصمه(مع ان لي تحفظ على هالفرق مب صحيح اقل من كذا) بيصير بالمستعمل فرق حول 5 الآف

اتمنى انك فهمت مقصدي


بالتوفيق