ابي الشور والراي منكم

[الؤلؤي 2006]

اسعد الله اوقاتكم بالخير والمسرات
ابدخل بالموضوع على طول وبدون مقدمات
معي شاص 2010
وابي اركب شد ؟؟؟
السوال هو :
هل اركب شد عادي ولا حايلي
وابي مشورتكم بالايجابيات والسلبيات
للنوعين العادي والحايلي
انتظر مشورتكم الله لا يخلينا منكم
تحياتي

[ادولف هتلر]

اذا كنت راعي بر مرره يعني دايم بالبر ركب الحايلي يعني تستفيد منه

اما اذا لا ركب العادي ..

مع اني مانصح بها الا الي يحتاجها قرقعه على الفاضي..

تحياتي لك

[الؤلؤي 2006]

مشكور اخوي ادولف هتلر
على المرور والافادة
بس ابي اراء اكثر يا اخوان

[سرهيد]

السلام عليكم

الشد يحكمه انت وحاجتك له

فبلا شك ان الشد يحفظ اغراضك ويكون فراش لك ايضا للنوم

طبعا انك كنت كل اسبوع راعي طلعات فانا انصح به

اما ان كنت موسمي فخلك على العقرب لانه سهل التركيب وسهل الفك

كذلك الحايلي روعة لكني رأيت انه اثقل من غيره واعني شد عروق الشمال او السنيدي من حيث الوزن وهذا يسبب ثقلا على السيارة

مع انه اجودها واميزها من حيث الشغل اللي يجي على كيفك

شغلهم مرتب مره حقين حايل واعني الاختيار

انا كان عندي ونيت غمارتين وركبت عليه شدة وما ندم عليه ابدا ، وبعته وشريت جمس وركبت شد والى لحظتك ما قلت ياليتني ما ركبت

فانت من يحدد الحاجة وليس غيرك

تقبل احترامي

تقبل مودتي

[fusfus]

اخي الكريم لا تروح عن الثلاثه اللي قالها اخانا الكريم سرهيد وعلى فكره فيه بالغرابي ناس جدا ممتازه ورخيصين بحوالي النصف بالقيمه عنهم ولك الأختيار اولا واخيرا تحياتي