مهزله تسمى معرض السيارات لعام كذا

[رقبة حاشي]

مهزله تسمى معرض السيارات لعام كذا ..... اللي امام الخطوط السعوديه بالمروج والذي يقام كل سنه والله انا رحت له للخمس سنوات الماضيه وقررت اخيرا ان لا (اطبه) ياخوان عدد السيارات المشاركه قليله اي اقل من نصف وكالات السيارات وبعدين هو معرض للاستغلال والبيع فقط ولا يوجد به اسعار بمناسبة المعرض ولا شيء بل بالعكس وعلى سبيل المثال السياره البرادو الفل بـ 141.000 ريال (هل هذا سعر معرض ام ماذا ) يوجد مايقارب 20 وكاله سيارات متنوعه ولم يشارك سوى 7 او 8 وكالات والمشاركين هالصينيين بسياراتهم واكسسواراتهم هم والاتراك .... المهم ياحسافة الوقت اللي ضيعناه هناك ..... اليس المقصود بالمعرض ان تشارك جميع السيارات او لسيارات دون سيارات

[سنتافي]

السلام عليكم



اخوي انا معك اصلا المفروض انه ما يكون فيه عمليات بيع داخل المعارض نهائيا لانه الي يبي يشتري يعرف وين الوكاله هذا اولا وثانيا لو رحت لأي بلد ىوشفت معارض السيارات السنويه الي عندهم كان شفت الفرق يعني المفروض يكون فيه فرد عضلات من ناحية الاستعراضات واستغلال هذه الفرصه علشان يكون هو وقت السيارات الجديده يعني ما تنزل الموديلات الجديده الا في المعرض اول على الاقل يضيفون حبتين تشويق



وفيه نقطهمهمة اخوي ترى المصانع المفروض تدعم الوكالات ماديا عشان يعرضون سياراتهم في المعارض لكن للاسف بسبب الموصفات (الغبيه) الي يطلبها الوكيل طبعا اي مصنع بعقله يبي يرفض دعم وكيله لانه ما يتوقع انه عنده شعب متحضر .


http://tinypic.com/xvdcj

[بـــدر]

والله انك صادق ونا بغيت اكتب موضوع بهذا الخصوص لاكن قلت مابي دايم اخذ الجانب السلبي في كل شي :(
وبما أنك فتحت الموضوع ابي ازيدكم من الشعر بيت
أنا زرت المعرض يوم الجمعه الي فاتت وتحسفت اني رحت بصراحه أول ما دخلت مالقيت إلا كذا شركة مشاركه يعني معضم الشركات ماحضرت المعرض
ثاني شي صاله عبداللطيف سياراتهم مقفله يعني ناظر من ورى القزاز زين بعد انهم سمحو ، وكذلك شركة العيسائي

فعلا رحت اناظر المعرض واقارنه بالمعارض التي تقام في إمارة دبي تعجبت حنا اكبر منهم قلباً وقالباً ومع ذلك معرضنا ما يجي ولا بجزء من مصاف معارض دبي.

[سنتافي]

والله انك صادق شي يقهر

[Bader-M]

السلام عليكم ورحمة الله وبركاتة

.........
في الحقيقة كنت( نواي) اذهب للمعرض ولكن من كلام بعض الاصدقاء
و علمي مسبقا
ان كثير من شركات السيارات لم تشارك

في الحقيقه افضل معرض للسيارات اقيم قبل سنتين
كان معرض متكامل جدا
فيه كثير من المعدات و الاجهزة الفحص السيارات
وايضا شاركت فيه كثير من مجلات المهتمه في عالم السيارات

.......
اما هذا العالم والذي قبله لم يقدم معرض الرياض للسيارات اي شي يذكر
وكان تحت المستوى المطلوب منه
ونرجوا ان يكون في العام المقبل افضل بكثير من هذا العام
.....
ولكم مني كل محبه وتقدير

[aziz2727]

الاخ سنتافي

والله كلامك في محله انه ما فيه احد يشارك !!! طيب المفروض من المسئولين في الغرفه التجارية بحث هذه المسأله ومعرفت الاسباب التي ادت الى ذلك .
الغريب ان في دبي وطبعا" انا ما اقول انا نكون مثلها لاسباب عدم توفر الامكانيات في المعرض وكذلك اعتقد غلا الايجار على اصحاب الوكالات نرجع لكلامنا في دبي تجد كثير من الوكالات تتسابق واقول تتسابق على حجز مكان في المعرض قبل تاريخ المعرض بحوالي سنه ؟؟؟؟ ليش طيب ؟؟ سوق السعوديه في السيارات في شراء السيارات كبير وعدد المشترين كثير بس ليش عدد المشاركين قليل .
هذا من جهه .. ومن جهه ثانيه ان ايام المعرض قليله جدا" ( 4 ) ايام وان ما اعتقد انها كافيه ابد .
ولا يوجد يوم للعوائل لان سوق الاسره اصبح مهم جدا" .. وبعدين ليش ما يوضع برنامج من قبل المنظمين بالمعرض ان يكون زيارة المعرض مثل رحلة استجمام تخلي الناس يجوووووون له ويشوفون وش فيه هذا المعرض الفكره المأخوذه عن المعرض انه دااااااااااائما" نفس الطريقة ونفس العرض والناس تحتاج الى التغيير دائما" وتأكيد كلامي ان معرض الحمراني دائما" في الجهه اليمنى من المعرض . طيب الناس تحتاج الى التغيير .
ولا يقتصر المعرض على السيارات بل ان يكون هناك مشاركه كبيره على الكماليات الخاصه بالسيارات . ويكون هناك زيارة من قبل المنظين الى دبي لمعرفت كل جديد عن التنظيم . وبس .. شكلي طولت عليكم :)