استفسار لاهنتـــــــــــــــــــــو

[ابو غصاب]

السلام عليكم ورحمه الله وبركاته
بعد السلام كيف الحال ان شاء الله طيبين يالربع مشكلتي عندي لي طير الطير يالربع مايجي على الملواح اللي هو ريش الحبارى لاكن :mad: :mad: :mad: اذا لوحت له بحمامه سواء حيه او ميته يجي ويلعب لعب على الملواح مادري وش الحل مع العلم اني لابغيت اعشيه بالبيت ادس له اللحم بين الجنحان وينزل على الجناح وينتفه لين مايلقى العلف ..الحل يالصقاقيـــــــــــــــــــــــــــــــر ؟؟

[بعيد الهقاوي1]

يامرحبا يا ابوغصاب

الطير اربط له حمامه مع الملواح او سمّانه وخله ثلاث ايام او اربع ايام زي كذا

بعدين طوفه لاتعشيه واليوم اللي بعده جربه على الملواح بدون حمامه او سمانه وان شاء الله انه يجي

وفيه حل يا اخوي بعد حنا عندنا جير مايجي على الملواح توه وحش وصدنا له حويمه <-- اللي هي نوع من انواع البوم يجي مهاجر ووريته من قريّب وهد عليها بعدين عزلته برجلها وذبيتها له على طول يدي وجاها وعزلته بنفس الرجل بعدين ربطها اخوي بحبل ورحت عنه تقريبا 300 متر وهديته عليه وقام يلاعبه لان لونها زي لون الحبارى وباليوم الثاني هديناه على الملواح وهد والحين صرنا مانهده الا على ملواح

جرّب الطريقتين لانهن صحيحات واذا فشلت الاولى مستحيل تفشل الثانيه بأذن الله ورد لي خبر اذا جا الطير على الملواح .. وليتك تعلمنا وش عمر طيرك ومقاساته

وتقبل تحياتي

اخوك بعيد الهقاوي1

[ابو غصاب]

الله يعطيك الف عافيه يابعيد الهقاوي1..وان شاء الله تنجح
الطريقه والطير ياطويل العمر والسلامه حر حمر ثالث ومقاسه 16.50 في 16
ومشكور على الرد يالذيـــــــــــــب ,,

[نمر الصحراء]

فادك اخوي انشاءاللهhttp://www.albrari.com/vb/uploaded/24382_01256310110.gif