الى اصحاب الخبرة في السكتون ارجوا التفضل والرد

[دربيل]

السلام عليكم ورحمه الله وبركاته
انا عارف ان موضوعي اضحك البعض لانهم بيقولون هذا قديم توة على السكتون .ولاكن اني اريد الفائدة منكم

ارجوا من الاخوة الاعضاء الكرام الي عندة خلفيه عن السكتون وانواعه يتفضل ويكتب
انا شفت انواع كثيرة في مدينه الرياض وما ادري وش الزين فيها
في عدة انواع منها :
1 - "باتريوت" - صناعه انجليزيه
2 - "ديانا" - صناعه المانيه
3 - "هنتر" - صناعه اسبانيه
وكما يوجد الامريكي ايضا
ولاكن انا محتار وش الزين الي يكون يعني تاخذة وتحرقه من كثرة الاستخدام ويطيح منك ما يتاثر (لك وللزمن)

وشكرا لكم

[السمح]

لا تفوتك رقم 2 ...

وإما حصل شيّك على الفايروخ ..

تحياتي ...

[مكشات]

أولا سؤالك مهم وفي محله ، ومافيه صياد يستغني عن السكتون .
أما ايهم أفضل فأنا رأيي من رأي اخوي السمح .
يعني ديانا ( ألمانية ) ويجي منها موديلات مختلفة ، انا افضل رقم 27 لأنها تجمع مابين صيد الصغار والكبار :)
تحياتي

[دربيل]

انا بصراحه ازددت اعجاب بالمنتدى واعضاءه النشطين ما شاء الله عليكم
يعني حصلت الاجابه المفيدة وفي وقت قصير


وشكرا لكل من شارك

[الجريوي]

أخوي دربيل

عز الله أن اللي شار عليك بالألمانية( ديانا أو فايروخ ) ما شار عليك إلا بالطيب


إن كنت راعي طيور صغيرة مثل الدخل فما لها إلا الـ ( 27 ) .

و إن كنت راعي صفارى فما لها إلا الـ ( 80 )

ملحوظة : ترى أفضل الموديلات الكبيرة ( 80 ) لأن سبرنقها قصير و سميك و هذا التصميم يخليه ما يرتخي بسرعة .

[دربيل]

انا سئلت بعض الناس وشاروا علي باشياء كثيرة وبصراحه انا ضعت
طبعا كلهم اجمعوا على ديانا الالماني بس اختلفوا في الموديل
منهم قال خذ موديل 85 هذة قويه
ومنهم قال خذ 45 او 35
وبالمنتدى هنا منهم قال
خذ 27
وبعضهم قال 80

فارجوا منكم ايضاح مميزات ومساوء كل واحدة وشكرا

[الخبير]

السلام عليكم
انا عندي 85 وهي ممتازة مرة ، بعض الناس يقول ان عيبها السبرق ، مع ان لها عندي حول 7 سنوات ما غيرته إلا مرة وحدة.
يمكن عيبها إلي شفته هو انه يبغا لها شد كل فترة و فترة

[مكشات]

أخي دربيل
كل الموديلات المذكورة ممتازة
لكن الإختيار يعتمد على نوع الصيد اللي إنت ناوي تصيده .
.......
سبق قلت لك 27 تجمع مابين صيد الصغار والكبار .
لكن مايصير تشتري موديل 23 أو 25 مثلا ، وأنت ناوي تصيد طيور كبار ، لأن الكبار تحتاج لبندق قوية تروح مسافات بعيدة .
وبنفس الوقت مايصير تشتري موديل 80 مثلا إذا كنت ناوي تصيد صغار . لأن قوة البندق راح تخرب صيدك ، لأن الطيور الصغار ماتحتاج لمسافات بعيدة . وموديلات : 23 أو 25 أو 27 تكفيك في هالحالة .
حدد وش ناوي تصيد ، بعدين نقدر نحدد لك اللي يتناسب مع هوايتك .
تحياتي

[السكب]

أخوي دربيل والله أنا أنصحك ب35 مو الموديل المطور لا خذ الموديل القديم تراه ما بعدها في الرمي وماشاءالله عليها صواب .....هذا إذا لقيتها

[الطبيب]

بسم الله
1- الديانا ( المانيه ) كل مازاد الرقم زادة القوه والمسافه
2- الجامو (اسبانيه) جيده ولاكن فيها اعطال متكرره
3- الوالثر (المانيه) لا يعلى عليها بمعنى الكلمه
4- الاوميغا ( انجليزيه ) علة من العلل
5- فايروخ ( المانيه) جيده وقويه وتتحمل الكثير من البهذله
6- بريتا (ايطاليه) ماهي على سمعة اسلحة بريتا
7- كولت (امريكي) عيال اليهود ؟؟؟؟؟؟؟؟؟ قاطعوها
8- دايسي( امريكي) ما تسوى ما فيها الا الشكل
هذا على عجل من الذاكره
واوعدكم باني راح اكمل الموضوع حق الساكتون واطرحه كاملا
وفيه مفاجئات كثيره بالصور
والسلام ختام

[*جمس79*]

يا اخوي انا جربت عده انواع وما لقيت افظل من الا لماني بشكل عام


بس افظل نوع لقيته ((يكد مكده حمار)) لو ترمي فيه ليل نهار

الي هو ((عزيز)) مو جود عندنا بتبوك بس اكيد بتلقاه با الرياظ

طيعني كسم با الله ما تندم

[عين السيح]

يا اخ دربيل اعتقد ان افضل الانواع هو الباتريوت الانجليزي والدليل على ذلك لقد قمنا بتجربه واصطدنا حمامين في ضربه واحدة

[مخاوي الهايلكس]

هلا والله اخوي كيف الحال شف انا عندي ثنتين ساكتون (صتمه) وحده27 تصلح للطيور الصغيره والثانيه 85 للطيور الكبيره وصراحه انصحك 27 الالمانيه تراها ممتازه.
http://www.mekshat.com/pix/upload/images/hilux01.jpg

[ابو عمر اللاحم]

السلام عليكم ورحمة الله

الصراحه انا من عرفت الصيد ما اعرف الا ام صتمه ديانا الامانية .

لاكن قبل ايام قالي واحد فيه ام صتمه اسبانية يقول انه سامع انه زينة بالحيل وانا ما عمري شفته لو يتكرم من يعرف عنه او استعملها يعطينا معلومات عنه جزاه الله خير لأني ناوي اشتري ام صتمه لذلك ودي اشوف.

تحياتي ،،،،

[مفتون صيد]

معليش ياشباب انا اخالفكم .......... خثيث:D :D

الالمانيه ممتازه .......... ولكن انا مجرب انجليزيه عند الرمايه وخذت وحده وهي ايرمس رابير....عزالله انها
تبرد التسبد من مميزاتها

1- قويه واقوى من 90 الالماني
2- شكل روعه تقول سلاح ناري من بعيد
3- جوده في الصنع وحقت كرف من جد
4- فيها شيء ما في الالمانيه وهي دقة الوزن فيها << نظام الوزنيه فيها دقيق جداً جداً ... حتى لو فيه حبة خال في الطير تجيبها على خده :D :D >>> واللي موهب مصدق يروح لهم ويجربها
5- الماصوره مبطنه يعني احتمال انها تميل ضعيف جداً

لكن من عيوبها:
سعرها غويلي حول 1800
وثقيله عن غيرها من البنادق

وعلى فكره انا اصيد فيها كل انواع الطيور الدخل والصفاري وغيرها بس مع الراس يعني ما شاء الله دقيقه

[ابو عمر اللاحم]

السلام عليكم

بس لو ما فيها هالعيوب اللي ذكرت : ثقيلة + غالية الثمن 1800 هذا يكفي بعدم التفكير فيها .

وشكراً

[مفتون صيد]

بالنسبه لي اخوي نهار خلاص تعودت على ثقلها ... وتبي الصدق قيمتها فيها والله ..... وعلى قولت المثل لولا اختلاف الارأ لبارت السلع ;)

[صياد البسيتين]

تبغى نصيحتي يا اخ دربيل
انا جربت اكثر الصتمات والله ما لقيت ولا وحده زينه كل وحده فيها عيب اكثر من الثانيه
مثلا 80 فايروخ و85 يبي لك كل شوي تقعد توزن فيهاوالديانا حقها المنشاف الخلفي يخرب كثير
نصيحتي لك بس اخاف تقضي عنا الطيور:) مثل ما قال لك الاخ مفتون صيد ايرمس رابير الانجليزيه
بصراحه هي البندق وبس وعلى فكره صارت رخيصه وقل سعرها قيمتها الان 1250 ريال ,,,,,

[قناص القرائن]

اخي دربيل خذ نصيحتي

خذ من شركة (ديانا) اسأل مجرب موديل 85 لايفوتك وخذ من وكالة الرميح تراها افضل وكاله تصبر معك عندي الساكتون اكثر من خمس سنوات وماخربت منها شي من جودتها جاك العلم والله اني صايد بها ضب كبير




للتواصل ارسل على بريدي الا كترونيabo_salem1409@islamway.net تبي الزياده ارسلي على البريد

[نديم القرينة]

السلام عليكم ورحمة الله وبركاته
أفضل نوع لدي (الجامو) الأسبانية.

[SilverSniper]

في رأيي أن الألماني ولانجليزي هما الأفضل
جربت الانجليزي باتريوت وهي ممتازة جداً ولا أعيبها ولكن لا أرتاح لها
لدي ديانا 38 ممتازة جداً اشتريتها عام 1411هـ وهي ما شاء الله كعقرب الساعة
تعاني فقط من قليل من الصدأ ولكن يمكن ازالته. أعتمد عليها في الصيد أكثر من اعتمادي على الخرازة والشوزن.
ولدي فايروخ 27. ممتازة جداً وهي أقوى من ديانا 27
فايروخ 85 انكسر علي السبرنج أكثر من مرة وغيرته ثم خرب علي العلمان الخلفي واستعضت عنه بدربيل صرت أوزنه بعد كل رمية... وأربط مساميره بعد كل خمس رميات.
نصيحتي لك ... الديانا والفايروخ

[سالم الخميس]

السلام عليكم بخصوص انواع الساكتون لايعلى على الامانى فى الدقه والتصويب والشكل
خصوصا 24_ 27 فى كل الاوقات وتطول اطول من الانجليزيه والصينيه والمصريه و
الاسبانيه الصيد والمتعه صناعه محكمه خاصه اذا كان الصكم نوع ابو طبل والحجم صغير
تتمتع فى الصيد خاصه الطيور الصغار من الزعر وسودا الراس والزيتيه والخاضور والعقعق والفرى
المتعه مع الامانيه وبس

[abu mishaab]

بصراحه ابداع
انا بصراحه ازددت اعجاب بالمنتدى واعضاءه النشطين

[Eagle]

انا عندي ام صجمه نوع جامو شادو 1000
نيشان احمر ونقطتين خضر واضح جدا
البندق قوي قوي ويسوق مسافات بعيده ودقه نيشانه من افضل نياشين الام صجمات
وهذي الماركه اسبانيه وتصنع ام صجمات متنوعه القوه وتعتبر الارخص سعرا
وغالبا اتكون كفالة بنادقهم مدى الحياة

[Eagle]

شوفو الام صجمه الي اتكلم عنها على هذا الرابط والسعر والمعلومات كامله مذكوره

http://airgunsbbguns.com/gamo-shadow-611002954.html

[* ضب *]

بسم الله الرحمن الرحيم
جاك العلم

انا جربت معظم الالماني
جربت 27 القديم مره ( عندي طلب... اذا احد عنده اويعرف احد عنده وللبيع يقول لي )
27 الجديد
35
38
45
52
75
80
85
90 غاز
كلها جربتها تجربة طويلة
الافضل فيها في رايي وعن تجربة وقناعة
38 ممتازة جداً اتذكر اوقفها الوكيل سحبت السوق
80 قويه ومكدة (الثقل عيبها) لكن تستاهل
35 تقارب 38
27
الباقي يمشي الحال
45 القفل مشكلة
52- 75 مشكلة تلقيم الرصاص , والذراع ينكسر مع الاستعمال
85 السسته تنكسر دايم
جربت الاسباني
ابو مخزن صتم سيئة

انا اتكلم عن تجربتي الشخصية ولا قول يقولون
(ارمي في السنة تقريباً10000 صتمة)
(لو تطابقت الاذواق لبارت السلع)

[alone]

السلام عليكم
والله يا أخوي دربيل الناس أجمعت على أنه الديانا أفضل نوع بس أختلفت علي المقاس أنا أفضل 35 ممتازة مهب ثقيله بالحيل و قطع غيارها متوفره عند الهدف و باسوق عامة بالتخصصي بالأصح و في أمان الله

[أبـ [مطلق] ـو]

سلام عليكم . .

هلا والله اخوي

وان انصحك بالألماني

لان اذكرك قبل مده شريت واحد مقاسه 27 <--- يوم اني توي ههههههه صغير :)

والله من جد فله و حلوه وتصلح لو بتدرب اخوانك الصغار بس انتبه لا تستهين فيها الألمانيه قويه

شاريها من الرميح انا واخذت تصريح بعد

والحين متوقه ادور لي بندق زي الناس تعرفون الضبان قربت يبيله شي حلو خرازه وماشابه ذلك <- ههههه

تحياااااتي . .

[العنكبوت]

السلام عليكم

من ناحيه الصتمات اعذروني مالي خبره بهن

بس عندي كم سوال ؟

الاول عندي ديانا قديييمه وراد العقيل بحايل

و مكتوب عليها 48/52 واذكر انه يوم نشريه

طلبنا اقوى ماعنده

وبه ناس تقول ان مابه ديانا 80 ولا 85 ؟؟؟؟

واشوف بعض الشباب يذكرونها ..

السوال الثاني للاخ صياد البسيتين

ياليت تقولنا وين نلقا ارمس رابير ؟؟؟

لاني مالقيت الا بالرمايه و1800 ويقولون قضت

ماتجي الا بعد شهر ... ونصحو لي بشي يقاله باتريوت

ب2000 ريال ويقول ان صتمته كبيره يعني ميب 4.5

فالي عنده خبره بسالفه الفشق الكبير ومشاكله لا يبخل علينا


تحياتي

[ماونشي]

والله بنسبه للساكتون ترى الفايروخ من افضل الساكتونات لا تعداها ولاكن فيه الجامو والله حليله وعيارها مسكت الخلفي ولا تغير بسرعه ونا جربتها والله جدعت البنادق الثانيات العام ايام الدخل وسعرها رخيص ونا الي عندي تقريبا قوتها مثل 35 الدينا لاكن والله حلوه وسلام

[الباروني]

السلام عليكم ورحمة الله وبركاته
والله انا انصحك باالالمانيه من واقع تجربه شخصيه والله انها حداد تكدها كد وكانها جديده واحسن نوع هو 27 لانها زي ماقالو الاخوان للكبار وللصغار والاسباني حلو بس خراباته كثيره هذ اللي اعرفه ومشكور على هالموضوع.

[سوبربللى]

أفضل سكتون الإسبانية اللي غزا السوق ( المذهبة )
* الخفيفة (فيبر جلاص )

[رع ع 823]

اشكر الزملا الكرام على ما تفضل فيه
وانصح اخوي بـ(27) الماني لأنها ممتازه

وشكرا

[ghazy11]

اهلا بالجميع

اخوي دربيل

انا بصراحه جربت الكثير من احجام الديانا

وبصراحه ما لقيت افضل من حجم 27 انصحك بها ولا تتردد بشرائها مع احترامي لاراء الاخوه

مع الشكر للجميع

[الــدمــوي]

السلام عليكم

انا عندي يا اخوان سكتون هوائيه رائعه وجربتها خمس سنوات مااتغير رميتها ابدا ولا تغيرت الوزنيه الي اسمها ( اوميقا انكليزيه ) موديلها 92 قويه وجربتها على الدخل والقميري رائعه بكل ما تعنيه من كلمة ولكن عيبها ولازم اعلم بعيبها انها ثقيله شويه ولكنها تستاهل ..:D

اخوكم
الدموي

[الكشاح]

يعطيكم العافيه جميع...بصراحه ما قصرتوا ابد.....وكلا دلى بدلوه....

وسؤالي كم يصل سعر الديانا الماني 27عندكم في السعوديه

وجزيتم خيرا

[ملاعب الريح]

السلام عليكم ورحمة الله وبركاته
انا سائل عنها قبل كم يوم تقريبا ب750:good:

[بدوي متحضري]

ديانا الألمانية وبس .. لكن أبعد عن النوع اللي لها يد جانبية نسيت رقمها .. أما العادية وأعتقد إن رقمها 38 إذا ماني واهم جيدة ودقيقة بس لاتطيح منك وسلامتك..ونسيت بعد وتباع بترخيصها..

[الكشاح]

السلام عليكم ورحمة الله وبركاته

تسلم يا بوسيف على الرد....عندكم 750 وعندنا امس سائل عنها ب700 وممكن ينزل الى 600

وهذا في الشارقه..مدري عنها في دبي ...جزاك الله خير..

ولكن يتبادر في ذهني سؤال هل مسموح ادخلها السعوديه عن طريق البر؟؟

ودمتم سالمين

[وجيه 11]

هالحين ما فيه محلات أسلحة غير الرماية والرميح ؟

أذكر فيه محل اسمه صاب ! هل هو يبيع أسلحة والا رصاص و غيره ؟

لأني مريت على الرماية والرميح ، صراحة غالين مرة . يمكن الرماية أرخص شوي لأن عنده أسبانيات

رخيصات وخفيفات ما كنك شايل بندق ، والسوداني يمدح لي الاسبانية من بد غيرها ويقول خذها ارخص لك

وهي نفس القوة والتحمل . والله احترنا :confused:

[mox600]

انا استخدمت 45 ديانا المانيه 6سنوات زي العسل
بس المشكله شوي ثقيله يعني اذا جيت برمي وانا واقف
ما تصير سنتر ميه ميه واستخدمت 36 ديانا ممتازه مره
اما ال27 ما صلحت لي ابدا لأنها ضعيفه والطيور اللي
اصيدها كبار شوي بالنسبه لأم صتمه .

فيه أحد من الشباب عنده خلفيه عن ام صتمه من النوع الكبير 5.5
ودي اشتريها بس ما شفت احد استخدمها اعرفه .
ايش شوركم ؟

[بندر501]

وش رايكم في في هنتر الاسبانيه وش الاقوى هي والا الفايروخ 80 ؟؟

[الأجودي11]

أهلا أخوي دربيل.. لكل شخص رأي و تجربه فأنا أنصحك بالإنجليزية ((أمقا)) إن وجدت..ولا يهنون الأخوان

[المطلق]

أخوي الكشاح

أحسن نوع من الساكتونات الألماني

==================

أخوي وجيه 11

يوجد محل اسمه صاب بشارع الثميري بالرياض بحي الديره وأنا شاري وحده من ناك

[بندر501]

في القوة الالماني انا جربت الفايروخ 80 والله قوية بس عيبها الثقل ثقييييلة وما كانها ام صتمة وجربت اسبانية جامو خفيييييييفة ماكنك شايل بندق انا جربت اقل نوع رميها ضعيف بس والله في الوزنيه مابعدها ماتخطي الهدف ابدا

[KEA2003]

:cool: الداينا مقاس 27 تجي نوعين
1كبيره وكيله الرميح ثقيلة طينه تتعبك بثقله اذا كنت راعي دخّل وطويله والمنشاف بلاستك0
2- صغيره ممتازه قصيره وذفه نفس القوه خفيفه مالها وكيل تعيي تخرب و المنشاف زهر ما تأ ثر عليه الحراره0

[KEA2003]

السكتون لعبتي طع شوري

[عزيز1]

هج عن الباتريوت عندي اريد بيعها بسعررخيص جدا

[عزيز1]

جربت اكثرمن25حبه وعندي الان 9حبات مافيه احسن من الديانا35والله اعلم وان اردت الأسباب افدتك

[عزيز1]

السلام عليكم

[السرحال]

اي عزيز نبي الأسباب ومشكور

[ابوعمر2005]

ياناس انا محتار ودي بام صتمة جيدة وانا افكر بـ(85) فيروخ وشرايكم به
تكفون افيدونا جزاكم الله خير
وشكراً

[ابو فارس]

الاسبنيه جربنه زينه وقويه وخفيفه بس لحتميت اختلفت
لفكن الامانيه 27/35من الصبح الى المغرب وهي هي
الله يجيبك ياشهر 8

[صوعان]

انا عندي المانيه وعندي اسبانيه
بصراحه مافيه مقارنه من ناحيه الدقه والتصويب على الهدف الاسبانيه افضل واركد الف مره لايمكن تختلف ولا تميل بعدين رميها راكد
بعدين وزنها مثل الريشه ومنظرها حلو وقويه مره مره جامو هنتر سعرها عند الرمايه 950 ريال ومعها ضمان سنتين شامل
اعدها افضل صتمه من الموديلات الجدد
الرمي فيها متعه

[السرحال]

يا عزيز ويش هي الأسباب الي خلت 35حلوه زيما تقول

[الفشق المشاكس]

والله انا جربت الفايرخ




واحس انها احسن من غيرها ي صيد الصغار والكبار




وشكرا

[ملك الجيب]

اخوي معروف احسن شي بندق المانيه
ونا عندي اسبانيه
تطيح من ما تتاثر

[ابوعمر2005]

يا ناس انارحت للرماية ولقيت عنده نوع أسباني اسمه(هنتر) سعره حول 980 مديل80
ومفتون صيد يقول أيرمس هي الزينة بس مالقيته عندة
وقالي انه فيه نوع ثاني اسمه(ويبلي أستنقر)إقلينزي نفس الشركة الي تصنع إيرمس
وابستشيركم قبل ما اشري لانه ماخاب من استشار
وش رايكم بهن وايهن احسن
وجزاكم الله خير

[السرحال]

يا شباب ارجوكم ابي المشوره
45زينه وتبيض الوجه مع القميري
وشكرا

[عاشق النحم]

بالنسبة للدخل وانت ماشي 27
بالنسبة للقميري والصفاري ونفس الحجم 45 اذا لقيت بدون قفل لا تخليه
بالنسبة للخاضور3000 :d

[عاشق النحم]

ياعاشق الدداسن أنا معي 45
ديانا ألماني بس مشكلتها قفل
رميت فيهاتقريبا أربع دستات ونص
قل يعني 4500 رمية
جربتها على القوقسي ماجربتها على القميري بس نفس الشي
البندق زينة والله أبعد مارميت فيها قوقسيه 30 متر تقريبا وطاحت ميته
بس مشكلتها مهب حقت كرف أبد غيرت السستة بعد 3000 رميه وانكسر القلب بعد
والمنشاف الخلفي دايم يخرب ويعلك الحديدة الي ترجع السسته بدت ترج من 3000 رمية تقريبا
يعني ممتازة القميري والصفاري بس لا تكرفه

عاشق النحم

[السرحال]

مشكور يلحبيب
ان طقيتلي36كيف للقميري

[عاشق النحم]

مدري عنها بالضبط بس أنا جرت الـ35 مع واحد يعني زي ال36 بس بدون قفل ممتازه لأبعد درجه
صدت به يممام ماكان وقت قيري بس ممتازه بس حاول تصير مع مذبع مباشرة
عاشق النحم

[السرحال]

الي عندي بقفل
القفل مهو الضمان
ومنشافها بلا ستيك ولا زهر

[عاشق النحم]

الا القفل هو الضمان بس مشكلة
الي بها قفل تصير أجهزة البندق الداخلية بعضها بلاستك فتقل :mad: جودتها
مثل القلب عندي انكسر لأنه بلاستك
عاد مثل هالشغلات تؤثر على جودة البندق :(
عاشق النحم ;)

[السرحال]

وكيف اسوي
مشكور

[السرحال]

كيف حالك أخي الكريم ؟
ما مداني اغير القلب

[عاشق النحم]

هلا والله اخوي الحل أنك تغير القلب والجلبه الي داخل فيها البلاستيك
بقطع غيار بندق بدون قفل
واذا لاقدر الله وغيرت السسته غيرها بسستة وحدة بدون قفل وشف الفرق!! :good2:
تحياتي

[السرحال]

شكوررررررررررررررررررررررررررررررر جزيل الشكر
الحركه ذي جربتها ويش اسوي بالقفل
وما مفي غير القلب والجلبه الي فيها بلا ستيك
واكرر شكري

[السرحال]

واحط قلب اي بندق ولا 36
وشكرا

[عاشق النحم]

شي طبيعي حط قلب 36 :)

[السرحال]

اهم شي تمشي سنين

[عاشق النحم]

على حسب جودة البندق و الاستعمال

[عاشق الصيد]

السلام اخوي دربيل افضل شي فايرخ وديانا والق اهلك 35*27 وبس

[السرحال]

عاشق الصيد جربتها

[الصيادالمحترف]

السلام عليكم ورحمة الله وبركاته
أنا أحترم رأي الجميع فيما قالو ولكن أنا لي رأي أخر أفضل نوع في الإستخدام أنا طول عمري أستخدم نوع ألماني يعرف ب(( البرنو )) وهي أفضل نوع في الإستخدام وتحمل الصدمات حيث أني أمتلك أكثر من واحده ولها معي ما يقارب 31 سنه . ولم يتغير رميها أبدا
وبالنسبه للشيء الذي تريد صيده فهو يعتمد على نوع الذخيرة المستخدمة
فهناك ذخيره للطيور الصغيره وذخيرة للطيور والكبيرة وغيرها.

[كهربجي المخيم]

السلام عليكم .......ياجماعة تكفون نبي محل زي الناس في الشرقية ..في الدمام او الخبر ...

ياجماعة طلعت عيوني وانا ادور محلات زي الناس ,.............


قهرررررررررر ولا محل في الدمام او الخبر فيه شي زين ....

وغاااااااااااااااااااااااااااااااااااااااالي..

انا اقول يمكن فتح شي جديد او تعرفون محل زين يبيع الديانا او الفايروخ ......

وجزاكم الله خيييييييييييييير....

خالص التحية

[الخراز-22]

السلام عليكم
كلام مفتون الصيد صحيح من ناحية قويه قويه وشكل ماشاء الله ودقه انا عندي وحده وزنه من اول ما اخذته الى الحين وبتكمل وياي 8 اشهر وهي مكروف على طول والى الحين ما تغيرت وزنيتها وفيها ميزه عن الالماني لو تركته فتره بدون تنظيف ولا تزيت ما تصدأ من الدينا لو تتركه فتره قصير على طول تشوف بقع صدأ عليها
انجي الى الاسباني
نهار اخوي
انا عندي بندقيتين اسباني واحده منها اسمها هنتر 440 والشانيه شادو الف ثنتينهم حلوين
مميزات الهنتر خف في الوزن وقويه يعني في حدود 85 الالمانيه وخشبتها سوداء وهي لونها مثل النيكل بس مطفي يعني مافي لمعان يعني ما تلفة انتباه الطير وزنيتها ثابته اما بالنسبه الى الشادو 1000 فهي تقريبا نفس الشي مميزاتها اناها خشبتها فايبر وهي كلها شوداء وميزانيتها حلو ومن جنب الميزانيه خطين خضر يولع في الليل يعني حق اليل حلوه بس عيبها انا ميزانيتها تتغير علو طول مع اي حركه ولا شي لدرجة حتى وانك تحطها في محفظتها مع الحركه تتغير بس الهنتر تصير ختها نفس الشي وهي عندي ثلاث سنوات ولا مره اشتكيت منها وكارفنه يعني ما عليه كلام وسعرها الهنتر سعرها 1200 اما الشادو تقريبا 1000 واسال حتى المحلات يمدحونا
واسف على الاطاله والسلام

[الخراز-22]

السلام عليكم
كلام مفتون الصيد صحيح من ناحية قويه قويه وشكل ماشاء الله ودقه انا عندي وحده وزنتها من اول ما اخذته الى الحين وبتكمل وياي 8 اشهر وهي مكروف على طول والى الحين ما تغيرت وزنيتها وفيها ميزه عن الالماني لو تركته فتره بدون تنظيف ولا تزيت ما تصدأ مثل الدينا لو تتركه فتره قصير على طول تشوف بقع صدأ عليها
انجي الى الاسباني
نهار اخوي
انا عندي بندقيتين اسباني واحده منها اسمها هنتر 440 والشانيه شادو الف ثنتينهم حلوين
مميزات الهنتر خف في الوزن وقويه يعني في حدود 85 الالمانيه وخشبتها سوداء وهي لونها مثل النيكل بس مطفي يعني مافي لمعان يعني ما تلفة انتباه الطير وزنيتها ثابته اما بالنسبه الى الشادو 1000 فهي تقريبا نفس الشي مميزاتها اناها خشبتها فايبر وهي كلها شوداء وميزانيتها حلو ومن جنب الميزانيه خطين خضر يولع في الليل يعني حق اليل حلوه بس عيبها انا ميزانيتها تتغير علو طول مع اي حركه ولا شي لدرجة حتى وانك تحطها في محفظتها مع الحركه تتغير بس الهنتر تصير ختها نفس الشي وهي عندي ثلاث سنوات ولا مره اشتكيت منها وكارفنه يعني ما عليه كلام وسعرها الهنتر سعرها 1200 اما الشادو تقريبا 1000 واسال حتى المحلات يمدحونا
واسف على الاطاله والسلام

[الخراز-22]

السلام عليكم
كلام مفتون الصيد صحيح من ناحية قويه قويه وشكل ماشاء الله ودقه انا عندي وحده وزنتها من اول ما اخذته الى الحين وبتكمل وياي 8 اشهر وهي مكروف على طول والى الحين ما تغيرت وزنيتها وفيها ميزه عن الالماني لو تركته فتره بدون تنظيف ولا تزيت ما تصدأ مثل الديانا لو تتركه فتره قصير على طول تشوف بقع صدأ عليها
انجي الى الاسباني
نهار اخوي
انا عندي بندقيتين اسباني واحده منها اسمها هنتر 440 والشانيه شادو الف ثنتينهم حلوين
مميزات الهنتر خف في الوزن وقويه يعني في حدود 85 الالمانيه وخشبتها سوداء وهي لونها مثل النيكل بس مطفي يعني مافي لمعان يعني ما تلفة انتباه الطير وزنيتها ثابته اما بالنسبه الى الشادو 1000 فهي تقريبا نفس الشي مميزاتها اناها خشبتها فايبر وهي كلها شوداء وميزانيتها حلو ومن جنب الميزانيه خطين خضر يولع في الليل يعني حق اليل حلوه بس عيبها انا ميزانيتها تتغير علو طول مع اي حركه ولا شي لدرجة حتى وانك تحطها في محفظتها مع الحركه تتغير بس الهنتر تصير ختها نفس الشي وهي عندي ثلاث سنوات ولا مره اشتكيت منها وكارفنه يعني ما عليه كلام وسعرها الهنتر سعرها 1200 اما الشادو تقريبا 1000 واسال حتى المحلات يمدحونا
واسف على الاطاله والسلام

[مخيل البرق]

السلام عليكم ورحمة الله وبركاته
أولا أهنأكم على هذا الانجاز وعلى هذه العلوم الطيبه اللي تسر الخاطر ولا هي غريبه على أعضاء مكشات النشاما ما أقول الا الله يوفقكم ويسدد خطاكم والى الامام.
ثانيا ابي استفسر الله لا يهينكم. انا من أهل الجنوب وتخبرون انها مناطق شديدة الوعوره وأنا عندي ساكتون من نوع ام مسدس تشيكيه البندق جيده ولكن مسافتها لك عليها والوزنيه غير مستقره اود انشاء الله أن أغيرها فبماذا تنصحوني من البنادق اللي تبيض الوجه عند القريب والبعيد وخاصه الوبران وما هي العده الجيده؟؟؟؟
ولا يغركم الاسم فأنا من هواة الصيد أيضا.
ولكم مني جزيل الشكر....

[طير استراحه]

والله ياشباب الخمس وثمانين الالماني انها تقلب الضب وبعدين الالمان اذا صنعوا شي لاتسأل عنه اشتر وانت مغمض

[بدون مقدمات]

ياشباب الصراحه ان الالماني قوي (كده كد) ودقته ماعليهالاكن عيبه انه ثــقيل بس مافيه امل يتفكك الوالد معه ديانا 27 ومعه 80 من ايام الطفره (نصاب):D الى يومك وهي معه
وانا شاري اسباني 27 جامو من الرمايه ب720
خفيف مره لاكن عيبه اذا رميت به واجد ترج الماصوره لازم تربطه ووزنيته تمام

[إقـــــلاع]

قسم بالله انكم تتوهون الي مايتوه لاكن خذا الكلام مني وانشا الله مراح تنضر انا معي 80المانيه من حوالي 8 سنوات والى الان وهي مبدعه
وماخرب فيها أي شي والحمدلله بس محافض عليها انضف والمع طالعة بنتي

والشباب ماقصرو لاكن كثرو عليك على غير سنع الصراحه مع احترامي لهم

[المطيري 1]

الله يعطيك العافيه اخي الكريم بسراحه انا رأيي أن افضل انواع الساكتون (ديانا حجم 27) تعبر احلى الانواع لان يستخدمها الكل صغير وكبير وكثر ماتكرفها ماتشتكي والله يوفقك

[شـهـاب]

الله يعطيك العافيه اخي الكريم بسراحه انا رأيي أن افضل انواع الساكتون (ديانا حجم 27) تعبر احلى الانواع لان يستخدمها الكل صغير وكبير وكثر ماتكرفها ماتشتكي والله يوفقك


كم سعرها هذي عند الرميح الي في الزلفي ؟؟

[ذيب سواج]

انا جربت الاسبانية(هينتر880)فيها عيب ماتصيب الهدف ترمي الراس تجي بالرجل.والعكس وبعد وزن وبهذله أكتشفت ان الماصورة مايله شوي. ماأدري من صناعتها أوحاصل لها شيء .مع أني ماخذها بكرتونها من المحل.وللمعلومية العيار الامامي اللي بنهاية الماصوره فيبر.يتحرك بعكس اتجاه عقارب الساعة.اذا حبيت تفكه مع القاعدة.مع ان مسافتها تقريبا 305 م...........

[ما ينصاب]

السلام عليكم ورحمة الله الصراحه اني توي طاف بالسكتو

توني شاري نوعيه اسبانيه مقاس 28اسمها( نوركا) حليله من صاب الي بشارع خالد بن الوليد (انكاس)

بس الى الان ما اعرفته هي تتحمل ولا لا بس عند الوالد ديانا 27 من النوع القديم ماشي بس ماجاه مكده

[صقر شمر]

طيب انا شريت ديانا بس قوة 350 اكبر من 80 وهي قويه سرعتهاااا 360م/ثانيه

بس شوي ثقيله أحد جربها ويعطيني علم يجمد على الشارب؟؟

[الرهدن]

وبعدين الالمان اذا صنعوا شي لاتسأل عنه اشتر وانت مغمض

كلام في الصميم00


.

[ابو عكش]

حياك الله اخوي دربيل انا بصراحه افضل ديانا لانها اثبتت جدارتها من حيث الاستعمال وقوة التحمل

[عاشق خلاوي]

زين يا طويلين العمار انا ودي بديانا80

هل ممكن اصيد فيها صغير(قميري) وكبير(ضب) ؟؟؟ و وش افضل محل يبيعها؟؟

ابي مشورتكم لاني بكرى ابشري.

[الشعباوي]

انا عندي ديانة ماغنوم 350 وقوية ويبالة دوربين ومشكلتة من ناحية الوزن يعادل 5 كيلو

وانصحكم بعيار الرصاص 5و5

وايضا هناك نوع آخر من عيار الرصاص 35و6

ولكن المشكلة لا توجد مدى

والسموحة

[ابوقشعان]

عليك بديانا لاتدور بعدها ساكتون ابد دواء وتشفي غليل عاشق الصيد تطرح الطير والارنب والوبرللمرمى وبذات الي قوتها 35او45 خفيفه وقويه ولكن انا سالت صاحب المحل عند الشراء وش اسباب الخرابات قال مافيها مشاكل الا اذا خليته محبوله فترة طويله بالرصاصه ولا ركزتها على ميله تلتوي السبطانه خذ وتعش وعش جيرانك . ..باذن الله

[ابوقشعان]

عليك بديانا لاتدور بعدها ساكتون ابد دواء وتشفي غليل عاشق الصيد تطرح الطير والارنب والوبرللمرمى وبذات الي قوتها 35او45 خفيفه وقويه ولكن انا سالت صاحب المحل عند الشراء وش اسباب الخرابات قال مافيها مشاكل الا اذا خليته محبوله فترة طويله بالرصاصه ولا ركزتها على ميله تلتوي السبطانه خذ وتعش وعش جيرانك . ..باذن الله

[رامي القميري]

أخوي موضوعك مهم وفي وقته
اما بالنسبه للأفضل
كل واحد يرمي بلي يناسبه

(((( الفايروخ ))))

القديمه اذا لقيتها لاتتعداها
وفيه نوع جديد في السوق الان نقشة الصناعه طباعه
وهو أقل جوده من الموديل القديم

دور القديمه اللي فيها اسم الصناعه محفور حفر
فايروخ المانيه موديل 27
تراها دواء

[راعي البرقا]

و أنا عني أنصح بالفايروخ وكل بندق فيها مميزات وعذاريب

[قااحش الدخل]

كانك راعي صيد صغير انصحك ولاراح تندم ديانا 27 وفيه منها نوعين
النوع القديم الي بدون قفل وهذي افضل شئ علا الطلاق والثانيه التاليه الي بقفل وهي لابأس
بس القديم افضل وعساك تلقاه وانا عندي وحده ولله كل شئ دخل وصفار وله اربع سنين عندي
ومن افضل مايكون

[حسين2002]

عليك باالفايروخ موديل 80
لكن من عيوبها :
1- ثقيلة الوزن .
2- كسرها يبي له واحد عضلات .
من المميزات :
1- قوية .
2- تصلح للصفار والقميري والدخل على قولة اخواننا المصريين بتاع كله .

[شطه]

اهم شي نقول الله يعطيك خيرها ويكفيك شرها وتراء الالمانية طيبة بالحيل ولك اختيار الموديل ولاتنسي تذوقنا من صيدك

[..@القناص@..]

والله اخوي انا مجرب الاسبانيه
تراها ميب ذاك الزود .. خذ ديانا افضل شي

[sarab99]

الموضوع فديم جدا عام 2004 !!!

[صفق الهوى]

دينا وفايرخ الاماني افضل ونا عندي 28 دينا قمري صفار خضاري معندها مشكله والله مايرفس طيره جتني هديه

[crash.mad]

صراحة بما إنك تزك بادي أنصحك بفيروخ (المانية) خفيفة وقوية صدقن منتب نادم لا شريته








تقبل مرووري :p

[جول قميري]

الموضوووع قديم من 2002

يعني لا احد يتحمس :d

[الفارس290]

طيب شباب ماشفتكم تذكرون الديانا 35 هل فيه عيب ؟؟؟وهي احسن من 27 او انا غلطان

[shooter1000]

سلام عليكم ورحمه الله وبركاته
لاإله إلا أنت سبحانك إني كنت من الضالمين

[الصيادابووليد]

السلام عليكم ورحمت الله وبركاته
كم اسعار السكتون الديانا 25
والفايروخي27
حفراوي

[حفراوي 6]

السلام عليكم ورحمه الله وبركاته
انا عارف ان موضوعي اضحك البعض لانهم بيقولون هذا قديم توة على السكتون .ولاكن اني اريد الفائدة منكم

ارجوا من الاخوة الاعضاء الكرام الي عندة خلفيه عن السكتون وانواعه يتفضل ويكتب
انا شفت انواع كثيرة في مدينه الرياض وما ادري وش الزين فيها
في عدة انواع منها :
1 - "باتريوت" - صناعه انجليزيه
2 - "ديانا" - صناعه المانيه
3 - "هنتر" - صناعه اسبانيه
وكما يوجد الامريكي ايضا
ولاكن انا محتار وش الزين الي يكون يعني تاخذة وتحرقه من كثرة الاستخدام ويطيح منك ما يتاثر (لك وللزمن)

وشكرا لكم
موديل 80 ضربتها زاينه:good2::l

[ابو عيصvxr]

وش رايكم في الجامو

[ابو عيصvxr]

تكفون ردو بسرعه لان ممكن اشتريه قريب