فزعتكم يا أهل الخبره................................؟؟؟

[عبدالرحمن العمر]

السلام عليكم ورحمة الله وبركاته
:director: :director:
ياشباب مكشات عندي جيب vxr :redcar: موديل 97 خربت عندي دودة الدركسون وصلحتها..
بعدها ولعت عندي اللمبه حقت (الاير باق ) وحاولت انها تطفا وعجزت ومريت لي كم ورشه ويقولون نفصل سلك الكهرب حقها ولا تشتغل ابد ..

من عنده الطريقه الي اصلحهافيها بدون فصل سلك الكهرباءءءء...

من يفيدني جزاه الله خيرا0 :good:

[أبو أسامة]

السلام عليكم ورحمة الله وبركاته
أن شاء الله أن مشكلتك بسيطه ..
وعندي لك حل يمكن ينفع .. وهو حل البرمجه ....
وهو أن تقوم بفك السلك الموجب والسالب وتبعده عن البطاريه لمدة 20 إلى 30 دقيقه ....
وبعد ذلك تعيد السلكين إلى البطاريه ..
وإن شاء الله تكون السياره قد أعيدة إلى برمجتها السابقه ...

* ملاحظه : ربما بعد أن تعيد السلك تكون تغيرت بعض الأشيائ بالسياره مثل تشتغل لمبة الأير باق مع غيرها ... إذا حصل ذلك أعد طريقة البرمجه مرة آخرى . وإن شاء الله ترى بنفسك ..

للمعلومية أنا عملت الطريقه هذه مرتين في الددسن الجديده اللي معي ونجحت وإشتغل المسجل بعدها لأنه طفى بعد المره الاولى ولا إشتغل الا بعد الثانيه .
أما بالجيب اللي عندي سويتها مره وحده وطفت لمبه المحرك لأنها كانت مشتغله من يوم غيرت السير .....
والله يوفقك دنيا وآخره ...

[عبدالرحمن العمر]

جزاك الله خير ......اخوي ابو اسامه
على هالمعلومه ..وعلى العموم ابجربها على طول :burnout2: واعلمك بالنتيجه

[عبدالرحمن العمر]

السلام عليكم ورحمة الله وبركاته

للاسف اخوي ابو اسامه جربت وفصلت اصابع البطاريه لمدة ساعة ونصف..
ولم يتغير شئ...

من يفيدنا بمعلومه وطريقه ثانيه؟؟؟؟؟؟؟

سمعت انه لازم برمجة كمبيوتر ويصلح بعدها.. هل هذا صحيح؟

[أبو أسامة]

كم مره سويتها وليش ساعه ونص الله يهديك ... أهل الخبره قالوا 15 دقيقه إلى 30 ...
أمش على السياره يومين وإنشاء الله بتنتهي المشكله لا تخاف إن شاء الله ما راح يطلع كيس الهواء .... وإذا ما راحت خلال اليومين فعليك بالبرمجه عن طريق الكمبيوتر الخارجي ..
موجود :
عند وكالة تايوتا فيه برمجة كمبيوتر وإيضاً عند بعض الورش في صناعية وسط البلد بالرياض .... بس الورش ما أدري إذا عندهم برمجه لموديل 97 ..

[عبدالرحمن العمر]

سويتها مرتين الاولى خليته حوالي نصف ساعه0

والمره الثانيه فكيته قبل صلاة الجمعه ويوم جيت من الصلاة ربطته ولا جاب فايده0

وعلى العموم ابنتضر على كلامك يومين عسى الله يهديها وتطفى

وكان ماطفت وديناه للبرمجه .. لكن هل البرمجه تخليها تضبط ؟؟؟

[أبو أسامة]

أكيد لأن البرمجه تجعل كمبيوتر السيارة نفس ماهو موجود بالكمبيوتر حق البرمجه يعني ترجع زي ماطلعت من الشركه من ناحية البرمجه ..
للمعلومية إذا بغيت تبرمج في الوكالة أو اللي شغلهم مظبوط أنه لازم تغير البواجي والفلتر يعني يسوون تصفية مكينه ,,,.... يعني إذا أنت ملزم على البرمجه لا تضيع فلوسك وتغيير البواجي والفلتر هاليومين إلا عندهم ..
والله يوفقك ...

[القماري]

المشكلة حاصلة معي في نيسان باترول والحل الذي أعرفه أنك تاخذ السيارة للوكالة أو لورشة بها كمبيوتر موثوق وسيقومون بعمل تجديد للبرمجة.
على فكرة أنا لم أصلح هذا الخلل وهو من العام الماضي والسبب أني عملت ميزانية للدريكسون من الداخل وقد فصل الفني الكهرباء وشبكها مرة ثانية فكانت النتيجة وميض اللمبة المتقطع. وقد ذهبت بها للوكالة وكانوا يريدون النصب علي بالسعر فأنسحبت عن التصليح.