ماهي افضل طريقة لتنظيف فرش السيارة من الزيوت؟؟

[بدران9]

السلام عليكم ورحمة الله وبركاته...
مثل ماهو موضح بالعنوان... ماهي افضل طريقة لتنظيف فرش السيارة من الزيوت؟؟
ركب معي مكانيكي البارح نفحص الموتر وثيابه كلها زيت حسبي الله عليه.. طبعا المرتبة فيها زيت كنه شحم اضافه لمكان الرجلين اعزكم الله... ولون الفرش فاتح جدا...
فماهي افضل طريقة لازالة هذه الزيوت..

[ابوديما]

لدى المهوس للسجاد بخاخ لتنظيف السجاد بس تراه غالي بخمسين ريال قد يخفف لك تلك الأوساخ ولكني أنصحك بمحلات تنظيف وتلميع السيارات فهي أفضل

[بدران9]

لدى المهوس للسجاد بخاخ لتنظيف السجاد بس تراه غالي بخمسين ريال قد يخفف لك تلك الأوساخ ولكني أنصحك بمحلات تنظيف وتلميع السيارات فهي أفضل


هلا بك ابو ديما...
اتوقع اللي عند المهوس تنظيف بسيط شاهي... قهوه... شاهي بالحليب :D ... لاكن اللي عندي زيت اسود كنه شحم.. يعني يالله يحله البنزين واخاف على الفرش يتغير لونه...
ومحلات التلميع فكره حلوه بس كم بتقعد عندهم السياره اضافه الى ان الفرش كله جديد باسثناء المنطقه المذكوره.. يعني حرام ادفع ميتين على عشرين سنتي..

[كبسولة2]

سوي تلميع كامل لداخلية السيارة بــ 200 ريال

يغسلون المراتب والأرضية

[سوبر VTC]

عليكم السلام و رحمة الله

خذ هالقاعدة
اذا رحت لم ورشة او تشليح
اقلب الفرشة الارضيه :good:
سواء للسواق او الراكب
حتى بالشتاء وقت الامطار
اقلب الفراشات :good:
لان الفرشة اذا كان عليه ماء لو خفيف
تطلع من بكرا ريحه خايسة
ماء او طين

عموما
رح لمحلات تلميع السيارات او التنجيد
ما ياخذ معهم 10دقائق
حل اخر
كب على الفرشة رمل ناعم و افركه على مكان الزيت
همن اغسله عند مغاسل السيارات
بواسطة بخار الماء ضغط عالي :good:

[بدران9]

سوي تلميع كامل لداخلية السيارة بــ 200 ريال

يغسلون المراتب والأرضية

الاخ العزيز كبسولة2 السيارة جديده ونظيفة من داخل ..لاكن مايمنع نمرهم ونشوف وش يقولون..

[بدران9]

عليكم السلام و رحمة الله

خذ هالقاعدة
اذا رحت لم ورشة او تشليح
اقلب الفرشة الارضيه :good:
سواء للسواق او الراكب
حتى بالشتاء وقت الامطار
اقلب الفراشات :good:
لان الفرشة اذا كان عليه ماء لو خفيف
تطلع من بكرا ريحه خايسة
ماء او طين

عموما
رح لمحلات تلميع السيارات او التنجيد
ما ياخذ معهم 10دقائق
حل اخر
كب على الفرشة رمل ناعم و افركه على مكان الزيت
همن اغسله عند مغاسل السيارات
بواسطة بخار الماء ضغط عالي :good:







اهلا بمشرفنا الغالي ...

مقلبهن بس اللي ركب الله يعزك رجلينه كبار شوي والزيت جاي يمين ويسار.. وليت الدعوه على مكان الرجلين حتى المرتبة ماسلمت منه... لو داري عنه ركبته بالشنطه...

وياقرب اني بروح لمحلات التلميع... على قولتهم عط الخبز خبازه...

[سوبر VTC]

بس اللي ركب الله يعزك رجلينه كبار شوي والزيت جاي يمين ويسار... لو داري عنه ركبته بالشنطه....



هههههههه
الله يرجك عيار فسقان :D:p:D

[mis7l]

اخوي بدران9
فيه ماده يستخدمونها المكانكين اللي في الشركات الكبار اذا جاتهم شحم او زيوت يحط الماده عليها ويفركها وبعدها بالماء وتروح بس اسم الماده والله ماني عارف اسمها
مو بونكس 3في1 نظافه ريحه وتوفير ههههههههه

[ابوعقل]

وعليكم السلام ورحمة الله وبركاته

رح محل تلميع السيارات وخله يفرك السيت ومكان الوصخ بس

وياخذ 40 ريال بالكثير

ما يحتاج تلمع كامل

[مزاحم]

الديتول اللي هو مطهر عجيب عندي ثوب عليه بقعة حبر ناشف كبيرة ومركزة بسبب أني غسلت الثوب وكان فيه قلم وجميع الحبر اللي في القلم تجمع في منطقة وحدة وأصبح مركز وديته لمغسلة ملابس ماقدر يطلعها وحاولت أجرب أكثر من مادة حتى أني شريت بخاخ خاص لإزالة البقع وما طلعه الا الديتول بدون خلطه مع الماء طبعا الحبر بعد غسل الثوب أصعب بكثير من الزيوت والشحم

[khaled1378]

مشكور على فتح هذا الموضوع للستفاده للجميع

[الدوادمي11]

اخوي الله يوفقك والجميع لما يحبه ويرضاه قارورة سفن اب العائله وتخلي مراتبك تلق اسأل مجرب

[swaswa]

الحل سهل

ويكلفك 15 ريال

روح محلات الزينة واسأل عن منضف للفرش والسجاد اسمة STP

علبة اسطوانية لونها اصفر

رشها على مكان الزيت وانتظر دقيقة او دقيقتين وبعدها افرك المكان

وكرر التجربة على حسب الحاجة

البخاخ هذا مفعولة سحري

ولا يلعبون عليك ويقولون لك عندنا نوع ثاني افضل

خذ نفس النوع
لاني صار لي نفس المشكلة وحليتها بنفس المنتج

والنتيجة راح الزيت 100%

[قطب 999]

اخوي بدران9
فيه ماده يستخدمونها المكانكين اللي في الشركات الكبار اذا جاتهم شحم او زيوت يحط الماده عليها ويفركها وبعدها بالماء وتروح بس اسم الماده والله ماني عارف اسمها
مو بونكس 3في1 نظافه ريحه وتوفير ههههههههه

صدقت سبق ان شفتها عند واحد لديه شاحنات يقوم بصيانتها وهو جل لونه ابيض

[السيد حسين]

السلام عليكم ورحمة الله وبركاته

وانا يشباب عندي نفس المشكلة بقعة زيت كان جالون زيت الزيتون مفتوح وعدم الارض والارضية بيج فاتح الي عنده حل لايبخل علينا مع العلم جربت داك وفانش واس تي بي وصار الالارض والمقد اسود بدل البيج

في انتظار نصايحكم

[سلفرادو ابيض]

خذها مني خذ لك ماء بمقدار واحد لتر وأضف عليه مقدار فنجان شاي كلوريكس بالاضافه الى علبه صابون تايد ابو ريال واخلطهم مع بعض لمدة دقيقه الين يتجانسوا ومن ثم افركها بفرشه تنظيف ناعمه لمده خمسه داقائق وكرر العمليه عند عدم ازالة البقعه تماما


والافضل ان تسكب نصف الخليط وتتركها لمدة ربع الى نصف ساعه حتى تتحلل الاوساخ ومن ثم تقوم بفرك المكان المتسخ بالباقي من الخليط باستخام الفورشه الناعمه وصلى الله وبارك