المساعد الشخصي الرقمي

مشاهدة النسخة كاملة : اللي يعرف المشكله لا يبخل علينا هدد 98


كريزي نت
22/12/2009, 12:16 PM
السلام عليكم ورحمة الله وبركاته .. مساكم الله بالخير والرضا والعافيه

يالربع انا معي جيب 98 g هدد :redcar:

ومن قديم وهو معي لكن ايامه هذي صاير ماااش لمبة التشييك مولعه وصايرن ضعيف في القومه مايقوم بسرعه مثل اول
يعني لازم يوصل الضغط على 2 بعدين تقول توك داعسه يفز بسرعه << وش المشكله ؟؟
و لمبة التشييك ماتشتغل الا لما امشي كيلوين او 3 وتستمر الين اطفي السياره

مع العلم اني فحصته كمبيوتر ولا بين اي شئ وغيرت بواجي واسلاك بواجي وبلوف وغيرت السخانات :(

واللي عنده حل لايبخل علينا وله الدعاء الصالح إن شاء الله ...
haytm
22/12/2009, 12:21 PM
هلا اخوي شيك على سلك المنظم للبخاخ تراه مكان بالمكينة صعب وعلمني عشان اذا مازان اشوف حل ثاني وانا معك مستمر
كريزي نت
22/12/2009, 12:25 PM
هلا اخوي شيك على سلك المنظم للبخاخ تراه مكان بالمكينة صعب وعلمني عشان اذا مازان اشوف حل ثاني وانا معك مستمر

الله يجزاك خير اخوي ويوفقك ان شاء الله نشيك اليوم العصر ونردلك لاهنت
haytm
22/12/2009, 12:26 PM
وهل هو يقطع الين يفز ولالا رد
راعي البرقه
22/12/2009, 12:26 PM
سوله تصفيه عامه وجيك على الكابريتر وخلهم ينظفونه

والمبه جيك على الضخيره حقت موترك

والله يوفقك
haytm
22/12/2009, 12:28 PM
اذا رحت الورشة قله شيك على سلك المنظم ومثل ماقلت مكانه خارجي ولكن تخت ممكن تحت الفلتر
كريزي نت
22/12/2009, 12:31 PM
وهل هو يقطع الين يفز ولالا رد
لا مايقطع بس ثقل قوي في الفزه واذا تعدا الضعط 2 صار ولا احلى خفيف وعزم
كريزي نت
22/12/2009, 12:33 PM
سوله تصفيه عامه وجيك على الكابريتر وخلهم ينظفونه

والمبه جيك على الضخيره حقت موترك

والله يوفقك

الله يوفق الجميع لكن الموتر بخاخات ولا فيه كلبليتر ولاهنت على ردك مشكووور يالغالي
اتغلبي
23/12/2009, 04:07 AM
المشكله عندك مثلي تمامن والحل غير حساسات البخاخ ويظبط موتراك
تراني مجرب وصاير معي نفس الشي الحساسات عددها اثنين تجي تحت
الثلاجه قيمه الواحد 380 تقرين
سوبر VTC
23/12/2009, 04:19 AM
غير حساس او منظم تي بي اس يدور مع دوارن اللهاة
راكب على نفس اللهاة ب170ريال تقريبا
و ان شاء الله امورك زينه
كد غيره احد الربع لجيب هدد م2002
و ضبط الموتر
كان موتره ضعيف بالقومه
ابوعبدالعزيز2220
25/12/2009, 11:06 PM
اخوي غير الفلتر حق حق الهوى او شله ومش على الموتر شوي وجرب ترى يمديه مقفل من الوسخ اكرمكم الله
شامخ ألهيلا
26/12/2009, 12:04 AM
السلام عليكم
مرحبا مليون يابن العم
طال عمرك هل سبق وغيرة صفاية البنزين
فلتر الهواء ايضاً

وان شاء الله امورك متسهله
سليمان20041
26/12/2009, 12:07 AM
الله يعينك
كريزي نت
05/01/2010, 12:00 PM
مشكووورين على الردود والله لا يهينكم
والله يوفقكم جميعـآ

الموتر ماخليت شئ إلا سويته ولا به فايده وبعته عسالله يرزق اللي اخذه ويسترعليه
سوبر VTC
05/01/2010, 10:16 PM
الله ييسر امرك اخوي
كد صارت مشكلة لكامري م2001 مابه عزم نهائيا
و تخسر الرجال بتغيير القطع و ماستفاد بواجي ...الخ
مع العلم ان الموتر فاكه وكالة
حصل المشكلة من لي دفع الطرمبة بنفس التانكي منشعر و منشق يهرب بنفس التانكي
غير اللي و صار الموتر تمام ما شاء الله
الموتر صلحه عند ورشة البريدي شرق معارض النسيم على نفس شارع عبدالرحمن بن عوف
وين موقعك ؟؟؟
لك رسالة على الخاص

موفق
عبدالرحمن 11
06/01/2010, 02:36 AM
لمبة التشيك شغاله معك على شان
عداد السرعه مايشتغل فيه قطعه
بلاستيك تركب في القير غيرها
ان شاء الله يصير كل شي تمام