ماهي أقوى سيارة تتحدى التغريس في الرمال ؟

[شبح الغابة]

أسعد الله مسائكم بكل خير ماهي أقوى سيارة تتحدى التغريس في الرمال ؟

[escape_man]

القيادة في الرمال تعتمد على عدة عوامل منها الميكانيكي مثل حجم المكينة ومايرتبط به من عزم وتورك ..

ومنها خفة وزن السيارة ونوع وحجم الاطارات ومقدار تنقيصها

وبالاخير مهارة السائق

ويمكن يجمع كثير من هالعوامل الجمس الحوض

[مشاري الجميلي]

عندك السوزوكي إذا ركبتله مكينة ست أو ثمان سرندل


أضملك يرقاء اي طعس تشوفه


لأن وزنة خفيف وعزمه قوي

[اليكي]

1- اف جي
2- فورتشنر ( 6 سرلندن )

هذولن مافيه امل يغرزن لو تركبه اكبر غشييييييم

[برق الشمال 11]

طبعاً وبلا منازع الجيب الربع تيوتا إذا كان جنوط عراض ومع سواق

[مكشاتي ون]

المشاهد والمجرب أن النيسان أخف من التويوتا

[اسمي بالسما]

افاااا بس وين رحت يالبليزر 91 ونازل هع هع:good2:

[Mr.3BDULMAJED]

مع اني املك سيارة تويوتا اف جيه كروزر ..

لكني ارى من وجهة نظر ان النيسان الباترول المرشح الاول للمهمه هذي

[لاخلى ولى عدم]

هايلكس غماره يطربك بالنفود

[طحنون]

اخاف اقول الباترول والفتك يزعلون علي بعض الناس
لاكن سجل عندك
رقم واحد البليزر 79 قير عادي مكينه 350 او 454
رقم اثنين الباترول
.................................................. .......................................



لاكن السبب الرئيسي السواق

يعني لو تجيب سياره مكينتها سرندر واحد وسواقه راعي طاره
اتوقع انه يفوز برالي دكار الصحراوي
ولو تجيب واحد وتعطيه دبابه مجنزره وعليه محرك 20 الف حصان وسرعه 6 ماخ
بيغرز عند اقرب شعيب او طعس او على الزفلت

[ماكسس 900]

معروف أن أقوى السيارات تحدي للرمل والغراز
هي نيسان باترول خصوصا ربع
الدفرنسات قويه جدا جدا

[asdali]

السوزوكي الجمني خفيف لدرجة انك ما تحتاج تنسم الكفرات

http://www.mekshat.com/pix/upload03/images135/mk132664_s.jpg

[شامخ ألهيلا]

انا اقول جيب هونداي هع :good2:
يالربع لو تجيب سيارة دفرنس واحد ومع سواق ماراح يغرس
اخبر واحد طالع الرمله مع خويااه بسيارته الخاصه وهي جمس قطع 10 دفرنس واحد
وطاح لهم جيب في نقره ولاطلعه الا سواق الجمس:good2: :good2:

ليس السيارة الي تتحدى التغريس
بل السواق هو الي يتحدى

وسلامتكم

[المتليك]

النيسان
الشاص
والسواق اولا واخيرا
تحياتي

[ميمون111]

النيسان باترول الربع
والمستبيشي الباجيرو
والتايوتا الربع والشاص
سيارات قويه في النفوذ
ويبقى السواق له دور

[escape_man]

انا اقول جيب هونداي هع :good2:

يالربع لو تجيب سيارة دفرنس واحد ومع سواق ماراح يغرس
اخبر واحد طالع الرمله مع خويااه بسيارته الخاصه وهي جمس قطع 10 دفرنس واحد
وطاح لهم جيب في نقره ولاطلعه الا سواق الجمس:good2: :good2:

ليس السيارة الي تتحدى التغريس
بل السواق هو الي يتحدى


وسلامتكم



ياخي ليش الغلط :D

الجمس لاقينه طايح بالشارع :mad:

يكفي شعارنا

:f مااااايغرزز :f

الجمس مايعرف له الا اهله .. ثمانيه سلندر تررررررعد

زود عليها كرونات 11\41 ودفرنس 19 وامرح

http://www.ksh5h.com//uploads/images/ksh5h.com9f26dca0c6.jpg


http://www.syadh.com/vb/imgcache9/36509.jpg

[هويدي]

قرنديزر مافيه امل يغرز

مثل ماتفضلو الخيل من خيالها

العلم على السواق

[صاحب خير]

انا من وجهة نظري الاف جي اقوى سياره وبــــــــــــــــــــــــــس

[مشحن 2009]

>>>> الاكس تيرا السيارة المقاتلة <<<<

[الوافي الشمال]

ركب كفرات شاهين ياباني وبشرط تمتيك على لند كروزر 2003 وحط فيهم 20 الى 25
وتعال شف وبشرط اني انا الي اسوقه ههههههه

[سمبوك]

1- السواق .
2- السيارة .
السواق انا
والسيارة البرادو (6) سلندر + باثفند
مجرب
ومتحدي مع بارتول 99 وجي اكس ار تايوتا 2002 وجي تايوتا 2005
وانا برادو 2006 + الباثفندر 2005
ويسلمو

[ابو جبال]

باجيرو ياخوان باجيرو 2001 وطالع

ولا اروع صدقوني واسألو مجرب

[(((.ابوتميم .))))]

كل سيارة فيهااا حقها لاكن الربع تيوتا والشاص تويوتا والاف جي زين بس شكله غبي
والخيل من خيالها والسيارة من سواقهاا

[الادعج]

والله انا اشوف ان نسبه 60%100 تعتمد على السواق ..تقولي شلون ؟؟اقولك اضرب لك مثال...الان كلنا نشوف اهل الباديه يروحون للدهنا والنفود الكبير علشان يحطبون ووشي مواترهم ؟؟>>دتسن 82 ^هنقلين وشنابربعد:D ^ومع كذا وتلقى الموتر محمل الين داخ لكن السواق باخص الامور وعارفها ...
لكن بعد الموتر مايقل اهميه من سابقه ..وانا اشوف ان جيوب نيسان بشكل عام هي الاجدر بالرياده على الرمال ..تقولي شلوووووون؟!؟!؟! ..اقولكم ....

ياخوان في شي يجهلة الكثير عن جيوب النيسان
السيارة اسلوبها في التقنية من محركات وقاعدة والكبينة
انها تركز على التعامل مع الرمال اكثر من الجبال
كما تشاهدون ان الخفة في الوزن ونظام التعليق
وتصنيع المكينة والقير والدفرنشات يثبت ذالك
السيارة في الجبال لايهم اذا زاد وزنها اما في الرمال
تتمنا ان لاحد سواك في السيارة حتى تكسب التحكم وعدم العلق في الرمال
وفي الرمال تحتاج الى نسب غيارالقير متقارب كما في سيارات النيسان
حتى تجعل من خلفك نافوره وماتمسك الارض
في السباق والتحدي الكل يرمي ابواب وديكورات السيارة ويتخلص من كثير من الوزن
النيسان ريحك من هذا العناء للحصول على المطلوب
وفي الرمال تحتاج السيارة الى حرارة متدنية وفي النيسان ذلك
اما في الجبال تكون الحرارة منخفض اغلب الاحيان
وفي الصحاري والنفوذ فالحرارة نار 50 او 50 واحيانأ 50
:good2: :good2: :good2: :good2: :good2: :good2: :good2:

[حيدر الو]

حقيقة تعتمد على السواق الرجاء دخول الرابط التالي
http://www.youtube.com/watch?v=2MHlQmJA6IY&feature=player_embedded

[س ل ي م ا ن]

أنا أقول أنه تعتمد على السياره والسواق
أنا بنفسي داخل مع خالي بددسن ديزل ولا غرزنا

وخويي بسيارته باترول ساحب شاص
فالسياره مقياس+السوااق

[دسوقي]

جيب سوزوكي 84 شد بلد خياااال بس نسم واشبك الخفيف انا مجرررررررررب

[moafaq999]

الاعتماد الاول على السائق الماهر في النفود
ثانياً الموتر الطيب وانا اقول مافي اقوى من الجيب الشروكي ولا اقصور في المواتر الباقيه

تقبلوا تحياتي

[نيتروجين xp]

فعلا .. غير الشيروكي لا تدووووور .. انا مجربـهـ ..

والعلم على السواق ..

[دريم537]

ربع تايوتا
:good2:

[خشيمان]

في نظري انه ربع التايوتا ازين موتر ,,,

[القائد11]

يا اخوان هي تعتمد علي السو1111111111111ق

بعدين تجي السياره

انا في نضري السزوكي فيتارا اقوي من الجمني ومن السوموراي

ولاكن هناك الربع تويوتا وكذالك الشروكي خفيف والاخف من الشروكي الفور شنر سته سلندر

دمتم بود

[صقر الحراملة]

ما أظن فيه سيارة مثل الشاص في تغاريز و لا جبال

تحياتي

أخوك صقر الحراملة

[مدمن فتك]

جربت ثلاثة سيارات :
طريقتي ادخل للبر بدون تنسيم الين يحفر الموتر ويغطس بعدين انسم واطلع من الرباضه .
الموتر الاول : شروكي باب واحد قير عادي 99 : طلعته من الرباضه متوسطه مهي ذاك الزود.
الموتر الثاني:شاص بريمي فل كامل 2006 : ثقيل بالتغريز لكن اذا شغلت الدفلك فز لكن مهو بسرعه.
الموتر الثالث:سفاري 2009 قير اتماتيك:الشهاده لله ان الرباضه ماشاء الله تدق له تحيه موتر بر .
والتجربه خير برهان

[عشقي شمالي]

من وجهت نظري

الجمس الحوض حتى لو كان دفرنس واحد

يكفي شعار (ما يغررررز )

[مدمن فتك]

الجمس الحوض وغيره ماينطح الباترول ابدا من تجربه

[خب النقع]

باااااااتروول ربع

[ونش]

يكذب الي يقول ماقدغرز او الموتر الفلاني مايغرز كل سياره لازم فيه يوم راح تغرز لاكن السؤال هل اذا غرز يطلع بدون سحب انا عندي اكستيرا 2008 غرز كم مره لاكن ما قد تعلق وربض في محله يعطيك مجال برح الرمل ويطلع ما اخبر اني قد استعنت في سياره ثانيه للسحب

[مدمن فتك]

الباترول الفتك
الاكستيرا
وحوش بر

[ابو jgjc]

سلملي على الهايلكس دفرنسين 98

[شاص2001]

هي على السواق انا اشوف ان الشاص هوالي ينفع يالبا قلبه

[Avalanche]

ليس السيارة الي تتحدى التغريس
بل السواق هو الي يتحدى






هذا الكلام الصحيح !!

[tahoe2008]

إي والله وين راح الشاص ؟؟

والجمسات القديمة إذا تم تجهيزها للبر يصيرون وحوش وما في طعس يتصدى لهم

ومثل ما قالوا الإخوان في الأخير الموتر بسواقه

[الرأي الآخر]

الباترول بلا منازع
انقلك العلم من ناس مجربين في الرملة "الربع الخالي"

[خشم العرمة]

هاذا موضوع دائما مدار نقاش وكل واحد يمدح الموتر اللي جربة او اللي يحبة
بس لو سألت اهل المكاشيت والحطابة واللي يرحون للنفدان واجد يقولك ان مافية شي اسمة سيارة ماتغرز كل السيارات قابلة انها تغرز وانا قد شفت شيصان وجيوب نيسان او تايوتا مغرزة أذا الموضوع يرجع اولا وأخيرا بعد توفيق اللة على السواق ثم السواق ثم السواق
وتنسيم الكفرات مهم جدا جدا جدا
والشرح يطول

[الهدد يابعدهم]

السـواق لـه دور كبـيـر

[S4500]

نيسان يا تعبان

والله كبير يا الباترول خفة ويطربك في نفود

كبيــــــــــر

[الجيب الريو]

قد تستغربون يا اخوان لو قلتلكم الجيب الريو لا يمكن يغرز
بشرط تنسم الكفرات وتكون بالون
والله عندي الان 6سيارات دفع رباعي
جيب مرسيدس جي 55
600 حصان
بكب فورد اف 250
10 سرندل
مرفع 20 سم وجنوط وكفرات 38
بكب فورد 150
8 سرندل
باترول 98
عدد 2 جيب ريو
خبرة 40 سنه بالطعوس
وزي ماقالو الاخوان السواق اولا

[s3ed]

السلام عليكم

ياريت تكون الردود من دون تحيز لسيارة لحب هذة السيارة فقط

انا اعشق التويوتا

بس اشوف النيسان باترول الربع عجيب في الرملة

التويوتا تقيل بس ميزة الدبل الثقيل فية عجيبة وتحس بالفرق اذ طحت في رباضة قوبة
النيسان ماتحس بقوة دبلة الثقيل +سخونة الكلتش اذا ضغط علية



الموضوع طويل ومتشعب

اهم شي نخفيض الهواء الي 10 او 12 بالكثير وشف المشي +مهارة السواق وخبرتة

[mngahi]

عندك السوزوكي إذا ركبتله مكينة ست أو ثمان سرندل


أضملك يرقاء اي طعس تشوفه


لأن وزنة خفيف وعزمه قوي


سوزوكي النوع القديم موديل 80 و 82 جربتها زمان كان معي و الله ما يغرز الى في شي قاهر مره اتحدى به الصباخ و الطين و ممكن يكون الجديد جيمي قوى مثل القديم
و السبب خفته و قوه محركاته


شوف الرابط

http://www.youtube.com/watch?v=qr8eEWyKQHM&feature=related

[أنا الذي...]

السواقة اولا
لكن ما اشوف طاري فالموضوع للشروكي ما عدا إثنين من الردود,مع اني اشوف أنه الشروكي روعه جدا ولا يرده شي وخفيف جدا بس فيه مشكلتين إذا غرز وصك بطنه فالارض صعب يطلع بدون سحب من سيارة ثانيه(وهذا راجع لقوة دفعه وخفة وزنه)وعيبة الثاني هو ارتفاع حرارته في الصيف
بقولكم على حاجه وصعب تصدقوها في ماره كان معنى فالولايه رونات(تطعيس) وبعض الشباب كانو يجو من خلف العرج(الطعس)ويوقفوا سياراتهم فوق وكلها مواتر قويه ودفع رباعي وبعد فتره ونحن نتابع التطعيس فإذا واحد يطلع سيارته من ورا العرج ويوقفها في قمة العرج وجذبت أنضار الناس فإذا سيارته هي إيكو!!!!!

[no fear 78]

كله على المضمر اذا ما يعرف امته يجلد الحصان يا الحصان يتعب من كثر الضرب و ايغرس يا يطمر فوق الطعس و يكسر خشمه طال عمرك

[mgmg]

عند السواق

[أبوغيث 2003]

ما بوهـ موتر ما يغرز

[نيسان غرآمي]

والله مادري وش أقول بس يبقى أهم شئ
1- السواقه ;)
2- السياره
وأقوى وسياره او ماتغرز بوجهة نظري الفتك >4800وخاصه الدبل الثقيل بوه قوه غير طبيعيه
دايم أغرز او اتعلق واطق الدبل الثقيل بون الدفلوك
ومشاء الله كأن الموتر على سفلت


معليش على الاطاله

[شامخ ألهيلا]

ياخي ليش الغلط :D

الجمس لاقينه طايح بالشارع :mad:

يكفي شعارنا

:f مااااايغرزز :f

الجمس مايعرف له الا اهله .. ثمانيه سلندر تررررررعد

زود عليها كرونات 11\41 ودفرنس 19 وامرح




http://www.syadh.com/vb/imgcache9/36509.jpg[/center]


مرحبا مليووون ياولد زايد
لا والله ياخووك ماعاش من يغلط على الجمس
وخاصه الجمس الاحمر ابو رفاارف :D :D <<< اذبحه عند الجمس
بس اقصد ان ابو دفرنس سواء ددسن ولا جمس ولاهايلكس
ومع سواق بالنفود ماراح يطيح موتره لو نسم الكفرات

وزي ماذكرت في القصه راعي جمس دفرنس واحد يقنص في الرمله وغرس لهم جيب ولاطلعه الا سواق الجمس

يعني اهم شي الدرايفير

اسعدك ربي

[طير جنون]

انتم تقيسون اللي انتم جربتوهـ بس لكن المعروف وهو اقوى سيارة بالعالم تتحدى الرمال

لاند روفر

[نفود الطوقي]

النيسان خفيف
والسواق له دور فعال

[التعـ King ـديل]

يالبا النيسان .. وين ماتروح وتسئل ماله منازع

تبي رمل ولا خط غير النيسان لاتدور

رقم 1 في كل شي وعن تجربه

كان معي ربع 89 هذاك الربع طلعت شاص مثلوث وفكسار غاطس وغيرها الكثير

اكثر من 20 سياره ولله الحمد سبق ان طلعتها من غراز بهالربع مافيها ولا موتر نيسان

[Under_net]

كل السيارات تغرز

لكن الباترول تقدر تطلعه بأقل مجهود حسب تجربتي

ماكذب من سماه ملك الصحراء

[عايد الحربي]

جيب نيسان اكسترا
والله ياهو قوي

[مفتون الرمله]

النيسان بلا منازع مع اني مااميله
بس الحق يقال

[مدمن فتك]

يبقى الفتك فتاك

[المغترب292]

جيب ربع تويوتا
خوي وهيبة وقوة وين ماتروح رفيقك
حتى لوكنت لحالك الربع صديقك وقت الضيق
انا حياتي كلها تويوتا ربع اشوف انه افضل سيارة للبر
بلا منازع مع احترامي وتقديري للشاص هوكذلك
موتر جبار للعزبه والبنزين والماء والسبيرات
صدقني مافي زيها
هذا راي واحترم اراءكم ولكم جزيل الشكر
اخوك/المغترب292
فهدالخيبري

[مطر وسم]

بالنسبه لي اناء معي فورتشنر2012 اربعه سلندر دبل امشي فيه بالطعوس والشعبان ولا عمره غرز معي خفيف مشاءالله احط الهواء على 20 واخش اي مكان ولاعمري شغلت الدبل من شريته جديد

هي تجي على السواق مو على السياره يعني لو سياره تتحدى الرمال على قولتكم مع سواق غشيم بيغرز فيها والعكس صحيح لو سياره عاديه مافيها دبل ويسوقها سواق صاحي فنان مو مغرزه ابد

[ابو ايمن]

من واقع تجربة

ومن بعض المشاهدات لاهل القنص والرحلات الصحراوية

النيسان ( السفاري ) بلا منازع

ولاحظ رحلات الربع الخالي والقروبات السفرية دااائما النيسان في المقدمة

تحياتي العطرة للجميع

[الصيادالمليح]

لادا دفع رباعي خفيف و عزمه قوي و اذا غرز وما قدر يطلع اربعة او خمسة شباب يشيلونها من التغريز

و عن تجربة لاندكروزر ديزل موديل ٩٣

و حاليا اكسبديشن قصير دبل

و طعست بكامري موديل ٩٤ بدون تنسيم

اهم شيء السواق و كيف يتصرف

بس اذا تبي سيارة ما تغرز ابد عندك البيغ فوت اللي يجي كفراته طوله مترين ونص هذا حتى و انت تسوق ونايم ما تغرز

و حاليا افكر في الفورد رابتر وحش الصحراء الجديد×

[صاروخ الغطغط]

مع اني املك سيارة تويوتا اف جيه كروزر ..

لكني ارى من وجهة نظر ان النيسان الباترول المرشح الاول للمهمه هذي

ونا ارشح النيسان الباترول

[طلال مكشاتي]

بطل الدروب الباترول
وعلى حسب السواق

[ابو البر]

ما فيه سياره ما تغرز لعدة اسباب منها
1- السائق .
2- مكان التغريز .
3- الطقس.
4-وزن الحموله .
5- ضغط الكفرات .
والنصيحه اللي اقدمها هي ان لاتاخذك العزه بسيارتك .
فقط عليك ان تتجنب الصعوبات قدر المستطاع فان لم تستطيع وصرت في موقف غراز فا اول شي لازم تسويه وتفكر فيه هو ضبط اعصابك وان تعلم انها ليست نهاية العالم .
كل ما عليك فعله هو معرفة ان المشكله يبغالها تسهيل مشي السياره بدون عائق امامها .....وذلك بسحب الرمال من امامها ومن تحتها بكل هدؤؤؤؤ وبدون اجهاد لنفسك ومن معك ....وخذ وقتك ولا تستعجل في تشغيل السياره ومحاولة الخروج با أنصاف الحلول على امل ان وان وان .
المسحاه او الكريك تسهل عليك اخراج كل ما يعيق كفرات السياره من التقدم للأمام او للخلف او تحت السياره .
وبعد ذلك تنسيم الكفرات واذا امكن رفعها بالعفريته قدر المستطاع لجمع الرمل تحت الكفر .
خذ وقت كافي في عمل كل ما ذكر .....وبعد ذلك قم بتشغيل السياره وقم بالمحاوله بكل هدؤ لكي لا يخرب عليك قير السياره او شي اخر لاسمح الله .
موضوع غراز اي سياره شي بسيط ما دمت تفكر انه شي بسيط .
اسف على الاطاله والله يعلم بالنيات .
وشكرا للجميع .

[محمد ابن عيد]

هي ع خفه السياره
و انا ارشح الاكستيـرا

[الحربي 591]

لا تدور لها منافس في البران

http://www.mbc.net/.imaging/stk/mbc/photo-mod4/media/Photos/2012/junuary/1st-week/1-(2)/original/989181d1951c0379b5a293eda2eab7d0437ff6b9/1%20(2).jpg

[آخر العنقود]

بغض النظر عن نوع السياره الكلام علي السواق بالأول والأخير وفيه غشمان لو تعطيه جيب ودبل يغرز به.

[فياض الربيع]

تويوتا ربع كفرات هنكوك والهواء 10

اهم شي جنوط جي تي او اي جنوط تخلي الكفر يفرش في النفود

بس اولا واخيرا نرجع ونقول مافيه سياره ماتغرز بس الربع التويوتا خيال

لكن اذا بتطلع للبر مثل الدهناء او الرمله لابد من ٣ سيارات اقل شي لو حدث شي لاسمح الله
فيه سيارات غيره لان الدعوه ماهي على تغريز يمكن تخرب السياره او اي شي غير التغريز

طبعا كلامي هذا عن تجربه ايام التطعيس كان معي جيب ربع

وماذكر انها غرزت فيني ابد مع اني شبه يومي بالنفود

[الوسم الشمالي]

مافيه سيارة ما تغرز , كل السيارات تغرز وتتعلق بعد , والمصيبة الكبرى إذا خفس في طين هنــا تتحول إلى مشكلة حقيقية ممكن أنها تلحق الأذى بأجزاء السيارة وتحتاج بعد غسلها إلى تغيير عدة قطع ميكانيكية وتشحيمها , أنا من رأيي لك إذا أنت طرقي راعي أماكن كثيرة بالبر ( عليك بالجيوب الربع بشكل عآم ) أما إذا أنت حاب تستخدم السيارة للبر والطريق , عليك بالصوالين بأنواعها مع أختيار الكفرات المناسبة بحسب الأماكن التي تهوا الذهاب إليها صخرية أو ترابيه , اذا كانت صخرية خذ لك كفر( سلق ) اذا كانت ترابية خذ لك كفر بالون , وبالاول والأخير أختيار الطرق المناسبه لك بالرحله وعدم المجازفة هي إحدى السبل المناسبة لتجنب حدوث المشكلة ..

[أبوحور]

مافي سيارة ماتغرز في بعض التغريزات مستحيل احد يعديها

الكل متفق على ان السواق يلعب دور وهذا اكيد لكن ايضا السيارة ومواصفاتها مهمه جدا

في رايي الشاص النيسان مكينة فتك يجي في المرتبة الاولى بعده الربع التويوتا وبعده الشاص التويوتا

[الصيادالمليح]

هذي السيارة ما أعتقد إنها تغرز أبدا وهي في المركز الأول بلا منازع

http://www.mekshat.com/pix/upload06/images/2014/11/mk141197_bigfoot2.jpg

[الكدن1]

السواق اولا والمطعسين هم الافضل للرمال لانه يجمع بين الخبرة والمهارة وسرعة التصرف والثقة
الذي يسايس النفود نادرا مايغرز لكن الذي يمشي اقطوع ومن فوق السيوف ومع الهويات اكيد يغرز
الذي لايسايس النفود يصلح له التيوتا الربع والباترول الربع وبعدهن الشاص سواء تويوتا او نيسان
اما الذي يسايس الرمال فكل سيارة دفرنسين تصلح
بالنسبة للاف جي والاكستيرا سيارات قوية لكن المشكلة يتعلق بسرعة
هذي تجربتي ورأيي اما باقي السيارات ما أحكم عليهن لأني ماجربت وكما قيل(الحكم على الشئ فرع عن تصوره)

[ABO AZZAM 123]

اخوي قدام عيني صايرة هالحالة

جيب ربع مغرز وجنبه جيب نيسان طويل مغرز وبعيد عنهم شوي هايلوكس مغرز

وسدرك قاعد يطعس ويرقى الطعوس ويمر بينهم وما غرز


السواق رقم واااااااااااااحد بلا منازع

[كتاب]

شاص 6 × 6
8 سلندر


http://i208.photobucket.com/albums/bb13/Hulsty5/P1180809.jpg

[Blazer2009]

والله اشوف البعير الله يعزكم مستحييييييل يغرز واتحدر احد شاف بعير غرز ولابرد عزمه :)

سبحان الخالق هذا صنع الله

[ابو صالح 4]

والله مره من المرارير على قول القصبي كنت في راس طعس وبخرب الكلتش والله ماطلعني الا جيب سوزوكي وسلامتكم

[ذري المعاني]

السيارة أداة بيد مستخدمها كمثل اي أداة اخرى وكلما كانت خبرتك كبيرة في استعمالها تقدر تبدع باي طريقة كانت

[الصخري]

انتم تقيسون اللي انتم جربتوهـ بس لكن المعروف وهو اقوى سيارة بالعالم تتحدى الرمال

لاند روفر

صدقت اخي الكريم
الاند روفر اقوي سياره بالعالم

[جوبتير]

باترول نيسان .. ملك الرمال .. بلا منازع

[أطلال نجد]

العلم كله على السواق شفنا ناس معهم جيوب جديدة و مغرزين على الخط

[أطلال نجد]

أما من ناحية السيارة

فكلما خف وزن الجيب كلما كان أنسب و أنا أرشح للرمال الباترول vtc 4800

[mamool]

ماشا الله لاحول ولا قوة الا بالله

[ريحه الأرطا]

انا بصراحه جربت الربع التويوتا وكان ممتاز بالحيل

والان معي جيب طوارق 2013 وبصراحه اذا نسمت له يتمشى مثله مثل الجيوب الباقيه

هذا اذا ماشطفتهم وهم مغرزين <<<<<< لالالا ماتاصل كذا عاد

[صياد الرياض52]

الباترول وبس

[يزمجر]

مهارة السائق

[قطر السحابه]

مافيه مثل الريع القديم والجديد مثل خفته ومتعة سواقته بالنفود لاكن الي مايعرف وزنيته مشكله قلبته بريال

[قطر السحابه]

طبعاً ربع تايوتا وبالاخير السواق له دور كبير ^^

[بو سعود 38]

سيارة اف جي

[غريب من يوم]

الوحش كما يطلقون عليه وانيت تبع فورد قيمته حوالي 300 الف هذا صبخ اي شي ماشي ماشي ما يوقفه شي ماشاء الله تبارك الله

اسمه على ما اعتقدر رابت f150

[الدبل الثقيل]

رأيي اي سياره ٦ سلندر دفع رباعي تتحدى التغريز
اذا كانت كفرات عريضه والهواء مابين ١٥ و٢٠ والدبل الخفيف شغال
والتغريز لابد منه اما ان السواق مبتدئي
او يكون محترف واخطأ التقدير
اما اذا قلت اقوى سياره اظن المرهمات هي الاقوى وبسعر معقول

[تميم2222]

النياسين المرشح الاول وبلا منازع لانها مصممه لذالك

[الكدن1]

باترول ربع 97 مكينة امريكي من عائلة الس ون8 سلندرمساعدات تدبيل اوكنق
باذن الله انس شئ اسمه تغريز

[بوناصر99]

جيب شيروكي

[ابوصالح3]

السايق ,,,ثم السايق ,,,ثم السايق ,,,,,,,,,وبس

[اْبوعبدالله]

التغريز من السواق وليس من الموتر على طاري السواق عندي سالفه بقولها تحت

المهم كنا بشعيب حريملا نهاية الشتاء يوم كان الجو في الليل برد والصبح دفا كنا بالشعيب جلسنا طبعا حنا 4 سيارات ومن ضمن السيارات ماليبو،2012 المهم جلسنا ساعه والجو زي الفل جتنا غيمة(ن) سودا طبعا جانا مطر الله لايوريكم المهم المطر استمر 15 دقيقة المواتر كلهم فقعو الا راعي الماليبو اللي انا كنت معه المهم وقف المطر والجو زان بس في شي مافكرنا فيه السيل اللي معنا راحو للجبل يصورون ويتميلحون الله يوفقهم وجا المرور مدري الشرطة يقول السيل السيل جاكم المهم اللي بالجبل الزحف جالسين ومعنا واحد كبره 14 قام يصيح صياح انا اضحتس المهم قام يدق البوري اللي يصيح ويسبهم ومعصب وحالته حاله بعد خمس دقايق تقريبا جو المهم كنا جنب جبل وقدامنا باطن والباطن جاه السيل المهم الطاره حقنا فقع لنهاية الباطن وطلعنا على الشارع

المهم ذاك اليوم جا ظحتس الله لايوريكم محدثكم اتمنى عجبتكم السالفه

ابو عبدالله

[areeen]

اذا كل السيارات فيها كذا انسى التغريز بالرمل والطين ومشاكله

https://www.youtube.com/watch?v=f4JEkDcfnbc

والبنشر والعفريته معه

[أبو سيف العمري]

السواق السواق السواق

لو تجيب شيول ويطب الدفرنس بالرمل فإنس إن يظهر إلا بشيول ثاني

خذ ونيت 84 ونسّم الكفرات على ظغط 10 وأشرطلك تتمشى في النفوذ وكأنك في الحوش

تقديري

[سحاب نجد راعي شقراء]

مافيه سياره مهيب تغرز

واذا ان شاء الله صنعو سياره تمشي بخطوات موزونه مثل ابن ادم هذي اظمن لك ماتغرز ابد ابد

والفرس من خيالها

انا معي لاند كروزر جي اكس ار والله لا يفاشل مغرز
ويمرني بزر معه ددسن قدييييم ويدور علي وهو يقول اخاف اسحبك ويشوفونا الناس عيب

[اابوعبداللطيف]

((بطل الدروووووووب))

[محمدالشكره]

باجيرو وبس

[نهر الطيب]

السواق أهم مافي الموضوع
لو السيارة افضل نوع وسواقها ماش تراها بتغرز الا أن يشاء الله
(( على ذكر السيارات اللي ماتغرز فيه شاحنات لأرامكو كفراتها أكبر من كفرات الشيول وكأنها كفرات بالون تلقاها في الصحراء للتنقيب عن البترول .. ماعندي صور لها والا كان نزلتها .. هذيك الا ما تغرز بإذن الله حتى لو ساقها بزر ))

[Abu hmaid]

أذكر واحد معه دقسن غماره وينسم ولارده شي المعمد على السواق
والدروب زينه لاكن مشكلتنا هالتطعيس مانحقر أنفسنا

[وحداني بعرعر]

سيارة المهمات الصعبة والتضاربس المتعددة بلا منازع ديفاندر لاندروفر

[انس المطير]

فورد رابتر 😍😍 بلحاله بالبر

[عمرين العمري]

نسيتوا جيب المرسيدس G هذا يستخدم في المهام العسكرية والحكومة الاسترالية تطلب منه سنويا
وأيضا الديفاندر واللادا الروسي

[Browning-A5]

النيسان باترول

[صياد الاحساء]

الشيروكي وبسسسسسس واسأل مجرب

[Al3rands]

البر كفر وسواق

[saudi hummer]

جميع السيارات لها مميزات وعيوب ولكن هناك عوامل مساعده
1:السائق وخبرته
2-انزيل الهواء واتفاع السياره عن الارض وقوتها العزم والكفرات واصر دائما على عدم الخروج وبسياره واحده مهما كانت قوتها طبعا الكل ذكر نسيان تويتا وسيارات اخرى ونسينا مرسيدس 6ء6 لاتعرف شي اسمه تغريز ولكن لها عيوب ايضا سعرها فوق المليونيين وصيانتها تكلف الكثير

[الموووج]

السلام عليكم
ارشح نيسان باترول استيشن 97
لانه خفيف

[بلجان]

على السواق ،،، هذي العايديات تدخل للدهناء واللواري يدلك ع ان السواق
عامل رئيسي.
الدبل تمشي وانت متطمن ومازاد عن ذلك من دفلوك و اي تراك او تراكشن عوامل مساعده

[الموووج]

السلام عليكم
اذا غرززت في الرباضة

[ارثمس]

الجمس الحوض + السواق

[khaled074]

اي سياره نسم هواها بشكل معقول ( ماهو تبنشر بالكفر )
أمش مشي حسب وزن السياره والوعوره بالخط يكون سلس
حاول ما تعسر الموتر مع طلعه او نزله إلا إذا الموتر غصب عنك بدأ يثولث انصح بزياده الدعس على البنزين ومحاوله تعديل ممشى الموتر حتى وان كانت زاوية الانحراف له حاده ( خل الموتر يمشي مستقيم وتقدر تقوده ما يقودك )
بإذن الله بالطريقه هذي ماراح يبرد وجهك :D وانت تتلفت تدور احد يدف معك او يسحبك
هذي نصايح من واحد يتمشى بكرسيدا :p عام ٩٥ ويتحدى الجيوب والشاصات :j ايام طعس خزام ( الثمامه ) عليها الكلام ايام المراهقه
قولوا ماشاء الله :D

وبالنسبة لسيارة النفود السفاري جديده وقديمه مع ان معي GXR لكن السؤال عن الرمله وافضل سياره بالرمال ( طبعا سيارات متداوله )
لكن مرسيدس 6x6 خرافي يكفي انك تقدر تنزل فيه او تطلع بزاوية ٨٠ أو ٧٥ درجة وانت مطمئن

[مانع 1]

انا واكثر من مره رايت تويوتا سيارات تويوتا هايلكس او ربع تسبح على كثبان الدهنا كانها قوارب في البحر لانها خفيفه وقويه والنيسان وغيره يفعل نفس الشي وطبعا تجهيز السياره للرمل له دور . انا صراحة ما احب السيارات الامريكيه حرق وقود وتلويث جو واحجام كبيرة وكثرة صيانه ومخلفات حتى الامريكان ما يشترونها في بلادهم الا مضطرين بسبب السعر حتى اشكالها معظمها مزعجه .

[جوبتير]

الفتك .. افضل سياره

[كتاب]

http://truckspicture.com/wp-content/uploads/2015/04/dodge-ram-3500-dually-for-sale-uhcp.jpg

[أبوصالح9]

جميع السيارات اللي هواء كفراتهن 15 - حتى لو بدون دفرنس - والبعير اكبر دليل - قال تعالى " افلا ينظرون الى الابل كيف خلقت "

وماعقب كلام ربي دليل

[خوي السطحه]

السواق 80% و 20% السياره اليابانيه باترول تايوتاء والباترول يتفوق اكثر بسبب تعليقه وبطن الموتر مرتفع فوق عن مستوي الارض

[تميم2222]

النيسان مخصص لرمال بلا منازع

[خالد بن عبدالمحسن]

انا اقول اذا بدون جنوط عراض

اقوى سيارة ولا منازع

الربع والشاص
المركز الاول والثاني والثالث والرابع والخامس والسادس والسابع والثامن والتاسع والعاشر
وبعدها السيارات الاخرى

علماً اني جربت الاندكروز والباترول والسزوكي والرانقلر والشروكي

مافيه مثل الوحوش (( شاص )) والربع ولده