المساعد الشخصي الرقمي

مشاهدة النسخة كاملة : استفسار بخصوص الشاص


راشد الحربي
07/12/2009, 12:39 PM
اخواني السلام عليكم .. ومسيتم بالخير

وش الفرق بين الشاص الرفرف والعادي ؟؟

وماهو الارغب بالسوق ؟؟

وكم اسعار الاثنين ؟؟
قطب 999
07/12/2009, 03:03 PM
بارك الله فيك الظاهر ان ابو رفرف وجنوط المنيوم السست 7 ريش والبدون 11 ريشه باقي المواصفات ونش دفلك تجي بالاثنين ولا اعلم ان كان فيه اختلاف في المكينه او القير او الدفرنس وننتظر مشاركة باقي الاعضاء
برق بريده
07/12/2009, 03:10 PM
الرفاف يسمى فطيمي 8 سست
مع العلم يجي انه 8 بدون رفارف السعودي وبعض الخليجيات
وفيه 11 سسته يسمى بريمي والظاهر ما يجي رفارف

الارغب يختلف من منطقه إلى منطقه مثل القصيم يفضل العادي بالسوق

والاسعار ما ادري عنهن الصراحه مبطي عن المعارض
برق البطين
07/12/2009, 03:17 PM
اليريمي مافوقه شي وشيك ومرغوب با الدرجة الأولى وخذ كلام واحد باخص
بـدر
07/12/2009, 03:28 PM
بالنسبة لي لا اعترف بالشاص الرفرف

مدري ليه

احس انه مدلع

ميزة الشاص بعدم الراحة والمناقز

خلك على الشاص اللي نعرفه من سنين بدون رفرف

سلام
alannaby
07/12/2009, 04:16 PM
المرغوب عندنا ببريدة بدون رفرف
راشد الحربي
08/12/2009, 12:45 AM
بيض الله وجيهكم جميع وماقصرتم ..!!!

اخوي برق البطين البريمي الشيك برفرف او بدون قصدك ؟؟!!!

ما احد عنده علم عن الاسعار ايهم اغلا حتى لو مستعمل ....

يعني مقارنة مع بعض لو كانت المواصفات والموديل نفس الشي لكن واحد برفرف والاخر بدون ؟؟؟
مدمن فتك
08/12/2009, 01:14 AM
الشاص الرفرف اريح بكثير من اللي بدون وتكون سبع سست ورغبة الناس فيه من منطقه الى منطقه مثل الشرقيه يرغبون الرفرف اكثر وسعر الرفرف اغلى من اللي بدون
الشاص اللي بدون 11 سسته اقوى للتحميل ورغب الناس فيه اكثر في القصيم
ال11 سسته يقص الظهر غير مريح ابدا لكنه ذيب من وجهة نظري
راشد الحربي
08/12/2009, 07:48 AM
اخوي مدمن شيروكي الله يعطيك الف عافية ماقصرت
ثلج
08/12/2009, 09:23 AM
ابو ثمان سست رفارف مريح جدا تقدر تشرب فيه كاس حليب...
ابوحدعش سسته مطبه شين بالمرة تغامر لو فكرت تشرب به كاس حليب...
الاول مابه عمود توازن خلفي
الثاني فيه عمود توازن خلفي
وغير كذا كلهن سنايد في البر...
وترا محاكيك راعي شاص رفرف وفيه واحد جنبه قريب مره معه بدون رفرف ومقناصنا واحد..؟؟؟
راشد الحربي
09/12/2009, 11:34 AM
االله لايهينك اخوي ثلج .. معلومات جيدة

لكن الاسعار ما احد عنده خبر ؟ او على حسب الرغبة من بلد لبلد ؟؟
ابو عنقا
09/12/2009, 11:39 AM
كلهن طيبات ولكن الرفرف ما يتحمل مثل ما يتحمل العادي

كيسين وهو نازل

اما العادي ذيبان تحمل ولا ما تحمل ركزته هو ركزته

تحياتي
راشد الحربي
09/12/2009, 01:01 PM
لاهنت اخوي ابو عنقا ...!!!!!!!


والاسعااااااااااااار ياشباب ايش اغلى وارخص ؟؟
شاص&نص
09/12/2009, 11:35 PM
بسم الله الرحمن الرحيم

في الرياض اذا تساوو في النظافة و الموصفات فغالبا العادي أغلى و أرغب


أبو عبدالكريم