فزعتكم ياالذيابه ركبت بطارية باقادر وطلعلي مشكلة باليوكون [الأرشيف]

مشاهدة النسخة كاملة : فزعتكم ياالذيابه ركبت بطارية باقادر وطلعلي مشكلة باليوكون

ريان2002

06/12/2009, 02:30 PM

مساكم الله بالخير جميعاً
عندي يوكون سعودي 2002 وكان عليه بطارية AC Delco 72 - 78 أمبير وأمس ركبت له بطارية باقادر الإلكترونية 78 - 84 أمبير
وصار عندي مشكله في أمبير ضغط المكينة ينزل تحت النص ويرجع يرتفع للوضع الطبيعي وهذا مايحصل إلا إذا جيت أوقف عند إشارة مثلاً أو أهدي عند مطب
بس الغريب إن كهربة السيارة والأنوار في الليل ماتضعف إذا نزل الأمبير ولا تتفتف السيارة ولا تطفي وقلت أسألكم قبل ماأروح الصناعية ويلعبون علي
سؤالي / هل المشكلة من أن بطارية باقادر أمبيراتها أعلى أم أن المشكلة جت بالصدفة مع تغيير البطارية وأن البطارية مالها دخل ؟
أعتذر على الإطالة ودمتم في رعاية الله

راعي الطلعات

06/12/2009, 02:42 PM

هذا كهرب وكمبيوتر لا تروح الصناعية يلعبون فيه واحد من الربع معه بليزر بدل البطاريه ولا اشتغلت السياره مره وافظل شي سواه وداه للوكاله وبرمجو الكمبيوتر ومشى موتره ماشاءالله عليه زي اول

الوكاله اتوقع افظل وبالتوفيق

VIP-503

06/12/2009, 02:43 PM

السلام عليكم

اخوي شف مدام الانوار ما تضعف فالكهربا تمام التمام والدينمو تمام

اما نزول الضغط فيكون من الفلتر حق الهوى حق البخاخ

وان شاء الله اني افتدك

ابوطاقية

06/12/2009, 03:09 PM

افصل الاصابع لمدة 15 دقيقه واذا مانفع
تروح لورشة الجابري والا جيركو وتقول ابي فحص كمبيوتر فقط وقيمة 100 ريال
بعد الفحص يعطيك كود او رمز العطل ويقولك السبب
هذي افضل طريقه وانتبه تروح لاحد يقولك غير وغير بدون فحص كمبيوتر

ريان2002

06/12/2009, 03:23 PM

أشكركم ياأخوان جميعاً على التفاعل الطيب
أخوي أبو طاقية إذا رحت أكشف كمبيوتر ماراح أستفيد لأن الكميوتر بيدخل على الميموري ( الذاكره) حقة السيارة وماحيلاقي شي لأنها بتكون فاضية لأن أي عطل خاص بنظام كمبيوتر السيارة وبعض الأعطال الكهربائية يجب أن تولع الشاشة وتعطي تحذير بوجود العطل وبالتالي كمبيوتر الورشة يخل على الميموري ويحدد العطل ونوعه وهذا من سابق تجربه مع نفس السيارة ومن كلام فني عند الوكيل ولا أعلم إن كان كل الأمريكي من 2000 إلى 2006 نفس النظام أو لأ ولك كل الشكر

مدري علامي

06/12/2009, 04:28 PM

اشور عليك تشوف فلتر الهوى مثل ما قال اخونا Vip-503

لان سبق وحصلتلي المشكله هذي
الله يوفقك

al faris

06/12/2009, 05:16 PM

برق خاطف

06/12/2009, 06:45 PM

اخوي ان شاء الله يكون بسيطه وحاول انت بما يلي
1ـ افصل اصبع البطاريه السالب حوالي نصف ساعه
2ـ اشبك اصبع البطاريه
3ـ افتح السياره بالريموت ثم قفل ثم افتح
4ـ شغل وإن شاء الله تضبط
اذامانفعت ذا الطريقة ترى فيه حساس للهواء بأول المكينه فوق عند مدخل الهواء وحساس قرب الفلتر
واذا بغيت شرح اكثر انا حاضر
اخوي الفارس ..الله يعطيك العافيه .
ياليت تزيد في الشرح اكثر ...نبي نستفيد من معلوماتك بخصوص حساس الهواء ...وطريقة اصلاحه ...
تحياتي

الوافي0

06/12/2009, 07:13 PM

أخوي هذي الحركة تصير من منظم الهواء الي بعنق ثلاجة البخاخات
نظفه إن شاء الله يزبط وتأكد من حساس منظم الهواء يجي فيه حساسين واحد زي البلف تأكد منه وموترك مافيه الا العافيه بس هو كذا الأمريكي تجيه حالات نفسية

ريان2002

06/12/2009, 07:18 PM

ماقصرتم ياأخوان وبيض الله وجوهكم جميعاً
رحت قبل المغرب لبنشري ونضفت فلتر الهواء وضبطت السيارة نوعاً ما والأكيد بإذن الله إني لو غيرته حيضبط تمام وبالنسبه للحساسات الإثنين والمنظم كلها سليمة والحمد لله
أخوي برق خاطف / بالنسبة لطلبك فيه موضوع للأخ العضو كبسوله 2 بعنوان قياس ضغط طرمبة البنزين + شوية معلومات للجموس والشفرات حتلاقي فيه شرح وافي وبالصور ولو كنت أعرف أدرج روابط ماقصرت معك لكن دور على أي موضوع للأخ كبسولة 2 وحتلاقي رابط الموضوع اللي قلتلك عليه في توقيعه أو أبحث في روابط الموضوعات المميزة
ولك كل الود

أبوتركي الخالدي

06/12/2009, 07:23 PM

هلا أخوي صارت المشكلة لخوي

غير البطارية -سيارته لكسزز-
بعده مباشره صار امبير الهواء يرتفع وينزل

راح للوكالة جلست عندهم يومين

شكلها اعادة برمجة

لأن تغير البطارية شغلته شغلة لازم تغير البطارية والسيارة تشتغل
يعني تفك البطارية وتركب الثانية والسيارة شغالة

زيزو

06/12/2009, 07:50 PM

صار لي زيك

مره فصلت البطارية ورجعت وشبكتها

وادق سلف السيارة تشتغل بعدين تطفا

شف عندك اللهاة شكلها مهيب نظيفه او فلتر الهوا

لان كمبيوتر السيارة يتصفر بعد ماتفصل البطارية

al faris

06/12/2009, 11:21 PM

اخوي الفارس ..الله يعطيك العافيه .
ياليت تزيد في الشرح اكثر ...نبي نستفيد من معلوماتك بخصوص حساس الهواء ...وطريقة اصلاحه ...
تحياتي
اخوي مساء الخير
ماقصروا الشباب بهذا المنتدى الرائع هنا ستجد ماتبحث عنه وترى السيارات لمريكيه حول بعض بعض المرات يمكن تختلف الحساس يكون في اليمين او في اليسار
http://www.mekshat.com/vb/showthread.php?t=133113

واذا غاب عنك شئ تراني بالخدمه

ابوناصر3

07/12/2009, 02:50 AM

فلتر الهوا نفس المشكلة عندي غيرتة وظبط تمام التمام : وبالتوفيق: