وش رايكم؟؟؟

[اصيل]

السلام عليكم ورحمة الله وبركاته:
الصراحه اني ودي اشتري موتر وفكرت بالنيسان الربع وشكلي جزمت عليه
بس وشرايكم فيه وهل اشتري 2004أو 2005مع العلم اني ماني شاري سلقه لا ابشتري اللي اعلى منه
تكفون بسرعه ...قبل لا اهون...

[ممتر البران]

السلام عليكم ورحمة الله وبركاته
والله ان تسانك تبي نصيحتي
انحش عن النيسان ككل
معلومه
النيسان عدو الانسان
من صفاته الشينه:
1=يصرف
2=يتفكك
3=ماهنا عزم اللهم المكسيما
4=وكاله دمار
5=قطع نار
هذا الي عندي من عيوبه والباقي اكثر وماخفي اعظم
على فكره ترا كلامي هذا عن واقع تجربه من باترول سوبر سفاري98 هبل بي وافتكيت منه.
ثلاث صفات زينات:
1-سعره موب غالي
2- خفيف
3-مرييييييح لئني اعاني من موتري.
والله يالشيخ حدد استخدامك وش اكثر وقت بالبر؟ ولا بالمدينه؟ تشيل اهلك؟ يعني ينفع لك غماره وحده؟ ولاتبي تشيل ناس؟ تبيه موترك الاساسي؟........؟؟؟؟
يعني على حسب استعمالك.
بانتظار ردك

[اصيل]

الله يعطيك العافيه اخوي ممتر البران
من ناحية الربع زين لي لاني ما اشيل احد واجد وانا فكرت الصراحه بالتويوتا الgxاوgxrبس انه غالي شوي
وانا احب الجيوب ولا ندري وش يصير علينا احترنا الصراحه والموتر اللي معي قراند شروكي ونظيف بالحيل
موديل 2002 بس اخاف عليه من الخرابات لان قطع غياره غالي بالحيل

[ممتر البران]

السلام عليكم ورحمة الله وبركاته
خذ لك ربع تويوتا
او
شروكي صغير
او
احسن موتر من نيسان وهو باث فايندر
او
شاص:D :D احسن موتر
او
جكس ار مستخدم اذا تقول غالي
او
هايلكس دفرنس او دفرنسين غماره اوغمارتين
ابا اختصر عليك حدد فلوسك وتحدد موترك
يعني كم حدك؟؟؟؟

[Bader-M]

اختيار موفق
والله يعطيك خيرة ويكفيك شرة

...........
تقبل تحياتي

[الحـامض]

أعقلها وتوكل :bounce:

[طحنون]

اذا الموتر داخل مزاجك
اتكل على الله ومبروك مقدما
:director: حراج واحد

[تركي الضرغام]

توكل على الله ومثل ما قال (( التجربه خير مثال ))

[صقرنجد]

أستخر الله

وصدقني أنكان لك به خير يبي سوقك له الله

وتراوه حليوووووووو


صقر نجد

[وهبى]

انا معك بالراى ان السفارى يصرف ويتفكك وقطع نار بس كأ ستعمال لا يوجد مثله ابد لان انا استعملت بدون مبالغه من موديل 95=96=97=2000=2002=واخيرا الكاسح 2005 ولم اجد احسن من السفارى وعندى وانيت شفر شد قنص موديل 91 هو الوحيد الى مخسرنى بسبب الخرابات
لاكن السفارى الجديد طال عمرك وعمر الربع الخبراء ضبطو السفارى من الى من جميع العيوب 000الى شئ واحد وهو00
القطــــــــــــــــــــــــــــــــــــــــ غاليه جدا ـــــــــــــــــــــــــــــــع
والسلا م عليكم ورحه الله وتقبل الله منكم صالح الاعمال
وعيدكم مبارك

[بن عدوان]

والله شكل جيوب النيسان حلوه .. وشكل جذاب ..

ولكن .. تبقى مشكلة قطع الغيار الباهظة والتي تنافس قطع BMW وإذا حبيت تتأكد رح واسأل عن بعض القطع قبل ما تشتري .. اسألهم مثلا عن سعر الكمبرسسور للمكيف .. أو سعر السلف .. أو سعر النور الأماي ..

كذلك تعامل الوكيل والوكاله عموما مع المستفيد تراه مهم ..

لذلك أقدر انصحك وانا مرتاح تماما .. بجيوب التويوتا ... ومثل ما يقولون ..تويوتا وبس

لا تنسيم هواء مع الابواب .. ولا هزهزه في المطبات .. وقطع غيار معقوله نوعا ما .. ومتوفرة جدا .. وتعامل الوكيل طيب ..

وفي مثل ثاني يقول .. أسأل مجرب ... ولا تسأل طبيب

وعموما إذا تحب تعمل مثل .. فاخذ السيارة جديدة .. وبعد ثلاث سنوات كحد أقصى .. اجدعها بالمعرض .. وبعها .. وزد قيمتها وخذ جديد .. صح في خسارة ..بس تفك عمرك من صيانة .. وتربيط .. وتصفية .. وتوظيب ..الخ ..

والله الموفق ..

[أبونواف42]

السلام عليكم ورحمة الله وبركاته :
انا أخوي معه 98 م يشرب بنزين بكثره, تويتا وبس.أستخر الله والله يكتب لك الخيره. وكل عام وانت بخير

[للبيب]

خذ 2005 يامال الغنيمه
والباترول مايحتاج موتر بر ومدينه

[ftoosh]

اخذ باترول 2005 وماتفكر غير