المساعد الشخصي الرقمي

مشاهدة النسخة كاملة : الفزعه يا اهل الهايلكس وش الحل


السكروب
03/12/2009, 04:59 PM
السلام عليكم ورحمة الله وبركاته
ومساكم الله بالخيرات والمسرات
جميعـــــا
شريت لي هايلكس 2009 دفرنسيين وانا اول مره اجربه خبري بالهايلكسات القديمه فقط
وخبري فيها انها ماتصرف بنزيين
بس الي صار وتفاجئت فيه ان التانكي حقه مايمشيني 350 كيلو اذا صارت سرعتي بحدود 140 /150
سؤالي هل فيه حل اقلل كمية استهلاك البنزيين طبعا غير تركيب تانكي بالصندوق0 او احد يقول لاتسرع:d
وسؤالي الثاني هل اقدر اركب مكان التانكي تانكي اكبر حجم
افتوني في امري وشاكر لكل من مر على موضوعي وشارك بوجهة نظر
اخوكم ابو علي
ahmad50
03/12/2009, 05:56 PM
شكلك مركب شكمان غير حق وكالته ( عشان تسرّع السيارة أكثر ) عشان كذا يستهلك بنزين أكثر من حقه ... رجع شكمانه الأصلي أما إنك تركب تانكي أكبر بصراحة ما أدري... وشكرا
السكروب
03/12/2009, 06:04 PM
شكرا اخوي احمد وهلا ومرحبا فيك
بهاذا المنتدى الشامخ
الموتر جديد وكالة مطلعه قبل اسبوع
وماكمل 2000 كيلو
ميمون111
03/12/2009, 07:53 PM
نفس الشيئ بالددسن
بس عندي سؤال هل صرفيه البنزين مع تشغيل المكيف ولا بدون

بعدين ياخوي البنزين مو مثل اول الحين البنزين خفيف مرة ويطير بسرعه
السكروب
03/12/2009, 09:43 PM
حياك اخوي ميمون
بدون مكييف ولا فيه هواء بالطريق
والتحميل عادي جدا عزبة بر وكم فراش
ا س ك 2707
03/12/2009, 11:28 PM
السلام عليكم

انا مثلك يالغالي..:

بس انا 2009 غمارتين عادية مو دفرانسين..

اطلع من القصيم الى الرياض التانك فوول..

اصل شرق الرياض البنزين على اخر خط..

السرعة من

140-160

السيارة وكالة..

بس الجنوط والكفرات مغيره..
سوبر VTC
04/12/2009, 04:49 AM
و عليكم السلام و رحمة الله

الله يطعمك من خيره و يكفيك شره :redcar:

سبب الصرفية من وجهة نظري
الموتر دفرنسين + 4سلندر + الوزن ثقيل + الموتر رفيع ناطح الهواء + كفرات و جنط 16

بعضم يحط جنط 15 و يخف عزم الموتر و الصرفيه :good:
لكن شكل الموتر لك عليه :no:

المكينه ضعيفة و تعوض ضعفه ببخ بنزين باستمرار
و ذلك للاسباب السابقة
خصوصا اذا كانت تماتيك

تبي صرفية ممتازة ثبت سرعتك على 130 و تشوف الفرق

موفق
هاوي m6r
04/12/2009, 05:15 AM
اخوي انا معي غمارتين 2009 دفرنس واحد اعببي فول من المجمعه الين الرياض

تحت النص بشوي

والسرعه ثابته على 190
سوبر VTC
04/12/2009, 06:33 AM
اخوي انا معي غمارتين 2009 دفرنس واحد اعببي فول من المجمعه الين الرياض
تحت النص بشوي
والسرعه ثابته على 190


الله يستر عليك
ما منه فايدة السرعه
الموتر من سرعه 140 و طالع مهب لك طلع من يدك
اعصاب مشدودة و لا تدري وش يطلع عليك او يحدك احد
هذا نيم
هذا سكران
هذا كبير بالسن ما يشوف
هذا يلف مانتبه
هذا مسك بريك
انت تغفل بالانشغال بالجوال
اهلك بحاجتك فلا تسرع
الفرق 10 الى 15دقيقة
LANDCRUISER40
04/12/2009, 08:47 AM
عند واحد من أربع هايلكس 2008
تماتيك كان يعبي بنزين 91 وتصرف
وعبى 95 أقل صرفيه
السكروب
04/12/2009, 03:38 PM
حياكم الله جميعا وشاكر لكم مروركم
ومشاركتكم بالموضوع
سؤالي الي اتمنى الاقي اجابه عليه من واحد متخصص او مجرب
(هل فيه امكانية تركيب تانكي اكبر بدون مايكون فيه
ضرر على السيارة)
او اتكل على الله واركب تانكي بالصندوق
ع و ن
05/12/2009, 02:38 PM
السلام عليكم و رحمة الله و بركاته

مساك الله بالخير

أنا معي هايلكس دفرنسين 2009 فاكها وكالة و ماشية الحين 16000 كلم


صحيح إنها تشرب بنزين شرب الويل .. لكن مو مثل سيارتك >>> تمشيك 350 كلم بس ! ! !


أنا أعبي بنزين 91 من الدمام و أوصل الرياض و باقي فيه أقل من الربع (( بين الربع الأخير و حرف E )) يعني يمشيني التانكي 400 - 450 كلم تقريباً

مع العلم إن سرعتي ما بين 120 / 140 كلم ساعة .

أتمنى إني أفدتك .. تقبل تحياتي