عاجل الى كل المهتمين بأجهزة جارمن

[Maxima]

السلام عليكم ورحمة الله وبركاته
ياجماعه أنا محتار
ابي جهاز جارمن أضيف له خرائط ستي نفيقاتور City Navigator للشرق الاوسط وأقدر أضيف له بوقت آخر ( بالصيف مثلا ) خرائط ستي نفيقاتور لأوروبا أقدر ولا لا؟ وهل جهاز GPSmap 276 C قادر على ذلك ؟ لأن في موقع جارمن جهاز 276C مااقدر اضيف له الا City Navigator للشرق الاوسط و City Select Europe
والسؤال الثاني ماهو الفرق بين خرائط City Navigator Europe و خرائط City Select Europe وأيهما أفضل؟؟
واللي لديه المام قوي باللغه الانجليزيه يتفضل على هالرابط
إضغط هنا (http://www.garmin.com/cartography/ontheRoad/)

والسؤال الثالث : ماهو أفضل جهاز بين هالثلاثه
1- Streetpilot 2610 GPS
2- Streetpilot 2650 GPS
3- Streetpilot ||| GPS

الله لايهينكم جاوبوني

[Maxima]

مايهم السؤال الاول
على الاقل الثاني او الثالث
أفيدونا

[gmb]

والله يخوي ماكسيما راح ابدا معاك من تحت (السؤال الثالث)

عملياً ما في فرق بين 2610 و 2650. الفرق الوحيد بينهم ان 2650 فيه وصلة تتركب مع عداد سرعة السيارة علشان الأماكن اللي مافيها استقبال. مثلا لو دخلت نفق أو مواقف تحت بناية يمشيك الجهاز اعتماداً على عداد السيارة.

إذا تبغى تقارن بين 2610 وبين |||،
الـ 2610 أفضل على جميع الأصعدة وبالأخص الشاشة (touch screen).
لكن لا يفوتك شي مهم ان الـ 2610 و الـ 2650 ما فيهم بطارية أبدااااااا ولا يتركب فيهم بطارية
يعني لازم تستخدمهم في السيارة أو في البيت مع شاحن الكهرب.

هذولا مصممين لاستخدام السيارة فقط وليس للحمل.

سؤالك الأول: جميع الأجهزة التي ذكرتها يمكنك تحميل الخرائط فيها.
أما ويش الفرق بين الـ City Navigator و الـ City Select أقول: غُلِبَت الروم

[Maxima]

جزاك الله خير اخوي gmb
منو ينصحني بجهاز streetpilot 2610

[gmb]

أخوي ماكسيما،
توي ألحين سويت setup إلى الـ City Select حق أوروبا الإصدار الخامس.

والصراحة انه ما يسوى أبد مقارنة مع الـ City Navigator

الـ City Select ما فيه تفاصيل عن المحلات أو نقاط الإهتمام POI
حتى ان شكل الشوارع فيه صايرة مثل الخطوط المستقيمة المتقاطعة مع بعضها البعض في زوايا حادة.

ما أنصح فيه.

[gmb]

بالنسبة إلى الستريت بايلوت 2610،
ينباع عند الوكيل دار موجة بـ 4200 ريال. وهذا سعر غالي جدا جدا مقارنة مع ما يمكن ان تحصل عليه من الخارج.

أنا شريت الجهاز من Amazon.com بـ 2700 ريال فقط يعني 1500 ريال فرق.
لا ويعطوك معاه اريل خارجي بعد.

المشكلة ان الأمازون ما يرسلون اجهزة اكترونية خارج أمريكا. يعني لازم ترسله إلى واحد في أمريكا وبعدين هو يرسل لك إياه.

أو انك اتكلم DHL أو FEDEX علشان هم ياخذوه من الأمازون مباشرة ويجيبونه لك على طول.

تحياتي

[Maxima]

مشكور وماقصرت اخوي gmb
بالنسبه للشحن اعتقد راح يكلف واجد
انا راح ادفع الفرق للوكيل بس على الاقل يكون فيه ضمان
سؤال اخير تنصحني اشتري الجهاز ( StreetPilot2610 )
مع ان استخدامي للمدن فقط وللتسليه ؟؟

[gmb]

أخوي ماكسيما،
الشحن مو غالي، يعنى لا تتوقع انه راح يكون بـ 1500 ريال.
بالكثير 200 إلى 300 ريال وتوفر عليك أكثر من 1000.

حبيبي، كلٍّ يتسلى بقد فلوسه.
فيه من يتسلى بالسفر إلى أوروبا وفيه من يتسلى بملاحقة الضبان.
إذا انك من أهل الملة (ملّة اللعوبين بالأجهزة)، أتوقع انك راح تقضي فترة رائعة من حياتك مع استخدام هذه الأجهزة. وخصوصاً إذا كنت مستخدم جديد للـ GPS .

عموماً، إذا شريت الجهاز لا تخليهم يركبوا لك الخرايط عليه.
راح ياخذوا فلوسك على الفاضي. وانت تقدر اتركبهم ... مجاناً ...
وإذا كلش (غُلِبَت الروم)، ارسل لي عنوانك وانا ارسل لك كل السيديات اللي تحتاجها (يعني الموضوع كله ما يكلف 5 ريال والوكيل بياخذ عليك 500 ريال عن كل خريطة)

gmb

[ملك النوخذه]

إخوي مكسيما

السلام عليكم


البرنامج اللي انت تبي تستخدمه

City Navigator

يتوافق مع الاجهزه التاليه

cf que 1620
etrex legend c
etrex vista c
gps v
gps map 196
gps map 276c
gps map 296
gps map 60 c
gps map 76 c
gps map 76 cs
gps map 96
gps map 96 c
ique 3200
ique 3600
nav talk gsm
quast
sreet pilot 2610 gps
sreet pilot 2650 gps
sreet pilot III gps

و أنا أفضل الـ 276 c
بصراحه جهاز قوي

و أرجو اني قد وفقت بالمعلومه


تقبل تحياتي

[دحـــيـــم]

السلام عليكم
بالنسبه للسؤال الاول أكيد خرائط السيتي نفيقيتر أحسن بكثير من السيتي سيليكت لان السيتي سليكت تجي مع الفايف و276

وتراي ماانصحك 2610ولا2650 ولا ااا

خذ 276 مع خرائط المدن والصحراء وبيطلع لك ارخص



ودمتم

دحيم