استفسار عن سعر اللاند كروزر الجديد

[ريح الخزامى]

بسم الله الرحمن الرحيم

السلام عليكم ورحمة الله وبركاته


الله يعافكيم ويقويكم ويخليكم لعين ترجيكم

أبي اسأل عن سعر اللاند كروزر الجديد

كم هو به

لان انشالله ان الله وفق باشتري لي واحد

وكم سعر الvxr الفل كامل مررررررررررررررررره الناهي اللي ماوراه شي ابد
وسعر vxr2 وسعر vxr1 و gxr 3

وبس واهم شي سعر الجي اكس ار 3

وان حصل المواصفات والفروق ووش تنصحوني فيه باقول لكم الله يجزاكم خير واروح بالوالد والوالده لمكه اعتمر بهم انشالله واخليكم يدعون لكم

:)


تحياتي للجميع

[بن عدوان]

يا هلا والله بريح الخزامى

أنا أحب أفيدك باللي أعرفه ..

بالنسبة لسعر الجي إكس أر 3

فيه نوعين .. المطور وهو gxrj وهو خاص بالسعودية .. لا يباع إلى فيها .. وتم تطويره عن طريق الوكيل عبداللطيف جميل وذلك بمناسبة مرور 50 عام على الشركة ..

وأنا اشتريته جديد منذ شهرين تقريبا وسعره كاش 164.400 ريال سعودي ومواصفاته : موديل 2004_ قير أتوماتيك _ فتحة بالسقف _ ومقاعد مخمل _ وصبرت شهر .. حتى أحصل على اللون الذهبي !!

وشكله جدا رائع .. ويختلف عن العادي الجي إكس آر 3 أنه يوجد به _ المطور يعني _ حساسات بالصدام الأمامي والخلفي .. وإضائة على الصدام الخلفي وتغيير شكلهما .. ووطايات الركوب .. مع اختلاف شكل الأنوار الأمامي والخلفية والشبك الأمامي .

أما الباقي فلا يوجد اختلاف ...

أما أسعار الجي إكس آر 3 العادي في كانت منذ شهرين 153 ريال وكان يوجد عرض على القير العادي ..

وأنصحك حيقيقة بالنوع المطور .. إذا بالاستطاعة إضافة 12000 تقريبا .. !! لأن شكله ينافس شكل موديل 2005

وعموما .. أسأل الله أن يوفقك ..

ولاتنسى الاستخارة .. تراه مبلغ مهوب سهل !!! :)

وسلامتك ..

[ريح الخزامى]

مشكور اخوي بن عدوان على ردك الله يعافيك وماقصرت

وبالنسبه gxrJ انا ماجاز لي خرابيطه واجد وماحب الحوسه بعدين احس انه يتفكك بسرعه

وانا سألت وقالوا لي البريمي العماني هو افضل شي من ناحيه المواصفات وفيه gxr 3 نازل فيه بلوتوث يعني الجوالات اللي فيها البلوتوث تقدر ترد على الجوال عن وتسمع الصوت عن طريق سماعات المسجل وفيه مكرفون مجهز

وبكره انشالله باجيب صور للاند الجديد حتى ان فيه لون جديد يقولون انه نازل على ا2005


بس الله لايهينكم ابي اعرف سعره النهائي كم اللي هو البريمي gxr3 وسعر vxr الفل كامل

مع ان سعره جامد شوي بس الشكوى لله ماهنا موتر يستاهل هالقيمه مثل اللاند كروزر كل باقي المواتر حقت رزه على غير سنع وانا رجال رجلي حاره :rolleyes: ابي موتر يصبر علي مثل الجمس الله يديمه 7 سنين وهو يخدم يالله لك الحمد ماقد اشتكى الا من اوجاع خفيفه وشي وارد يحصل في كل المواتر

وجزاكم الله عنا الف خير

[ملاعب الريح]

الفل VX-R3
اللي ما وراه شي ابو استبنتين بــــ194.000
وابو استبنه وحده_________191.500



والثاني ما تأكدت منه
أخوك في الله(بوسيف):good:

[شاص]

أما بالنسبة للاندكروزر السعودي فما نزل حتى الان وما وصل الوكالة أي تسعيرة ولا كتالوجات حسب ماقاله مسئول المبيعات اليوم السبت 9/9

[أبو فيصل]

سعر اللاند كروزر الجديد GXR-3 full option

موديل 2005 هو 152000 ريال عند عبد الوهاب اليحي في معارض الدمام
و واحد مثله عند معرض سر التميز سعره 165000 ريال !!!!!!!!!!!

أبو 165000 ريال بهذه المواصفات:-

CD, ABS
كشافات – 2 وساده هوائية – دفلك – ريموت – ثلاجة –جنط 17 – فتحه – خلفية لكزس – جناح – شنطه
حساسات – قير أوتوماتك - خزانين –- ونش- رشاشات (لرش الأضواء الأمامية)

أبو 152000 ريال بهذه المواصفات:-

جميع الذكور ما عدا: رشاشات (لرش الأضواء الأمامية) و سيدي و عدم وجود الضمان!!!!!!!

و اللي عنده رأي يقوله قبل نشتري

جزاكم اللة خير

[* الخطيب *]

عليك بالـvxr رقم 2 ــ ثم اهرب عن خلفية اللكزس ان كنت راعي بر ، وعليك ياخوي بالشنطة والاستبنة المعلقة ، وفرق السعر ماهو كثير عمادونه ، وان حصل وارد الخليج أفضل ، تراي مجرب الموتر 2003 ، وعسى الله يكتب لك الخير .

[السالمي]

الأصل كُتب بواسطة بو سيف
الفل VX-R3
اللي ما وراه شي ابو استبنتين بــــ194.000
وابو استبنه وحده_________191.500


good:

194000 الف

والله اللي ماحطيتها بلاند كروزر

ازيد عليها واخذر جيب لكزس جيب كدلك

جيوب تستاهل القيمه هذي

مركب لاقالو مركب

لان اللي يبي البر


وانا استغرب كلام اخوي ريح الخزامي

يو يقول : الشكوى لله ماهنا موتر يستاهل هالقيمه مثل اللاند كروزر كل باقي المواتر حقت رزه


الاند حق رزه اللي واذا رجلك حاره لاتعورها على الاند عليك بالشاص بالربع

او اذا ماتبي الضيق تبي تتوسع خذ النيسان خذ الشروكي خذ الباجيرو << هذي اللي ماصنعت للرزه

وهي اللي ماسكه هيبتها الى الان من ناحية قوتها ماعدا الاند اللي بعد الـ 98 ماعدا زي قبل اصبح حق رزه

وليته وصل مستواه للسيارات الرزه المشكله افخم نوع بالجي اكس ار مايقارن بأردى نوع من فخامة الجيوب الثانيه

[كشاته]

البريمي يورده البازعي

أنصحك به

لآنه صناعه يباني وتجميع ياباني

أما السعودي والأماراتي فهو تجميع ماليزي أو أسترالي


هذها رقم البازعي

2326677-01

إن كان راعي بر أحرص على أن تكون الخلفية أستبنة حتى يمكنك من وضع تانكي ماء سعته 100لتر أسفل السيارة

طبعا البازعي عليه ضماااااااااااان