عاجل جدااا ..] بخصوص الباترول

[abo shagran]

السلام عليكم ورحمة الله وبركاته..]



يا اخوان نبي منكم الفزعه ..[ شريت باترول اليوم .. مديل 91 وابي اشتغل فيه صح .. يعني اصلح بعض الخرابات ..]

مثل ..[ يبي له تركيب كمبرسر + الدبل مو شغال ما ادري وش علته .. لما اشبك الدبل الثقيل تحس ان الموتر تقل بس الدفرنس الامامي ما يشبك ..+ بركب له كعكات خلفيه ..]

وووين القى التشليح الممتاز في الرياض ..]


اتمنى سرعه الرد .. لاني ناوي اشتغل فيه من بكره الصبح <<<<مركد الجوال على 7



اخوكم : ابو شقران

[جيب شراع]

مستعجل بالحيل ومركد الجوال بعد هههههه
لا تروح الا لتشاليح الحاير وبتلقى مطلوبك وزود
بس انتبة من النصابين

[abo shagran]

وش نسوي يالغالي .. نبي نشتغل في الموتر قبل بدايه العطله ..]

وبالنسبه لتشليح الحاير .. ياليتك توصفه لي ..<< اخوك مهنا دلوله في الرياض


ويعطيك الف عافيه يالغالي

[العودالازرقhk]

اخوي سلام عليك هذا جوالي وكلمني ويسير خير 0551113393

[Nawaf alrawaily]

تشليح الحائر فية كل اللي تبي

[أبو خولة]

هلا والله ههههههههههههههههه والله اني شاري زي موترك قبل يومين موديل 91 وفيه نفس المشاكل الدبل والكمبرسر ,,
وصوت بالمكينه والله مادري وشو الله يعين .... وشرايك تخويني لتشليح ,,, :d

[سوبر152]

عليك بتشليح القصيم أرخص
الله يعينكم

[المميـز]

اذا مالقيت مطلوبك في تشاليح الحاير

انقز للقصيم عندك تشليح الصمعاني ببريده متخصص بالباترول ويضبطونه لك :good:

[abo shagran]

يعطيكم العافيه .. وما قصرتو ...]


ابو خوله ..لي الشرف في مخاوات الذيابه شرواك ... يالله مشينا ^_^


وتشليح القصيم معروف .. بس وودي بتشاليح الرياض اقرب..