استفسار بشأن المبايعة وإجراءات المرور

[رحال طويق]

بسم الله الرحمن الرحيم
السلام عليكم ورحمة الله وبركاته
الحمدلله شريت سيارة وعطيت راعيها العربون وأتفقنا أن تكون المبايعة يوم الثلاثاء القادم بحسب رغبة البائع وهذي بعض الاستفسارات البسيطة والتي قد تكون بديهية ولكن لا تشرهون عليّ عليمي في البيع والشراء وكذلك راعي الموتر مثلي ويمكن أردى .

أبدأ فأقول

هل تتم المبايعة قبل تسليم المبلغ أو بعد ؟ والمبلغ سيحول لحساب البياع ولن يسلم كاش .

هل يمكن أن أستلم السيارة في نفس يوم المبايعة وما الطريقة ؟

ماذا يطلب مني المرور من أوراق.... والتأمين هل يكون في نفس قسم المرور ؟

هل فيه مكان أخر تتم فيه المبايعة في غير معارض النسيم والشفا ... ووش الأفضل ؟

فأرجو من أهل الخبرة والدراية إفادتنا ..........

[رحال طويق]

إفاا يا مكشاتية ما هقيتكم تسذا

[ذيب عتيبه]

وعليكم السلام والرحمه






بسم الله الرحمن الرحيم



السلام عليكم ورحمة الله وبركاته
الحمدلله شريت سيارة وعطيت راعيها العربون وأتفقنا أن تكون المبايعة يوم الثلاثاء القادم بحسب رغبة البائع وهذي بعض الاستفسارات البسيطة والتي قد تكون بديهية ولكن لا تشرهون عليّ عليمي في البيع والشراء وكذلك راعي الموتر مثلي ويمكن أردى .


أبدأ فأقول


هل تتم المبايعة قبل تسليم المبلغ أو بعد ؟ والمبلغ سيحول لحساب البياع ولن يسلم كاش .





اولا عالبركه يالغالي .. والله يعطيك خيره ويكفيك شره
حياك الله يالغالي ...


المبايعه تتم بعد استلام البايع فلوسه وثم يوقع على ورقه المعرض انه استلم فلوسه كامله ولو انك حولتها له فحسابه يروح يشيك عليها ثم يعود ويوقع انه استلمها كامله على الورقه ثم عاد يتوكل على الله



هل يمكن أن أستلم السيارة في نفس يوم المبايعة وما الطريقة ؟



لاياغالي ماتقدر تستلم سيارتك الا ان تخلص استمارتها وتخلص اوراقها الا ان كان عندك واسطه فالمعرض فأنت تقدر من تسلم الرجال فلوسه ويوقع.... انك تستلم الموتر وتمر بعد يوم تآخذ استمارتها



ماذا يطلب مني المرور من أوراق.... والتأمين هل يكون في نفس قسم المرور ؟


ماتمر المرور ولا لك دخل . .. المعرض يخلصها لك عن طريق المعقب تبع المعرض انت تريح في بيتكم لين يدق عليك ويقول خلصت ويآخذ المعقب خمسين ريال حق تعقيبه للمرور والتأمين .. بالنسبه للتأمين يخلصها لك المعقب وتعطيه دراهم التأمين يروح هو لأقرب تأمين او التأمين اللي تدله عليه ويخلصها ثم يمر المرور ويخلصها


هل فيه مكان أخر تتم فيه المبايعة في غير معارض النسيم والشفا ... ووش الأفضل ؟


اي معرض ياغالي تقدر تتم فيه المبايعه



فأرجو من أهل الخبرة والدراية إفادتنا ..........



حياك الله واعذرنا على القصور

[رحال طويق]

لا هنت يا ذيب عتيبه والله يبارك فيك وكفيت ووفيت لكن هل يمكن أن أقوم بدور المعقب وأتولى تخليص أوراقها بنفسي من عند المرور والمقصد أن تطلع بنفس اليوم علما أن المبايعة ستتم صباحا وحاجتي للسيارة تحتم عليّ ذلك .

[ذيب عتيبه]

لا هنت يا ذيب عتيبه والله يبارك فيك وكفيت ووفيت لكن هل يمكن أن أقوم بدور المعقب وأتولى تخليص أوراقها بنفسي من عند المرور والمقصد أن تطلع بنفس اليوم علما أن المبايعة ستتم صباحا وحاجتي للسيارة تحتم عليّ ذلك .



حياك الله

ايه نعم يالغالي يمديك تخلصها تجيهم من بدري من الساعه سبع وانت عندهم تآخذ اوراقك وتروح تخلصها ماتجي ان شاء الله الساعه 10 ونص الا خالصه وتآخذ موترك وتتوكل على الله



والله يوفقنا واياك

[Riyadh City]

مبروك يالغالي ويعطيك ربي خيرها ويكفيك شرها


أول شي السيارة تاقف في المعرض ويطابقون هيكلها مع الاستمارة .
ثانياً البايع يستلم دراهمه غير كاملة و يحتفظ المعرض بجزء من المبلغ بحيث يسلم الباقي للبايع بعد نقل الملكية
وذلك إحترازا لا يكون البايع عليه مخالفات أو مشاكل أمنية إلا إذا أنك تثق فيه وتعرفه فسلمه دراهمه كاملة .


ثالثاً يوقع البايع على ورقة المبايعة وهنا ينتهي دور البايع ...


بالنسبة لك أول شي إذا السيارة مفحوصة ومجددة تجاوز النقطة القادمة ..
*إذا السيارة غير مفحوصة فحص دوري تقدر تاخذ السيارة من المعرض وتروح تجهزها للفحص وتفحصها بعدها
ترجعها للمعرض .
وإن كانت الاستمارة منتهية تروح تأمن على السيارة بأسم راعيها الأول وتاخذ الفحص وتدفع رسوم تجديد الإستمارة وتجدد الإستمارة بأسم راعيها الأول ...


يجي دورك الحين إن كانت السيارة مفحوصة ومجددة .
أول شي السيارة لازم توقف في المعرض أثناء دخول الأوراق للمرور والا يغرم المعرض ويخالف بتقريباً 10 الآف ريال ..
تاخذ ملف شفاف وتحط فيه الأوراق التالية :
صورة من الفحص الدوري مع الأصل للمطابقة .
صورة من بطاقتك الشخصية .
صورة من شهادة التأمين وبطاقة التأمين مع الأصل للمطابقة .
ورقة المبايعة مع شهادة المعرض .
تدفع الرسوم عن طريق الصراف بإستخدام الرقم التسلسلي للسيارة وتجده مكتوب على الإستمارة أو بإرسال رسالة للرقم 88905
إذا كانت السيارة مؤمن عليها بأسم راعيها الأول تروح لنفس شركة التأمين وتحوله بأسمك مع دفع 100 ريال
ويختلف من شركة لشركة .
تاخذ هالأوراق وتدخلها للمرور أقل من ساعه وأنت خالص بس رح بدري وتراهم يداومون 8 .


على فكرة معارض النسيم تاخذ مكاتبة 100 ريال وسمعت أن معارض الشفاء تاخذ 50 بس ما قد جربتهم .


وسلامتك

[رحال طويق]

الله يعطيك العافية وما قصرت وما شاء الله عليك ما خليت شيء والشكر موصول للأخ ذيب عتيبة