أنتبهوا ..! : هذا ماحصل لي مع وكالة الحمراني .. !! غش و خداااع عيني عينك

[FOX PATH]

السلام عليكم ورحمة الله وبركاته ,...


كيف حالكم شباب ,,ّ هذا اول مشاركة للي في هذا المنتدى العظيم والاشهر في هذا المجال


ومادفعني للمشاركة الا لأبين نصب ودجل وكالة الحمراني عليهم من الله مايستحقون


ومن الحرة والحرقة اللي فيني منهم



المهم انا معي باثفيندر 2005 مشتريه قبل سنة ونصف ماشي 13000 الف كيلو قولو ماشاء الله !!


استخدمته ومشى معي إلى الان 45000 الف كيلو فقلت ودي اشيك على زيت الجير


رحت للشركة وسالتهم قلت كم اغير الزيت العداد قابلني في فرع خريص سوداني اسمه جعفر آآآآآي


المهم قالو لي هذه الموظف بقسم الصيانة مختص بالباثفندر والباترول رح اساله ......مسوين اختصاصات بعد عندهم !!!!





رحت وسالته قالي آآآآآآآآآآآآآي يازول تفضل قلت معي باث فيندر وكذا وكذا وكذا نفس الي ذكرته قبل



وش رايك قال يازول نحنا هنا في الشركة بنغير الزيت بعد 45000 الف كيلو قلت وش نوعه قال


زيت (جير فوكس) ركزو هالكلمة قلت طيب وش السواة بما انه اول تغيييره له بغير ه عندكم


قالي آآآآآآآآآي للاسف الورشة مسكرة وحنا بعد العشاء بكرة تعال


قلت ماني منتظر وش السواة قال نحنا لنا مشحمة تبع الوكالة ومن الاستثمارات التي


تندرج تحت مسمى شركات الحمراني وبربع سعر الوكالة قلت وش اسمها قال (ستوب ون) ركزوا عليها


لها 8 فروع بالرياض بس قلت وش اقرب لي فرع وعلى طريقي قال فرع شارع الظهران


وبسم الله لفرع شار الظهران وماتلاقي زيت جير فوكس اوتوماتيك بالغالب الا عند الوكالة وعندهم


وأروح لهم وخمس علب وب 50 ريال اررررخص بينما بالوكالة وبدون فلتر ب 200 ريال


ومع الفلتر ب 600 ريال قمة النصب والدجل برا ب 200ريال مع الفلتر !!!!!!!!!!!!!!!!!!!!




لكن والله ثم والله ياجماعة الخير من غيرت زيت الجير من 5 أيام والسيارة رايح فيها عزمها


ودعستها مرررررررررررررررررررررررررررة ثقيلة والسيارة تبطي ماتغير ولما ادعس


ما يمشي الموتر مثل عزمه اول ثققققييييييييييييييل مرة , ومايرد نمرة اذا دعست عليه وبالعكس


كأني ماغيرت الزيت والزيت كأنه قديم بالجير والسيارة عزمهاا رااااح


وفيها حنه وصوت خفيف بالجير عرفتوا




المهم مارتحت واروح اليوم الصناعية القديمة صناعية طريق الخرج واروح لناس تخصص جير اوتوماتيك


وورش كبيرة ولها اسمها


يوم سالني وش نوع الزيت اللي غيرته قلت له فوكس انهبللللللل ويطلع العيار ويوريني اياه



والله ثم الله ان الزيت مثل المويه شفاف وفيه لون برتقالي خفييييييييييييييييييييييييييف جدا


وجاب لي عينه من زيت اي سي دلكو الاصلي حق الاوتوماتيك لونه احمر وثقيييل يعني


هذا الصح وهو حق ا لجير الاصلي مب شفاف مثل فوكس وبرتقالي



يعني زيت فوكس اللي ركبته ونصحوني الوكالة فيه خفيييييييييييييييييف جدا مثل الماء ومايصلح


بعدين رحت للوكالة وسالتهم قالوا لي فوكس حنا الوكلاء للزيت وبالوكالة مانركب الا هو


خفيييييييييييييف جدا والمشحمة شركة من شركات الحمراني يعني قمة الاستغلال والدجل والنصب :mad: :confused:


يعني الوكالة تبي تسوق الزيت حقها التابع للحمراني على حساب الزباين الغلابا اللي وثقوا فيها !!!!!


وماكفاه الزول الخبيث يوم شافني رايح ماني مسويه عندهم ارسلني لمشحمة


لها فروع ومن شركات التي تندمج تحت مسمى الحمراني وعددها 13 شركة !!!!!!






قالوا لي مهندسين الجير اللي بالصناعية نصييييييييييييحة باسرع وقت غير زيت تويوتا الاصلي او اي سي دلكو


فقط لانك لو استمريت بيخبط جيرك ؟!!!!!!!!!!!!!!!!!!!!!!!!!!!!!! لان الزيت مثل الموية حق الحمراني



وهذا الكلام ا نطبق عليه 5 مهندسين من ورش متفرقة ؟!!!!!!!!!!!!!


ولما قلت لهم عن الوكالة قالو الناس تنحاش عن الوكالة وانت تروح لها


عاد بكرة بأذن الله بروح بغير الفلتر مع زيت الجير اي سي دلكو والا تويوتا الاصلي لانهم ثقيله وتناسب جير


الاتوماتيك .......



فحبيت اقولكم اللي صارلي مع هالوكالة الحمراني النصابة الدجالين لكي ياخذ كل واحد منكم حذرة


ولا يدفعه حرصة الزائد مثلي وخوفه على سيارته الثقه العمياء بالوكالة مثل ماصار لي أنتبهوا ياناااااااااس


الله ياخذ الحمراني وشركته الله ياخذ بكل من أشار لي بهالخطوة وهو يعلم خطرها على السيار

والله السيارة نظييييفة مادخلت البر فيها الا مرتين والله شئ يقهررررررررررررررررر


الله لا يجزاهم خير لادنيا ولا آخره

[العودالازرقhk]

الله يعوضك خير

[البوعينين99]

كثر الله خيرك على التنبيه والله يوفقك

[ابو مكازي2002]

والله هذا النصب بعينه وعلمه
الله يعينك ويوفقك
تحياتي

[aooa]

لا بد ان يكون هناك جهه لمحاسبة الوكالات ومحاسبة من يحسب نفسه فوق القانون كشركة الاتصالات ومثلها كثير ........

[هواوي صيد]

جزاك الله خير على التنبيه

[ابرق نثيل]

هم نصابين مافي شك ابداً

لكن انت تستاهل >>> من زود الانفعال

شوف دليل المالك مدون به نوع زيت القير

اذا تجهله تحمل بربسبه الوكيل والورش

[شمالات نجد]

اصلاً حنا منخدعين بشيء أسمه صيانة في الوكالة الله لا يبلانا

ما ضر الأولين ياخذون الموتر ويكرفونه سنين وأي عطل عندك الصناعية القديمة أردى واحد فيها يسوى عشر معلمين من حقين الوكالات

حدي مع الوكالة 5000 كيلو عشان اضمن الموتر إذا صار جديد من اي عطل أو خلل مصنعي وبعدها مع السلامه

الله يستر على موترك وييسر أمورك

ويجزاك خير على التنبيه

وما شاء الله تبارك الرحمن الله لا يضرك ويعطيك خيره ويكفيك شره

سلام

[ahmad995]

حسبي الله عليهم
فعلا زين فوكس ما اردى الزيوت
انا كان معي جيب بربع 2003 كنت ما اغير الا زيت فوكس ولااحظ الموتر ينقص زيته
مع ان السيارة نظيفه وما تنقص لين انعم الله علي وصرت استعمل زيت تويوتا والحمد لله صرت امشي الى 4000 كيلو والزيت ما ينقص

[تاج1426]

الحمد لله انهم ما رجعوا لك زيتك الاول واخذوا منك قيمة الجديد

[دحيم اللوح]

ياشباب تبون الحق

واحد من الشباب صار له مثل موقف الرجال بالضبط
والظاهر نفس الزرل بعد
الصراحة خوينا يمدحهم جدا والرجال باخص بالامور هاذي
وموتره من اروع مايكون
لكن يمكن عندك مشكلة بالقير او مبرد القير
وربع الصناعية يطيرون الواحد بالعجة ويعظمون له الامور
حتى مايتعداهم
والله على ماقول شهيد

[Abu Saad]

لاجديد الحمراني هو الحمراني ..
الله يفك نيسان منه...عز الله انه عقوبه.
ولايهنون بقية وكلاء سياراتنا الحرامية.

[shaheenshah]

الله يصلح الحال

[جعفر112]

جزاك الله خير

[برق الشمال 11]

حسبنا الله ونعم الوكيل

[a1Ruwais]

جزاك الله خير
على التنبيه

[جيبي جايزلي]

يا جماعه الخير لا تصلحون سياراتكم عند الوكاله
واذا صار شر لابد منه خذ قطع غيار وهج عنهم

[خيال الغلبا]

الله يعوضك يااخي

انت في بلد كل من ايده اله على قولة ابوعنتر

والله لويصيح المواطن من استغلال التجار له باعلى صوته ماسمعه احد

الامانة ضيعت على مختلف المستويات

حسبنا الله ونعم الوكيل

[أرض الحجاز]

قلة الخبرة في نوعيات الزيوت
قلة السؤال والعجلة وعدم الصبر
الثقة بأي شخص ممكن يكون لدية أسلوب مقنع
نصب معلمين الصناعية وخاصة الشاميين = أحذروا منهم غاية الحذر إلا إذا كانت الثقة عن تجربة سابقة

الكتالوج يغبر ويتقطع وآخر شيء في الزبالة - كرمكم الله - والسبب الجهل

بعدين يا جماعه عندكم حبيب الكل مكشات وخبراء مكشات وتروحون تشاورون
الزوله بالوكالة والسوريين بالصناعية


ما هيب هي ؟؟؟؟؟؟!!!!!!!

[الاصلي]

حدي مع الوكالة 5000 كيلو عشان اضمن الموتر إذا صار جديد من اي عطل أو خلل مصنعي وبعدها مع السلامه

[ابن سيف 18]

واحد من العيال لعبوا عليه لعبه بصيانة موتره(مخبطه) بعد اقل من سنه

ورفع اوراقه للامارت دبي

وصلحوا نةتره ولا دفع ولا ريال (علما ان الفاتوره قيمتها اكثر من 14000 ريال)
بس خسر موتره شهرين (وايجار سيارة شهرين اكثر من 3000 ريال ) حسبي الله عليهم

*للمعلوميه السياره ددسن 2005

بالذات وكالة نيسان خلها اخر الحلول

[ابوخالد 9]

ماخرب سمعة النيسان في السعودية الا وكيله الفاشل

اسعار القطع نآآآآر بخلاف (بعض) دول الخليج

والقطع غالبا غير متوفرة وفروع قليلة ومراكز صيانة مش ولا بد !

يالبى ابوجميل لو اكلنا بس ع الاقل يقدم خدمة راقية !

<<للمعلومية سيآرتي باترول للأسف

عشان ماحد يقول (كل يمدح بقله)

[عاشق الفرعه]

جزاك الله خير على التنبيه

[راكان 11]

وكاله فاشله
واللي أفشل منها سيارات نيسان

[FOX PATH]

يعيطكم العافية ... لكل الشباب اللي مروا وعلقوا على الموضوع

باضافة فائدة او تعليق .......

أخوي دحيم اللوح .. بساالك سؤال ليش الموتر ماتغير الا بعد ماحركت مغير الزيت من المكان اللي انا فيه

فيه واحد غامدي بالوكالة والله ثم والله انه يقول لوالدي انحش عنها لا سمكرة ولا مكانيكا سيئة جدا وهذا وهو فيها


أبشركم ياخوان رحت للمجد بصناعية طريق الخرج .. واركب فلتر جديد وزيت تويتا الاصلي

قسم بالله يالونه ي يوم صبع الفلبينيرد الروح احمر غامق


عكس فوكس المخيس ابيض يميل للحمرة الخفيييفة اول مرة

اشوف زيت جير كذا َ!!!!!!!!!!!!


لكن حتى الان من مشواري من الورشة للبيت مالاحظت الا تغيير بيسيييط يعني حسيت الموتر اخف بشوي

يمكن مع الوقت يبين ......................ياليت من قبل لكن ياليت ماتعمر بيت ..!!!!!!!!!!!!!!!11

[bader_2.0.1.0]

الله يعطيك العافيه على المعلومه المهمه ...
والله يكفيك ويكفي المسلمين اجمعين من شر هالناس الدجاله النصابه ..

امــــــــــــــــــــــــــــــــــــــــــــــــ ـــــــــين

[برق الشمال AM]

جزاك الله خير يابدر 00000000000000

[راعي البخاخ]

حسبي الله ونعم الوكيل .الله يعوضك كل خير
ومشكور وماقصرت على التنبيه

[escape_man]

اخوي .. انت عندك مشكلة بالقير .. تاكدمنها بارك الله فيك

من خبرت عمري ما اغير الزيت حق القير الا بالوكالة

عشر سنين وثلاث سيارات واخرها الباث الي معي ولا صار الا كل خير

[mazenk15]

مساك الله بالخير بالنسبة للباثفندر
فلتر القير له زي الشفة زايدة شوي
يعني لازم يضغط بقوة باليد علشان يكبس صح <<هذي ماخذها من واحد أعرفه هو الي يغير فلتر موتره بنفسه

الله يطعمك من خيره ويكفيك شره

وتقبل مرـوـرـي

[الداهوس]

والله قمت القهر والاستغلال

[بو خليفه]

جميع الوكالات تسعى لخراب السيارة كي يتم بيع القطع و تشغيل الصيانة ودائم يقولون تعال صيانة كي تعلف عليهم
انا انصح بعدم الصيانة للسيارة في الوكالة خل الصيانة بنفسك وبيدك افضل منهم

[الجبيري1]

بيض الله وجهك والله لايهينك .
بشر كيف وضع السيارة هل تغير فيها شي وكيف صارت الأن ؟

[معذب الدحاريج]

عدل كلامك كل وكيل يسوق الزيت الي يجيبه لان نيسان لهم زينت خاص مكتوب عليه نيسان
وترا مو مهم انك تاخذ منهم المهم تكون نفس المواصفات

[هبوب من نجد]

الله يصلح الحال
هذه حال كل الوكلات نصب واحتيال
مشكور اخوي على الايضاح

[هريدي900]

للمعلوميه يعتبر زيت فوكس الخاص بي المكينة
(اللون الاسود)من افضل زيوت السيارت
لكن زيت القير بنسبه للباترول نوع الماني..

[VIP-503]

كثر الله خيرك على التنبيه والله يوفقك

[FOX PATH]

اخوي .. انت عندك مشكلة بالقير .. تاكدمنها بارك الله فيك

من خبرت عمري ما اغير الزيت حق القير الا بالوكالة

عشر سنين وثلاث سيارات واخرها الباث الي معي ولا صار الا كل خير
.
.
.
.
.
.
.
.
.
أخوي ماعتقد ان القير عندي فيه مشكلة ... ليش المشكلة والثقل بالسيارة مالاحظته الا بعد ماركبت

زيت اللي نصحت فيه الوكالة .....:confused: عمركم شفتوا زيت جير ابيض يميل للبرتقالي الخفيييييف جدا !!!

والله انه نصب في نصب ودجل حنا للي نعرفه زيت الجير لونه احمر غامق غريييييييييييييييييب جدا

لكن ماقول الا حسبي الله عليهم ....

[FOX PATH]

بيض الله وجهك والله لايهينك .
بشر كيف وضع السيارة هل تغير فيها شي وكيف صارت الأن ؟
.
.
.
.
.
.
.
.
.
,
والله اخوي السيارة تغيرت شئ بسيط بس ماعاد احس خف بمشي الموتر زي اول

بس يكفي اني ركبت زيت مايخوف مع الوقت تويوتا الاصلي .............. ياخي شكله ولونه وثقله يكفيك ..

انا نصحني واحد فني سعودي شايب وقديم وله ورشة كبيرة بالصناعية معروفة

بعد ماغيرت الزيت قالي انا قريت بالكاتلوج قبل حق الوكالة انه تمشي على الزيت100 الف مايضره شئ

وغلطان يومك تغيره بس ماعاد ينفع الصوت الحين ...ويعطيكم العافية

[omarx5]

الاخ العزيز افصل زيت للقير الاوتوماتيك هو زيت الوكاله لان جير الباث الكتروني من الافضل استعمال الاصلي وزيت الوكاله هو nissan matic D ويجي جالون 4 لتر وسعره 120 درهم اماراتي انا بنفسي مجربه

[القناص الأسود]

FOX PATH (http://mekshat.com/vb/member.php?u=139826) أعتزر لك بالنيابة عن كل شعب السودان وكل سوداني يحترم كلمة (سوداني)
كانت لنا سمعة والحمد لله أصفى من الذهب و أقوى من الماس...والفضل لأمثال هذا الجفر الذين وضعوا انفنا في التراب

وانا كلي أسف على ما حصل معك وما حدث لسيارتك...
واقول لك لا تحاسبا على ما فعل السفهاء منا...

و أعتزر لكل مكشاتي من هنا ... وكل اعضاء مكشات الكرام

واكرر إعتزاري لك يا FOX PATH (http://mekshat.com/vb/member.php?u=139826)



أخوك
القناص الأسود

[التعـ King ـديل]

انا من الناس اللي عشقي الاول والاخير ماركه نيسان

بالنسبه للزيت اللي يقولك انه خفيف ومايصلح للمواتر احب اقولك انا جا تحت يدي تقريبآ ثمان باترولات وباثفيندر وكلها مااحط لها الا زيت فوكس

وواحد من الباترولات قير تماتيك زيته فوكس ومن الحمراني اشتريه لان بعض المشاحم يجبونه خليجي معاد تكريره ويحترق بسرعه

والحمدلله اقل موتر مشى معي 60 الف منها الباترول التماتيك قعد معي من 2005 الى 2007 مشيت عليه تقريبآ 150 الف كيلو

مع العلم اني غيرت زيت القير اول مره يوم مشى 50 والمره الثانيه يوم كمل 140 الف كيلو .. اللي حصل معك اخوي الكريم ولا هو

دفاع عن الحمراني او عن النيسان حاجه من ثنتين اول شي طريقه تغير الزيت ماكان صحيحه او الفني ماكان تمام وهذا شي مستعبد

والشي الثاني يكون عندك مشكله في مبرد القير ويدخل على الزيت مويه وحقين الصناعيه كبرو عليك الموضوع علشان يحسسونك انهم

فاهمين ولو ترجع للوكاله كان شفت مشكله مبرد الزيت واضحه لك بس حق المشحمه ماعندها القدره انه يقولك هالشي لان شغلته

تغير زييت فقط وليس صيانه .. لكن انت حطيت زيت ثقيل كما قلت لكن شيك على مبرد الزيت وتاكد من عدم دخول اي شي مع الزيت

والله يعطيك من خير موترك ويكفيك شره

[ابوقاسم]

وكاله فاشله
واللي أفشل منها سيارات نيسان


ماركة نيسان لها اكثر من 10 سنوات تحصد مكاينها جوائز من افضل عشر مكاين بالعالم افضل

[sys06]

حراميه الله لايفقهم
غيرت عندهم صحن الكلتش و قطع ثانية قالو لازم تغيرها والى ترجع مرة ثانية تفك القير
قلنا مافيه مشكلة بعد اسبوع طلع الباترول بعد دفع 4000 الاف 2000 شغل يد و2000 قطع غيار

والله اني شاك في القطع انهم ماغيروها ماشفت الى صحن الكلتش القديم المهم ربل يفصل البدي عن الخارج
تسمع الصوت الخارجي وكربون يدخل من فتحة عصى القير رجعت وسويت لهم مشكلة والاخير احنا اسفين الفني نسى يركبها
والله قهر قيمتها حوالي 195 ريال ولا ركبوها ( وكالة الحمراني طريق خريص) باترول 95 سوبر سفاري

[راكان 11]

ماركة نيسان لها اكثر من 10 سنوات تحصد مكاينها جوائز من افضل عشر مكاين بالعالم افضل


( أنا قيمة الوكاله ) من معانات الناس منها
وقيمة السياره من مشاكلها مقارنه بغيرها

[بعيد الهقاوي9]

لا الله الاالله الله كبررررررررررررر عليهم وين يروحون منه

[فارس العمور]

لا نختلف ان الوكالات نصابين وانا اتفق مع صيانة 1000 و 10.000 وبعدا خلاص ابعد عنهم هذا في كل الوكالات

لكن عندي ملاحظة :: انا معي باث 2008 من طلعته من الوكاله وانا اعاير زيت القير ولونه شفاف تماااااما مثل الماء !! وممكن انقى منه لدرجه اني اول مره بغيت استخف اضن مافيه زيت من شفافيته ولا شفته حتى لمسته بيدي !!

يعني الزيت ماتحكم عليه من لونه فليس دليل على شيء بعدين انت عندك كتلوج اقراء نوع لزيت ومواصفاته واي ورشه تشوف انها تنصحك بنفس مواصفات الكتلوج غير عندها وخلاص !!

وللعلم سيارات نيسان حاليا بالمديلات الحديثة اعلى جوده وقوه من منافسيها وافضل اسعار بس المشكله الوكيل فاشل

[00هواي البر00]

اقول يازين عبد اللطيف جميل بس

[salehhd]

السلام عليكم ورحمة الله

الظاهر المشكلة عندك مش من القير وانما من المحرك فالعزم عندك خاف مثل ماتقول والقير مايتدخل في ذلك كثير لو كانت التبديلات عندك ثقيلة مثلاً او مايبدل ممكن تكون مشكلة القير
ولون الزيت ليس دليل على عدم جودته فاغلب السيارات الجديده محركاتها وقيروها المنيوم وليس جديد مثل السيارات السابقة

الحمراني ماقد تعاملت معاه لكن مع احترامي لك توجهك الي ورشة خارجية لطلب الرخص ضيع عليك ضمان التركيب عند الوكيل وثقتك بالفني واستعجالك سبب ذلك ايضاً

الله يعينك ويعوضك بخير

معلومة
محرك نيسان المركب على الباث vq صنف من ضمن افضل 10 محركات لمدة 14 عام وليس 10 فقط

[abo tayyar]

مشكور على التنبيه ..
والله يعوض عليك ..

[abahmari]

اين حماية المستهلك ؟؟؟؟؟؟؟؟؟؟؟؟؟؟؟؟؟حسبنا الله ونعم الوكيل

[شريطي مكشات]

لا الله الاالله الله كبررررررررررررر عليهم وين يروحون منه

[برباتوف]

أخي الكريم

بحكم قرآتي لقصتك , وبحكم أني أعرف وضعك النفسي الحين , أنا ودي لو تستغل حالتك وتأدبهم واحد واحد , وأنا أقولك كيف ..

أول شئ تروح تفتح دليل المالك الخاص بسيارتك , وإذا كان ضايع تطلبه من الوكاله وتنشب لهم الين يوفرونه لك , بعد كذا ابحث عن زيت القير نوعه ومواصفاته , واشترلك زيت من حقهم علبه وحده او جب علبه فاضيه من احد ورشهم وطابق المواصفات والمقاييس الموجوده على العلبه ..

إذا فيه اختلاف حتى لو فيه رقم واحد , اكتب سالفتك كامله مع تصوير لمواصفات العلبه ونسخه من دليل المالك وارسل صوره للجريده وصوره للغرفة التجاريه ومكافحه الغش التجاري وصوره بالايميل للشركة الأم , وصوره ان حصل لكارلوس غصن

[أبو نـآيف]

88

لاتعتمد على الجريده واجد

الشركه الام قد تتلقى منها تجاوب
غيره بتضيع فالطلايب