سؤال للأخوة الخبراء في الدبل!

[مفتش الريضان]

سؤال للأخوة الخبراء في الدبل: هل الرائحة التي تخرج من السيارة عند استخدام الدبل طبيعية وخصوصا عند إستخدام الدبل في حالة التغريز في الرمل واستخدام الدبل الثقيل وهذه الرائحة تشبة رائحة إحتراق الكفر أو الزيت وهي نافذة جدا؟ شكرا لكم
نسيت أقول إن السيارة هي لاند كروزر 2002

[القماري]

أعتقد أن إستخدام الدبل في حال التغريز والضغط الطويل أو إستخدام الثقيل قد يطلع رائحة مثل ماذكرت ولكن ليس بهذه القوة إلا إذا كان الموتر جديد وإستخدام لأول مرة وقد يكون السبب أمر آخر (الله أعلم)

[بركان]

اخوي/ مفتش الريضان

لا تقلق الامر طبيعي لان الموتر مشغل كامل قواه العقليه والبدنيه
والريحة اللي تشم هي ريحة آباط الموتر الله يسلمك. عل شان يطلعك من التغريز!!!

تحياتي.

[هاوي البر 999]

اخوي مفتش الريضان

هذي رائحة الدزك والكلتش وهذا طبيعي بعض الشي لكثرة الجر على الموتر اثناء التغريز

ارجو تقليل الهواء في الكفرات إذا كنت ناوي تدخل النفوذ لكي لا تعلق ويرتاح الموتر
وشكراً

[مأيـغـرّز]

السلام عليكم ورحمة الله وبركاته
على فكره التغريز يبيله فن واهم شي انك ما اتحرق الموتر وتتلف صينية الكلش واتعور الدبل سبة اشوية رمل ناعم اهم شي انك تفكر صح وتنفذ بشكل مظبوط لا اتزور عل الموتر ولا تدفنه بيديك وكل شي بالهواده يطلع من التغريز استغرب من المواتر الجديده وهي كل يوم بالصناعيه والله يا اخوان موديلات 2000 او 2003 تلقاها بالكراجات حرام والله حرام افلوسكم ديرو بالكم عليها والموتر انت سيده ومولاه اللي تبيه يسويه لك ان بغيت اتعدمه ينعدم وان بغيت له يدوم يدوم لك وسلامتك