لاصحاب الفتك فقط

[PATROL]

يالربع ابي اسال عن صرفية الفتك هل هي تختلف عن بعض والا لا
انا عندي فتك نوعgl-v2009 واعبي التانكيين فل من نوع بانزين95 ويقطعني 600 كيلو تقريبا علما بان السرعه 140 تقريبا والمكيف شغال
وفيه واحد من الربع معه نفس الموديل بس نوع سفاري رقم1 ويقول انه يقطعه من 700 الى 800 كيلو! ويقول انه يمشي نفس السرعه والمكيف شغال!
معقوله يالربع هالكلام صحيح! احسه حطم الرقم القياسي!
الرجو الرد يالنشاما!

[ابرق نثيل]

نعم تختلف من فتك الى فتك ،، حسب ظروف القيادة
وايضاً سبب جوهري هو برمجة الكمبيوتر الخاص بالصرفيه
انا اذا عبيت من محطات التسهيلات مايخلص ابد ــ ويضاف لذلك عب وقت الفجر تكون الخزانات بارده
اذا عبيت الظهر تعبي بنزين بس معه نسبه كبيره بخار

والله اعلم

[PATROL]

اشكرك اخوي ابرق نثيل على الرد
وانتظر ردود الاخرين

[أبوياسر1]

انا معي فتك 2004 sgl-e

اعبي فل تانكيين يمشين 750-800

داخل الديره يمشين -700-650 كيلو

[محسن اليامي]

أنا معي سوبر 2003 أعبي فل التانكيين ياخذ تقريبا 750 الممشى 130 والمكيف شغال مع السنترال

أعتقد إنها تختلف عن بعض بحسب ظروف الإستعمال

[ابرق نثيل]

لاتنسى هواء الكفرات له دور كبير جداً
اذا عبيت الكفر 40 تفرق معك واجد

[الادعج]

والله يالغالي انا معي سفاري 2 2009 اعبي التانكي الكبير فل 95 واحرك من حفر الباطن الى الرس والممشى 120 الى 130 اوقف عند البيت والتانكي تحت النص بشي بسيط ....بس سواقتي رررررراكدة منب راعي دعس وكتم للموتر اذا جيت احرك من اشارة ولا شي ولا دوار وهواء الكفرات على 37 ....وعليك الحساب

[باثفندر]

لاتنس الفرق بين العادي والأوتوماتيك حوالي 100 كلم فرق ،،، لان العادي ضغطه عالي .

[ahmad995]

دعسة الموتر تختلف وكثرة التعشيق او المد بنمرة

[ابوو زيد]

انا نفس موترك gl-v 2006 ونفس ممشاك تقريبا طبعا فير عادي
طبعا من اخذته وانا اعبي 91 مادري اذا يفرق 95

[بروق الخير]

يا الربع انا اعبي 91
موتري سفاري 2
2005

وش رأيكم ووش الفرق الواضح؟؟

[PATROL]

شاكر مروركم
وفعلا كلامكم صحيح في دعسة البنزين والمد بالنمره وخصوصا بانه قير عادي

[التعـ King ـديل]

الغالي صرفيه البنزين تعتمد على اشياء كثيره مب بس نوع البنزين

اول شي طريقه الدعسه الاولى وثاني شي طريقه التغيير ودعسه الكلتش ثالث شي نوع القير

رابع شي وزنيه الدعسه بالطريق ممكن تمشي 140 بس كل شوي تحرك رجلك وتفك الدعسه وترجع تدعس من جديد

خامس شي نوع الكفرات وضغط الهوا سادس شي وقت المشي يعني اذا ظهر ومكيف تلاقي الموتر يصرف واذا ليل يفرق

على فكره هذي بالمواتر كلها مو بالفتك بس

انا عندنا برادو اربعه سلندر من الرياض للشرقيه الظهر تانكي وكملت عليه قبل اوصل

وبالرجعه للرياض كان الوقت ليل كفاني التانكي لين اوقف عند باب بيتنا

[ABO AL-HESH]

السلام عليكم...
انا معي سوبر 2005 التانكيين يمشنن من 500 الى 580 والممشى 145 ،،
جربت بنزين 91و95 نفس الصرفيه.. هل البواجي له دخل مع العلم ان السياره توه مكمله 100000

[Under_net]

وأضيف على كلام الشباب

لاتنس حجم ومقاس الإطارات

مع البالون تكون قراءة العدادات غير صحيحة وتحس إن السيارة تصرف

100 كيلو بالون = 115 كيلو اطارات الوكالة تقريبا


إن حبيت تمشي 1000 كيلو بالفتك ركب كفرات باثفايندر الصغيرة :d وخل الضغط 45


ولاتنس تنظف فلتر الهواء و تأكد من صفاية البانزين

[abofahd55]

انا معي فتك ٢٠٠٦ اذا عبيته فل يمشيني من ٦٠٠ الي ٦٥٠ تقريبا

وانا مع اخوي كنق التعديل وقت الضهر يصرف صرف موب طبيعي اما ليل لا يختلف


الخط الصراحه اجلده ويمشيني نفس اللي ذكرت


عموما كذا كذا هو نهابه بنزين

[باثفندر]

لاتنسون ياشباب تحددون نوع القير ترى العادي يفرق عن الاوتوماتيك كثير ، من خلال تجربة كان عندي 2006 تماتيك يمشيني فوق الـ600 كلم والحين معي 2009 قير عادي بالطق يمشيني 520 ،، البنزين 91 والحساب اول ماتولع اللمبة .

[محمدالعريني]

وانا يالربع معي 2005 تماتيك يمشي التانكيين من 500 الى 560 بالكثير بس رجلي حاره شوي

[ربع vtc]

مساكم الله بالخير


حبيت اوضح انه فيه فرق بين القير العادي والتماتيك


حيث ان القير العادي كارونته 9 والتماتيك 11


اي اذا مشيت بالعادي 160 يكون الضغط على 4


انا التماتيك اذا مشيت نفس الممشى يكون الضغط على 3


ايضا الصرفيه لها دخل في اتجاه الهواء اذا كان مقابلك


والله من الصرفيه


كذلك الفرارات لها دخل كبير في الصرفيه


واسف على الاطاله

[PATROL]

بيض الله وجيهكم
ماقصرتو كفيتو و فيتو

[المكشات]

سؤال مهم وأرجو أن يجاوب من له تجربة

الفرار يفرق بالراحة و الصرفية ؟؟؟؟؟؟؟؟؟

باترول 2008

الشكل القديم اكيد يفرق .. لكن الجديد يفرق ؟

أبي أحد مجرب الله يعافيكم