الفزعة يا اخوان في شراء لاندكروزر

[لاند 2003]

السلام عليكم ورحمة الله وبركاتة
اخواني المكشاتيين أهل الخبرة والمعرفة ، نبي فزعتكم واحد من الشباب عزم يشتري لاندكروزر من 2007 وتحت لكن ما يدري أيهما أفضل VXRأو GXRمن جميع النواحي، وفيه مشكله ثانية محتار هو مابين خلفية اللكزس والاسبير العلاقي أيهما الأفضل . ياليت الرد من الجميع ولا أحد يقول ما أعرف:no2: عطنا اللي عندك . وفقكم الله وجزاكم الله خير:D :D .

[لاتكب البيالة]

السلام عليكم تبي نصيحتي لا ياخذ الا سبير علاق عشان اللي سبيروه تحت مهنا اكثر من تعليقاته لان الاسبير يكون نازل وممكن تاكل بطناج يطيح السبير وانا اعرف واحد يقول عندي 8 اسبيرات كله طاحت ولا درور عنه اهله مجمعه بالثمامه ايام الامطار

[قرقس الكشتة]

حياك الله أخوي لاند
أولاً : عليه بالإستخارة حفظك الله
ثانياً : من المعلوم عند كل الناس والذي لا يختلف عليه إثنان أن الـ VX-R أفضل بكثير ومن نواحي عدة
لكن الدراهم وأنا أخوك تحد الناس على اللي مايبونه أول شي أفضل مكينة لأن الـVX ثمانية سلندر والـ GX
ستة سلندر طبعا أقصد موديل 2007 اللي تنشد عنه
ثاني شي بالنسبة ياغالي للفخامة فالـVX أفخم بمراحل أنا صراحة أنصح بشراء الـ Vx ولاتلفت

ثالثاً : بالنسبة لخلفية الكزس أنا أشوف إنه أفخم من السبير العلاق وهومعروف إنه أغلى ؛ لكن راعين البر يفضلون السبير معلق لأسباب وهي :
1/الاستبنة لاصارت تحت تحك بأي شي
2/ اللي وده يركب تانكي تحت يصير مافيه مكان لأن الاستبنة تحت .

وأنت وخويك بالخيار

أرجو إني أكون أفدتك

والله يختار لك الخيرة المباركة

تقبل مروري

[فاقدخوي]

راعي بر سبير علاقي


اما من ناحية الافضل كلهم حلوين الفكس والجي اكس

[كساب الطيب]

الفكس ار
ثمانيه اسلندر فل كامل فتحه دفلك الخ.. اذا راعي كشخه ومدينه
وخلفيه لكزس

فكس ار
كذلك ثمانيه قير عااااااااادي اذا راعي بر وطلعات وكرف السياره
واستبنه علاق
هذا راي ومو تجربه راي فقط

[النمر الكحلي]

خذك Gx فقط اسبير علاقي خلفية شنطة مرررررررررررررررررررررغوب جدا في البيع
استغفر الله استغفر الله استغفر الله

[VXR.2007]

vxr لاتبعد عنه ابد