باثفندر 2007 اصفار مخزن

[بيضا القاع]

السلام عليكم ورحمه وبركاته


لقيت امس في شركه نيسان باثفندر 2007 مخمل اوتماتيك عندهم من وقته ويبونه 90 الف وانا اشوفها غاليه وهل هو يستحق وهل راح تكون خراباته كثير لانه فوق 3 سنين ما تحرك

وابي رايكم في الباثفندر ايجابياته وسلبياته وهل في سياره منافسه له من نفس السعر

جزاكم الله خير وياليت الرد في اسرع وقت لانه المدارس قربت وابيه للعيال

[العنابي 616]

الباثفندر سيارة زينة ما عليها بس كنها غالية شوي خلهم ينزلون من السعر وبعدين تأكد من البدي لا يكون فيه مخوش ولا البوية مشهبة لانه موقف 3 سنين بالشمس اتوقع لو نزلوا سعره ل80 الف زين

[مجنون باترول4800]

يارجال لاتروح وانت شفقان
رح ومعك عربون وسم الموتر انت
وان شاء الله تخذه بسعر زين
موفق خير

[بيضا القاع]

ان سمته ب 80 ما رضو وكنا معاي فولسه كاش

[بيضا القاع]

للرفع
للرفع

[بدوي جنوبي]

غريبه 2007 مخزن
ايش لونه ؟

انتبه لا يكون فيه بلا
بالنسبه للسعر ما اقدر افيدك
شوف اسعار المستعمل النظيف جدااا
وانت قارن بينها

وان شاء الله تتوفق فى مشتراه

[ابوناصر426]

سعره غالي شوي بس حاول انك تكاسرهم على 80 او 85
واذا نويت تشتري قل لهم ضمانه يبدا من تاريخ شراءه
وهم يشغلون السيارة كل فترة، خويي اشترى فورد موديل 2004م عدادها اصفار قبل سنتين وشرط عليهم ان الضمان يبدا من تاريخ شراء السيارة وليس من تاريخ موديل السيارة وعانها معه زي العسل، وقال له مهندس سعودي بتوكيلات الجزيرة انهم يشغلون السيارات اللي بالقراج كل فترة

[بيضا القاع]

مشكور اخوي بدوي والموتر مشاء الله

ومشكور يا ابو ناصر على المعلومات وجزاك الله خير وبشوف حل معاهم

[بو خليفه]

انا اقول اشتره و لا يهزك احد لان المستعمل وقاطع مسافة اقل 100 الف يباع في حدود ثمانين اشتره لكن فحصه قبل نقل الملكية و افحص المكيف وجميع الميكانيكية و الكهربائية والبدي للتأكد انه لم يشكف لونه او يوجد فيه عيوب اخرى

انا لو منك اشتريه و ان حصل ضمان هذا طيب واذا بدون ضمان هم اشتر لان موديل 2009 - 2010 لا يوجد عليه ضمان فقط يحتاج فحصه و التوكل على الله

[بواسامه]

ولد عمي شراه جديد موديل 2009 من الوكاله الجبر في الشرقيه
وصار مسمكر ورجع لهم وتطاق معهم وسكتوه بعشرة الاف ريال رضاوة
فاحذر منهم وانا اخوك
وفقك الله

[بيضا القاع]

جزاك الله خير بو خليفه على النصيحه وانا بكرى بروح لهم واشوف

اخوي بو اسامه هل من استعماله خربت السياره او عيب من الشركه ياليت تفيد

[بيضا القاع]

شكرا ل كل من شاف الموضوع بدون رد

[التعـ King ـديل]

اذا كان فل كامل توكل على الله او على الاقل نص فل

اما اذا ستاندر مره لاتقربه لان سعره جديد موديل 2007 كان ب 95 الف

واذا كان فل او نص فل ولونه زين ادفع لهم عربون بسومه 85 وامش وخلهم يومين

وحط رقمك .. ولاتخاف مواتر نسيان ماتضرها الوقفه ابد .. بس اهم شي الموتر مافيه

صدوم او سمكره او دقات او مخوش

[منصور الغامدي]

نصيحة لوجه الله لا تاخذه والدليل ( لو قلتلي انك لاقية في معرض ولا مع شخص كان أقول خذه ولا تشاور0 لكن محصلة في الوكالة هنا عليها أكثر من علامة؟؟؟؟؟؟؟؟؟؟؟؟؟؟؟؟ وأتوقع 100% أنه مارح يخرج عن احتمالين 1_ انه كان سيارة تجارب بغض النظر عن العداد والي من السهل تغيره0
2_ نقدر نسمية سيارة رجيع ( بمعنى أنه أي سيارة من مثيلاته في تلك الفترة وفيها خراب قوي يرجعوا لهذه السيارة ويستبدلوا القطع 0 أتمنى وصلت الفكرة 0
ودائما الرأي الأخير لك000

[رعد الصحراء]

ما أنصحك لسبب واحد
السياره لها 3 سنوات واقفه وش تتوقع بعد هذه المده ؟
ولك الاختيار وهذي نصيحه لا أكثر ولا أقل
الله يزرقك بكل ما تتمناه
’’تـقبل مروري’’

[بيضا القاع]

والله الصراحه شي يخوف لاكن بشوف اليوم وبروحلهم

[صقرالعرب2007]

اخوي ان كانه ستاندر اقل فئه ما انصحك به لأن موديل 2009 الحين اقل فئه بـ 90 الف

ون كانك محصله بمعرض فهو أأمن من الوكاله الوكاله عادةً ما يبقى عندهم موديلات راح عليها اقل شي سنتين

وعليك بالاستخاره,,,

[قطب 999]

احذر السياره فيها مشكله اما سمعت المثل الشعبي الذي يقول
ياشاري الدون بالدون

تحسبك غابن وانت مغبون

[ماسك الخط]

والله ياخوي احس انا الامر فيه شي مهب طبيعي مخزن له 3 سنين اكيد ان به شي
والا كان انباع مع اللي قبله وانت تعرف كل فتره يسووون خصم على الموديلات اللي قبل وشلون ذا ماراح معهن

[بيضا القاع]

جزاكم الله خير على المعلومتا

[escape_man]

شرينا 2006 يوكون من العيسى وبالخير صارت مقبوعة من الوجه ومصلحة

لو فيها خير مافرطو ببيعتها بسنتها

[عبدالرحمن السالم]

اتوقع ان فيه بلا .. والا ليه ماباعوه من الاول
انتبه لاتستعجل على البيعه والموتر مايحتاج زين

[moafaq999]

بالتوفيق ان شاء الله

[الباثفندر 3.5]

بشر شريت الموتر؟؟؟

[volcano]

موضوع قديم ;)

وينك يابوعبدالرحمن الصفيان

[.أبوعبدالرحمن]

تاريخ إنشاء هذا الموضوع

02/10/2009

يغلق