المساعد الشخصي الرقمي

مشاهدة النسخة كاملة : الحر اغلى الطيور (د عـــو ة لــلــــنـــقـــاش...!!)


كابتن الشمال
01/10/2009, 11:12 PM
بسم الله الرحمن الرحيم

السلام عليكم ورحمة الله وبركاته


الحر والشاهين والوكري والجير و .. و... الخ.

الحر اغلى الطيور ؟

السؤال :

هل الحر يفعل فعول مايفعلها الانواع الاخرى ؟؟؟ يعني هل له مميزات ماهي عند غيره من الانواع؟

ام هو عرف من قديم الزمان ان الحر اغلى الطيور ؟


السعر يفرق كثير يعني لو فرق السعر بشي قليل كان ماطرحنا السؤال!


د عـــو ة لــلــــنـــقـــاش
ربع خالي
01/10/2009, 11:38 PM
الشاهين والجير ان سبقته الحبارى ماعاد له عذر وهو كامل في الياقه وينزل قدره عند راعيه ,, أما الحر الصايد ولو سبقته الحبارى فقدره عند صاحبه مايتغير بشرط انه يكون سبوق و قله من الحبر اللي تروح عليه , هذا اولا ,,, وثانيا بأن الحر هو الخوي السنافي بأنه يتحمل الجوع والبرد ,, والاهم من كل هذا بأن الحر وليف اكثر من الفصايل الثانيه,, وفي الاخير كل طير له هيبه , الا الحر فهيبته غريبه تجبرك على احترامه,,,
تقبل مروري
تحياتي
feras19
02/10/2009, 12:02 AM
كل الطيور زينة لاكن الحر مهو متوفر و يتحمل

انا افضل الحر والشاهين كلها ممتازة
مشبر البران
02/10/2009, 01:50 AM
انا مع اخوي ربع خالي
وننتظر باقي الأخوان
ذراع الذيب
02/10/2009, 02:06 AM
السلام عليكم ورحمة الله وبركاته,,

الحر له من اسمه نصيب والريشه الطيبه لها قيمتها ,,

وقرنسته الطيبه لها دور وكبره له دور شوف اسعار الشواهين مالها قيمه ,,

بأسباب قرنستها المتأخره جدا والفعل مايحكمه نوع ,,

واتوقع سعر الشواهين الوحوش يبي يتعدى الحرار في السنين الجايه,,

تحياتي لك,,
خيال الصبحا
02/10/2009, 03:59 AM
وعليكم السلام ورحمة الله وبركاته
الاخ كابتن الشمال
اظن ان الجيرة اغلى من الحرار(الوحوش اقصد وليست التفاريخ ولو ان التفاريخ بها اشياء كذلك غالية)
ولكن الجيرة أغلى وانت قارن الحر النادر والجير النادر وشف أيهم أغلى(قد أكون مخطئ في تقديري لها)

على كل رغم اني لست اعلم ممن سبقني ولكن حبيت اشارككم بما لدي
الحر اصبر من الجيرة والشياهين على طبيعتنا وكذلك طير ذكي وقوي ووفي كذلك قرنسته
افضل من الشياهين،وريشه اقوى ، وهو طير الحباري بلا منازع
عباث صاد بيوم من غلب الأرواش *** عشر إوثمان أو زاد حواش ثنتين
ولا نا فسه في مركزه غــيــر بطاش *** اللي بيومه صــاد واحد وعشرين

على كل حال اختصر الكلام السابق بالجملة التالية(الحر والحر يستاهل)
الصقار111
02/10/2009, 09:25 AM
الأخوان ماقصروا
وأنا مع أخوي ربع خالي
@قرناص@
02/10/2009, 10:53 AM
الصقاقير مابقو شيئ نقوله..

بيض الله وجيهم ,,

ويبقى الحر في المرتبه الاول ..

والله يرزق الجميع بحرآر نادره ،،
@السيف@
02/10/2009, 11:36 AM
بالنسبه للعرب لن ولن ينافس الحر اي طير للعلاقه الوطيده والصبر والجلاده والمزاج الرايق
ابو سفيان
02/10/2009, 01:35 PM
يخوي انا الي اعرفه
ان الحر صبور ويتحمل الحر لكن الشياهين تحب البروده
والحر إذا اصابه مرض تقدر تعالجه ويستجيب في اغلب الاحوال والشواهين يبين عليها الرض بسرعه ان ما داريت عليه يمكن لا يستجيب للعلاج
الحر ريشته تختلف من طير لاخر
لكن الشواهين لونها موحد لكن في نضري الون الشواهين احلا
الحر تقدر تهده اكثر من خمس مرات ان كان لياقته عاليه ويلحق اما الشواهين فتتعب اكثر شي 3 هدات
وتتعب
الشواهين ارها اصمل من الحرار يعني ما تروح صيدتها لو يش يكون والحر ان راحت الصيده بطلت ودقت الحوم او نزلت على الارض
الحر اقوى من الشاهين حين الامساك بالصيده
مقاس الحر يجعل سعره يرتفع عن الشواهين والوكارى
الجير الوان ريشته حلوه لكن ليش رخيص ما ادري

هذي وجهة نضري وان كنت مخطء وجهوني لصحيح
كابتن الشمال
03/10/2009, 12:32 AM
للرفع ...............
كابتن الشمال
30/10/2009, 12:47 PM
للرفع وفتح باب النقاش وطرح الآراء كل حسب وجهة نظره
ابوقصاص
30/10/2009, 02:48 PM
بيض الله وجيهكم

والله يرزقنا وياكم بالحر النادر

تحياتي ...
قرناس شماالي
30/10/2009, 11:54 PM
اخوي الحر معروف من اسمه ليه سموه حر؟
المغتر2
31/10/2009, 12:02 AM
ماقصرو الاخوا
و ماني عارف ليه الناس ماتحب الوكري
هل هو اسوأ انواع الصقور؟؟؟
قناص حباري
31/10/2009, 01:09 AM
الحــــــــر.........................
لا نقاش
فتى الوداي
31/10/2009, 11:22 AM
صحيح الحر غالي
القنـاص2008
31/10/2009, 02:56 PM
الحر حر وافي ياجماعة الخير
عاشق الفتك 20
31/10/2009, 03:03 PM
الحر يعرفه الخشيم من افعاله
والحر فعله مايتغير ماهو مثل الجير والشاهين