مشورتكم في البالون الدانلوب

[لهايب نجد]

السلاام عليكم
اخواني الاعزاء ابي مشورتكم في البالون الدانلوب لانه بصراحه خفيف اخف من الماكسس واخخف من السيام
وبصراحه انا ودي اركبه بس ابي رايكم فيه من حيث الرجة والخدمة

[عبق الحياه]

إنسى الرجه للابد ونا مجربه ممتاز وسعره 450

[راعي جيوب]

ممتاز بس عيبه ما يتحمل الوعر ويمسح بسرعه وبالتوفيق

[ساري 111]

زين ويمدحونه الربع بس مايتحمل الحصى والشوك بالشعبان لانه لين بالحيل

عندك كفر مثله بالضبط من هانكوك نفس المقاس والنقشه لكنه قوي 8 غاط

[التعـ King ـديل]

الماكسس 8 غاط / 900 وبس

بلا دنلوب بلا سيام وعن تجربه اتكلم .. مواتري كلها سواء جديد ولا مستعمل اطق له طقم 900 ماكسس وادلع نفسي ..

اذا بغيته بر فهو طرب واذا بغيته خط فهو شي يعجبك بس اهم شي ركب له جنط صح ورصصه الكتروني عند المجد وانسى ..

[ترهيم]

السلام عليكم


اخوي بوالين الدنلوب مثل الغراب الي ضيع مشيته ...

ماكسس ثقيل على الموتر بس يتحمل الحصي وشعبان .
والدنلوب العادي ممتاز في النفود انا مجربه .

اما البالون دانلوب ما انصح فيه ابد لا يتحمل حصي ولا شعبان وغير عملى مع النفود .
الدنلوب العادي امشي فيه فوق 100 بالخطوط الصحراويه ومع نفس ماقدرت امشيه على البوالين الدنلوب ماقدرت امسك الموتر لين نسمته ولايزال يحوص الموتر .


ميزته خفيف اما ولافيه رجه .

[ابوصالح77]

كانك راعي خطوط وطيران خل عنك البالون
وخذ دنلوب عادي رملي وفيه مقاسات
أفضلهن مقاس 16/85/245
ممتاز جداً من واقع تجربه ويصبر وثابت بالخط في المطر وغيره ولا فيه رجة
ويقوم مقام البالون بالرمل إذا نزلت الهواء
الله يوفقك

[قناص الضلع]

حياك اخوي انا جربت الماكسس والحين مركب الدنلوب ميزة الماكسس ماتدري عن المطاب الصغيرة بس اذا كنت هاوي وعر وحصى لاتركب الا الدانلوب ولاتنسى ان عليهن ضمان سنه عكس الماكسس وخف رجه

[أحمد الدهمشي]

وعليكم السلام ورحمة الله وبركاته

الدنلوب البالون فاشل ويبنشر من الشوك واعواد الشجر الصغيرة
من واقع تجربة

[لهايب نجد]

اخواني الله يوفقكم ويسهل اموركم ويرزقكم وبيض الله وجيهكم على النصايح هذي والتجارب
بصراحة كفيتو ووفيتو
عسى الله لا يحرمنا منكم ومن تواصلكم
وانا بصراحة استخرت وركبت الدانلوب بالون 8 غاط 900
وعسى الله يبارك فيهن ان شاء الله
ومشكورين على كل ما قدمتو