المساعد الشخصي الرقمي

مشاهدة النسخة كاملة : سؤال لخبراء الطبخ , مافائده ترك القدر خارج الموقد لمده 15 دقيقه ؟


راعي السلقه
19/09/2009, 02:55 PM
السلام عليكم ..

نلاحظ كثير من الطباخين يتركون القدر خارج الموقد بعد جاهزيه العشاء مده ربع ساعه .. يقولون حتى يتنشف الرز .. هل هذا حقيقي ؟

طيب اذا كان حقيقي وجينا نبي نجرب هل نقلل المده الي نخلي القدر فوق الموقد عشان يتنشف الرز ؟

وماطبيعه الارض الي نحط القدر فوقه ؟ مثلا الرمل البارد ينفع او على رماد دافي او ايش؟

هل نفتح بلف الكاتم ؟؟

الطبخ اسرار واسرار .. ياليت من يفيدنا
ابو عبدالملك 2
19/09/2009, 02:59 PM
والله اعتقد موينشف وانما حتى ماتمسك القرارة حتى تفك مع البخار لانه بيكون بخار بدون حرارة من تحت

هذا توقع بس 15 دقيقة كثير يمكن يتلبد الاكل وما اتوقع انه بينشف

تقبل تحياتي وتقديري
راعي السلقه
19/09/2009, 03:15 PM
طيب يفك البلف ولا يترك مسكر ؟
لاتكب البيالة
19/09/2009, 04:42 PM
هذا يا طويل العمر عشان يطلع الرز نثري لكن اللي يسويه لازم يخلي الماء موزون مهوب يطلعه وهو يربص ويخله
طبعا ربع ساعة واجد يخليه بالكثير 10 دقايق والبلف عليه
وترى موضع مثل هذا ما يصلح لازم نعشيك لنا يوم ونطبق عملي:)
رعد الصحراء
20/09/2009, 03:29 AM
وعليكم السلام ورحمة الله وبركاته
بالنسبه لي ما أنتظر دقيقه وكل إنسان له طريقه معينه
بالنسبه لسؤالك ينتظرون ربع ساعه من وجهة نظري ومعرفتي ما أشوف له أي سبب يترك بعد الإستواء سواء كان قدر ضغط او قدر عادي
تبي نصيحتي ؟ من يستوي سم بالله وماعليك من الوقت ولا تتركه ثانيه
اخوي بقولك شي . أهم ما عليك توزن الماء ولا يكون زايد
بالنسبه لقدر الضغط بعد ما تضع الرز يكون الماء فوق الرز بشي بسيط وتكون النار متوسطه وبعد يتشتش تقصر عليه للأخير مدة 20 دقيقه وراح يطلع الرز نثري
وكل عام وانت بخير
أتمنى إن المعلومه وصلت
’’تـقبل مروري’’
M Fox
20/09/2009, 04:32 AM
رعد الصحراء كفى ووفى ...

الـ 20 دقيقة مهب عشان ينضج تكفيه 10 دقايق لكن عشان ينشف الماء و يصير الرز نثري شرط وزن الماء .
بن شمروخ
20/09/2009, 12:20 PM
أولا كل عام وانتم بخير ..

ثانيا ربع ساعة واجد ....

هي المدة من 6 دقايق الى 10 دقايق بالكثير ....

وفايدة هالحركة يكون الرز نثري ... يعني تقدر تقدر تقول بالعامية تنشف الرز ...

لكن مو اي واحد يضبطها ...
عاشق السيل
20/09/2009, 09:20 PM
وعليكم السلام ورحمة الله وبركاته ،،

كل عام والجميع بخير ،، أنا أسوي الطريقة هذي لكن فقط مع القدر الكاتم ،، وطريقتي إني أخلي البلف يتشتش دقيقتين بس وبعدين اطفي النار نهائيا وأخلي القدر على وضعه (( بدون ما أشيل البلف )) لمدة ربع ساعة وبعدها أفتح القدر ويطلع الرز نثثثثثثثثثثثثثثري !!

بس بشرط ضبط وزن الماء على الرز مثل ماقالوا الشباب ،، والله يوفقك أخوي .......
ناصرالفهد
21/09/2009, 02:17 AM
كل عام ونتم بخير اخواني الاعزاء
ويعود عليكم بي الصحة والعافية
الطريقة هاذي عشان يتناشف الرز مضبوط جدا
وبي النسبة لي الماء لزم يكون اقل بي كثير لقدر الضغط والقدر العادي يكون حسب الرز الموجود
نايف الصقار
23/09/2009, 03:32 AM
ممكن عشان يتشبع حتى من البخار الموجود ..... ولكن انا رايي اول ماينتهي اغرف وسم بالله ترى الطبخة من طباخها ...............
alsagr12
24/09/2009, 10:43 PM
جزاك الله خيرا
وبارك الله فيك