اذا غرزت ومامعك دبل ولا فيه احد يدفك ما الحل

[اول المشوار]

بسم الله الرحمن الرحيم
ياالربع انا اليوم مريت بموقف لاحسد عليه والسبب الغراز تعلقت السياره بطعس وماطلعت معي الا الين جبت اربع رجال ساعدوني عليها والموقف هو المشوار الي اخذته الين السفلت وانا صايم عسالله يتقبل منا ومنكم وبسراحه وانا في هذاك الوقت اقول بس متى اجي وانزل هالموضوع عندكم لاني والله استفدت من هالمنتدى
وابي اشور عليكم هالشور
انه كل واحد له خبره بالطعوس والرمال يفدنا وخصوصا اهل السيارات المنتهيه مثل سيارتي ههههههه هلي قديييم والي مامعهم دبل ينفعوننا بخبراتهم
وكل واحد فينا يضع رايه لو بيقول جفط الكفرات وهذا راي هههههه

ارجو التفاعل منكم انا بسراحه ابي استفيد من خبرتكم واكيد فيه غيري يبي يستفيد
ولاحد يبخل علينا لو بدعوه صالحه في هالشهر الفضيل



والسلام عليكم ورحمة الله وبركاته

[اواو]

بسيطه اذا غرزت انزل من السياره وامش على رجولك خخخخخخخخ امزح
بيبي وبينك وهقه التغريز وانت بروحك لكن نسم الكفرات ولاتضغط على الموتر بقوه علشان مايحفر وحاول ترجع وتقدم وان شاءلله تطلع
تحياتي

[لاتكب البيالة]

السلام عليكم
انا كم مرة اغرز او اتعلق ولا حولي احد وحرحر وحاول اذا عجزت اطلع جبت العفريته ورفعت السيارة ودفنت الكفرات
صحيح انه شغله رفع العفريته لكن اعتقد انه طريقة سريعة زلا تقعد تدور احد يدفك او يجرك

[موادع 1]

وش موديك للبر ولا معك احد والموتر ما فيه دبل ؟!!!!

[ابومحيميد]

بسم الله الرحمن الرحيم
ياالربع انا اليوم مريت بموقف لاحسد عليه والسبب الغراز تعلقت السياره بطعس وماطلعت معي الا الين جبت اربع رجال ساعدوني عليها والموقف هو المشوار الي اخذته الين السفلت وانا صايم عسالله يتقبل منا ومنكم وبسراحه وانا في هذاك الوقت اقول بس متى اجي وانزل هالموضوع عندكم لاني والله استفدت من هالمنتدى
وابي اشور عليكم هالشور
انه كل واحد له خبره بالطعوس والرمال يفدنا وخصوصا اهل السيارات المنتهيه مثل سيارتي ههههههه هلي قديييم والي مامعهم دبل ينفعوننا بخبراتهم
وكل واحد فينا يضع رايه لو بيقول جفط الكفرات وهذا راي هههههه

ارجو التفاعل منكم انا بسراحه ابي استفيد من خبرتكم واكيد فيه غيري يبي يستفيد
ولاحد يبخل علينا لو بدعوه صالحه في هالشهر الفضيل



والسلام عليكم ورحمة الله وبركاته


اذا مانفع معك حل التنسيم وشفت ان موقفك صعب


اتصل بـ 998 واهم شي قلهم معي عوايل عشان يجونك :)

[MIDDLE EAST]

مالك الا الصبر وش وداك له

[WAW]

لاتروح البر الا معك ماطور الهواء + ماء + حبل + خبرة في الطعوس + موتر نشمي + وسواق نشمي + ووسيلة اتصال + والتوانكي فل بنزين = طلعة مأمونه باذن الله

ونسيت اهم شي ( الخـــوي النشـــمي ) يكون معك


وسلامتك

[نيسان 807]

تحمد ربك انت معك قير عادي يمديك تطلع البلاءمن اللى معه تماتيك

[m3krch]

السلام عليكم

وش اللي جابك لتغريز وانت مالك حاجةً به
قبل لا تجي المكان اللي به رمل وتغريز حاول تخلي الموتر نشيط وشاده بنمره
علشان مايتعلق

اخوي فيه خطوات لازم تاخذها بعين الاعتبار
1- تنسم الكفرات واحسب لين يلين الكفر بس لاتخليه ينفرش مره
2- إزاحة الرمال عن الكفرات الاماميه والخلفيه ..( تبرح عن الكفرات )
3- تخلي الدركسون في وضعه العادي .. الكفرات الاماميه متجهه سيييده .
4- عشق السياره بواحد وامش قدام وورا على خفيف اكثر من مره ..( ترهيز للموتر)
5- اذا مانفع معك الله لايهينك قشع من هالرمث واحطب وادفن تحت الكفرات من هالرمث وسو قهوتك وعين من الله خير

[الشبل العجمي]

السلام عليكم ورحمة الله وبركاتة

أخواني على طاري الخوي النشمي

ههههههههههه

والله يهي سالفة

صارت لي وندمن كثر شعر راسي

يوم من الأيام الصيف شريت لي ددسن 85 غمارة با 2500ريال

المهم رحت وشريتلي تواير جديدة الواحد 85ريال خخخخخ كانت ب 100 فريت راس البنشري وخذيتها 85 المهم

رحت للبر ومعي 2 من خوياي البر مهو بعيد المهم وحنا نتمشاء

للشمعه قدامي وضرب الشمعة وطير ووقع ودح بريكــ

خخخخخخخخخخ وغرز المهم آنزل ياربع دفو وانا برقص الموتر

لين فيه واحد ؟؟؟؟ المهم

يولد حر انت وافلان دفو وانا برقص

الموتر أنا الحين متوهق طيب المهم 3 ساعات وحنا ندف وطف وأحفر

ووفجاة تجيني فكرة قلت ياعيال نسمو على الكفرات وانا بروح لراعي الغنم قريب

وباخذ منه شيول عشان نحفر طيب ... خلا أزهل يبو محمد

وانا ماشي وبعيد منهم شوي

قال الدب الي كان يسوق وشلون ننسم قلت على الجنط

المهم وروح للزول السلام عليكم

الزول وعليكم السلام

كيف الحال يخينا

الحمد لله تمام
عندك ونش
شنو
ونش محفار

أيييييييييي

طيب الله لا يهينك ابيه خمس دقايق

طيب
وأنا رايح

آمانه عليك ترجعو

آبشر

المهم وانا راجع للعيال وشوف التواير مافيها هوا

يعيال وش سويتو

الدب انت قلت لي نسوم على الجنط

أية انا قلت لك بس مو كذا

المهم قلت ياعيال أنا بروح للزول

بشوف عنده مطور هواء أو جوال

بكلم العيال في الديرة

طيب

العيال طيب
وقلت لهم حاول تطلعون الموتر

المهم وارجع للزول تفظل يازول

الزول شكراً

يطيب معند جوال

الزول لا الجوال حق مو معي

وينه

والله مطيه واحد من اصحابي

يكلم الجماعة في السودان

طيب يعطيك العافية

المهم وش لكم في الطويلة

رجعت للسيارة ومن بعيد شوي أشوف العيال داخل السيارة

والكفرات تدخن

وركض يعيال وقفو وقفو

العيال مسوين حنا بنطلعها

والتاير ثابت والجنط يتحرك خخخخخخخخخخخخخخخخخخ


والتواير تدخن

وهم مستانسين

مسوين حركة بريك بانزين

وأنا بعد معهم وآآآآآآآآآآآآآآآآدعس للبنص حدة

وتاير يحتراق

وشوي للموتر من ورا يحتراق

وأنزل واحط رجلي ووالله

يوم أبعدنا

لصوت أنفجار أنا من الخوف بقيت اسير ضب

وأجحر

المهم لين الزول

يكلأب يحمير

يعيال ؟؟؟؟؟

هججتو الغنم

المهم وحط رجلي .. ودز الديرة يمكن 3 كيلو أو 4

من الخوف يمكن ربع ساعة الأ انا في الديرة

وحط راسك ونااااااااااااام يومين

طبعن السيارة بدون آستمارة

وأنا كنت وقتها عمر 13 سنة

المهم لين عمي يسالني
أنت وش سويت

لين في مثل دايمن أطبقة في الحياة

(( جحيد وأمرً بعيد ))

وأجحد السالفة

والحمد لله مرت الأمور في سهلات

وأسفين أذا طولنا عليكم

أخوكمـ /الشبل العجمي

[مغبررالددسن]

يالشبل ايام اول لها ذكريات حلوهـ بزينها وبشينها

كان معنا جمس 77 طاح بذيك المحقانه اللي افكر هالحين وشلون طحنابها بين ضلعان والرمل جايك مع السيل ومسويها فنجال يا سبحان الله مدري كيف طلعنا منها مع ان البطاريه حقت الموتر انفكت وطاحت على المكينه بس ربك ستر
ابو الشباب السواق حقنا مسوي فيها دريول والشباب اللي فالحوض متجودين ويشيشونه اتحداك اتحداك تطمر الشعيب يالغشييييم خخخخخخخخخخخخ

ايام والله ما تمحيها السنين

[GMS444]

ونعـــــــــــــــــــــــــــــــــــــــــــــــ ـــــــــــــــــــــــــــــــــــم ياشبل

[غالي]

اخوي صاحب الموضوع

انا شوري عليك اذا تبي تدخل رمل وسيارتك مثل ماقلت دفرنس واحد

1- عليك قبل ماتدخل الرمل تحط كفراتك على 10 او 9

2- وان نسمت لا تنطل او تسيف علشان مايطلع الكفر ((لأنه منسم))

3- وابعد عن رأس السيوف علشان ماتتعلق

4- ان كنت بارض مستويه ومنسم وكنت واقف فجأه تبي تمشي لاكن بداء يحفر (( دق ريوس بدعسة بانزين خفيفه جدا اذا ماطلع تقدم بدعسة بانزين خفيفه وقطع الدعسه اي اضغط بانزين خفيف واتركه كذا مره))

وان شاء الله ماتشوف شر

ماشاء الله تبارك الرحمن انا معي يوكون دفرنس واحد واثقل من موترك انسم 10 او 9 رغم ان كفراتي اكبر الحمدلله ماشفت ضرر

ومره جالسين وتأخر الوقت وحنا بجلستنا قلت ابقتصر الوقت وبتفخ كفراتي ل25 يمشيني بالرمل والديره ماني مسرع

يوم تفختها وجينا بنمشي قال اليوكون هذا مكاني إظطريت انسم مره ثانيه علشان اطلع

وفعلا الحمدلله طلعت بدون اي سحب رغم كان قدامي مرتفع خفيف

اتمنى لك ولي والآخوان السلامه دائماً

تحيتي

[الشبل العجمي]

GMS444 معليكــ زود (http://www.mekshat.com/vb/member.php?u=131896)

مغبرر الددسن أنشاء الله قريباً

أسرد لكم قصة الددسن وسباقها مع ...

[الشبل العجمي]

لاهنت يا الغالي

تحياتي

أخوكـ /الشبل العجمي

[mazenk15]

ماشاء الله راحت الحلول
وصارت قصص
لكن شئ جميل
تقبلوا مروري

[أبووليد..]

الحمد لله على السلامه :p
الحل إنك تاخذلك مسحات بس لاصرت صايم لاتبزع وتقعد تحفر :D

بالتوفيق

[القيعه]

السلام عليكم

وش اللي جابك لتغريز وانت مالك حاجةً به
قبل لا تجي المكان اللي به رمل وتغريز حاول تخلي الموتر نشيط وشاده بنمره
علشان مايتعلق

اخوي فيه خطوات لازم تاخذها بعين الاعتبار
1- تنسم الكفرات واحسب لين يلين الكفر بس لاتخليه ينفرش مره
2- إزاحة الرمال عن الكفرات الاماميه والخلفيه ..( تبرح عن الكفرات )
3- تخلي الدركسون في وضعه العادي .. الكفرات الاماميه متجهه سيييده .
4- عشق السياره بواحد وامش قدام وورا على خفيف اكثر من مره ..( ترهيز للموتر) هذا غير سليم عشق الموتر في ثنين عشان الواحد يحفر ثم سايس الموتر قدام وراء قدام وراء لين تحس الموتر يقدر ياخذ عزم ثم يالله بسم الله وتلقاك تعديت التغريزه .
5- اذا مانفع معك الله لايهينك قشع من هالرمث واحطب وادفن تحت الكفرات من هالرمث وسو قهوتك وعين من الله خير

اتفق معك على كل هذا إلى في رقم 4 تم التعديل عليه
يقول المثل اسئل مجرب ولا تسئل خبير ونا ونا اخوك مجرب اواحد يحفر ويزود الطين بله

[abufahd]

الموقف الأول : اذكر مرة من المرات كان معنا جمس صحن بدون دبل لاكن كان مجهز بونش سحب في الامام وكنا نطاعس وثولثنا في راس نفود والله ونبلش وش الحل ما حولنا احد المهم فكينا الاستبنة وحفرنا لها قدام الموتر مسافة 15 متر تقريباً بعمق 1 متر وربطنا الواير بجنط الاستبنة وشغلنا الونش مع دعسة الموتر ولله الحمد طلعنا بحفظ الله ورعايته .

الموقف الثاني :
كان معنا جمس صالون بدون دبل وكنا نصيد قميري في احد الشعبان والله ونعلق بالشعيب وكان الجمس مجهز كذلك بونش سحب والله ونربط الواير بأحد اشجار الطلح وتم الخروج بالسلامة ولله الحمد والمنة .

[ahmad995]

على طول انزل ونسم للكفرات
ولا تقعد تحرحر بالسيارة بعدين تغرز زيادة
انا معي فورد غرزت ونزلت انسم على طول بس تنسيم على الجنط يالله يالله