المساعد الشخصي الرقمي

مشاهدة النسخة كاملة : وين احصل زي ذي الكفرات __صور


ابو مساعد 511
07/09/2009, 10:01 PM
السلام عليكم ورحمة الله وبركاته


كيف حالكم ياجماعة الخير


نبلش في الموضوع :قبل كم من فتره كنت ابحث عن كفرات حجريه وحصلت الكفرات الحجريه وطلعت مضبوطه على موتري ((البليزر)) بس شفت فيها ملحوظه انها بالرمال ماتنفع بالمررررررره يعني ثقيله ولازم تجي شاد عزم وتخلي الكفرات على عشره وقفلت معي :mad: قلت وش قلت الحيا ماتنفع الا في الجبال مع اني مااحب اروح يم الضلعان يعني نجد اغلبها رمال وطعوس يعني الامريكان عليهم شغلات يصنعون الى يتناسب مع بيئتهم وبعت الكفرات وشريت كفرات شاهين ماشاء الله تبارك الله توب التوب في الرمل شهادتي فيه مجروحه بس طلع شكل الموتر ماااش ماهو مثل اول يعني رزه فقلت ابي اشتري كفرات ثالثه بعد ماانتهت وراحت فيها الشاهين. وابي زي حجم الحجريات بس نقشتها رمليه ؟؟ تجي والا ماتجي :p قلت مالي الا الله ثم اخواني في مشكات هم الى بيسنعوني وانا احوس بالنت لقيت كم من صوره لو تجي منها على الموتري ااااف بتطلع ابداع بس وين احصلها


وهذي صورها:
هذي على الدودج
http://www.mekshat.com/pix/upload03/images124/mk36764_clip_2.jpg

هذي ادري انها على شاحنه بس يعني لو يجي منها بتطلع حلوه
http://www.mekshat.com/pix/upload03/images124/mk36764_kenworth_953a_rebuild1_01.jpg
ابوناصر426
07/09/2009, 11:19 PM
السلام عليكم

انا شايف هالكفرات عند وكيل كفرات على طريق خريص بعد شارع الستين على اليمين الظاهر اسم الوكيل برجستون او توهوما نسيت اسمه يجيك على اليمين
ابو مساعد 511
08/09/2009, 12:38 AM
ابو ناصر طال عمرك يمكن توضح اكثر لاني والله ماني من الرياض يعني بجيك عاني ولا ابي اضيع وين شارع الستين واضح لو سمحت
البرتقالي
08/09/2009, 12:44 AM
يابو مساعد
شكلك تبي كفرات بالون
اذا تبي تتعنى للرياض اسأل عن شارع الغرابي بالبطحاء ووكل الله
اي شي يطري على بالك تلقاه
أبوالقروش
08/09/2009, 12:46 AM
الله يرزقك بالي تباه
PICASSO.
08/09/2009, 12:47 AM
وعليكم السلام ورحمة الله وبركاته

اذا ان من جده يمكن تلقاها في كيلو 3
س ل ي م ا ن
08/09/2009, 01:54 AM
هاذي بالون تلقاه بشارع الغرابي
عاشق الفرعه
08/09/2009, 02:10 AM
الغرابي وبس
escape_man
08/09/2009, 02:17 AM
الحجريات دايما ثقيلة ولكن في نوع يعتبر هو اخفهم ولكن عيبه .. الكفر الواحد بـ 950 ريال

صناعة امريكية ..وقليل تلاقيه .. بي اف قودريتش 33\12.50\15

تلاقيه عند محل واحد بالغرابي بالرياض واي راعي بنشر هناك بيدلك عليه لاني ما اضبط وصفة ولا اسمه للاسف
ابو مساعد 511
08/09/2009, 02:39 AM
شكرا لكم جميعا جيت للغرابي وحست ولا حصلت

بن غييثات جربت بف قودرش بس ماش لازم تنسم للكفر مررره يعني على 15 والا 10

وبيض الله وجيهكم ماقصرتو بس انا ابي نشقتها نشقت شاهين نفس الى بالصور

بس من زمان عن الغرابي يبيلي جيه له يمكن جابو شي جديد

الا بن غييثات كيف الكفرات الى بموترك عساها زين بالرمل ؟
بنزرت
08/09/2009, 03:41 AM
فيه كفرات اسمها اوتسو
شكلها زي اللي في الصوره
ألنشمي
08/09/2009, 03:54 AM
السلام عليكم
هذي كفرات بالون الله يسلمك... اسئل اى راعي كفرات يعرفونها ... وخذ مقاس 900 اعلى شىء, 8 او 10 عشره غاط
أبورزان100
08/09/2009, 04:00 AM
هذي تويو 900
ابو مساعد 511
08/09/2009, 05:17 AM
بنزرت طيب وين شفتها فيه ابي المحل الى يبيعها وشكرا لك

النشمي طال عمرك مهيب زي بالون العرب الى يركبونها في الجيوب ذي اكبر واعرض

ابو رزان اسف بس هذي مو تويو 900

هذي مدري وشي هههههههههههههههههههههههههه

ان شاء الله بيجيبها واحد من الاعضاء ولايهنون البقيه
راعي المجهم
08/09/2009, 05:26 AM
غرررررررررريبة ؟
الدبل الثقيل
08/09/2009, 08:35 AM
اللي في الدودج ... مقاس 1100 جوديير .... بس ما أظن تحصله ...
مغبررالددسن
08/09/2009, 09:34 AM
شووف هالكفرات على الفتك وش لون راكبه ههههه

http://www.up-00.com/s1files/d7P91594.jpg (http://www.up-00.com/)
escape_man
08/09/2009, 10:03 AM
الكفرات الي على موتري نقشتها خشنة .. اقرب مالها الجراف .. ولاصار ماطور موترك شاد حليه فماعليك خلاف لا برمل ولا غيره
راعي عمااااش
08/09/2009, 10:16 AM
السلام عليكم ورحمة الله وبركاتة


يابو مسااااااااعد 511

انت قصدك كفرات الي يسمونها طيران لانها تركب في الطيارات والبارويقن هاذي موجودة بس طلبية ولد عمي جابها من برى طلبية عندة بارويقن وركب علية هاذي التواير لاكن انشاء الله ان اعلمك الليلة من وين بالضبط اذاك تبغيها ارسلي رقمك على الخاص


وتقبل مروووري
ابو مساعد 511
08/09/2009, 04:12 PM
شكرا للجميع مغبر الددسن صح عليك زي الى على الفتك

بن غييثات بيض الله وجهك اتعبتك معي شكرا لك

راعي عماش كانها نفس الى على الفتك نفس الى حاطها مغبر الددسن ايوه ابيها بس ليش طلبيه ؟ وبكم تطلعلي
ابو مساعد 511
08/09/2009, 04:20 PM
راعي عمااش لك رساله على الخاص
المتهني
08/09/2009, 07:31 PM
السلام عليكم
هذي كفرات بالون الله يسلمك... اسئل اى راعي كفرات يعرفونها ... وخذ مقاس 900 اعلى شىء, 8 او 10 عشره غاط


انا اوافقك الراي وانا مركب بالموتر والحمد لله زيييييييييييينه بالحيل لا برمل ولا بحجره .
عليهن رسمة جمل .
وافي 00
09/09/2009, 01:16 AM
اذا لكم خاطر شريتهم وماركبتهم لان الوانيت عندي نازل من قدام وورى يركبون على طول وهونت عنهم
LT 36 -12.50-16.5
goodyear

رنقات امريكية اصلية حديد وحجم الرنق 16.5 8براغي

وتيوبلس

الرنقات حديد حقات الوانيت الجمس الوكالة والشفر والفورد والدوج ...

والتواير النوع الحجري نفس اللي بالصورة

التواير جديدة لم تستخدم يعطون نظرة للسيارة وايضا على للرمل

والبيع بسعر مو غالي اقل من التكلفة بكثير ....
http://www6.0zz0.com/2009/08/31/23/626475972.jpg (http://www6.0zz0.com/2009/08/31/23/626475972.jpg)
خالد الشمري20
15/04/2015, 02:40 AM
مشاء الله تبارك الله




وأنا والله اني أبحث مثل البوالين ذي ما حصلتها


ادري ان الموضوع قديم لكن ياليت احد يفيدنا