ابي نصيحة مجرب قبل لا اركب جنوط

[اسلمي الجوف]

السلام عليكم ورحمة الله وبركاته
كل عام وانتم بخير ومبروك عليكم الشهر .... يارجال ابي آخذ رايكم خاصتن الاخوان اللي جربوا ومعهم جيب هدد 2007 عن الجنوط العراض (مقاس 16 او 17) سواءا النجمه او الفراشه او كفرات البالون مع جنوط الحديد العاديه هل فيهن ضرر على الجيب يعني يسببن رجه او اي خلل تكفون ابي بالتفصيل الممل واللي ماجرب وماعنده خبره بالموضوع رجاء خاص لا يرد على سؤالي

[اسلمي الجوف]

وين ردودكم يااخوان؟!

[بوغيث 6363]

الله اعلم ,,

[طير شوى]

هلا بك اخوي الجنوط العريضه مقاس 16-17 مايضرن ولا يسببا رجة ومقاس 17 ارسى بالخط من ال16 اما البلون ما عندي علم

[اسلمي الجوف]

تسلم ياطير شلوى وماقصرت وبوغيث عسى ماتكلفت بردك

[اسلمي الجوف]

وينكم ياراعين الجيب؟؟

[عنيد الجبيل]

نصيحة
ابعد عن البوالين
تراها تتعب الموتر وتتعب الدفرنسات

[قمة افرست]

بالنسبة للجنط عادي ركب عريض او حق جي اكس ماعندك مشكلة
البوالين ماعندي خلفيه كافيه عنها

[Abo braheem]

شف يالطيب اذا انت راعي مراقا ومطاعس خذ 16
اما اذا تبي الركاده والرساوه 17
وشكرا

[القناص 3626]

الله يبارك فيك
البالون متعب للسياره من ناحيه الدفرنس والعزم والرجه الا نادرآ
اكثر محلات الترصيص المعروفه مثل العضيب وغيره ما يعطي ضمان على الترصيص
ميزة البالون طب اي جرف او عقم من دون ما تفكر :j
والله يكتب لك الاصلح اخوك ابو فيصل

[دار منيخ]

بالنسبة للجنوط نصيحة ابعد عن التجاري وركب اصلي التجاري كله رجة ومايضبط بالترصيص ابد انا مجرب
واذا لقيت اصلي علمني تراي ادور مقاس 17

[عبود بلاص]

اخوي نصيحه
اذا بغيت تركب جنوط تجاري او اصلي التجاري خذ مني النصيحه قبل ماتشري الجنط اشرط عليه انه يركبه على مكينة الترصيص بشرط يكون الجنط مافيه اي شي قصدي مايكون فيه البلف اذا طلع عندك المؤشر صفر اشتري الجنط ولااااا تشاور اما اذا كان فيه عدد لا تشتري لانه يكون فيه رجه واما بالنسبه للمقاس انا اشور لك مقاس 17 الصراحه شكله روعه على الجيب والله ولي التوفيق
تحياتي للجميع

[ابوحمد666]

شف ونا اخوك
اذا كنت ناوي على البالون نصيحه لا تركب جنط 17 لانه ما فيه عندنا بالسعوديه اللى نوع واحد مقاس 17 اللي هو الماكسس وسعره 500 ريال واذا مشت الكفرات 20 الف كيلو الله يعينك على ازعاجهم صوت مزعج جدا وبنفس الوقت تقيل على الجيب 6 سرندل
لذالك انا انصحك بمقاس 16 ايا كان نوعه بس اهم شي تاكد لا يكون فيها رجه او طعج واذا ناوي تركب بالون فا فيه الف نوع مقاس 16 وانت بالخيار
تحياتي لك اخوي

[علي عليوه]

من واقع تجربة
-مقاس 16 عريض إذا كان تجاري خذ حساب الرجة لو يبصمون لك بالعشرة حتى لو ما طلعت بالاول
راح تطلع بعدين مؤكد ,, وشكلها مقرف جدا وزد عليها جدا مرة ثانية ,, يعني استبعدها من الآن
أما إذا كان أصلي أصلي ,, فما راح تلاقي مكحل ( فراشة ) لأن الأصلي يجي لكزس بس وتكحيلته مقرفة كمان
بس بترتاح من الرجة .
- مقاس 17 يندرج تحت الـ 16 بكل المقاييس يعني التجاري لابد من الرجة والأصلي تكحيلته زفت
أما بالشكل فالـ 17 أفضل بكثير ويعطي رزة ورساوة مو طبيعية - ولكنه متهم بالتأثير على الكارونة والقير -
هذا مع العزر , مع العلم إن الجي اكس آر الخليجي يجي عليه 17 من بلاده ولا له تأثير ( يعني يمكن إشاعة )
وكلهن لهن صوت مزعج حسب نوع الكفرات
- نفترض إنك بتركب 16 أو 17 بدون تكحيل وأصلي هذا ممتاز للاستعمال ولكن يسقط بالشكل تماما
- نجي لجنوط الهلل على كفرات بالون ,, هنا الرجة مضمونة غصب عن أي بنشري , حتى لو الجنط أصلي
طيب لو قلنا جنط هلل أصلي + كفرات دنلوب شد بلد - الحجري - أو دنلوب دعسة شاهين ,,
هذي من رأيي أفضل الخيارات ولكن يبي لك كل 6 شهور ترصص أرضي لأنك بتحس برجة بسيطة بعد الـ 6 أشهر أو أكثر حتى مع الهلل الأصلي
نصيحتي لك / ركب جنوط هلل مع كفرات دنلوب دعسة شاهين ,, لأن الحجري له صوت على الزفلت
ويصاوي بإزعاج متى ما نزل هواه شوي ,, وتابع معه بالترصيص متى ما حسيت بالرجه واترك عنك العريض والمكحل لأن الناس تركوه ورجعوا للهلل ..

أما إذا تبي الفكة من الشغلة هذي كلها ومن الرجة وبلاويها ركب جنوط شد بلد ( السنبوسة ) ودنلوب دعسة شاهين وراح تحس بخف السيارة وراحتها وبشكل ملحوظ
بس الشكل لا يمكن وصف قبحه ...

طولت عليك لكن اسأل مجرب لكل الأصناف ومستعد أجاوب على كل سؤال من قبلك لأني أحس إني حست مخك ...

[لهايب نجد]

السلام عليكم
اخوي علي عليوة ما شاء الله عليك كفيت ووفيت انا كنت مركب بالون على جنط هلل وللاسف ذبحتني الرجة وثقل الموتر وصرفية البنزين مو طبيعية .. فكيت البالون وركبت دنلوب والحين انواع الوناسة.
مشكلة الجنط العريض المطب قوي في الراس دايركت.