يا اهل الباترول ابي الحل تكفون

[ابو سمسم]

بسم الله الرحمه الرحيم
السلام عليكم ورحمه الله وبركاته وبعد ،،،

ياخوان واعضاء وملاك الباترول عندي استفسار بسيط عن براترول ربع موديل 89 له سنتين معايه ماشاء الله تبراك الله مافيه شي كله سليم قبل اسبوعين كنت نازل من الباحه على جده غيره الزيت يوم وصلت جده اشيك على الزيت الا هو ناقص الربع او ازود شوي المهم عبيت زيت وقعدة اربع ابام كل يوم امشي عليه يمكن 120 كيلو واشيك على الزيت واحصله ناقص الربع تقريبآ

طبعآ مستحيل اوديدها عند ورشه ويقعد يفك ويلعب فيها

بس لاحظه ترشيد على راس المكينه من الجوانب
ولاحظه ان السلف حق التشغيل الي تحت الكربريتر فيه زيت مكينه يعني تهريب من فوقه

عطوني الحل الله لايهنكم

[الجندي2005]

كم ما شي الموتر ،،،،،،،،،،،،،،،،،،،،،،،،،،،،،،،،،،،،،،،،،،،،،،

[فقاقة]

مرحبا اخوي سمسم انا انصحك تستعمل زيت حجم 40 ماهو 20 افضل لهذا النوع من السيارات انا كنت اشكي من هذة المشكلة والسيارة ابدا مابها صرفية لكن حرارة الجو + كثر السرعة تسبب هذة المشكلة اذا كان حجم الزيت 20 بدل بترومين حجم 40 لان راس المكينة لهذا الموديل حديد ماهو اللمنيوم وذكرني بالخير

[ابوراس الدحمي]

ودي تشوف لطرمنبة بنجنب الماكينه ما دام ان السيارة قديمة نوع ما ,,ترها ان صار فيها خلل
أكيد تهرب زيت زي ما صار معي بالضبط يهرب الزيت من دون ما ادري وين يروح
وانا مالي فترة من يوم غيرت الزيت (يعني لون الزيت الجديد ما يبين معاك ان تهرب)
وغيرت في سيارتي هذه القطعة وبعدها الامور تمام
تحياتي :::::

[قمة افرست]

طريقة قياس الزيت يغفل عنها الكثير

وهي اول شي لاتجي من مشوار وتقيس الزيت على طول خله اقل شي ساعه
واذا بتعايرة مزبوط الصبح قبل تشغل السيارة

انا انصحك تروح اقرب بنشري وتغير الزيت وتتاكد من العيار عنده
وبعدين جرب بس تنتظر ينزل الزيت
واخاف انك مزود الزيت وقام يطلع مع غطاء البلوف
النقص الي تذكره لازم يكون فيه مقدمات
دخان للسيارة مثلا او ريحة تبويش من الشكمان
وحتى لو كانت السيارة لاتقوم بعملية الحرق بطريقة جيدة بتشم ريحة التبويش ونت داخل السيارة

[ابو سمسم]

يعطيكم العافيه

كم ما شي الموتر ،،،،،،،،،،،،،،،،،،،،،،،،،،،،،،،،،،،،،،،،،،،،،،

240 الف

مرحبا اخوي سمسم انا انصحك تستعمل زيت حجم 40 ماهو 20 افضل لهذا النوع من السيارات انا كنت اشكي من هذة المشكلة والسيارة ابدا مابها صرفية لكن حرارة الجو + كثر السرعة تسبب هذة المشكلة اذا كان حجم الزيت 20 بدل بترومين حجم 40 لان راس المكينة لهذا الموديل حديد ماهو اللمنيوم وذكرني بالخير

حاط 40 ثقيل

ودي تشوف لطرمنبة بنجنب الماكينه ما دام ان السيارة قديمة نوع ما ,,ترها ان صار فيها خلل
أكيد تهرب زيت زي ما صار معي بالضبط يهرب الزيت من دون ما ادري وين يروح
وانا مالي فترة من يوم غيرت الزيت (يعني لون الزيت الجديد ما يبين معاك ان تهرب)
وغيرت في سيارتي هذه القطعة وبعدها الامور تمام
تحياتي :::::

ايت طرمبه حقت ايش بالظبط

طريقة قياس الزيت يغفل عنها الكثير

وهي اول شي لاتجي من مشوار وتقيس الزيت على طول خله اقل شي ساعه
واذا بتعايرة مزبوط الصبح قبل تشغل السيارة

انا انصحك تروح اقرب بنشري وتغير الزيت وتتاكد من العيار عنده
وبعدين جرب بس تنتظر ينزل الزيت
واخاف انك مزود الزيت وقام يطلع مع غطاء البلوف
النقص الي تذكره لازم يكون فيه مقدمات
دخان للسيارة مثلا او ريحة تبويش من الشكمان
وحتى لو كانت السيارة لاتقوم بعملية الحرق بطريقة جيدة بتشم ريحة التبويش ونت داخل السيارة

والله من كثر الوسوسه خليتها يوم كامل وشكيت على الزيت واحصله ناقص الربع وهذا مغيره جديد مشيت عليه يمكن 300 كيلو

[سوبر VTC]

و عليكم السلام و رحمة الله

معروف عن الباترول + التويوتا الفكسار احيانا الجيكسار
نقص الزيت
الاختلاف من موتر لاخر و حسب القياده

ظروف الخط الطلوع العالي و النزول و الدوس تسبب نقص الزيت

دايم الباترول و الفكس يتم تغيير جلد البلوف و يضبط الموتر :good:

احتمال اخر
ان المشكله ضعف بشنبر البستم

اقرب مثال


الباثفندر كل 1500 الى 2000كيلو ينقص نص الى علبة كامله
حتى و هو جديد
و السبب عيب صناعي => ضعف بشنبر البستم
اسال اي راعي باث عن هذه المشكله

موفق

[سوبر VTC]

و اعتقد نقص الزيت عندك
بسبب الطلوع و النزول
او
جلد بلوف
او
تهريب من وجه الكرتير
اذا حصلت زيت باديتر الماء
فربما هناك ضعف بوجه الراس

للمزيد من المعلومات عن شنبر البستم و التوضيب

ادخل الرابطان التاليان


التوضيب (http://www.mekshat.com/vb/showthread.php?t=30226)


تـوضــيــب المكائن(بالصور) (http://www.mekshat.com/vb/showthread.php?t=130529)

[أبوعبدالله202]

اخوي شيك على طرمبة الزيت 90%التهريب منها

[ابو سمسم]

الله يعطيكم العافيه بيض الله وجيهكم باذن الله راح اشيك عليها كلها واعطيك خبر

[aljanah]

اقول ترا عندك وجيه المكينة مهترية عشان كذا تندي من الجوانب !!غير وجيه كاملة للمكينة وان شاء الله تضبط

[ابويارا1001]

على كمية نقص الزيت اللي عندك اذا الموتر ما يطلع دخان ازرق فما اعتقد انه شي بالمكينة


ممكن يكون تهريب عندك من الصوف او الوجه


شيك عليها كلها


وغير هذا اذا مسكت خط بعد 100 كليو او اقل


انزل وشيك على الصدام الخلفي اذا عليه زيت هذا يعني ان عندك تهريب زيت اكيد


اذا التهريب ماهو واضح من وين والسيارة كلها زيت من تحت اغسل الموتر بستم وبعد يوم او اقل شيك راح يبين معك التهريب


وبالتوفيق

[sulaiman.fj40]

اخوي شيك على طرمبة البنزين اللي تحت الدينمو يمين قدام كرسي المكينه الايمن يمكن تهرب من الوجه.

[سوبر VTC]

على كمية نقص الزيت اللي عندك اذا الموتر ما يطلع دخان ازرق فما اعتقد انه شي بالمكينة






نفس كلام اخوي
تاكد هل هو يدخن ازرق ام لا
اذا كان يدخن لازم تسقط له شنبر
اذا كان نقص الزيت خفيف لا تلمس المكينه