يا شباب القصيم

[mmgarni]

مساكم الله بالخير
يالربع أبغى أعرف وين المكان او المحل الي يبيع أجهزه لا سلكية طبعا اي كوم وغيرها في مدينة بريدة
انتظر مساعدتكم الله لا يهينكم

[abo saleman]

مساك الله بالنور

يابعدي أنا منب من بريده وماأعرف إلا أربع محلات

وماظنتي تلقى جهاز بيوم وليله

وإن لقيت تلقى يامفكوك أو جديد وغالي

وأنصحك بالرياض

وتقع هالمحلات بشارع الأتصالات

عند تقاطع دوار النافورة مقابل لأمارة القصيم

أول ماتدخل شارع الأتصالات يجي على يمينك محل على مأظن إن اسمه محل عادل

وبعده بحوالي خمس محلات يوجد محل ثاني

وفيه محل مقابل للأمارة بنفس العمارة اللي فيها محل عادل

يعني لازم تدخل للحارة

وفيه محل بس ماأدري وين

ومن سأل ياخوك ماضاع

وبالتوفيق يالغالي

[mmgarni]

مشكووووووووووووور الله لا يهينک وابعطيكم خبر عن الاسعار لو ابشتري جهاز

[مدمن لاسلكي]

يوجد محل عادل ببريده كم ذكر الأخ ، ولكن أبتعد عن محل الكاسر لأنه بصراحه نصاب كبير ياخذ في الجهاز زود 200 ريال يني إذا كان الجهاز بالرياض 1000 ريال ياخذ هو 1200 ريال ..

وإذا كنت تبي النصيحه عليك بمحلات المرسلات بالرياض هم أهل الأجهزه وهم أهل الأختصاص من سنوات طويله جداً وإذا كنت تريد ترجع شي لهم يقبلونه إذا اكتشفت ان هناك خلل في الجهاز وليس مثل محل الكاسر الي مايقبل شي وليس من اهل الأختصاص ( ياشين السرج على البقره ) .

آسف على هذه المداخله وآسف أيضاً على الإطاله .

ولكن هذا للتنبيه لكي لا يقعون الأخوان كما وقعت فيه وهذا والله أعلم ..

[mmgarni]

مشكووووووووووور يا مدمن والله يسعدك قل آمين...