هل تفضل سيارة وحده او سيارتين وليه؟

[ابويارا1001]

السلام عليكم ورحمة الله


ودي اطرح على الجميع سؤال او استفتاء


اختلفت آراء كثير من الشباب على امتلاك سيارة واحده او سيارتين


هناك من يفضل امتلاك سيارة واحده دفع رباعي موديل حديث تقريبا لتكون هي سيارته الوحيدة للإستخدام اليومي والمشاوير العائلية والسفر والكشتات مثل يوكون او كروزر او باترول جديد


(والسبب يقولك ليه مصاريف سيارتين وخربات وغيرها)


ام الافضل ان تمتلك سيارتين جيب للكشتات وسيارة سيدان للأستخدام اليومي والمشاوير العائلية والسفر



انا عن نفسي افضل الثنتين وهي جيب قديم نوع ما للكشتات مثل باترول 90


وجيب آخر موديل حي(2004 وطالع) للسفر ومشاوير العائلة وبعض الكشتات العائلية الخفيفة
(والسبب عندي عشان ما انقطع لو تعطلت سيارة وخصوصا بالربيع :mad: )



يعني اقدر اكشت 24 ساعة :D




ودي استفيد من آرائكم ومشورتكم



ويعطيكم العافية

[نشمي الحوطة]

أنـا معي سيارة دفع رباعي ..

وودي بعد بكامري والا اوريون ..

تصير زي ما تفضلت للمشاوير الصغيرة والديرة والكشخة بعد ههههههههههه

والصراحة الصغيرة اريح بالديرة من الجيب ..

أما للخط في يعني تختلف أمزجة الناس .. عن نفسي أفضل الجيب في الخط ..

مع انه يصرف بنزين أكثر من الصغيرة بس أحب الباترول بالخط ..

وشكراً .. ننتظر آراء البقيـــّــة

[ابويارا1001]

اشكرك على تفاعلك مع الموضوع

وزي ما قلت ننتظر بقية الآراء



تحياتي

[سوبر VTC]

و عليكم السلام و رحمة الله

الله مير يحيك اخوي

بالنسبة للغالبيه من ربعي معهم سيارتين وهم كالتالي

شيبان :D:p:D

لا تتهمونن تراي مانب شايب ==> ايه هين :p دور غيره :p

جمس 2005 + جيب حوض للديره و للمزرعه
جمس 2003 + هايلوكس دفرنسين
باترول ربع 96 + فورد 2008
جمس 2004 + شيروكي للطلعات
باترول صالون 2003 + فورد 2003
باترول صالون 2005 + سيات
جيب م2009 + باترول سلقه 97
جمس 2001 + شفر غمارة و نص 2005
جيب م2008 + فورد 2005

و الاحظ ان غالبيه الموظفين اللي دوامه بعيد يكون معه دفرنسين موديل 99 و تحت
للطلعات
اما الدوام فغالبيتهم فورد :good:


موفق
و انا الاحظ بعض اهل عنيزة يكون معه سيارة للديره و للسفر
اما البر فعنده شيروكي و سعره من 8000الاف و طالع

[ذيب اجا]

انا افضل ان تكون عندي سيارتين جيب للبر والطلعات وكامري للسفر والمشاوير الطويلة ............

[محيسن1]

السلام عليكم ورحمه الله وبركاته

صراحه انا من وجهة نظري ان سيارتين افضل
ليش ؟؟؟؟؟
لان صراحه سيارة البر والمكاشيت يجيها كرف ومعرضه للعطال علي طول وبصراحه عزبتك تكون ثابته فيها لاتنزل ولاشي
وبعدين الجيب في وسط الديرة غثيث شوي وانت خابر زحمه الناس الحين
صح انه ينفعك اذا واجهتك زحمه يمديك تطمر الرصيف وانت مرتاح :no2: في الطواري بس:D


لكم من الود اعذبه

[fox1]

جربت الطريقتين الافضل تكون سيارتين والسبب زي ماقالو الشباب الجيب يكون فيه العزبه وجاهزللكشتات والسياره الصغيره للمشاوير اليوميه وحاول يكون الجيب سعره رخيص عشان توزع القيمة بسيارتين

[VXR.2007]

والله انا ناوي اشتري سياره ثانيه صغيره مثل ماكسيما وانا معي جيب لاندكروزر ياخوي ثقيل في الرياض والمشكله انه قير عادي

[سوبر VTC]

والله انا ناوي اشتري سياره ثانيه صغيره مثل ماكسيما وانا معي جيب لاندكروزر ياخوي ثقيل في الرياض والمشكله انه قير عادي



تبي الشور يابعدي

خذلك فورد امريكيه م2005 و اذا تبي رخيصه خذلك 2003 و تحت :good:

ممتازة جدا بالسفر و الديره و اقل اعطال من النيسان عمليه جدا و قطع غيار ارخص من النيسان

[اسطورة الصمت]

بالنسبة لي املك سيارتين واشوف انه الافضل
وحدة يوكن اكس ال عائلية للسفريات والطلعات والثانية لومينا للاستخدام داخل المدينة تخبرون الجمس صعب يمشي في شوارع وزحمة جدة .

[تيتشر]

أفضـّـل سيارتين

معي فكتوريا 2006
ومعي جمس 93 حوض للبران والكشتات وسعة الصدر
ولو معي دراهم كان طقيت لي جمس حوض جديد

[صقر الحراملة]

يا زينها إذا اجتمعت الثنتين ( الجيب و خدامة الجيب ) :)

الله يرزقنا من واسع فضله

[قناص خلاوي]

جربت الموتر والموترين
شاص 99 + كامري
وجربت موتر واحد
باترول
الموتر اريح واوفر
راعي الموترين يبلش هذا يبي بنزين وذاك يبي
وذا يبي كفرات وذاك يبي ............الخ
والحين التأمين على كل موتر ماهوب مثل اول على الرخصة

الوكاد اللي يدور الراحة والتوفير بقيمة الموترين يشتري له جيب صح
ويرتاح من معابل موترين ..

[صوح الجبل]

موضوع مفيد وجميل ....... انا جربت اثنتين ...... صحيح ان السيارتين افضل من جهة لو تعطل احد اثنتين ماتحتد لاحد ..... وسيارات الايجار انا ضدها تمام لان ثوب العاريه مايستر ..... والسياره الوحده اذا كانت جديده افضل من جهة الصرف يعني ماتصرف على سيارتين ..... فهذه لها سلبيات وايجابيات وهذه لها سلبيات وايجابيات ....... اشكرك على هذا الموضوع المفيد

[لعّاب المنايا]

ثنتين اكييييييييد

[احب البرواهله]

انا معي سيارتين تاهو أزعجتني بالرياض وشريت تايوتا صغيره2008 لداخل المدينة المشكلة السيارة الصغيره لي أكثر من شهر ما شفتها استعارها أخوي ثم خالي وفي رمضان حاجزها أخوي يدرس برى وبيجي إجازه وبياخذها والوالد يسأل عنها شكله ناويها

[H I T L E R]

جمس حوووض 2009

جمس حوض 1982

سفاري 1993

سيارة وحده ماتفيد

[ابويارا1001]

مشكورين على التفاعل مع الموضوع

انا اشوف موترين افضل صدق انه مصرف زود بس مواترك تحت رجلك

ما تتعطل بذن الله

واجهتني مشكله بالعزبة كان عندي كروزر 2004 وباترول 90

ياما جبتها وياما وديتها :p

واخرتها شريت لي عزبة صغير للطلعات الخفيفة حطيتها بالكروزر

انا الكشتات الطويلة بالتاترول