المساعد الشخصي الرقمي

مشاهدة النسخة كاملة : اخواني ممكن تشاركوني بخصوص جمس يوكون 2001


ملك المجد
16/08/2009, 05:08 AM
معروض علي جمس يوكون 2001 القطع الصغير مو الدنيال
امريكي ماشي 125 ميل اللون اسود من داخل بيج فل كامل


مشاركتك عطني سعره المعقول
للعلم بعد الفحص له بالكمبيوتر
طلع ثلاث مشاكل
1- صوفة المكينه تتغيير
2- برمجة abs الفرامل
3- صدمه بسيطه من يسار السياره بس تم تصليحها بمتياز
( واللي يعرف ورشة جيده بالرياض لا يبخل علينا)
للعلم السياره للوالد الله يحفظه يعني عائليه
سوبر VTC
16/08/2009, 05:21 AM
هلا و غلا اخوي

راح اسالك اليوم ان شاء رجال راعي صالة سيارات امريكيه

علما انه باع جمس غمارة و نص اخو الجديد ماشي 30000الف كيلو

بسعر 42000الف م 2004 او هو 2005

و انا شريت للوالد قبل اسبوعين شفر غمارة و نص م2005 ماشي 99000الف كيلو

بسعر 50000الف طبعا قيمته المفروض تقريبا ب45000الف

لكن هي على النظافه

موفق
ابولولو
16/08/2009, 05:22 AM
اليوكن سياره عمليه وجيده والسعراتوقع سعره من 42000الي 46000الف ومبروك مقدما وهي للعائله ممتازه وسيعه ومريحه
ملك المجد
17/08/2009, 02:56 AM
انتظر مشارتكم
وعندي شي جديد كيف ينزل الكفر الاستبنه من تحت هلا هو كهربائي في موديل 2001
والا يدوي
وهلا هناك محل يبيع ادوات العته للكفر الاستبه ما لقيت الا العفريت فقط
مع الشكر للجميع
Magellan
17/08/2009, 03:05 AM
حياك ملك المجد
بس من المهم إن سعر السيارة مناسب
بالنسبة للصوفة عادي تغييرها
أنا غيرت 3 صوف لموتري بليزر 2006 وصوفة المكينة ينزلون القير ويركبونها وهي ماتاخذ وقت وشغلها مع القطعه حدود 350 ريال...
بالنسبة ABS عادة يكون حساس الكفر يسار متوسخ قيمته بالوكالة غالي لكن بالتشليح رخيص وتحصله بحدود 50 ريال ...
بالنسبة للورشة فالورش كثيرة لكن إذا ماتحب الزحمات فيه ورشة على مخرج 9 قريبة من جامعة الملك سعود بمحطة وفيه ورشة بالمصيف
هذا إذا كنت بالرياض كذلك ورشة بصناعية أم الحمام رقم 11 القحطاني كلها جيدات
سوبر VTC
17/08/2009, 03:22 AM
اسف على التاخير اخوي

الرجال دقيت عليه و للاسف خارج السعوديه مقفل :no::no:

اخوي ماجلان ذكرن بنقطه مهمه

كل كفر يكون راكب عليه سلك abs

غالب مشاكله احد 3 امور

1 يكون السلك منقطع بسبب لف الدركسون للاخر او اسباب اخرى
و سبق اني وصلت السلك المنقطع و طفت لمبه :good:abs
غالب المشاكل من رقم 1

2 يفك الحساس و ينظف الراس لانه ماص و يكون عليه طبقة شحم + رايش
ينظف بخرقه + بنزين و يزين :good: و تطفى اللمبه

3 يصير الحساس اساسا خربان فتغيره من التشاليح ارخص لك


موفق
ابولولو
17/08/2009, 06:08 AM
اخوي اذكر تنزيل العفريته يدوي له فتحه من الصدام علي اليمن ان كان ماني غلطان واضحه وباقي العده تلقاه بالغرابي
Magellan
17/08/2009, 08:47 AM
بالنسبة للعفريتة أو أدوات تغيير الإطارات دائم تجي مشلحة للسيارات المستوردة
ولا أدري مالسر في ذلك
والحل: من المخرطة يطابق لك قديم متوفر عند أحد الأقارب بآخر يسويه لك
حزوبر
17/08/2009, 09:01 AM
بالنسبة ليد العفريته أنا عانيت منها كثير، وهي غير متوفرة، والبعض يبالغ في سعرها إلي يوصل ل 750 ريال
وانا دورتها ، حتى في تشاليح الخرج، ولم أعثر سوى على العفريته ب 180 ريال، عند شايب سعودي اجودي
مثل ما تفضل ماجلان اخي ، عليك بالترهيم عند مخرطة، وترى يد العفريته تجي أربع قطع (انتبه)
راشد الحربي
17/08/2009, 11:46 AM
اخوي حزوبر فيه مخرطة صلحت عندها عصا عفريته وبعت اليوكن قبل لاخذها منهم .. اذا تبيها اوصف لك المخرطة طبعا المكان الخرج ...

ياليت لو ترد لي على الخاص ..!
كبسولة2
17/08/2009, 01:48 PM
قبل 5 أيام أتصل بي أحد قرايبي يريد سيارة عائلية وقمت بالبحث له عنها

فوجدت تاهو 2001 مراتب مخمل 3 مراتب مكيفين شنطة

دفع رباعي دبل ماشي 130 ألف لونه ذهبي نظييييف

سويت له فحص كمبويتر طلع نسبة نظافة المكينة 91 % يعتبر جدييييييييد

وكل شئ فيه سليم يحتاج فقط قماشات فرامل خلفية

مسيوم بــ 48 ألف ريال

وصاحبة حااااااااده حد بــ 54 ألف ريال

ولا زلنا نتشاور معه للتخفيض في السعر
راشد الحربي
17/08/2009, 01:51 PM
اخوي كبسولة انا اشوف ان 48 على التاهوو كثيييييييييييييرة بعد ... فكيف عاد بـ 54 ...!

ولو تنتظرون لبعد عيد رمضان انا اشوف انه افضل ..!
كبسولة2
17/08/2009, 02:23 PM
اخوي كبسولة انا اشوف ان 48 على التاهوو كثيييييييييييييرة بعد ... فكيف عاد بـ 54 ...!

ولو تنتظرون لبعد عيد رمضان انا اشوف انه افضل ..!

أخوي راشد كلمت صاحبي قلت له أنتظر راح نلقى بأقل من هذا المبلغ

قال لي أن له 3 أشهر كل يوم يدور في الحراج من العصر للعشاء والأسعار مولعة نااااااار

بسبب قرار منع أستيراد الموديلات القديمة حسبنا الله على من وضعه وأقره
سوبر VTC
17/08/2009, 04:55 PM
اخوي حزوبر فيه مخرطة صلحت عندها عصا عفريته وبعت اليوكن قبل لاخذها منهم .. اذا تبيها اوصف لك المخرطة طبعا المكان الخرج ...

ياليت لو ترد لي على الخاص ..!


بيض الله و جهك :)

قول و فعل :good:
راشد الحربي
17/08/2009, 05:04 PM
بيض الله و جهك :)



قول و فعل :good:



وووووووووووووجهك اخوي سوبر فتك ..!

يستاهلون الاعضاء .... وهنا نحن خلية واحدة ..
ابويارا1001
17/08/2009, 08:06 PM
واحد من اخوياي بايع يوكون سعودي موديل 2000 دبل قبل سنه ب45000

والموتر نظيف

هقوتي موترك زي ما افادوك الاخوان من 43000 الى 46000


بس تأكد من abs قبل تاخذ تراه عله ومهم لابد من تصليحه


والله يبارك لك مقدما
ميشووو 9009
18/08/2009, 12:41 PM
هلا اخوي انا عندي جمس يوكن دينالي 2003 للبيع ماشي 120 ميل لونه ابيض جوا رصاصي فل كامل جميع الموصفات بس بدون فتحه سقف الموتر على الفحص شاريه قبل 9 شهور با 66 الف ريال ببيعه 58 الف سيم مني 55 الف استماره جديده وكفرات اماميه جديده لها اسبوع وللي ورا كويسه سبب البيه مليت من كبر حجمه لني متعود الفورد من صغري...
وذا لك نظر تعال وافحصه من الي:p