كيف امرن اللاندكروزر

[النديم2007]

الاخوان الكرام
حبيت اسأل عن تمرين اللاندكروزر الجديد
وهل يؤثر السير في طلوع المرتفعات و نزول الاودية عليه اثناء التمرين ؟
مشكورين سلفاً

[جساس1]

بعد 1000 كم ما عندك الا العافيه شد رجلك

[aaa3]

الله يعطيك خيره ويكفيك شره
قبل 1000كم أحرص عدم الشد على الموتر خليه يأخذ راحته في التغير وأمش أقصى حد100كم إلى أن يصل 1000كم ووديه الوكاله للتشيك عليه

[abdul000]

اترم وجهت نظر الاخوان
توكل على الله وثق ثقه تامه ان الموتر ماطلع من المصنع الا بعد الشد والتمرين تراها خرافه التمرين انا معك تمرن بعد التوضيب والسبب انه مامرن من قبل الورشه اما المصنع له اليه في التمرين والله اعلم
ايضا رائي قابل لصواب وللخطاء

[جساس1]

اترم وجهت نظر الاخوان
توكل على الله وثق ثقه تامه ان الموتر ماطلع من المصنع الا بعد الشد والتمرين تراها خرافه التمرين انا معك تمرن بعد التوضيب والسبب انه مامرن من قبل الورشه اما المصنع له اليه في التمرين والله اعلم
ايضا رائي قابل لصواب وللخطاء


كلامك صحيح لكن من باب الاطمنان وانا كان عندي ددسن 94 مطلعها وكاله ومن باب الوكاله سافرت فيه والسرعه لا تقل عن 140 والحمد لله السيارة ما ضرها شي

[بن سليمان]

شد على الموتر علشان تطلع عيوبه في فترة الضمان

[rpk]

اما ممرن من المصنع المصنع يصنع في اليوم حدود 1000 سياره وعلطول للميناء يعني انس انهم يوظفون ناس عشان التمرين بعدين من قوت الجر والدعس تروح برادة الحديد للمكينه بدل الكرتير اقول تعوذ من الشيطان ومرنها الالف مهب ضارك وانا خوك ولا تشغل المكيف الا بعد 500 كيلو لانه راح يضعف معك التبريد اذا شغلته قبل من واقع تجربه وعدم اتباع نصيحه الوكاله شف الي يشترون مواترهم في الشتاء تجي مكيفاتهم ثلج في الصيف هذا ما لدي وتبقى وجهت نظرررررررررررررررررر

[rpk]

الضمان 60 الف يعني ما عليك خوف راح يطلع اي عيب خلال الفتره هذي

[سيف الظفير]

العن جدفة يا خي السيارة ممرنة في المصنع

[باثفندر]

اول شي على البركة الموتر الله يعطيك خيرة ويكفيك شره ،،

السيارات الجديدة نعم تمرن في المصنع ( المكينة فقط ) وتشغل على عدة سرعات ولمدة ساعات ،، يعني الضغط على 1000 مثلا مدة نص ساعة والضغط على 3000 مدة 45 دقيقة ،،

فالسيارة تجيك على الزيرو وفي الحقيقة يمكن ماشية 2000 كلم ( مثلا ) ، والدليل خذ السيارة من الوكاله وشيك الزيت اللي فيها بتلقاه اسود ( مجربها بنفسي ) . (مصدري برنامج على قناة ديسكوفري مصنع سيارات لاندروفر) ،

وبالنسبة للاستخدام حتى 5000 كلم الاولى ( على كلام الكاتلوج ) اللي يحضرني :

- تجنب الجر والحمل الزائد ،
-تجنب سحب السيارات والفزعة من التغاريز ،
- تجنب الصعود القوي ،
- تجنب التسارع القوي ،
- تجنب السير بسرعة ثابته لمده طويلة ، يعني شوي 100 شوي 120 ،
- تجنب التعشيق السريع ( بالنسبة للعادي )،

اما من ناحية السرعة توكل على الله مو معقولة تمسك لك خط طويل تمشي 100 !!!


ولاتنس التوكل على الله دائما ،،،،،

[abumohammad99]

اولا مبروك الموتر والله يطعمك من خيره ويكفيك شره,,

بالنسبه للتمرين لا تجور على الموتر والا تسحب به والمقصد انك ما تعدى 100 هو انك تحافظ على ضغط المكينه منخفض على 2 او 2.5 بالكثير.
وليس المقصد في اعتقاد اغلب الناس العن الموتر الين ياصل 80 ثمن هد السرعه.
.............
ولكن اذا تكرمت انا توي مطلعن موتر وماشي الى الحين 800 والصدز زيت البلد ما شاء الله من زينه لونه شفاف يميل للصفار مع انه ماشي 800 ازين من الزيوت اللي عندنا لو تمشي كيلوين عقب ما تغيره قلب اسود..

السؤال: زيت البلد لو خليته يمشي بعد الالف مثلا الى 5000 او 10000 هل فيه ضرر او الاهم مراقبة عيار الزيت ولزوجته؟؟

وتحياتي للجميع,,
فالسؤال

[جساس1]

اولا مبروك الموتر والله يطعمك من خيره ويكفيك شره,,

بالنسبه للتمرين لا تجور على الموتر والا تسحب به والمقصد انك ما تعدى 100 هو انك تحافظ على ضغط المكينه منخفض على 2 او 2.5 بالكثير.
وليس المقصد في اعتقاد اغلب الناس العن الموتر الين ياصل 80 ثمن هد السرعه.
.............
ولكن اذا تكرمت انا توي مطلعن موتر وماشي الى الحين 800 والصدز زيت البلد ما شاء الله من زينه لونه شفاف يميل للصفار مع انه ماشي 800 ازين من الزيوت اللي عندنا لو تمشي كيلوين عقب ما تغيره قلب اسود..

السؤال: زيت البلد لو خليته يمشي بعد الالف مثلا الى 5000 او 10000 هل فيه ضرر او الاهم مراقبة عيار الزيت ولزوجته؟؟

وتحياتي للجميع,,
فالسؤال

كان عندي 2007 جي اكس ار 1 تماتيك وكاله بعته بعد استخدام سنتين وممشى 100 الف كيلو وما كان فيه اي عيوب او مشاكل ميكانيكيه وكنت اغير الزيت كل 5000 مع السيفون إلى 50 الف في الوكاله بعدها كنت اغيره برا بنفس الطريقه مع السيفون

[abumohammad99]

كان عندي 2007 جي اكس ار 1 تماتيك وكاله بعته بعد استخدام سنتين وممشى 100 الف كيلو وما كان فيه اي عيوب او مشاكل ميكانيكيه وكنت اغير الزيت كل 5000 مع السيفون إلى 50 الف في الوكاله بعدها كنت اغيره برا بنفس الطريقه مع السيفون


عافاك الله على الرد

لكن السؤال

هل زيت البلد بيصبر على 5000 او 10000

انت خابر زيت البلد يغمض اغيره على 1000 :D