المساعد الشخصي الرقمي

مشاهدة النسخة كاملة : يا أخواني أستفسار عن فولكس ويجن طوارق .. للضرورررررهـ


مرير الشوق
03/08/2009, 09:27 AM
السلام عليكم ورحمة الله وبركاته ..

كيف احوالكم يا اعضاء هذا الصرح الغالي على قلوبنا ..

عندي استفسار بسيط عن فولكس ويجن طوارق جيب 2005
افيدوني الله يسهل اموركم
هذا واحد من الشباب محتار معروض له طوارق 2005
ماشي حول 150 الف كيلو
محركاته جيده ... البدي سليم من الرش ..
قير توماتيك وعادي
6 سلندر
جنط 17
بدون فتحة وبدون هدروليك

السؤال .. بكم سعره لأن خويي ماوده يبخس السعله ..

ثانياً / كيف استخدامه هل هو جيد وهل اسعار قطع الغيار الاستهلاكيه بأسعار معقوله ..
وصديقي ماهو راعي بر كثير يعني بالسنه حسنه يعني مره ولا مرتين ..

افيدوني جزاكم الله خير

وصديقي مستعجل ..:)
Magellan
03/08/2009, 10:29 AM
الطوارق يجي نوعين 6 سلندر و 8 سلندر
طبعا 6 سلندر بوقت 2005 سعر الفل اتوقع بـ170 الف ريال
و8 سلندر بحدود 240 الف ريال
طبعا أسعار تقريبية
ووكيلها سماكو وقطع غيارها مرتفعه نوعا ما لكنها أرخص من أودي والروفر
طبعا لاتنسى ستايلها أوروبي يعني لاهو كوري ولا أمريكي ولاياباني فبالتالي من يرغب فيه عليه أن يكون ملم أكثر بمايحتاجه منها...
بالنسبة للقدرات ماعندي علم عنها ولاجربتها
وبالنسبة للصيانة أتذكر فيه ورش بصناعية القديمة بالرياض مختصين فيها وفي محلات قطع غيار متخصصة فيها
وبالنسبة لسعرها فبالمقارنة مع ممشاها المرتفع (150 الف) وهي من فئة السيارات الفارهة والمفروض إنها ماتتعدى 100 بالكثير وأضف إنها ماهي فل فأعتقد السعر بين 62-67 الف ريال حدها...
لاتنسى معضم من يشتريها يعرضها للبيع سواء في وكالتها أو في المعارض الفخمة أو بالرياض فيه معرض أسمه الصقر راح تلاقي فيه من جنسها..
مرير الشوق
03/08/2009, 10:42 AM
الله يعطيك العافيه يالغالي على المعلومات الكافيه
ويجزاك خير ويرزقك من واسع فضله ان شاء الله

وانتضر اصحاب الخبرهـ الملمه فيها ..

واصحابها من المستخدمين لهذا النوع ..

وبالمناسبه وش صناعتها ..؟

واخيراً وفقت خيراً ورزقت بكراً اخوي ماجلان
Magellan
03/08/2009, 11:20 AM
الله يعطيك العافيه يالغالي على المعلومات الكافيه
ويجزاك خير ويرزقك من واسع فضله ان شاء الله

وانتضر اصحاب الخبرهـ الملمه فيها ..

واصحابها من المستخدمين لهذا النوع ..

وبالمناسبه وش صناعتها ..؟

واخيراً وفقت خيراً ورزقت بكراً اخوي ماجلان


الله يعافيك
طبعا صناعتها ألماني
طبعا لأن مافي تسليط ضوء عليها مثل البي ام والمرسيدس لذلك البعض مايعرفها على الرغم إنها من أقدم السيارات الموجوده في المملكة وكان يجي نوع شبيه بالبيتل الحال على شكل خنفساء والمكينة بالخلف
طبعا الصناعات الألمانية :بورش+فليكس واجون+أودي+أوبل
مرير الشوق
03/08/2009, 12:53 PM
يمال العافيه والصحه اخوي ماجلان

والله توني ادري انها الماني منك اللحين ..

والله يكتب اللي فيه خير ان شاء الله





وينكم اللي سمعتوا بها او اللي استخدمتوها ..؟
مرير الشوق
04/08/2009, 07:57 AM
غريبه يعني مافيه احد يعرف احد ..
والاحد هذا يعرف احد ثاني يستخدم هالنوع من السيارات .. ههههه
ابولولو
04/08/2009, 08:43 AM
اخوي صباح الخير ولد اخوي كان معه وحده صغيره وساكن الدمام وشاريه جديده حوالي 80 الف خرب عنده خرطوش الماء والله ماخله مكان من الشرقيه الي البحرين شكله يتعلث بالقطعه علشان يروح البحرين من وراء اخوي ههههه امزح والزبده دورنا بالرياض مافيه والوكيل طالبه من بره وله مده كليوم بكره المهم مر تشليح الحائر ولقاه وهي قطعه غاليه والشراي قليل جدا له وتطيح من القيمه للسياره مره المهم زهق من ووقفه بالمعارض والله انها قعده حوالي 4شهور اواكثر ياالله امباعه والطامه ان السعر 25 الف تصدقون والله التحطيم
مرير الشوق
04/08/2009, 08:56 AM
ابو لولو

يعطيك العافيه على التجاوب السريع ..

بس كم كان موديله ..؟

والله يجزاك عني كل خير ان شاء الله
ابولولو
04/08/2009, 12:58 PM
اخوي مرير الشوق م2007 تقريبا النصيحه هج ثم هج والله اني عايشت المشكله هذا راي واتمنا اني غلطان