المساعد الشخصي الرقمي

مشاهدة النسخة كاملة : عطوني علم الشاص الديزل


تواق
26/07/2004, 01:17 PM
شباب الفزعه عطوني علم الشاص اللاند كروزر عزمه في الرمل مشيه صوت مكينته اخف من ايسوزو

يعني تخبورن علوم راعي الولع


ويجزاكم الله بلخير

اخوكم / تواق
تواق
27/07/2004, 11:27 PM
شباب افا مهيب ذي ؟؟؟
الذيب الامعط
29/07/2004, 08:43 AM
عزمه ممتاز وخفيف وصوت المكينه عادي جدا وغير مزعج
تواق
29/07/2004, 12:38 PM
انشهد انك ذيب امعط جزاك الله خير

اخوك / تواق
كشات
09/08/2004, 12:51 PM
بسم الله الرحمن الرحيم
السلام عليكم ورحمة الله وبركاته

اخوي تواق

العزم بالنسبه للشاص الديزل ما تقدر تقارنه بالبنزين الفرق واضح وخصوصا بالطلعات (رقيات)الطويله

لان نفس الديزل قصير وياسرع ما يطيح حيله وانت تطلع لك طلعه طويله

ان كانك تبي تجرب قبل ماتشري
فحياك الله

موتري تحت امرك
صقر
09/08/2004, 03:07 PM
السلام عليكم

أنا ما جربته لكن سمعت من احد الاخوان اللي جربوه.

والرجال يمدحه بالخط وبالرمل ...

وبالنسبة لصوت المكينة فهو غير مزعج. والمكينة عادية وليست تيربو.

الموتر اللي مع الرجال 2002م

والسلام عليكم.
مأمورالبرقيات
09/08/2004, 04:44 PM
؟
شـ2002ـاص
09/08/2004, 10:02 PM
السلام عليكم ، مع واحد من الشباب شاص ديزل 2001 مشى فيه 25000 و بعدين رماه على السوداني عند البل ، إذا بغيته للتحميل و للكرف خذ سياره ، أما للطرد و النفود تراه مايطربك ، و بعدين الديزل يجي قزاز هندل ، المهم خوينا شرى 2004 بنزين و مبسوط منه بشكل ماتتصوره و لكن الله يعينك على الصرفيه .
تواق
10/08/2004, 08:20 AM
اشكر الاخوان الي شاركوني في ابداء المشوره

ومشكور اخوي كشات في عرضك وبارك الله لك في موترك ويكفيك شره

بنسبه لسعر كاش البنزين اثيين وتسعين الف ريال سعودي والديزل ثلاثه وتسعون الف حسب ا

كلام واحد جيته لبناني في شركه عبد الطيف جميل الفرق الف

شباب انا وقعت ضحيه الحيره الشباب انقسمه ارائهم احد يقول خذ الديزل والاخر البنزين

انا هدفي هو التمتع بي اطول فتره ممكنه في المقناص او التنزه دون التفكير في الوقود

مع الاعتفاض بعزمه في ارمال والمناطق الجبليه وقوته فيها تكفون شباب الوقت قرب

اخوكم / تواق
شـ2002ـاص
11/08/2004, 05:06 PM
اخوي تواق مالك إلا تستخير ربك ، و تحدد رغبتك فالسيارة يعني المختصر المفيد :
تبي عزم >>>>>>> مالك الا بنزين
تبي توفير مصاريف و العزم شئ ثانوي>>>>> خذ ديزل



ترى البنزين الفل للتانكيين 140 ريال يمشيك في حدود 900 كم
أما الديزل الفل 70 و يمشيك 1500 كم
أبو صقر
11/08/2004, 06:04 PM
السلام عليكم ورحمة الله وبركاته
شف البنزين عزم وسرعه بس يبيلك يدك بمخباك بس بتحصل منه العزم والقوه .

أما الديزل فالكلام عنه كثير اذا بغيت توفير وخطوط وشيل وحط فالديزل كرمكم الله حمار كرف
بس ان جيت في طلعه حط رجلك وامش وفي اذا كنت فوق النفود ما عليك اما في الطلعه يبيلك مرتين ثلاث
هذا حسب تجربتي بالاندكروزر الديزل بس لازم تركب عليه كفرات رمليه وشكرا
ذيب حضن
14/08/2004, 03:34 PM
على حسب رغبتك
خذ بنزين وبس ولا تشلور ابد ابد
المري
16/08/2004, 11:02 PM
السلام عليكم

أسف ياأخي تواق بس والله ماشفت موضوعك الا هذه الليلة..


في الموسم اللي راح اخذنا للوالد جيب 2002 ديزل بــ 75,000 وكان الموتر ماشي

25 الف يعنى جديد ..

بالنسبة للعزم عزمه ماهوب ردي بالحيل عزمي زين


وبالنسبة لكلام اخوي شاص 2002 انه يعبي التانكين ديزل بـ70 ريال فهذا غريب

لانا نعبي الشاص اللي عندي 43 ريال !!!!

المهم اخوي ابو سلطان اخذ الديزل وانت مرتاح وترى الصوت ماهوب مزعج بالحيل

والعزم على الخط ماشاء الله تقول عراوي لامن ضغط الدعسه يفز بس ماهو مثل

البنزين بس انه قريب منه..

اشتر وتوكل على الله ...


وعسى الله يعطيك من خيره ويكفيك شره..

اخوك / المري
تواق
17/08/2004, 12:52 AM
اشكر جميع من شارك في ابداء النصيحه والله مهيب غريبه عليكم الامور هاذي وارثينه ورث


ذيب حضن انت من اى ذيابه حضن الشرقي والا كمل انت ههههههههههههههههههه

المري شورك وهدايت الله


اخوكم : تواق