المساعد الشخصي الرقمي

مشاهدة النسخة كاملة : الفزعة يا أهل الباترول


الموقر 1
26/07/2009, 06:19 PM
الأخوة الأعزاء ..

السلام عليكم ورحمة الله وبركاته

قدر الله علي وشريت باترول 2008 وبعد مرور سنة تعطلت البطارية وغيرت البطارية وطلع لي مشكلة وهي أن الريموت اللي مع المفتاح ما يشتغل رحت للوكالة قالوا المفروض ما بدلت البطارية لأنها تحت الضمان حنا نبدلها قلت بعد ما وقع الفاس بالراس تقولن تحت الضمان ليش ما قلتوا من يوم شريت السيارة من عندكم بس تعرفون حركات الوكالات عندنا ، المهم قلت لهم أبي أصلح مشكلة الريموت ، قالوا نبرمجها 160 ريال . قلت ما تهبون والله يسد لعبكم بالتشييك ونهب الفلوس .

المهم بعد هالمقدمة فزعتكم يا أهل الكشتات وش الحل .
فتك ابوفهد
26/07/2009, 07:05 PM
الحل انك تبرمجه عند الوكاله
او تدخل على هالرابط
http://nissan-arabia.com/vb/showthread.php?t=36394

وان شاء الله اني افدتك
الموقر 1
26/07/2009, 07:45 PM
تسلم أخوي فتك أبو فهد ..
بالنسبة للوكالة هذي مشكلة يعني كل ما بدلت البطارية تبي تصير لي هالمشكلة .

أما الرابط اللي موجود فجربت الحركة بس ما نفعت معي.

شكر الله لك الرد والمشاركة .
ابولولو
26/07/2009, 07:51 PM
طيب رح لراعين المفا تيح ارخص وعندهم برمجه
الموقر 1
26/07/2009, 07:57 PM
العزيز .. أبولولو
راعين المفاتيح ما يعرفون برمجة فتح الباب عن طريق الريموت
رفيق طافي
26/07/2009, 08:20 PM
السلام عليكم اخواني اعضاء مكشات
بالنسبه لك اخوي الموقر1 فيه طريقه بس مدري هي راح تنفع معك ولا لا
لكن جرب ان لقحت ولا ماضرها الجمل الا وهي
دق الموتر سلف بدون ماتشغل ثم بعد ذلك ادعس للموتر خمس دعسات ثم طف السلف ثم شغل الموتر لعل هذي الطريقه تفلح معك لان هذي الطريقه تفلح غالبا في برمجة كمبيوتر السياره بعد تبديل البطاريه
واخيرا عسى ان اكوون نفعتك وشكرا
فتك ابوفهد
26/07/2009, 08:32 PM
تسلم أخوي فتك أبو فهد ..
بالنسبة للوكالة هذي مشكلة يعني كل ما بدلت البطارية تبي تصير لي هالمشكلة .

أما الرابط اللي موجود فجربت الحركة بس ما نفعت معي.

شكر الله لك الرد والمشاركة .

انا صارت معي مره وحد وبرمجته من عند الوكاله وظبطت
وغيرت البطاريه مرتين والحمدلله مازال شغال
الموقر 1
26/07/2009, 09:03 PM
رفيق طافي ... بارك الله فيك إن شاء الله أبجرب لعل وعسى

فتك أبو فهد ... والله أنا ما أثق في الوكالة .
ابرق نثيل
26/07/2009, 09:11 PM
نفس المشكله بالضبط حصلت معي
ولا عرفت الطريقه ابد وقبل 5 دقايق نزلت للسياره

وابشرك 100% شغال وخل يدك خفيفه وافهم الخطوات


1- افتح باب الموتر واركب (لاتقفل الباب)
2-حط المفتاح محل التشغيل وخله على OFF
3- والباب مفتوح قفل (السنتر لوك) وافتحه
4-صك الباب وقفل (السنترلوك) وافتحه
5-نروح للمفتاح ونحطه على ON (من دون تشغيل السيارة) وبعدين نرجعه OFF نكرر العملية 6 مرات (نحطه على OFF في الآخير)
6-راح يأشرالفلشر مرتين
7-هنا انتبه :(والرموت مكانه) اضغط على زر الفتح في الرموت (وخلك ضاغط عليه لاتفكه) وبيدك الثانية اضغط على زر القفل في الرموت ثلاث مرات (وانت معلق على زر الفتح) مع المرة االثالثة فك الازراز (الفتح والقفل) في نفس الوقت واللحظة
8-راح يأشر الفلشر مرتين
9-الان شغل السيارة
10- راح يأشر الفلشر ايضا وهذا يدل على انتهاء العملية
11-طف الموتر وجرب الرموت وافتح وقفل على كيفك
الموقر 1
26/07/2009, 09:15 PM
ابرق نثيل ....

حيا الله هالوجه ... أنا جربت هالحركة بس ما زبطت معي ... لكن أبحاول بما أنك سلمك الله جربتها قبل وقت قصير لعل الله يسهل .
ابرق نثيل
26/07/2009, 09:21 PM
الله يفتح عليك ،، والحمد لله انا جالس اللحين افتح واسكر من المجلس هههههه
والله يخوي حاولت 3 مرات وفي الاخير ضبطت يعني الشغله حسب فهمي تعتمد على خفه اليد والسرعه في التطبيق لا اكثر .. وموتري نفس موديلك2008
ابولولو
26/07/2009, 09:47 PM
غير صحيح انا ابرمج سياراتي عندهم تحت كبري الصناعيه وحي السلام
ابرق نثيل
26/07/2009, 10:26 PM
غير صحيح انا ابرمج سياراتي عندهم تحت كبري الصناعيه وحي السلام


مالك لوا ...

هذي هي الطريقه البرمجيه الصحيحه ,,, اما الطريقه الاخرى فتعطيهم 150 ريال مقابل تطبيق نفس الطريقه :D
ابولولو
26/07/2009, 10:44 PM
اخي ابرق انت الي رايح والا انا اقولك رحت تقال مالك لوا قبل شهر معي هايلكس 2008 15 ريال بحي الفيحاء محل اسمه السبيعي لقص المفاتيح والبرمجه ومعي جيب 2006 برمجوه طبعا مهب 15 ريال علي ماذكر 70 تقريبا بحي السلام
ابرق نثيل
26/07/2009, 10:48 PM
اخوي ابولول اللحين اقولك توني من مده ساعه مصلح مفتاحي بنفس الطريقه هذي وتقول غير صحيح

وانا مريت على كل محلات المفاتيح الالكترونيه وكلهم ب 150 ريال والوكاله نفس الوضع

وفي الاخير واحد من حقين المفاتيح قالي بدل المفتاح بجديد وسعره 800 ريال

لذلك بدل مايلهطون دراهمك اعرف الطريقه وصلى الله وبارك
ابولولو
26/07/2009, 11:03 PM
اعرف كلامي لمن اموجه لاتطير بالعجه انا ارد علي صاحب الموضوع الموقر 1 الله يصلح قلبك بمفتاح الطاعه قل امين هههههههه والاخ الموقر 1 عجز وانا اعطيه حل وشي راجعله وانا معرفت الطريقه الا تو وانت من الفرحه ضيعت انك عرفت البرمجه مبروك
الموقر 1
27/07/2009, 12:19 AM
الأخوة الأعزاء المشاركين .....

جزاكم الله على مداخلاتكم .

الأخوين/ أبو لولو، وأبرق نثيل ( كل يصلح سيارته ) وبارك الله فيكم .

وسوف أجرب الطريقة اللي قالها أبرق نثيل كم مرة لعل الله يسهل الأمر ويشتغل الريموت .
الموقر 1
30/07/2009, 03:31 AM
أبشركم ... انحلت المشكلة .

قولوا لنيسان خلو احتكارهم ينفعهم ، وخلوها تصدي .

الحمد لله استطعت برمجة المفتاح قبل ساعتين عن طريق الخطوات السابقة مع التكرار .


الصبر مفتاح الفرج

أشكر الجميع على المشاركة وإن كان أحد من الأعضاء يحتاج للبرمجة فلا مانع لدي من مساعدة الجميع .


والله يوفق الجميع
الصخري
26/03/2015, 03:01 PM
بيض الله وجهك اخوي
الموقر1
موضوع رائع وتمت البرمجه حسب كلامك