ياشباب الي عنده خبره في تركيب التوانك في اليوكن لايبخل علينا

[البرق2]

عندي جمس يوكن مديل 2006 احد عند فكره اوطريقه كيف اركب خزان ماء تحت في السيارة . ما ابغى اركب بالشنطة يضيق وشكرا
ونحصل صور احسن

[السرب]

عندي جمس يوكن مديل 2006 احد عند فكره اوطريقه كيف اركب خزان ماء تحت في السيارة . ما ابغى اركب بالشنطة يضيق وشكرا
ونحصل صور احسن
للرفع بنتظار النشاما الموجودين في مكشات تحياتي

[الضرغام11]

اخوي اذا كنت بالرياض مر على ورشة اليحيى على شارع عبدالرحمن بن عوف قبل شارع الزبير وانت متجه جنوب يجيك على اليمين يفصلون جميع انواع التوانك ان كانهم على خبري..

[كبسولة2]

يرفع لعلك تجد من يفيدك أكثر

[ابولولو]

الورشه مريتهم ومعي يوكن 2001وقلتله ابي تانكي تحت قال الهندي مايجي صغير مره مافيه الا جوه ممكن تصغر الاستبنه بجنط وكفر اصغر نفس مقاس الكفرات هذي الي عندي وان شاالله افدك والورشه المذكوره غرب مقبره النسيم بعد الاشاره حقت العثيم

[ناصح ومنصوح]

السلام عليكم اخي
انا عندي يوكن 2005 مركب تانكي بين الكفر الخلفي والصدام لاكن كما ذكرة صغير يعني غسيل خفيف وضوء يشيل تقريباً 16 لتر فقط.

[البرق2]

انا في القصيم رحت لورشه قلت ابركب تانكي تحت قال اليوكن مافيه ماكان تحت له لازم بالشنطه والشنطه لازم تشيل المراتب او خلف المراتب يضيق مره علي

[سوبر VTC]

نصيحتي ركب تانكي سدح استيل
خلف المرتبه الخلفيه و تراه خفيف جدا

الطول نقول 120سم
العرض 60سم
ارتفاع 12سم
=120*60*12= 86400 % 1000 = 86.4 لتر

طبعا كل ما تقلل من الارتفاع و العرض راح يصغر التانكي
اذا تبي تانكي وذف حط ارتفاعه 10سم
و خل طوله يضرب بجوانب الموتر عشان ما يتحرك
العرض حط اللي تبي
120*60*10 = 72 لتر

عندك المتر و احسب على كيفيك

و التانكي الستيل لك و للزمن و احسن من الفيبر
يكلف تقريبا 500 و طالع
و التلبيس تقريبا 120ريال

[سوبر VTC]

انا في القصيم رحت لورشه قلت ابركب تانكي تحت قال اليوكن مافيه ماكان تحت له لازم بالشنطه والشنطه لازم تشيل المراتب او خلف المراتب يضيق مره علي



نصيحتي ركب لك ستيل ازين لك لا تقرب الحديد ماغير يصدي عليك

مر عروق الشمال او السنيدي او معرض فهد باسواق الغد او غنام بشارع الخبيب

خابرهم عندهم جاهز و تقدر تفصل

و لا تنسى مر مجمع الصمان بصناعيه الرواف بجانب ورشة الرقيبه للسمكره محله اخر الصناعيه من غرب