الفتك يكتم وش الحل [الأرشيف]

مشاهدة النسخة كاملة : الفتك يكتم وش الحل

عقباوي

25/07/2009, 03:42 PM

السلام عليكم
من يخبرلي فني ممتاز يشوفه لي ويفحصه
طبعا بحقه وياخذ حقه وافي بس يزبط الموتر
وانا ماشي احس انه يكتم ويفتح وهو يمشي ويكتم مرة ثانيه
ويمشي بسرعات عاليه عادي بس على نفس المنوال يكتم ويفتح
واول قومته بالثاني يكتم شوي ثمن ينطلق بسرعته المعهوده اللي تطرب
وش الحل
افحص كمبيوتر ولا ايش اسوي بالظبط
قالي واحد من اخوياي يمكن طرمبة البنزين دفعها ضعيف
ولا ودنا نحط الفلوس الا بمحلها وباقل الخساير
انتظر حلول وردود لمن واجهته المشكله لاهنتم
موديله 2004 قير عادي
اللون000000او ماله دخل:d

ابوو زيد

25/07/2009, 03:50 PM

نفس الحكايه موتري يكتم بالاول بس

ثم يفتح وما تشوف الا غباره خخخخخخخخخ

بواسامه

25/07/2009, 03:59 PM

عط الخباز خبزه ولو اكل نصفه
وافحصه وكاله وريح راسك
ولا افحصه كمبيوتر عند واحد جيد وفاهم
وعسى الله يدلك للحل

~ V T A C ~

25/07/2009, 04:01 PM

الله العالم

انها في الكهرب

يعني

بواجي

او حساس الهواء

الربذي

25/07/2009, 04:55 PM

قبل كل شي نظف فلتر الهواء وشوف صار معي بس يكتم اذا وصل العداد 4 هو ب 3او4

ابودعسان

25/07/2009, 05:21 PM

يمكن من البواجي تفصل وتشبك

راشد الحربي

25/07/2009, 06:06 PM

اخوي عقباوي مسيت بالخير ...

هذي صارت مع واحد من الزملاء ... وماخلا شي ماسواه ...!

واخيرا راح عند كهربائي بالرياض - ممكن اسألك عن مكانه- وجرب له حساس الهواء ...اللي عند قربة الهواء .. انا قلت اسمه منظم هواء .. قالي لا اسمه حساس هواء ...

طبعا الكهربائي جرب له حق مكسيما .... وضبط الموتر ..
راح بيشتريه من الوكاله .. قالوا له الوكالة قيمته كامل 1350 ... للفتك ....

قالهم عندكم نفس الحساس هذا حق مكسيما قالوا نعم .. واشتراه وقيمته بـ 300 ريال فقط .. وركبه وماشاءالله تبارك الله الحين غزال ...

ابولولو

25/07/2009, 06:13 PM

اخوي فيه فني تعاملت معه ومختص بالجيوب وضبط الفتك معي 2006اتصل عليه وعلمه بالموضوع ابوسليمان الشنيفي تراه عنده ترهيم ج0500117060

مقلع الرمث

25/07/2009, 06:35 PM

شيك على الكتاوتات تراه هو دائما ينكب خاصه بالكتاوت اللي بين فلتر الهواء والرفرف علبه مستطيله الشكل فكها وبدل بينها ولا اشر جديد واحد وجرب طبعا الثلاث الاخيرات هن اللي عليهن الكلام اموفق خير يالغالي ولي رجعه

سفاري66

26/07/2009, 12:51 AM

انا صارت معي الاسبوع الي فات وكل شي غيرته
ودخلته الوكاله وقالوا حساس الهواء وضبط الموتر
سعره مع الفحص والتركيب1700
http://www.mekshat.com/vb/showthread.php?t=214672

مجنون الفتك

26/07/2009, 01:25 AM

اخوي انا صار معي نفس المشكله يكتم وبعين ينطلق تقل ذيب .
عندك يا طويل العمر يبيلك
1- تنضيف الشوته ـــــــــــــــــــــ عد هذي عند اقرب بنشري
2- تغيير صفاية البنزين ـــــــــــــ عد هذي ب30 ريال ما تكلف
وان شاء الله يضبط
تحياتي

سوبر VTC

26/07/2009, 01:43 AM

و عليكم السلام و رحمة الله

وشو لون موترك عشان اقدر افيدك :D :p :j

عموما عندنا الكهربائي العثيم ببريده مختص بالباترول

اذا كانت موترك و هو واقف يقطع او مهب صافي
يصير من حساس الهوا او من حساسات اللهاة
اذا كانت الكويلات او اسلاكهن جايهن ماء
يصير يقطع
تاكد من تنظيف فلتر الهوا اذا كان متسدد
موفق خير و يعينك الله

المميـز

26/07/2009, 01:46 AM

كان معي فتك قير عادي

وفيه الكتمه هذي ويفك الكتمه بعد مايوصل الكمبريشر ثلاثه

مركب عليه هدرز ومروحه ومغير صفاية البنزين وفلتر هواء جديد ولكن ما انحلت

مع العلم انه قام على فتك 2009 قير عادي لأن الـ 2009 كاتم على طول مايفك حتى بعد مايوص الضغط ثلاثه

أتوقع انها طبيعيه في الموديلات 2002 و 2003 و 2004

وتغير النظام في 2005 - 2009

ابوألياس يوسف

26/07/2009, 05:09 AM

اخوي عقباوي تاكد من الخرطوش الهواء الي يركب بلهات لايكون فيه قطع ويدخل هواء للمكينه من غير مايمر على الفلتر والحساس وخاصه انه مكانه فوق القزوز دايم يكون محترق ومع تحريكه ينقطع (ولوقطع بسيط)عند فك فلتر الهواء ودايم تحصل بلفتك
والله يوفقك

عاشق الغضا

26/07/2009, 07:50 AM

اخوي اتوقع 70 % انه من البواجي لانه صارت معي مثل ماتقول بس موترثاني

عقباوي

26/07/2009, 10:10 PM

أبوعلي الجاسر

27/07/2009, 12:00 AM

لالالالالالالالالا

يالحبيب أعرف واحد صارت معه نفس المشكله

فك الشخالات اللي بالدبه وضبط ولله الحمد

وأنت شف من قريب

ابولولو

27/07/2009, 03:26 AM

انا معي فتك وشلت الشخاله اللي بالدبه علي كلام ابوعلي وخف الموتر والبنزين وفر شوي

المميـز

27/07/2009, 07:22 AM

اشكركم جميعا على تفاعلكم الطيب
وماقدمتموه من تجارب

انا جربت البزين بانوعيه ونفس الوضع

والحقيقه الاشياء الاستهلاكية كلها غيرتها من فلاتر هواء وبنزين
وكذلك غيرت البواجي
والموتر تحسن كثير ولله الحمد
بس احس كم احد ماسكه من وراء ومايبيه ينطلق
ثمن يفتح وينطلق انطلاقته المعهوده
اظن باقي حساس الهواء اشيك عليه او اغيره
ولا ودي افحص كمبيوتر لانهم مايفيدون بالغالب
مجرد لهم دراهم على ماش:D

جزاكم الله خير جميعا
نبي خبير في الحساس حق الهواء يفيدنا
بورك فيكم جميعا ياخوان

العفو وماسوينا الا الواجب

بخصوص حساس الكهرب ... انا قد خرب علي حساس الكهرب

ولكن شف الاعراض اللي جتني ....

اول شي شغلت الموتر وطفا على طول فجأه !!

بعدين شغلته وضبط قلت الحمد لله ... مشيت عليه خط 100 كيلو ووقفت عند اشاره
وطاح ضغط المكينه تحت النص ويتفتف الموتر ويبي يطفي ودعست له عشان لايطفي

ضبط الموتر له كم يوم بعدين رجعت له حاله ثانيه

اشغله وهو بارد يبتل دااااااعس فوق الواحد مايريح حتى لو ترتفع الحرارة
وتوصل معدلها الطبيعي وهو الربع

اخر شي قلت خلني افك الحساس حق الهواء وانظفه

فكيته وحست به شوي ورجعته للسيارة ولكن ( عيا يشتغل نهااااااائيا )

وفووووق سطحه للوكاله

سعر حساس الهواء 1600 ريال

وفحصوا السيارة وخليتهم يغيرون الحساس + سيور + بواجي + فلتر هواء + صفاية بنزين

وغيرها من الاشياء

فقط بـ 1500 ريال <<< لاحظ اول كان الحساس بس بـ 1600 ريال

طبعا لاني اعرف واحد بالوكاله صار الشي هذا والا كان شف كم راح ادفع

هذا اذا صلحته عندهم اصلا :)

فلذلك انتبه تقرب حساس الهواء إلا إذا صارت عندك الأعراض اللي انا كتبتها لك

.

سوبر VTC

27/07/2009, 07:44 AM

اشغله وهو بارد يبتل دااااااعس فوق الواحد مايريح حتى لو ترتفع الحرارة
وتوصل معدلها الطبيعي وهو الربع
حساس الهوا او حساس البنص او حساس الار بي ام
وظيفته يضبط سرعه المكينه اذا صار الموتر واقف عشان مايطفى
و يقيس ذلك بواسطه الهوا الداخل من القربه الى اللهاة الى الثلاجه الى المكينه و يرسل المعلومه الى الكمبيوتر الذي بدوره يعطي الامر للبخاخات ببخ البنزين
فلو كان الهوا الداخل قوي جدا راح تسرع المكينه
و العكس صحيح
اذا خرج الامر عن هذين الوضعين فعندك احتمال اكيد ان به مشكله
سبب اخر لاسراع المكينه و هي واقفه / قطع او تنسيم بخرطوش القربه او باحد ليات الثلاجه او تنسيم بوجه الثلاجه

المميـز

27/07/2009, 11:25 AM

حساس الهوا او حساس البنص او حساس الار بي ام
وظيفته يضبط سرعه المكينه اذا صار الموتر واقف عشان مايطفى
و يقيس ذلك بواسطه الهوا الداخل من القربه الى اللهاة الى الثلاجه الى المكينه و يرسل المعلومه الى الكمبيوتر الذي بدوره يعطي الامر للبخاخات ببخ البنزين
فلو كان الهوا الداخل قوي جدا راح تسرع المكينه
و العكس صحيح
اذا خرج الامر عن هذين الوضعين فعندك احتمال اكيد ان به مشكله
سبب اخر لاسراع المكينه و هي واقفه / قطع او تنسيم بخرطوش القربه او باحد ليات الثلاجه او تنسيم بوجه الثلاجه

الحمد لله غيرت حساس الهواء ورجع الموتر طبيعي 100%

وسبب الدعس ان حساس الهواء قام يخربط بالقراءة شيب :D

واذا وقفت عند الاشارة ينزل الضغط تحت ويطفي بعض الاحيان

بس الحمد لله كل هالمشاكل راحت مع تغيير ( قلب السيارة ) حساس الهواء

قلب السيارة = من اللي شفته سواه فيني سميته هذا الاسم :)

سوبر VTC

27/07/2009, 03:00 PM

بس الحمد لله كل هالمشاكل راحت مع تغيير ( قلب السيارة ) حساس الهواء
قلب السيارة = من اللي شفته سواه فيني سميته هذا الاسم :)

على الاجر ان شاء الله تكفير ذنوب :)

وسبب الدعس ان حساس الهواء قام يخربط بالقراءة شيب :D

يالله حسن الخاتمه :p

المميـز

29/07/2009, 07:26 AM

على الاجر ان شاء الله تكفير ذنوب :)

الله يسمع منك

يالله حسن الخاتمه :pوالله ياختمته كانت على يدي يوم فكيته ولعبت به :D

...

راشد الحربي

01/08/2009, 06:03 PM

اخوي اذا بتغير الحساس حق الهواء غير له حساس مكسيما ترا نفس الشي بالضبط ولا يفرق ابدا .... وسعره 300 ريال ...!!!!