ماهو افضل مكان لوضع بزبوز الماء الصنبور بالسيارة [الأرشيف]

حد السيف

19/07/2004, 03:18 PM

السلام عليكم ورحمة الله وبركاته
سوال بسيط
ماهو افضل مكان لتركيب البزبوز الماء وسهل الوصول الية وعملي ولا يعيق الحركة
وتتم الاستفادة منة بشكل كامل وهل يختلف مكانة من سيارة لاخرى
ارجو ان اجد الاجابة الشافية من خلال مشاركات الاخوة

محبكم اخيكم
حد السيف

هاوي نفود

19/07/2004, 04:31 PM

هلا أخوي حد السيف ...

بالنسبة لبزبوز الماء في التانكي إذا كان على أحد الجانبين فهو معرض لأي شي يكسره
بمعنى لو السيارة ضربة في قطع حجر متوسطة الحجم فباتأكيد بتطير الأحجار وطبعا أو مستقبل لها هو البزبوز المسكين غير كذا في حال ضرب الكفر أو سلخ أتوقع أن أول الضحايا هيو البزبوز كذلك عشان تستخدم البزبوز لازم تتطيول ( تتمصع ) عشان تقدر توصله ...

لكن وجوده في الخلف بأتجاه الصدام يمكن يكون في أمان بالإضافة إلا قربه من المستخدم ...

هذا رأيي وأتمنى من بقية الأعضاء تنويرنا بأفكارهم والسلاااااااااااااام

راعي كيف

24/07/2004, 08:59 AM

هلا عمي ابو عزيز وهلا بخوي الهاوي.
اما بالنسبة لمكان البزبوز حسب نوعية السيارة .
وحسب مكان تركيب التانكي .
ممكن تحدد نوع السيارة ومكان التانكي وابشر بالمكان الطيب والعلوم الطيبة .
وشكراً .

وإذا كان المقصود جميع السيارات يبيلة جلسة وبشرو لاكن في مشاركة ثانية بعد ماتزيد المشاركات نعقب عليهم إن شاء الله .

اخوكم المحب راعي كيف
ابو ناصر :good2:

حد السيف

09/08/2004, 10:35 AM

السلام عليكم ورحمة الله وبركاته
الاخوة الاعزاء
هاوي نفود
راعي كيف
شكرا لمشاركتم وتفاعلكم
والسيارات
المقصود هنا مكان البزبوز حسب ماتراة انت من حيث نوعية سيارتك
البعض لدية وانيت والبعض لدية صالون وكلن يرا ان هذا لمكان هو المكان المناسب
اتمنا ان تكون وصلت الفكرة

محبكم اخيكم
حد السيف

ابو ايمن

09/08/2004, 11:11 AM

حيا الله الاخ حد السيف ومواضيعه المميزة والمفيدة

حيا الله الاخوة المشاركين .

حسب نوعية السيارة . فمثلا السفاري <--- نتكلم على قدنا .

السفاري فيه مكان في الجهة اليمنى أمام الكفر الخلفي وهذا مكان لتانكي يتسع لحوالي 60 لتر ماء وأنا مركبه .

بزبوزه ( صنبوره ) أما الكفر مباشرة . صحيح أنه عرضة للكسر في حال تجاوزت حجر رفيع . ولكنه أنسب مكان يكون محاذي للدعسة .
الوصول اليه نوعا ما فيه بعض الصعوبة خاصة اللي مايعرف مكانه مسبقا .
وبالإمكان أن تضع قطعة لي حتى تراه مع الدعسة مباشرة .

وأهم ملاحظة في جميع السيارات يجب أن يكون بقدر المستطاع في الجهة اليمنى لدواعي السلامة فإذا وقفت بجانب الطريق واحتجت الى الماء قد تتعرض للخطر اذا كان في الجهة اليسرى .

أما إن كان في خلف السيارة فتضع قطعة لي لتخرجها مع الباب الخلفي عند الحاجة الى الماء .أفضل من تخريم السيارة .

تحياتـــي والمعذرة للإطالة .

حد السيف

15/08/2004, 08:42 PM

السلام عليكم ورحمة الله وبركاته
ابوايمن .... هلابك يالغالي وتوضيح ممتاز لنوعية محددة من السيارات السفاري
سرني مرورك ومشاركتك يالغالي

محبك اخيك حد السيف

أبو تركي القطامي

15/08/2004, 10:54 PM

أخوي حد السيف
وعليكم السلام ورحمة الله وبركاته
أنه سيارتي باترول بابين ومركب تانكي الألمنيوم وري من الداخل خلف المراتب بعرض 45 وارتفاع 20 وفتحت الماء من الزاويه اليسري لم المراتب ومركب فيها لي طوله مترين والصنبور فيه ماص يلزق على البدي أو على الجنط
وليش مركبه من الزاويه اليسار من لم المراتب حتي يكون بعيد عن الكسر لما تحط القش بالسياره يمكن يطيح عليه الدافور أو شنطة العزبه وتكسره لكن في هذا المكان مافيه أمل يجيه القش

حد السيف

23/08/2004, 08:45 PM

السلام عليكم ورحمة الله وبركاته
أبوهناالقطامي هلابك يالغالي ومشاركة رائعة تنقصها بس الصورة ليكتمل ابداعك
شكرا لك وعلى تفاعلك ومشاركتك
وين انت خاطس ها اليومين

محبك اخيك حد السيف

أبو تركي القطامي

23/08/2004, 09:16 PM

أخوي الغالي حد السيف :
أنشاء الله في أقرب فرصه أنزل لك صوره مع الشرح
والغطسه أنه اخوك بالجوف مثلك عارف العوده :mad: حقتني

تواق

24/08/2004, 03:19 PM

شباب عندي اقتراح بسيط لايقارن بكم مشالله عليكم وهو وضع محبس صغير او شي مشابه له

قبل البزبوز حتى لو صار شي يمديك تقفله وبعدين تصرف

اخوكم / تواق

أبو تركي القطامي

25/08/2004, 09:39 PM

أخوي الغالي حد السيف :
هذه الصور الي توضح الي قلته في ردي السابق وأرجوا أن تحوز على رضاك ورضى الأعضاء الطيبين

والصوره الأولي
توضح مكان فتحت البزبوز وهو من خلف المراتب وهو المكان المناسب له
http://www.mekshat.com/pix/upload/images5/mk8277_vc1.JPG

الصوره الثانيه
وهو من الامام وهو عرضه للكسر
http://www.mekshat.com/pix/upload/images5/mk8277_vc2.JPG

الصوره الثالثه
وضعيت التانكي بالعرض داخل الجيب بأرتفاع 20 سم وعرض 45 سم
http://www.mekshat.com/pix/upload/images5/mk8277_vc3.JPG

الصوره الرابعه
حتي تستفيد من التانكي لو بغيت تنام داخل بسبب الأمطار الله يجيبها يكون متساوي مع المراتب
http://www.mekshat.com/pix/upload/images5/mk8277_vc5.JPG

الصوره الخامسه
تستفيد منه بوضع العزبه وبعض الأغراض فوقه
http://www.mekshat.com/pix/upload/images5/mk8277_vc7.JPG

الصوره السادسه
يأخذ 100 لتر وتشيل كل عزبك وأغراضك وفيه وساع بالموتر وخفيف الوزن لأنه من الألمنيوم ولا فيه أزعاج من رجت الماء وضمان 10 سنوات شكلي أسوي دعايه
:D
http://www.mekshat.com/pix/upload/images5/mk8277_vc8.JPG

حد السيف

25/08/2004, 10:03 PM

السلام عليكم ورحمة الله وبركاته
أبوهناالقطامي............. ماشاء الله تبارك الله وش ذا الله لا يضرك ان شاء الله
قايلك منذو مبطي الفط وامسط باللي عندك :D :D :D تراك هبلت بنا
لا وغيرنا العنوان وتستاهل اكثر
ابدعات ابوهنا القطامي لكل طير بر و كشات وصياد مع الدعاء لة بالبركة واجزلوا لة بكثير الدعاء..... مشكور يالغالي وجعلة في ميزان اعمالك وتستاهل الخير يا مكثور الخير

محبك اخيك حد السيف

الطل

30/08/2004, 11:42 AM

أبوهناالقطامي

ما شاء الله على هذي الفكرة لكن وين نحصل هذا التانكي بالمواصفات هذي

ممكن الورش تسويه لكن التخصص له دور

وبعدين وش هذي التلبيسة ما شاء الله تبارك الله شكلها تخلي السيارة جديدة

وجعلها الله في موازين حسناتك

أبو تركي القطامي

30/08/2004, 01:46 PM

وبعد العذر والسموحه من حد السيف :) ممكن ارد علي الطل
أخوي الغالي الطل :
هلابك وغلا
وهذا التانكي يصلح في بريدة عند محلات الرحلات البريه ومعليش ماراح اذكر أسم المحل علشان الدعايه المجانيه;)
وهو من الألمنيوم وفيه مقاسات متعدده الي 150 لتر والسعر من 600 الي 700 ريال حسب اللترات
والتلبيسه جديده نازله وهي كويتيه وبعدد من الألوان

وتقبل تحيتي
القطامي

عربسات

30/08/2004, 02:03 PM

ياااااااااسلام عليك يابو الهنا القطامي بصراحة مبين عليك راعي تكتكه ماتبي خوي تراي جاهز يعطيك العافية

الطل

30/08/2004, 02:23 PM

أشكرك أخوي أبوالهناالقطامي

أنا بالرياض ما تعرف شئ بالرياض
والتلبيسة تفصيل ولا جاهزة

والشكر موصول لأخوي حد السيف صاحب الموضوع

بن نويشر

30/08/2004, 03:08 PM

بس يوجد عيب بسيط بالتانكي !!

غطاء الخزان حبذا لو كان متساوي مع سطح الخزان كان أفضل بكثير .

وكذلك وضع البزبوز !! ما أعتقد أن هالطريقة صحيحة ..

وشكراً ،،

أبو تركي القطامي

30/08/2004, 03:17 PM

أخوي عربسات :
يشرفنا خوتك يالغالي

أخوي الطل :
والله مأعرف محلات بالرياض يالغالي
بس أكيد فيه وسمعت أنه يفصل بـ 900 ريال ولاني متأكد
والتلبيسه تفصيل يالغالي

أخوي سنيدي:
كلامك صحيح عن وضع البزبوز وذكرت ذلك في الصور الي نزلتهن بالصوره الأولي والثانيه
وبالنسبه عن وضع غطاء التانكي مافيه مشكله لأنه في زاويه ولا يضيق عليك وبعدين يحفظ الماء من التسرب أثناء تعبئت التانكي

حد السيف

06/09/2004, 09:33 PM

السلام عليكم ورحمة الله وبركاته
ابومحمد بيض الله وجهك وجمل الله حالك يالغالي
هذا التفاعل والا بلا تسلم ويسلم غاليك يالغالي جعل من ورثوك بجنان رب العالمين قل امين
شكرا لكم جميعا ولكم بالمثل من الدعاء

محبكم اخيكم
حد السيف

نمر بن حثلين

07/09/2004, 10:59 PM

يا سلام عليك يا حد السيف دايم افكار مواضيعك متميزه وجذابه :good:

ويا سلام عليك يا ابو هنا القطامي على هذا التانكي الجيشي المرنقط << ينفع لسلاح المدرعات :D

عجبني ياخوك حجمه وطريقته بس حبيت اسئلك عن ثلاث نقاط :

1- اذا جيت تعبيه ما يتملى داخلي الموتر من الماء ؟
2- مع المطبات ما يتسرب الماء من فتحة التعبية ؟
3- وانت تمشي تسمع صوت خضخضة الماء ؟

ونفس المقاس هذا كم سعره ؟
والمحل هو الي ماغيره الي على شارعين شمالي شرقي ولا انا واهم ;)

أبو تركي القطامي

08/09/2004, 12:59 AM

بعد أذن أخوي الغالي حد السيف

تسلم أخوي الغالي نمر بن حثلين:
والله يعافيك وبالنسبه لتسائلاتك

1- اذا جيت تعبيه ما يتملى داخلي الموتر من الماء ؟
والجواب: لا أخوي عبيته كذا مره والحمدالله لم يتملي الموتر من الداخل والسبب هو ان الفتحه حقت الغطى مرتفعه شوي وبرأسها بلف حق توبليس

2- مع المطبات ما يتسرب الماء من فتحة التعبية ؟
والجواب:لا يالغالي ونفس إجابة الي سبق

3- وانت تمشي تسمع صوت خضخضة الماء ؟
والجواب : لا يالغالي لوجود قواطع من الداخل على حيب حجم التانكي

ونفس المقاس هذا كم سعره ؟
600 ريال مع ضمان 10 سنوات
والمحل الي ذكرته هو يالغالي

الربذي

08/09/2004, 12:59 PM

السلام عليكم ورحمة الله وبركاته
اخي المبدع حد السيف موضوع رائع وكان بودي المشاركة عند كتابتة ولكن كان مايدور بذهني هو هذا التسائل ايضا
تحية ود تحية تقدير تحية اعجاب لاخونا (ابو هنا القطامي )الرائع كروعة اخترعاتةوابداعاتة شرح اكثر من وافي يالغالي وصدق انك وافي00 لا ومع الصور ولم تترك اي مجال لاي تسال حيث ان الاعضاء ماقصروا عليك بالاسئلة وكنت جاهز ومبدع ومقنع كعادتك الريادة دائما واثريت هذا الموضوع ودبت فية الحياة ولودريت عن ردودك ماتعبتك يالغالي وبارك الله فيك ولك 00
محبكدائما الربذي

نمر بن حثلين

08/09/2004, 07:51 PM

يا حبيلك يابو هنا كفيت ووفيت يا بعدهم :good:

بس اعذر فضولي وش الحكمه من بلف التيوبلس :confused: هل يجي مع الغطا من المحل ولا انت مرهمه :confused:

ومادري انت مثبت التانكي ؟ لاني اعتقد مع الطلوع والنزول والمطبات يتحرك :o

ومشكور ومعذرة على الاطاله وكثرة الاسئله :)

الربذي

09/09/2004, 11:58 AM

السلام عليكم ورحمة الله وبركاته

الاخ العزيز نمر بن حثلين000بعد اذن اخونا المبدع حد السيف ونيابة عن الغالي ابو هنا القطامي 00000
:( :( :( :( ياشين القافة
بالنسبة لاستفسارك اخوي افيدك ان فايدت البلف طبعا انت ترهمة تشق الغطاء وتجيب بلف جديد وتدخلة من تحت وتسحبة من فوق بس انتبة لسنة لاتخرب اثنا السحب امسكة بالزرادية من تحت السنة ثم شدة بقوية ورايح ينسحب ثم يتوقف وانتهت العملية ويمنع خروج الماء وليامنك فتحت البزبوز مارايح يصب ماء ليش لان ليس هناك تهوية وبدلا من العفرتة ومحاولة فتح الغطاء الذى احكمت تسكيرة لمنع الماء من الخروج فقط تشيل غطاء البلف طبعا بدون ابرة وبذلك تقدر تصب منة بسهولة في اسواء الظروف استعجلت ومشيت بدون ماتسكرة اي البلف فن الماء لن يضيع منك وساتسمع صوتة لكن اذا الغطاء ياقردك يصير عندك طوفان بالسيارة وقد لاتنتبة لة لانة صار معي عدة مرات حتى اهتديت بفكرة غطاء البلف وتصدق اني احسب مايستعملها غيرى الا ان قراتها برد الغالي ابوهنا ]

نمر بن حثلين

10/09/2004, 01:21 PM

هلا والله بالربذي

اشكرك على ايضاح فائدة البلف وطريقته المبتكره

وان كان فيه طريقه ثانيه مجربينها ونجحت
وهي انك بدال الغطا الي كل ما فكيته لازم تتكه زين وبعض الاحيان لازم تحط تيب عشان ما يهرب

بدال الغطا ركب حنفيه بوصه او بوصه الا ربع
واربط الحنفيه زين مع التيب عشان ما يهرب الماء

واذا بغيت تهوي او تعبي التانكي ما عليك الا انك تفتح الحنفيه
ولزيادة الامان فك يد الحنفيه ولا تحطها الا اذا بغيت تفتح او تصك
عشان تضمن ما يطيح عليها شي من الاغراض وتنفتح عليك الحنفيه وانت تمشي

ويبقى سؤال لابو هنا :D كيف ثبات التانكي ما يتحرك مع المطاب والرقي والتحويل ؟

أبو تركي القطامي

12/09/2004, 09:24 PM

أخواني الكرام
وعليكم السلام ورحمة الله وبركاته

وأسف على تأخري بالرد وذلك لسبب الدوامات والعمل

ومشكور أخوي الربذي على توضيح السبب للبلف

وبالنسبه لسؤالك أخوي الغالي نمر بن حثلين

طريقة تثبيته ولا أسهل منها وهي

في مكان كراسي المراتب الخلفيه الي بالباترول البابين فيه مسمارين من كل جهه يثبت في واحد منهن

وماراح يتحرك