المساعد الشخصي الرقمي

مشاهدة النسخة كاملة : جيب لاندكروزر الجديد 2008-2009 و شي محيرني فيكم يا قروم هلخيمة العامرة


هجراوي
15/07/2009, 08:28 AM
بسم الله الرحمن الرحيم


السلام عليكم و رحمة الله و بركاته


قبل ابدا في الموضوع احب اني اشكركم مقدما على تفاعلكم و ردرودكم الطيبة و هذا مهوب غريب عليكم بيض الله وجيهكم كلكم....


اخواني ، ما يخفى عليكم اهل البر المواتر اللي تخدم الكشاته كثيره و متعدده .. و ما يخفى عليكم في نفس الوقت مدى الانتشار القوي و النجاح الملحوظ للكروزر الجديد لدرجة انك ما توقف باشارة مرور الا تشوف لك اثنين و لا ثلاثة ما شاء الله تبارك الله...


لاكن اللي محيرني اني الى الحين ما شفت رجال شقردي نزل موضوع عن تجهيز هالسيارة للبر لتكون خير عون لصاحبها اثناء المكشات ؟؟؟


فانا اطرح هذا الموضوع و كلي امل ان احد من اخواني من يفيدني في هذا الشئ او ان اجد من يدلني على موضوع سابق حول مطلوبي




مع الشكر الجزيل - اخوكم هجراوي (ابو عبداللطيف)
سيف الظفير
15/07/2009, 09:29 AM
بأنتظار ملاك هالسيارة والمعلومات الوافية عنها وبخاصة بالامور اللي تهم الصقارة وراعي البر والكشات
ملك الإحسآس
15/07/2009, 01:10 PM
السياره إبدااع

شف منتديات تويوتا العرب ورآح تلقى تجاارب للأعضاء
هجراوي
15/07/2009, 03:30 PM
بأنتظار ملاك هالسيارة والمعلومات الوافية عنها وبخاصة بالامور اللي تهم الصقارة وراعي البر والكشات


تسلم على مرورك الكريم اخوي سيف و انا فعلا بانتظار الاحبه المكشاتيه من ملاك هالسياره ...
هجراوي
16/07/2009, 01:01 PM
السياره إبدااع

شف منتديات تويوتا العرب ورآح تلقى تجاارب للأعضاء

تسلم اخوي الغالي على التعقيب و ان شاء الله يجينا افاده من موقعي المفضل موقع مكشات الزاخر برجاله اللي منورين اقسامه بكل ما يفيد اخوانهم اللي يشاركونهم بحب البر و المقناص و علوم المرجله ..
ابرق نثيل
16/07/2009, 03:23 PM
اضم صوتي لصوتك اخوي الكريم

فالاندكروز2009 و 8 حسب مشاهداتي انا اوربعي !! نشوفه ولكن على زلفت وعند الاشارات وخط

وفي الغالب بدون تجهيزات مكشاتيه

وقليل شفته يمشي على ردميه او مع شباب طايش يطعسون به بالثمامه او المحليه

وهو مما لا يعطي موشر كافي على ان هالموتر ينغز به في المناطق الوعره او لااا

اسوتن بسلفه السابق
هجراوي
16/07/2009, 06:57 PM
اضم صوتي لصوتك اخوي الكريم

فالاندكروز2009 و 8 حسب مشاهداتي انا اوربعي !! نشوفه ولكن على زلفت وعند الاشارات وخط

وفي الغالب بدون تجهيزات مكشاتيه

وقليل شفته يمشي على ردميه او مع شباب طايش يطعسون به بالثمامه او المحليه

وهو مما لا يعطي موشر كافي على ان هالموتر ينغز به في المناطق الوعره او لااا

اسوتن بسلفه السابق

حياك الله اخي ابرق نثيل و شكرا على مرورك الرائع ..

و ما اخفي عليك اخوي ان الله سبحانه و تعالي يسر لي شراء هالموتر بعد ما كانت من اصحاب السفاري الفتك لبضعة اعوام ...

و جربت الموتر كم من مره على الرمل من قريب و لله الحمد ماشفت شي يكدر الخاطر ، و تبقى المعادلة كما هي ان الكلام اولا و اخيرا على السواق بالدرجة الاولى ثم الموتر ...×

بس و دي اشوف اخواني ملاك المفخره وش حاطين له من تجهيزات ينصحون بها ... و ان شاء الله بنحصل الشقردي اللي يفيدنا بالموضوع .....
ملك الإحسآس
17/07/2009, 02:34 PM
بإنتظار أصحاب المفخره ..
هجراوي
18/07/2009, 03:08 PM
بإنتظار أصحاب المفخره ..
تسلم على تواجدك و اهتمامك اخوي الغالي ملك الاحساس بيض الله وجهك ...
هجراوي
19/07/2009, 11:07 AM
طبعا اخواني انا لست اسأل عن اساسيات تجهيز مركبة الدفع الرباعي ،

فعدد كبير من المواضيع قد كتب في مثل هذه التجهيزات و لن ازيد على ما ذكره الاخوان في سرد تجهيزات سيارات الدفع الرباعي عامة مثل:
معيار الهواء

معول قابل للطي

محول من 12 فولت الى 110/220

لمبات اضافية (في الكبوت او على قابس الولاعة او على البطارية)

منفاخ هواء حسب الحاجة

صندوق صغير للاسعافات الاولية

طفاية حريق

اداة رقع الاطارات

العفريته و توابعها

كشاف البطارية

شاحن الجوال

جهاز ايكوم

جهاز القارمن

خزان ماء

واير قلص

اسلاك اشتراك البطارية

دربيل

حبل نايلون سميك

خزان بنزيم احتياطي

بطارية اضافية

كفر اضافي

هاتف اقمار (الثريا)

سيور احتياطية + عدة سيارة

هذا بالاضافة الى بعض الاضافات الاخري مثل اليايات الاسترالية و كفرات البلون

الا ان سؤالي خاص عن افكار و تجهيزات تعديلات قام بها الاخوه ملاك اللاند الجديد بشكل خاص
خيال الغلبا
19/07/2009, 08:39 PM
هجراوي موضوع وتساؤلات رائعة وفي محلها

انا معي جي اكس ار 2009
واحتاج تركيب بطارية اضافية ولم اجد لها مكان في الكبوت ولا ادري اين اركبها
هجراوي
20/07/2009, 08:18 AM
هجراوي موضوع وتساؤلات رائعة وفي محلها

انا معي جي اكس ار 2009
واحتاج تركيب بطارية اضافية ولم اجد لها مكان في الكبوت ولا ادري اين اركبها


تسلم اخوي الغالي خيال الغلبا على تعقيبك و ابزيد على سؤالك ان كان احد من الاخوان يقدر يفيدنا ان كان تركيب البطارية الاضافية سيخلق مشاكل على الضمان عند وكيل تيوتا ؟
سيف الظفير
21/07/2009, 11:48 AM
طبعا اخواني انا لست اسأل عن اساسيات تجهيز مركبة الدفع الرباعي ،

فعدد كبير من المواضيع قد كتب في مثل هذه التجهيزات و لن ازيد على ما ذكره الاخوان في سرد تجهيزات سيارات الدفع الرباعي عامة مثل:
معيار الهواء

معول قابل للطي

محول من 12 فولت الى 110/220

لمبات اضافية (في الكبوت او على قابس الولاعة او على البطارية)

منفاخ هواء حسب الحاجة

صندوق صغير للاسعافات الاولية

طفاية حريق

اداة رقع الاطارات

العفريته و توابعها

كشاف البطارية

شاحن الجوال

جهاز ايكوم

جهاز القارمن

خزان ماء

واير قلص

اسلاك اشتراك البطارية

دربيل

حبل نايلون سميك

خزان بنزيم احتياطي

بطارية اضافية

كفر اضافي

هاتف اقمار (الثريا)

سيور احتياطية + عدة سيارة

هذا بالاضافة الى بعض الاضافات الاخري مثل اليايات الاسترالية و كفرات البلون

الا ان سؤالي خاص عن افكار و تجهيزات تعديلات قام بها الاخوه ملاك اللاند الجديد بشكل خاص







نبي صور يالغالي
وقيان
21/07/2009, 02:54 PM
الكروزر شيخ بالصمان ومثيلاته

لكن بالنفود نكبـــــــــــــــــــــــــــــــــــــــــــــــ ــــة
شرق الصمان
21/07/2009, 09:40 PM
تجهيز السيارة للبر ركب شراع وتانكي ماء ويايات ومساعدات
وان حصل كفرات بالون
ويصير ملك البر
معي واحد غير مجهز للبر ( يعني وكالته)
طلعت للصمان و مشيت فيه حول 150 كيلو بر مالاحظت عليه شيء والحمد لله
لكن المشكلة ان الموتر دافع فيه فلوس تخاف عليه ولا ترتاح إلا إذا كان معك كسرة
موتر تصدم فيه الطلاح وتنط الرمث وتمشي بالشعيب
هجراوي
22/07/2009, 06:00 AM
نبي صور يالغالي

ابشر بسعدك اخوي ...

فيه عدد كبير من المواضع كتبها الاخوان المكشاتيه من مبطي هذا غير المواضيع اللي تتكلم عن كل غرض بشكل مفصل ...

و هذا واحد منهم:

http://www.mekshat.com/vb/showthread.php?t=19017

http://www.mekshat.com/vb/archive/index.php?t-19019.html

و ما شاء الله الاخوان ما قصرو مع محركات البحث على المنتدى و على قووقل ....

بس العلم اللي نبي هو حركات و تجهيزات المكشاتيه للمفخره الجديد ...

تقبل احترامي و فائق تقديري ...
غريب27
22/07/2009, 03:10 PM
بالأمس القريب طلعت الجيب من ورشة سوافي بالرياض وعندهم الباطارية الأضافية ولمبات الكبوت ومنفاخ الهواء ومحول الكهرباء وكل شي
وعلى فكرة ترا لقيت مكان للبطارية نفس مكانها بالموديلات السابقة بس يبغالك (تفهق)=تبعد علبة الزيت اللي بالزاوية اليمين قدام إلى اليسار شوي وتصقط البطارية والسلام
هجراوي
25/07/2009, 11:09 AM
الكروزر شيخ بالصمان ومثيلاته

لكن بالنفود نكبـــــــــــــــــــــــــــــــــــــــــــــــ ــــة


حياك الله اخوي وقيان و تسلم على مرورك ... نسم الكفرات شوي طال عمرك و ان شاء الله ما تشوف من هالموتر الا مايسرك و يرضيك ....
هجراوي
25/07/2009, 11:11 AM
تجهيز السيارة للبر ركب شراع وتانكي ماء ويايات ومساعدات
وان حصل كفرات بالون
ويصير ملك البر
معي واحد غير مجهز للبر ( يعني وكالته)
طلعت للصمان و مشيت فيه حول 150 كيلو بر مالاحظت عليه شيء والحمد لله
لكن المشكلة ان الموتر دافع فيه فلوس تخاف عليه ولا ترتاح إلا إذا كان معك كسرة
موتر تصدم فيه الطلاح وتنط الرمث وتمشي بالشعيب


الله يبارك لك فيه و يعطيك خيره و يكفيك شره اخوي الغالي نورت الموضوع بمرورك الكريم ... و صدقت اخوي الموتر سعره مبالغ فيه جدا من وجهة نظري و اللي اكدها لي عدد من المواقع العالمية اللي لها في مواتر الدفع الرباعي في استراليا و امريكا ...
هجراوي
25/07/2009, 11:14 AM
بالأمس القريب طلعت الجيب من ورشة سوافي بالرياض وعندهم الباطارية الأضافية ولمبات الكبوت ومنفاخ الهواء ومحول الكهرباء وكل شي
وعلى فكرة ترا لقيت مكان للبطارية نفس مكانها بالموديلات السابقة بس يبغالك (تفهق)=تبعد علبة الزيت اللي بالزاوية اليمين قدام إلى اليسار شوي وتصقط البطارية والسلام

الف شكر على الافاده الطيبه اخوي الغالي ، بس ما ادري اذا احد الاخوان عنده علم ان كان الوكاله تتفلسف بخصوص الضمان لو قمت بتركيب بطارية اضافية (من ناحية الضمان)؟
هجراوي
26/07/2009, 01:31 PM
بالأمس القريب طلعت الجيب من ورشة سوافي بالرياض وعندهم الباطارية الأضافية ولمبات الكبوت ومنفاخ الهواء ومحول الكهرباء وكل شي
وعلى فكرة ترا لقيت مكان للبطارية نفس مكانها بالموديلات السابقة بس يبغالك (تفهق)=تبعد علبة الزيت اللي بالزاوية اليمين قدام إلى اليسار شوي وتصقط البطارية والسلام

ياريت لو يحصل صور اخوي الغالي ....
الحركساب
26/07/2009, 03:53 PM
السلام عليكم.....عندى اضافه بسيطه على المفخره
1-اولا كفرات بالون ويايات استرالى خلفى علشان ينهض الموتر ويصير موتر بر موب ديره لانه طامن شد بلاده.
2-ترهيم بطاريه اضافيه ولابد من تفحييز علبه زيت الدركسون علشان تركب (المحل على طريق العروبه باتجاه الغرب بالمحطه قبل مستشفى العيون...يستاهلون الدعايه شغل100%).
3-تم تركيب لمبه الكبوت ولمبه جانبيه وتسليك للايكوم ولمبه خلفيه تحت عند التانكى وتوصيل سلك للثلاجه داخل البدى للخلف.
4-تم تركيب شد التنده وتانكى مويه سعه 135 لتر.
5-تم تركيب الشراع الداخلى وعليه الطبق مواسى للمرتبه الخلفيه عند الصفط(سرير)وقت المطروالعزبه تحت وفوق الطبق على جمب الثلاجه(35)لتر.
6-تم تركيب القارمن وتم تركيب التكيه حقه الطير على الثلاجه حقه الدرج.
7-تم تلبيس المراتب بالقماش التنزانى الطيب والشغل المضبوط مع تلبيس الارضيات بلاستيك (5مل)والتضليله الكايفه.
وافلح على بركه الله الله يعطينا خيرها ويكفينا شرها امين.
ملاحظه: مااعرف انزل صور العذر والسموحه.
الحركساب
26/07/2009, 03:57 PM
هجراوي موضوع وتساؤلات رائعة وفي محلها

انا معي جي اكس ار 2009
واحتاج تركيب بطارية اضافية ولم اجد لها مكان في الكبوت ولا ادري اين اركبها
راجع الموضوع السابق ارجوان اكون افدتك
هجراوي
27/07/2009, 09:20 AM
اقول بيض الله وجهك اخوي الغالي ، انا اشهد انك نورت الموضوع بمشاركتك القيمه ، فجزاك الله الف الف خير ...

اتمنى انك تفيدني من تجربتك مع البالون ركبته على جنوط الوكاله ، وهل تغير عليك رساوة الموترمع البالون ؟

شكرا ...

السلام عليكم.....عندى اضافه بسيطه على المفخره
1-اولا كفرات بالون ويايات استرالى خلفى علشان ينهض الموتر ويصير موتر بر موب ديره لانه طامن شد بلاده.
2-ترهيم بطاريه اضافيه ولابد من تفحييز علبه زيت الدركسون علشان تركب (المحل على طريق العروبه باتجاه الغرب بالمحطه قبل مستشفى العيون...يستاهلون الدعايه شغل100%).
3-تم تركيب لمبه الكبوت ولمبه جانبيه وتسليك للايكوم ولمبه خلفيه تحت عند التانكى وتوصيل سلك للثلاجه داخل البدى للخلف.
4-تم تركيب شد التنده وتانكى مويه سعه 135 لتر.
5-تم تركيب الشراع الداخلى وعليه الطبق مواسى للمرتبه الخلفيه عند الصفط(سرير)وقت المطروالعزبه تحت وفوق الطبق على جمب الثلاجه(35)لتر.
6-تم تركيب القارمن وتم تركيب التكيه حقه الطير على الثلاجه حقه الدرج.
7-تم تلبيس المراتب بالقماش التنزانى الطيب والشغل المضبوط مع تلبيس الارضيات بلاستيك (5مل)والتضليله الكايفه.
وافلح على بركه الله الله يعطينا خيرها ويكفينا شرها امين.
ملاحظه: مااعرف انزل صور العذر والسموحه.
الحركساب
27/07/2009, 11:04 PM
بالنسبه للبلون الله يحفظك ومن يقرا ,مركبه على جنوط شد البلد بس خليه اربع خمس ايام بدون ترصيص (اذا فيه رجه تحمل)ثم رصص ارضى وادعيلى..
ملاحظه:تاكد من تاريخ الكفرات قبل تشرى والله يوفق الجميع.
اقول بيض الله وجهك اخوي الغالي ، انا اشهد انك نورت الموضوع بمشاركتك القيمه ، فجزاك الله الف الف خير ...

اتمنى انك تفيدني من تجربتك مع البالون ركبته على جنوط الوكاله ، وهل تغير عليك رساوة الموترمع البالون ؟

شكرا ...
هجراوي
28/07/2009, 08:23 AM
بالنسبه للبلون الله يحفظك ومن يقرا ,مركبه على جنوط شد البلد بس خليه اربع خمس ايام بدون ترصيص (اذا فيه رجه تحمل)ثم رصص ارضى وادعيلى..
ملاحظه:تاكد من تاريخ الكفرات قبل تشرى والله يوفق الجميع.

تسلم على النصيحه اخي الكريم و الله يوفقك دنيا و اخره ....
فتك ابوفهد
28/07/2009, 08:56 AM
السلام عليكم ورحمة الله وبركاته
على طاري المفخرهـ في صور عاجبتني لاند 2008 عليه تجهيزات للبر بس أتوقع انه مجهز في استراليا :p

وهذي الصور واعذرونا على القصور

http://www11.0zz0.com/2009/04/12/05/259184380.jpg (http://www.0zz0.com)



http://www11.0zz0.com/2009/04/12/05/192259093.jpg (http://www.0zz0.com)



http://www11.0zz0.com/2009/04/12/05/490971461.jpg (http://www.0zz0.com)




http://www11.0zz0.com/2009/04/12/05/476047439.jpg (http://www.0zz0.com)



http://www11.0zz0.com/2009/04/12/05/940699888.jpg (http://www.0zz0.com)



http://www11.0zz0.com/2009/04/12/05/687818116.jpg (http://www.0zz0.com)



http://www11.0zz0.com/2009/04/12/05/295150549.jpg (http://www.0zz0.com)
هجراوي
28/07/2009, 02:09 PM
السلام عليكم ورحمة الله وبركاته
على طاري المفخرهـ في صور عاجبتني لاند 2008 عليه تجهيزات للبر بس أتوقع انه مجهز في استراليا :p

وهذي الصور واعذرونا على القصور



ما بدى قصور اخوي ابو فهد بيض الله وجهك و جزاك الله الف خير ....
هجراوي
12/08/2009, 11:37 AM
السلام عليكم اخواني ...

كتحديث للموضوع : قمت بالبحث في بعض المنتدات و وجدت عدد من المواضيع التي تحدثت بالصور و التفاصيل عن تجهيز الفكسار المفخره .. و قد لا يكون من المناسب ذكر تلك المواقع هنا ...

بالرغم من ذلك ما زلت على ثقة ان الاخوان نجوم هذا المنتدى الرائع هم الاقدر على الافاده بمثل هذه المواضيع ...