وش الفرق بين البنوراما والاكسنت

[ابوزياد99]

يالربع وش الفرق بين البنو راما والاكسنت الهونداي كلهن يمشن على الزفت نبيى مشاركتكم . ;) :director:

[الكمبودي]

سؤال غريب بصراحه ههههههههههه

بس بجاوب على قدر السؤال
المعروف دائما اهمية التقنية في صناعة اي شئ وخاصه السيارات وما يتطلبه المستهلك من وسائل امان عالية تتواجد في الصناعة الالمانية دائما اكثر شئ والامان من الله سبحانه اول وآخر شئ
اما بالنسبة للسيارات الكورية مثل الاكسنت فهي تؤدي نفس غرض المرسيدس لفترة بسيطه فقط اما الاخرى فهي قد تدوم سنين كثيره ..
الآن انا بوجه سؤال عن الاكسنت موديل الـ 2002 كيف شكلها الآن وكيف شكل مرسيدس 2002 وكم السعر

اخيراً بذكرك بمثل يقول يدلك على الخيل اثمانها

حبيت اشارك في موضوعك على حسب فهمي لسؤالك

تقبل تحياتي

[أبوحمد 505]

الأكسنت عندي أحسن من البانوراما
لأن معي أكسنت ومجربها وكارفها بس البانوراما للحين ماحصلها الشرف

إلا على فكرة وش معنى البنوراما أتحداك تجيب معناها بدون قوقل :)

[tamimy]

جرب الثنتين وتعرف الفرق

[عاشق السناف]

؟؟؟


مادري وش اقول الصراحه

[ال شرق]

لكل دوله رجال

ولكل سياره سواق

[هواي البرr]

لكل دوله رجال

ولكل سياره سواق
صدقت يابعدي .ي ال شرق .عطيته الكلام اللي يجمد على الشارب جبتها.

اصلا الاخ شكله معاه اكسنت ههههههههههههههههههههه

[m3krch]

الا وانت الصـادز

( لكـل سيـاره ثمـن ولكـل أنسـان عقـل )


واللي يقول سعر الاكسنت 2002 وسعر المرسيدس 2002

الاكسنت 2002أصفار بـ 24 ألف
والمرسيدس 2002 أصفار بـ 290 ألف تقريبا

يعني افتحلك معرض اكسنتات ياراعي المرسيدس خخخخخخخخخخ

موفق ان شاء الله

[أبوغيث 2003]

مهنا فرق

كلهن سيارات صغار

[باترول03]

اعجبتني نصيحة عمي الكبير و هي ان السيارة اذا تعدت 10% من راس مال الرجال فهي في غير موضعها

ويعدين المرسيدس ماخذ صيت اكبر من حجمه ولا نسينا اننا شعب يمشي مع القطيع تحت مقولة الموت مع الجماعة رحمة والدليل الاسهم و سوا والمساهمات العقارية و مكاين سنقر و قريبا العقار مع تحيات وكالة يقولون

[التعـ King ـديل]

الفرق طال عمرك ان البانوراما فيها مالايقل عن 100 برأه اختراع في السياره واجهزتها

بينما الاكسنت مافي راس امها ولا اختراع

[كساب الطيب]

لكل دوله رجال

ولكل سياره سواق


كلام حكماء
عرفت الفرق الحين يارعي المرسيدس ولا ..........

[باترول03]

الحمدلله انا مقتدر واقدر اشري الي في خاطري

بس ودي اوضح شي

السيارة اذا كانت وسيلة لرفع قدر الرجال فهي اعتراف منه بالنقص


ولكل سيارة غرض............

[تناهيت]

كلهم وسيله للتنقل وتشتريهم بدراهم

[البيرق]

الفرق بينهم مثل الفرق بين الحمار والحصان فأيهما تفضل

[Fmejrad]

طيب وش الفرق بين البعير الي ينباع بملايين والبعير الي ينباع بالف ؟

[ابوعبدالله530]

الفرق ان البانوراما درايش هندل مراتب عادى ودركسون عادى
والاكسنت سقف بانوراما ونايت فيقن وكاميرا وتسخين وتبريد مراتب


لاتصدق هههههههههههههه
والله سؤال ؟؟؟؟؟؟؟؟؟؟؟؟؟؟؟؟

[مروووق]

الفرق ان الاكسنت ممكن تفتح الدرايش وتشغل عزازي ولا راشد الماجد وتطول على الصوت ولابس ثوب بيت مخطط ولا كاروهات :)

بالبانوراما ماتقدر. لازم تقصر اخر شي على الصوت ولازم تكون اتكيت والشماغ نسفه كوبرا ولا تتلفت

ههههههههههههههههههههههههههههه

[Bader-M]

الفرق ان الاكسنت ممكن تفتح الدرايش وتشغل عزازي ولا راشد الماجد وتطول على الصوت ولابس ثوب بيت مخطط ولا كاروهات :)

بالبانوراما ماتقدر. لازم تقصر اخر شي على الصوت ولازم تكون اتكيت والشماغ نسفه كوبرا ولا تتلفت

ههههههههههههههههههههههههههههه

ههههههههههههههههههههه

شف

اسال القوقل ؟!

عشان تعرف الاجابة

[مريتو]

فيييه فرق شاااسع


اولا ان الاكسنت تقدر تنزل البقاله وهي مشغله المسكين الي يبي يسرقها

2 تنام وانت مرتاح \ماتقول يجي احد يحك بها ولايسرقها

3الاكسنت دايم تكون مهدي وهذا اهم شي لسلامتك لانك ماتستغر ب انها تطلق عليك في اي وقت

والفروووق كثيره وبكل جدااااره الاكسنت افضل بكثيييير
.




.

.

ياعمي هذا سؤال .....؟؟؟؟؟ الله لا يبلانا...

[المحترف800]

الفرق ان البانوراما درايش هندل مراتب عادى ودركسون عادى
والاكسنت سقف بانوراما ونايت فيقن وكاميرا وتسخين وتبريد مراتب


لاتصدق هههههههههههههه
والله سؤال ؟؟؟؟؟؟؟؟؟؟؟؟؟؟؟؟


هههههههههههههههههههههههههههههههه

[آل زايد502]

الاكسنت
1-الراحه
2-التكنولوجيا العاليه
3-سعرها خيالي
4-قطعها غاااااااليه نااااااااار
هذا الي عند عن الاكسنت والبنوراما عكسها تماااااااماً

[خشم الرثمه]

أصيغ لك السؤال بطريقه أفضل...


ماهو وجه الشبه بين الأكسنت والبانوراما ؟


كلها تقضي مشاويرك اليوميه وتوديك لدوامك وتقدر تسافر عليها لأي


مكان كان وعليكم مراعاة فارق التوقيت :j


وتقدر تكشت بهن ولاتنسى تنزل الهوى في الطعوس

[Abu Saad]

مثل الفرق بين القمرية والقوقسية.
مع انهن كلهن قمري (سيارات).
والسلام عليكم

[موادع 1]

ابد وانا اخوك ماهناك فرق يذكر
كلها مواتر تمشي والسعر حول بعض
بس البانوراما يفرق الفل منه يجي بجناح وكفرات خط بشنبر

[ع. بن عمار]

السلام عليكم ورحمة الله وبركاته
اخوانى اعضاء وزوار مكشات
لا شك فى ان سؤال اخونا قد يكون غريب شوى
ولكن من وجهة نظرى ان سؤاله صحيح 100%

[القناص-sniper]

انا عندي اكسنت

والله العظيم اني مرتاح معاها ما شاء الله تبارك الله

عمليه عمليه عمليه ومكده وكرف والي تبي تسميه سمه

لا تستهين في الزغنطوطه تراها جباره وقويه وعمليه

واذا مالقيت لك موقف اقرب جحر انطلها فيه او بين سيارتين ملبقات البقها


وانا افضلها كسيارة مدينه ودوام واسواق اسأل مجرب

تحياتي للجميع

[Fmejrad]

ابد وانا اخوك ماهناك فرق يذكر
كلها مواتر تمشي والسعر حول بعض
بس البانوراما يفرق الفل منه يجي بجناح وكفرات خط بشنبر

هههههههههههههههههههههههههههههههههههههههههههههههههه ههههههههههههههههههههههههههههههههه

هههههههههههههههههههههههههههههههههههههههههههههههههه ههههههههه

[aboeyade]

إن الله يحب أن يرى أثر نعمته على عبده.

اللي ما معوهش ما يلزموش

والله معه لازم يتهنى بحياته (العمر يجي مره ما يجي مرتين)

[عاشق سفر]

تبغى وجهة نظري؟؟

بصراحة للشباب مثلنا ماشاء الله أي شيء يمشي معنا اكسنت وانيت دباب وايت بانوراما همر كامري كله يمشي

لكن للشياب والله هم اللي التعب عليهم ويحتاجون للراحة اكثر فأشوف البانوراما ومنافساتها هي الأنسب لهم خلهم يرتاحون طول عمرهم يشقون أما حنا يمدي علينا وبنتمتع إن شاء الله بالدنيا وبالاخرة قولوا آمين

[حاتم البدراني]

والله الفرق لاقضبت السريع وشطفت تريله عرفت وش الفرق...........

[راعي البخاخ]

مثل الفرق بين القمرية والقوقسية.
مع انهن كلهن قمري (سيارات).
والسلام عليكم

:D
هههههههههههههههههههههههههههههههههههههههههههههههههه هههههههه
الله لايحرمك الجنه اخوي ابو سعد . والله انك صادق

[ملك الإحسآس]

الفرق بينهم مثل الفرق بين الحمار والحصان فأيهما تفضل

{ ههههههه 100 % } :d

[أبوحمد 505]

الحمدلله انا مقتدر واقدر اشري الي في خاطري

بس ودي اوضح شي

السيارة اذا كانت وسيلة لرفع قدر الرجال فهي اعتراف منه بالنقص


ولكل سيارة غرض............

ماشاء الله عليك
أن أشهد أنك قلت كلام مابعدة كلام بيض الله وجهك
والله من بانوراما وجيوب راكبينها خكاريا تكرمون

أنا عندي أكسنت موديل 2006 الشكل الجديد وأعتقد أني أول واحد خذيت الشكل الجديد
أخذتها للمشاوير أمشي يومين كيلو 420
وكارف والديها ماشاء الله صابرة على ورجلي حارة عليها
ودايم أطلع البر عليها
وقبل شهر صار لي حادث ونصحني واحد أركب كل شي تجاري خاصة أني أبي أستخدم حتى وعندي أخوي اللي أصغر مني بياخذها إذا سجل في الجامعة
يعني مافية نية لبيعها
ركبت الصدام الأمامي كامل 65 ريال
شمعات الأنوار كاملة يمين ويسار الوحدة 60 ريال
الكبوت كامل مع مفصلات 150
الراديتر موية 270
يعني القطع رخيصة مرة
وعلى فكرة طبلونها يجيب 200 وأنا مريح أما بعد الحادث يجيب 180

[يوسف عبدالله]

اعجبتني نصيحة عمي الكبير و هي ان السيارة اذا تعدت 10% من راس مال الرجال فهي في غير موضعها




ماشاء الله .. الله يباركلك بالحلال ويزيدك

إذا على نصيحت عمك ...
ماينفع معي إلا سياره بدون بطاريات من ابو ريالين (( بس كيف أركب فيها ؟؟ :D ))


الله يخلي كل أيامنا 25 من الشهر :p

[لاندكروزر-83]

الفرق الله يسلمك بين الاكسنت والبانوراما (( الصفر))


البانوراما350000


الاكسنت 35000

[أبو خليفه]

كلهن وسيله نقل

[مرير الشوق]

الفرق طال عمرك ان البانوراما فيها مالايقل عن 100 برأه اختراع في السياره واجهزتها

بينما الاكسنت مافي راس امها ولا اختراع


ولا ازود على كلام اخوي خبير نيسان

كلااااااااااام سليم 100%

وتبي الصراحه كلها مب زينـــه

مادام ماهي ( جيب )

وكلها ماتوديك للصمان ولا تقطعك بك الخرايم ولا تذب الريع ولا تفج الخـــلا وافهمها .. ^_^