ما خاب من استشار>استشاره<

[نار الجليد]

السلام عليكم


حي الله الجميع


يا اخواني هذا خوي لي معروض عليه موتر شروكي سبورت 2001

مادري تنصحونه بالشروكيوالا لا وهل هو عملي والا خربات

ويبي نصيحتكم الي هي نصيحه اخ لأخوه

[القبطان404]

وعليكم السلام
والله الشروكي حلو بس يبي الواحد يحافظ عليه ويستعمله استعمال حشمه .

[كاشت...]

والله الشروكي على حد علمي امه غثيث من ناحيه الدبلات ..
وبعدين حساساته واااجد
ولا ينغزى به ...
الله يسهل الامووووور

[escape_man]

موتر جبار وله عشاقه

عيبه انه مايتحمل الكرف الزايد والي يداوم على صيانته فبصراحة السيارة لا يعلى عليها

واتوقع سبب رغبة اخوك بهالموتر هو مناسبة اسعارها

مو مثل الاربعا النيسان الي موديل 91 يقولك راعيه مسيوم ب 35

[سوبر VTC]

و عليكم السلام و رحمة الله
الشيروكيات توفيق بعد الله
احيانا تجلده و لا يخرب و العكس صحيح
احلى ما بالشيروكي الان قطع غياره رخيصه
مكينته بين 2000 الى 2700
القير التماتيك من 1200 الى 1700 على حسب مشترا راعي التشليح
الدفرنس امامي كامل ب900
الخلفي من 1200 الى 1500
تخيل سلف اخو الجديد ب100ريال الى 150
الان يجي شيروكيات سكراب من اليابان مكاين جديده ماشيات على 80000الف و طالع
شد المصنع مالمست المكينه :good:
اقرب محل الطريف و الثويني بعنيزة
اهم شي بالشبروكي لا تحوس ظفيرة الكهرب عشان ما يخرب عليك الكمبيوتر
نقطه مهمه يوجد حساس مقنت يركب على الحذاف مربوط على القير
هذا اذا دقيت سلف يعطي معلومه للكمبيوتر ان الحذاف يشتغل
و بالتالي يشتغل الموتر
اذا كان هذا الحساس خربان ما يشتغل الموتر
حساس مستعمل 150ريال جديد ب310 امريكي270
يعني الافضل يكون معك حساس احتياط تحت المرتبه

اذا بغيت رقم رجال بالرياض مختص بالشيروكي بخصوص الموتر
تشاوره
علمن

[نار الجليد]

الله يعطيكم العافيه

ولامانع من الاستزاده

[صقرالعرب2007]

خله يتوكل على الله عز الله انه موتر وخله يتنقى النظيف ولونه غالي أهم شي نظافته وحبذا لو يكون سعودي لأن الأمريكي الي عندنا ترتفع حرارته ولازم ترهم له مراوح والترهيم بالشروكي قلق وانتبه لا يجور عليه واجد لأن قيادته تجبرك تجور عليه.. حقيقةً من أمتع الجيوب قياده الشروكي...

[سوبر VTC]

حقيقةً من أمتع الجيوب قياده الشروكي...



صدقت من تجربه شخصيه ممتع جدا :good:

[ابويارا1001]

الموتر خفيف ونشيط حيل

واعيب عليه انه ضيق من داخل.

قيادته ممتعه

بس لا يضيق صدرك اذا جلدته وخرب فيه شي

يعني كرسي مكينه طرمبة ماء صليبات

اي شي من التناتيف

يعني اعتبرها من مقاضي الكشته

وبالتوفيق

[مدمن فتك]

الشروكي توافيق ولاكلن يعرفله لكنه طرب

[سامي 4800]

انا اقولها من تجربة (((( موتر ما ينغزابة ))))

شيء عادي انك تتصل على سطحة وانت بخط سفر
شيء عادي ان الموتر يخبط وانت تدور مع الخلق

[-9998-]

اللي اعرفه انه موب ذاك التحمل



الحراره لك عليها شوي


والله يوفقك ويكتب لك اللي فيه الخير