انتبهو من وكالة نيسان لا تضحك عليكم ياهل الباترولات؟؟؟؟؟؟

[ALMOKTAR]

فية قريب لي عنده باترول 2005 في مشكلة في القير بعض الاحيان ما يغير يمسك على نمرة واحدة تطفي وتشغل تمشي يالامور المهم الرجال دق علي وقال تكفى ابيك تروح معي للوكالة لان عندك خبرة في ذا الامور قلت ابشر رحنا للوكالة في جدة ويجيك هذا المكيانيكي شايب وشكلة فاهم ويجيب الكمبيوترويشبكة ويشيك ويوم شيك جاب اللي ماطرا على البال قال هذا منظم القير اللي يسمونة الميكانيكيين مخ القير واسمة الحقيقي هو Control Valv المهم سعرة القطعه هذي لحاله 5000 ريال يعني راتب موظف ما عجبني كلامة لان اذاطفيت الموتر ورجعت شغلته تمشي الامور فقلت اكيد ذي شغلت كتاوت او برمجة المهم قلت لخويي امش نشوف اي ميكالنيكي برا المهم طلعنا ولا قدرت ارتاح على طول في الشمس الساعة 11 على مكيانيكي اعرفة فكيت الكبوت وبدل بين الكتاوت ويمشي الوضع يومين ورحنا شرينا كتاوت منظم القير يجي مكتوب علية At بحول المية ريال وماشاء اللة لة شهر سالك والله يتمها

[Fmejrad]

ماشاءالله تبارك الله ,,

الوكالات بصراحه استغلالهم مشكله وايضاً فحص الكمبيوتر هذا مشكله !

الواحد المفروض يبدا بشي المنخفض سعرهـ حتى يصل لحل المشكله

بارك الله فيك اخوي وماشاءالله تبارك الله والله يعطيه من خيرها ويكفيه شرها

[wail2]

فية قريب لي عنده باترول 2005 في مشكلة في القير بعض الاحيان ما يغير يمسك على نمرة واحدة تطفي وتشغل تمشي يالامور المهم الرجال دق علي وقال تكفى ابيك تروح معي للوكالة لان عندك خبرة في ذا الامور قلت ابشر رحنا للوكالة في جدة ويجيك هذا المكيانيكي شايب وشكلة فاهم ويجيب الكمبيوترويشبكة ويشيك ويوم شيك جاب اللي ماطرا على البال قال هذا منظم القير اللي يسمونة الميكانيكيين مخ القير واسمة الحقيقي هو Control Valv المهم سعرة القطعه هذي لحاله 5000 ريال يعني راتب موظف ما عجبني كلامة لان اذاطفيت الموتر ورجعت شغلته تمشي الامور فقلت اكيد ذي شغلت كتاوت او برمجة المهم قلت لخويي امش نشوف اي ميكالنيكي برا المهم طلعنا ولا قدرت ارتاح على طول في الشمس الساعة 11 على مكيانيكي اعرفة فكيت الكبوت وبدل بين الكتاوت ويمشي الوضع يومين ورحنا شرينا كتاوت منظم القير يجي مكتوب علية At بحول المية ريال وماشاء اللة لة شهر سالك والله يتمها

الحمد لله افتكيتم من الوكاله
اين موقع الكتاوت واذا أمكن تضع الصوره تفصيلا شاكرين لكم

[بدوي جنوبي]

اجل وفرتو 4900 ريال
والقير باقي بشد بلاده

احسن ما عملتوا

يثبت الموضوع لاهميته

[عذب الروح]

نصب عيني عينك والخافي أعظم
لابارك الله بما كسبوا إن كان بغش أونصب أوخديعة.

[سوبر VTC]

الحمدلله
الله يبشرك بالخير
مشكلة مشابهه نوعا ما لمشكلتك
هذا الله يسلمك
شيروكي تماتيك
احيانا بالشهر مره يشد القير بنمرة واحد
لمدة نص دقيقة او اكثر
و احيانا يعلق بنمرة ثلاثة
فحص كمبيوتر و طلع عنده مشكلة بمنظم القير
اي البورد او الكمبيوتر حق القير
طبعا يفصل البطارية و يزين القير
احيانا يطفي الموتر و يشغل و يزين
للكن اللي يفرق هنا
ان الحل غير تغيير الكمبيوتر او المنظم
انك تنظف حساسات القير
و يضبط الموتر
تحياتي

[عاشق السناف]

بارك الله فيك يالغالي


موضوع مهم جدا


مشكوور

[مقلع الرمث]

مشكور اخوي وماقصرت ياليت تحط صور عشان يكون الموضوع افضل وانا من اللي راحو لورشه الخضير واخذ علي مايقارب ال 250 ريال واتاريه كتاوت وخلاني اعني من الرياض الى مكانه بالقصيم ليته قايلي وش الخراب ومعطيه ال 150 شكرا اخوي بيض الله وجهك

[ALMOKTAR]

والله للأسف ما عندي صور بس يجي الكتاوت هذا في يمين الكبوت في علبة داخلها ثلاث كتاوت زرق واحد حق منظم القير وواحد حق الدعسة والثالث اظن انه بعد له علاقة بالدعسة
المهم ان الكتاوت اذا فكيتة ولقيتة متحول لونة للأصفر من الاطراف اعرف انه بدا يضعف ولا تغير شي في الكتاوت حتى تتأكد من انه عطلان

على كلن هذا حصل في وكالة جدة والحمد لله انا ما صدقناهم مع اني شفت كثير ناس مصدقين اتلوكالة ومقتنعين بكلامهم 100% واللي تقول الوكالة صح

[سوبر VTC]

مواضيع جميع اعطال الباترول من العضو المميز :good:

الموضوع الثامن عشر
عندي مشكل في قير الفتك auto
http://www.mekshat.com/vb/showthread.php?t=91703

الفزعة للباترول2004
http://www.mekshat.com/vb/showthread.php?t=82233



هنا رابط لجميع الاعطال



جميع مشاكل البـــــاتـــــــــــــــــــــــرول وحلولها تجدها تحت سقف واحد
http://www.mekshat.com/vb/showthread.php?t=95330


58 مشكلة

[أبو درويش]

الله يعطيك العافيه

المشكله ان بعض الناس الله يهديهم يصدق الميكانيكي على طول بدون ما يسال اي ورشه ثانيه

والوكاله عاد مايشتغلون كتاوت والا شي بسيط لازم يسوون من الحبه قبه

الله يجزاك خير ما قصرت

[هاوي geed]

حسبي الله عليهم_
يعني لوجاهم واحد مسكين مايدري وش السالفه كان اشفطوا الي بجيبه كله_

[أبوعمران]

صدقت وقد صارت لواحد اعرفه ..
لكنه دخل الوكاله وسوو له فحص بـ 350 ريال وغيروا له الكتاوت :)

[الشيمساوي]

جزاك الله خير على المعلومه

وانا نفس المشكله صارت لي بحساس الهواء(المنظم) حق الباثفندر2003

واخذ كم هائل من الريالات و بالاخير مايعرفون له (وهي كله مسمارين)

ولا يعترفون بالعيب المصنعي

والله يعيننا على الحمراني

[Bader-M]

دائما نبحث عن الحلول الصعبة دون الاقتراب من الحلول السهله

بنسبة للوكالات

حدث ولا حرج

والمستهلك بين امرين احلهما مر

اما
تذهب الى الوكاله و الاسعار الخرافية و القطع التي تستبدل على غير (سنع )
اما الصناعية
يجيك واحد يتعلم على سيارتك

وحماية المستهلك (ماعندك احد)

تحياتي اليك

[محمد بن سعيد]

اوووف يا النصب هالوكالات ما ترحم اجل 5000 ريال والله لو بغير راس مكينة
لكن نقول حسبي الله ونعم الوكيل

[قرم العيال]

والله يالربع

المفروض الواحد ما يستعجل

خصوصا بامور القير والمكينه والدفرنسات

يسأل منا ومنا ,,

ويشوف يمكن غيره مرت عليه نفس المشكله !!

[هريدي900]

<e>سبق وان حصلت لي المشكله معي في باترول سوبر سفاري2005 وقتها كان ماشي 90000رحت للوكاله وقابلة المهندس وقالي راح نسوي لك فحص كميوتر بي 350 قلت توني مسوي له تشييك عندكم
ال80000 قال لازم تدفع حق الكبيوتر قلت ولا ادفع ولا اريال واحد المهم بعدها اتصلت على واحد من الربع ودلني على مكنيكي اكويس وكشف على الموتر وقالي يبي برمجه بي 200والحمد لله الوضع ممتاز ماشاءلله

[الهاجري505]

الله يعطيك العافيه
ماحبت شي جديدإناملعوب علينافي كل شي
ولا فيه رقيب
الله يخلف ...

[غاوي رومانس]

فرق كبيير بين كلام الميكانيكي

وشغلتكم البسيطة

صحيح انه نصاب الله لايحلله

افتكيتوا من البلا اللي فيه

مشكورين على التنبيه

[الربذي]

ل وماشاء اللة لة شهر سالك والله يتمها
هداك الله يااخي الكريم للفظ الجلالة سبحانه وتعالى يكتب الله بدون نقط عياذا بالله العظيم ...ماشاء الله شي طيب ونعم الخوي ..

[المهاجر666]

والله الوكاله مره زينه ومره شينه


تحياتي

[الخرب الازرق]

السلام عليكم
الله يعطيك العافيه وبيض الله وجهك
وجمل حالك
وجزاك الله خير على المعلومه

[سهم VTC]

الله يجزاك خير

[Apu faysal]

الله يخارجنا...
ننحاش من القوم نطيح بالسريه.
:j

[~ V T A C ~]

والله الحمراني

مشكلته الكبيره

من الي داخل

يشتغلون

يقالهم انهم فنيين وهم

هنود وبنقاليه

مايعرفون الى غيار زيت

وسيفون

اجل رجال يبي يغير بطاريه يقوله خل السياره

وتعال بكره ههههههه

[المميـز]

مشكورين على المعلومه المهمه

[رامي رامي]

مشكور بارك الله فيك

[Abo braheem]

يا الوجيه الطيبه عندي باترول 2009شريته قبل 7شهور أول 5000ماشي تمام بعد ما رفعته 3سم كعكات بدت تطلع مشاكل واصوات بالقير رحت للوكاله قالوا مافيه شي في 10000بدا يطلع قغه بالرابع وديته لمهم قالولي نوضبلك القير مانغير لك(وين الضمان)بعدين صار ما يتعدى 165قولي الحل ياهل الخبره؟

[طحنون]

من واقع تجربه مع الباترول 2005
كله برمجه في برمجه وفيوزات لاكن اهم شي انك دايم تهتم في نظافه فلتر الهواء خلك دايم مبالغ في تنظيفه
بأستمرار وكذالك تنظيف علبه الفيوزات الداخليه والخارجيه باهواء وزيت القير تغيره كل 60الف كيلو ولا تغيره ألا بالوكاله لانه زيت خاص وتغيير صفايه البنزين والبواجي كل 90الف كيلو لان الكاتلوج يقول غيره كل 100الف كيلو انت خلك اكرم منه كذالك المنظم ألا يجي على الهوز اللي رايح لفلترةالهواء هاذا مهم جدا هو اللي يسبب مشاكل في العزم ويسويلك فوضى بالسياره وانت ماتدري عنه فكه ولا تلمسه بيدك فيه بخاخ خاص للاكترونيات الدقيقه بخه عليه وركبه راح تدعيلي
طبعا كل اللي ذكرته من واقع تجربه شخصيه
وكل اللي ذكرته للي يستخدم سيارته الاستخدام الشاق جدا ودايم بالبر وبحكم ان السنه هاذي الله يتوب علينا كلها غبار في غبار وراح يتأثر الفتك من الغبار لانه مثل الطير الجارح مايتحمل الخبره والعج

[ابولولو]

ياخوان فيه نقطه مهمه صارت لواحد ودي يصير عندكم خبر عنه وتستغربون وفيه احد يقول وش دخل هذي بالقير والله صارت لجيب فتك مثل ماصار لصاحبنا ابو5000ريال الي 100ريال وهي ان راعي الفتك عنده القير بهذله وخاصه اذا مشي يبطي مايغير ويحن وراح للوكاله وقالو لازم نفكه ونوظبه وعارفين نصبهم ماتكفيهم 5 او8 الاف يبون فوق العشره الاف المهم مالكم بكثر الهرج اخذ الموتر وهو ضايق صدره وفرجه له صاحب الفرجات سبحانه وتعالي ويقابل واحد صدفه بورشه يكلم له واحد اسعودي بورشه الوكاله يمون عليه المفاجا ياخوان قالهم لااحد يقرب القير خاصه الفتك لانه من افضل واقوي القيور وصعبه يخرب الا اذا صار بدون زيت او ماشي عليه بنمره غير نمرته مده طويله قالهم غير البطاريه اكيد انها ظعيفه قال راعي السياره فعلن البطاريه له كم يوم وهي ظعيفه وغيره وابشركم والله الحمد والمنه والفضل ان المشكله راحت لان الكهرب ظعيف بالسياره واثر علي القير

[ابرق نثيل]

موضوع مهم ،، وحسبنا الله ونعم الوكيل عليهم ..،،
واستغفال الناس عيني عينك مع انها امور واضحه وسهله
وللاسف الشديد بطيبتنا الزايده عطينهم الفرصه لذلك

والحمد لله ان الباترول اعطاله نمطيه او زي ما تقول متشابه ومرت على غيرك وتلقى الحل ابسط من ما تتصور

[مطلق السلمان]

مشكور أخوي

[ابومناحي]

الله ينطيك العافيه

[a7la1]

الحمد لله رب العالمين
انا عندي باترولين كلهم 2005
واحد ولله الحمد ما صار له شي وماشي فوق المية وعشرين
والثاني صارت له مشكلة من كم يوم مثل اخونا صاحب الموضوع
واطفيه واشغلة يضبط ونصحني احد الاخوان بفصل البطارية لمدة
عشر دقائق ولحد الان والوضع تمام

[a1Ruwais]

شكرا لك بارك الله فيك

[سوبر VTC]

الامور مهب دايم تضبط
فيه ناس غيرت الكتاوتات بالرفرف الايسر
و لا زان الموتر
بعدين قاموا بتغيير الزيت و مازان الموتر
لكن بعد كم يوم ضبط :good:
و السبب سدد بخارطة القير رايش كلتشات
و احيانا يكون السبب خراب حساسات خارطة القير
و لايمكن اصلاحها معقدة جدا
جديدة تقريبا ب4500 ريال
مستعمله اذا حصلته ب2700 و طالع هذا اذا حصلته لانه تباع ماتجلس
و افضل من يشتغل بالخارطة يوسف الخضير راعي المرهمات او العثيم

افضل حل من وجهة نظري تغيير زيت القير + غسله
ثم وضع زيت جديد + برمجة
و ان شاء الله يضبط

رد في موضوع سابق

زيت القير يغير كل 100الف
و البعض يقول كل 40 او 50الف
جرب بدل الكتاوتات بالرفرف الايسر + فصل البطارية

اخبر باترول فتك م2004 لجارنا

معاناتي مع الباترول الفتك 2004 بخصوص المنظم (( الهات )) (http://www.mekshat.com/vb/showthread.php?t=213793)


كان الموتر معلق على الثالث مايريح ابد
فصل و شبك البطارية و لاستفاد
شيك على الزيت حصله ناقص الربع
مع العلم عدم وجود تهريبات
و موتر اخر فتك كان ناقص ثلاثة ارباع
لايوجد تهريبات اطلاقا او تعريق

عموما دخله الوكالة و غيروا الزيت و لازان الموتر
قالوا لازم تغير خارطة القير ب5000الاف
مستعمله ب2800
بعد يومين زان الموتر :good:
الاحتمال الاكبر لسبب العطل
رايش كلتشات القير مسويه سدد بنفس الخارطة
او خراب حساس النمرة ال4

اخبر الشيروكي التماتيك يعلق القير على ال3
احيانا على ال1
يفكون خارطة بحجم الكف تفك و تنظف تقريبا ب100
و يضبط :good:
الجمس م2007 عيب مصنعي القير يفضي و ما يمشي
يغيرون خارطة او بورد كنترول التحكم بالقير
و يضبط طبعا على الضمان

افضل حل لموترك
تشيك على مستوى الزيت + غسل القير
ثم وضع زيت جديد
و باذن الله يضبط
جرب افصل البطارية




انا ما ادري هي حلت المشكلة او قائمة بس هذي المشكلة تمر علي على طول من موديل 2002 الى 2007
هذا فيه علبة فيوزات (كتاوت)موجودة على الرفرف الامامي الايسر في الكبوت
داخله كتاوتات لونه ازرق واحد مكتوب عليه a/t هذا حق القير
غيره قيمته بالوكالة 45 ريال
و الازرق الثاني حق عزم المكينة
وللاستفسار 0507040452 رسالة
هذا رد سابق
كل اللي حبيت اظيفه
انه غسل القير يجيب نتيجه طيبه لانه يفتح اي انسداد بخارطه القير
الغسل لمده 5دقائق و تفرغ الزيت
راح ينزل رايش الكلتشات و التروس بماص الكرتير

بعضهم يقول ارفع السيارة بعفريته و حط زيت جديد و خله تدور السيارة لمده 5 او 10 دقائق و فرغ الزيت

و ان شاء الله يعشق القير بسلاسه و ماراح يعلق :good:
خصوصا مشكله حدثت لفتك 2002
كان يعلق بنمره و لا يريح نهائيا
و قالوا له تغير الخارطه ب2700 من التشليح
او من الوكاله بسعر 5000الاف ريال
طبعا خريطه الفتك معقده جدا
غسل القير و ضبط :good:
طبعا تماتيك

نصيحه من راعي ورشة

اذا كان القير مهب نظيف بسبب استخدام سيئ سابقا
الافضل تغيير زيت القير كل 20الف كيلو
للحفاظ عليه من الخراب
او
كل 6شهور
على هالرابط

๑×۩۞۩๑ اذا سيارتك قير اوتوماتيك وصار فيه خلل هذه بعض النصائح๑×۩۞۩๑ ‏ (http://www.mekshat.com/vb/showthread.php?t=221402)


ان حبيت فيه ورش بالرياض و بريده



افتح كبوت سيارتك

وافتح بوكس الكتاوت اللي بين فلتر الهوا والرفرف

واتبع التعليمات اللي بالصورة . تبديل كتاوت لمبة الريوس مع كتاوت المحرك المهم جرب بين الثلاثة

وأنا وضعتها في نيسان أرابيا لأن هنام موضوع سابق لي لنفس المشكلة


http://www.nissan-arabia.com/vb/attachment.php?attachmentid=2061 اقتباس:
اقتباس:
المشكله من الكتاوتات اللي بالرفرف الايسر
خصوصا كتاوت المكينه + القير
طقطقهن بالمفك قنعهن + فصل البطارية
او بدلهن مع بعض و جرب

[هو1ي البر]

لا تعتمد على الوكاله
الوكاله ما عندهم الا صقع اسعار

[rigidman]

الحمدلله اللي نجى خويك من النصابين

اخوي بعض القطع ممكن تجيبها من برا بنص او حتى ربع السعر ولو كل واحد احتد على قطعة غيار سعرها غالي وشراها من برا راح يخفضون اسعارهم مع الوقت لان الاسعار عندنا حريقة .

[غبش]

الله يعطيك العافيه