ابي اغير اليايات لباترول 98صالون وش رايكم لا عدمتكم .

[ابوسعودد]

عندي باترول 98صالون وابي اغير اليايات لاني اذا حملت اي شي ينزل .
هل اركب يايات شد بلد ؟ كم سعرها ؟
هل اركب استراليات ؟ كم سعرها ؟
ارجوا الافاده بالتفصيل الممل لك نوع وهل هناك انواع ... الخ

[القناص المميز]

انا انصحك تركب يايات استراليه سعرها اذا هي نفس الباثفندر 530 ريال عند الرمايه والأخوان ماهم مقصرين معك فيهم الخير والبركه

دمتم ,,

[ابوسعودد]

للرفع......

[محمدالعريني]

ركب الاسترالي بس ترا له ارقام المناسب هو الاوسط يرفع الموتر 3 سم ورا ورقم الياي 982
والامامي رقمه 972

وهذا هو المناسب وباقي المقاسات ما تصلح

[ابوسعودد]

الله يعطيكم العافيه اخوي القناص اخوي محمد
بس ياليت احد يفيدني اكثر عن موضوع المقاسات والاسعار

[ابوسعودد]

للرفع..........

[((السنياري))]

ركب حقت الوكاله

[القناص المميز]

ابو سعود رح لم الرمايه ويعلمونك المقاس اللي يصلح على سيارتك ...

دمتم,,,

[ابوعراده]

يازين الوكاله لايهمك احد

[محمدالعريني]

القيمه عند الرمايه 550 ريال موحده على كل المقاسات طبعا هالقيمه للحبتين خلفيه يعني اربع ب 1100
وبالنسبه للمقاس هذا احسن شي واسئل اهل الخبره وشف وش يقولون ليونته معقوله وارتفاعه مناسب اما المقاس الصغير مايصلح ما كنك مركب والكبير وعر على السياره ويطلع صوت عره في العمود

[ابوسعودد]

يمال العافيه اخوي محمد ماقصرت كفيت ووفيت

[قطمان المحازم]

انا مركب بموتري ربع باترول 99 يايات استراليه ومساعدات جبريال تحميل قاسي با المطب اشوي

[قطمان المحازم]

ومااشي معي زي الحلاوه معطي الموتر شكل وقفته حلووه

[ابرق نثيل]

ابعد عن شد البلد ،، تردح في البر + ماتتحمل العفش

اكثر مقاس يمدحونه 3سم ، 200 كيلو

انا مركب 4سم ، 200 كيلو ومرتاح معهن بالحيل

ولا تنسى تاخذ ربلات اليايات واحرص على شد البلد
الرمايه عندهم ربلات لونها اصفر جامده لكنها ترفع الموتر 1سم

[abdulla888]

ركب بالونا هواء وتحكم بالارتفاع على قد الحموله اللي تبي عند تجهيزات الدفع الرباعي وخل ياياته عليه

[طويق2]

إضافة للموضوع ومن باب (عدم كتم العلم) ، أحب أنبه أن محلات الرماية لاتعمل كما ينبغي بالنسبة لمنتجات الشركة الأسترالية ARB ) OLD MAN EMU ِ) حيث أنها لاتطلب من منتجات الشركة لأغراض الترفيع سوى المساعدات واليايات فقط لسهولة التركيب. بينما هناك أطقم قطع إجبارية لبعض الإرتفاعات ولبعض السيارات يجب تركيبها للمحافظة على سلامة محركات السيارة(القير والدبل والدفرنسات) الناتج عن تمدد أو إنضغاط عمود الكردان نتيجة الرفع باليايات.ومن هذه القطع وضع كعكات تحت القير بإرتفاع دقيق ومحدد لموازنة القير مع الإرتفاع الذي تم إختياره ،وكذلك تركيب قاعدة في الشاصيه لتطويل مسمار عمود التوازن الخلفي للإبقاء عليه بشكل أفقي كشد البلد ، وكذلك تركيب هذه القطعةhttp://www.arb.com.au/resources/images/products/oldManEmu/caster-correction.jpg الصفراء بقياسات دقيقة جداً جداً با لملي(تقاس بالمسطرة والمنقلة) حيث أن فتحات تلك القطع-كما هو ظاهر في الصورة_ ليست في المنتصف كما في شد البلد ولذا يلزم الدقة في تركيبها(المقصود بتلك القطع هي اللي تركب في الياي اللي شايل الدفرنس الأمامي وعددها 4 قطع)وغيرها من القطع التي لا يحضرني تذكرها . بالمختصر المفيد والهام جداًجداً يجب الإطلاع على كاتالوج منتجات الشركة للوقوف على القطع الإجبارية والإختيارية لكل سيارة ولكل إرتفاع ولا تأخذ بكلام الرماية ،فالشركة الأسترالية أعرف بما تصنع وبما يجب تركيبه.(الكاتلوج أخبره موجود عند الرماية فإن لم تجده فأعلم أنهم قد أخفوه عن الغير حتى لا يطالبهم بتوفير باقي القطع الذكورة أعلاه التي تستلزم مهارة في التركيب ) وللمعلومية الوكيل السابق لليايات الأسترالية كان يحضر جميع أطقم القطع الإجبارية لكل حمل وإرتفاع لليايات ومطالبة الزبون بتركيبها لإخلاء مسؤلية الشركة الأسترالية عن الأضرار التي ستلحق بمحركات السيارة لو لم يتم تركيبها. للاهمية مرة ثانية يجب ثم يجب الإطلاع على الكاتلوج وإفهام الرماية بأن اللعبة قد إنتهت؟

[A.S.A.1]

معلومات جديدة و خطيرة تحتاج التوقف عندها دام أن الضرر يوصل للقير والدفرنس .أثر الدعوى يالرماية شغل فني على الأصول ماهيب تركيب طقم كفرات وأمش.يعني كنت تضحك علينا طول هالوقت والا كنت جاهل في الشغلة ؟ من جهتي أنا أعتقد أنك كنت تضحك علينا .والا وش رأيكم يا شباب ..

[م.عمر]

ازين طريقة انك تركب اليايات الاستراليه من الرماية ولا القناص ( الدمام )
ولا عندك السنيدي ارخص وتلقى عنده كل المقاسات أمامي او خلفي ..

وبالنسبة للبالون داخل الياي جربناه مافي اي مشكله بس مشكلته انه ينفقع وتغييره صعب ومكلف ..

تقبل مروري ..