الفزعة يا اهل الخبرة - يوجد صورة

[ستنجر]

السلام عليكم
من فترة ملاحظ أن ضغط الزيت ينزل اذا وقفت السيارة ومع الدوس يرتفع
هل هذا يعتبر ضعف بطرنبة الزيت مع العلم ان لمبة الزيت بالطبلون ما تولع
اول ما اشغل السيارة يكون الضغط فوق النص شيء بسيط واذا احتمى الموتر يبدأ ينزل أنبير الضغط وبالذات لما اكون واقف

http://www8.0zz0.com/2009/07/06/23/612487981.jpg


اذا تحتاج تغيير كم تكلف تقريبا ووين افضل ورشة بالرياض شغلهم نظيف ومضمون

الله لا يهينكم محتاج ارائكم

[سديراوي 13]

وعليكم السلام ورحمة الله

هذا الشيء طبيعي .
اذا شغلتا الموتر يرتفع بسبب ان البنص (البنزين ) يصير داعس شوي
الين يحمى الموتر .

وحتى وانت داعس يرتفع طبيعي لان سرعة دوران المحرك تزيد .

واذا تبي تتأكد شيك على الزيت من العيار شف اذا هو ناقص او لا

[قناص خلاوي]

طبيعي جدا اخوي
وهذا الوضع الافتراضي من الاساس

[Explorer 4X4]

ياشباب مهب ضغط الهواء يقووول الرجال ضغط الزيت



اخوي شيك ع السياره ع مكانيكي افضلك


تحياتي


ابوسعد

[صامد الراي]

ها الانبير ظغط الهواء انا كان معي 2002 وبعته وهو اصلن من يوم

ماشريته وهو نازل ويوم خششته الوكاله بعد البيعه طبعا خششه الرجال

وقال مافيه شي فيوز عندك وشغل كهرباء فقط لاغير ولايظر الموتر

بشي

[سديراوي 13]

ياشباب مهب ضغط الهواء يقووول الرجال ضغط الزيت



اخوي شيك ع السياره ع مكانيكي افضلك


تحياتي


ابوسعد



ندري وش يقصد

وهذا شيء طبيعي جداً ولاتقلق ياراعي الموضوع
السيارات كلها تسذا..

عند زيادة دوران المحرك يزداد ضغط الزيت داخل
المكينه والعكس صحيح .

[سوبر VTC]

و عليكم السلام و حمة الله
انك اشك كثيرا ان انبير الزيت خربان
بدليل
على سبيل المثال
انبير الجمس و الشيروكي
دئما اذا شغلت الموتر و هو بارد
طبعا معروف انه يبي يكون فوق النص او على النص
اذا مشيت وصل ضغط الانبير النص او اكثر
خلاصة كلامي
انه اذا وقفت و الموتر محتمي
ينزل الانبير الى الربع
و هذا خلل بالانبير
الجمس يغير دينمو الانبير ب150ريال و يضبط
الشيروكي يركب انبير جديد مع الدينمو كامل
ب280ريال و يظبط
هذا العطل موجود بكثرة بالجمس و الشيروكي

يفترض انك اذا فتحت السويتش تولع لمبة الزيت

اذا ماولعت فاحتمال اللمبة حرقانه
او تاكد من سلك حساس الزيت
او سلك اللمبة

لو افترضنا ان طرمبة الزيت ما ترفع الزيت راح على طول تولع لمبة الزيت
للدلالة على ان الزيت ما يرقى للمكينة

اللي اخبر انه اذا ولعت اللمبة و انت تمشي بالموتر
يطلع معه صوت منبه او جرس

[abo-lma]

ياراعي الموتر مر على مكنيكي

والله يالوضع ماهوب طبيعي

[shaheenshah]

طبيعي جداً
يرتفع الى النص او فوق النص بشوي اذا كانت السيارة ماشية
واذا وقفت يوصل الثلث وبعض السيارات الربع

واذا شفت الانبير يلعب ينزل للاخير وبعدين يرتفع بشكل متكرر اعرف ان المكينة زيتها ناقص مره (من واقع تجربه)

[ستنجر]

وعليكم السلام ورحمة الله


هذا الشيء طبيعي .
اذا شغلتا الموتر يرتفع بسبب ان البنص (البنزين ) يصير داعس شوي
الين يحمى الموتر .

وحتى وانت داعس يرتفع طبيعي لان سرعة دوران المحرك تزيد .


واذا تبي تتأكد شيك على الزيت من العيار شف اذا هو ناقص او لا


شيكت اخوي على الزيت من العيار مو ناقص بس هل لضعف الطرمبة دخل بنقص الزيت الزيت لما تعايره يكون الموتر طافي اتوقع مالها شغل الطرمبة بنقص الزيت
اللي اسمعه ان السيارة حتى لو ما ينقص زيتها لما يكون فيه ضعف بالطرمبة ما تدفع الزيت لراس الماكينة مما يسبب التلف للماكينة
لاهنت على المرور بيض الله وجهك

[ستنجر]

طبيعي جدا اخوي
وهذا الوضع الافتراضي من الاساس
والله مدري يا خوي هل طبيعي يقرب من الصفر والموتر واقف اشك ان الطرمبة ضعيفة
باعتقادي مفروض ما ينزل تحت الربع

[ستنجر]

ياشباب مهب ضغط الهواء يقووول الرجال ضغط الزيت



اخوي شيك ع السياره ع مكانيكي افضلك


تحياتي


ابوسعد

تعبنا مع الورش يتعلمون بسيارات المسلمين
اذا تعرف لي ورشة مضبوطه الله لا يهينك اسعفنا بها

[ستنجر]

ها الانبير ظغط الهواء انا كان معي 2002 وبعته وهو اصلن من يوم

ماشريته وهو نازل ويوم خششته الوكاله بعد البيعه طبعا خششه الرجال

وقال مافيه شي فيوز عندك وشغل كهرباء فقط لاغير ولايظر الموتر

بشي
اخوي الله لا يهينك اللي انا اتكلم عنه انبير ضغط الزيت مو انبير ضغط الهواء

[ستنجر]

ندري وش يقصد




وهذا شيء طبيعي جداً ولاتقلق ياراعي الموضوع
السيارات كلها تسذا..


عند زيادة دوران المحرك يزداد ضغط الزيت داخل
المكينه والعكس صحيح .





اللي معه باترول ممكن يفيدنا
الوضع ما يريح الضغط يقرب للصفر مثل ما هو واضح بالصورة ا