المساعد الشخصي الرقمي

مشاهدة النسخة كاملة : فزعتكم يالربع وش افضل ورشة نيسان في الرياض؟


هريدي900
26/06/2009, 11:02 PM
ياجماعه انا عندي فتك وابي اسوي له صيانه وخاصة القير ابي ابرمجه واشيك على الزيت
ياليل خبرني
26/06/2009, 11:28 PM
انصحك تسوي تشييكاتة بالوكالة
راعي المستوي
27/06/2009, 01:02 AM
انصحك تسوي تشييكاتة بالوكالة

انا مع كلام اخوي ياليل خبرني.... و خاصة القير
ورحت لهم من كم يوم وعطوني موعد الثلاثاء الجاي ان شاء الله
راعي الطلعات
27/06/2009, 01:13 AM
صراحة الوكالة اضمن خاصه من ناحية الكمبيوتر والبرمجة

اما من ناحية القعط البسيطه مثل البواجي الفحمات السيور السيفون الزيوت ممكن اي ورشه مضبوطه تصلح لك الاشياء هذي

واسل الله لك التوفيق

وان شاءالله الشباب ما يقصرون
قرم العيال
27/06/2009, 01:55 PM
اشف في امور القير

والامور المعقده والي تحتاج برمجه

ما لك إلا الوكاله
abo-lma
27/06/2009, 03:11 PM
اذا تبي الشور مالك الا أخونا العضو ( خبير نيسان )

ولاهوب قصور في الباقين

موفق خير
قناص متقاعد
27/06/2009, 03:34 PM
اخوي هريدي

لو دخلت موترك للوكاله علشان تشيك على زيت القير قالوا لك خذ لك موعد ( داخل مستشفى مهوب ورشه) .
ثم اذا دخلت موترك عندهم الله يعينك بيبات عندهم يوم كامل وتستلمه اليوم الثاني .
والفواتير الله يعينك عليها اسأل مجرب ولا تسأل طبيب .
وفي النهايه بيقولون لك زيت القير زين وادفع 120 ريال حقت الفحص واذا كان ناقص ادفع 350 ريال للزيت والفحص .

انا صارت معي المشكله هذي لاني فكيت اديتر موتري ثلاث مرات وكل مره افكه فيها ينقص من زيت القير علشانه موصل للتبريد عن طريق الاديتر .
ورحت للوكاله قالوا خذ موعد واذا جاء موعدك احسب على ان السيارة بتمرح عندنا .

وطلعت منهم وهي قافله معي من ها التصرفات

ولفيت الصناعيه القديمه لف ورشه ورشه

اللين لقيت ورشه عندهم العيار حق زيت القير ثم عايروا الزيت ولقوه ناقص وشروا علبه زيت وزادوه في غضون ربع ساعه فقط
وبمبلغ 50 ريال فقط الزيت مع الكشف .

وسبق ان وضعت موضوع كامل بهذا الخصوص في هذا القسم .

الورشه اسمها ورشه الحسن للقير التماتيك على شارع المنتزه في الصناعيه القديمه .

ومثل مايقول المثل اسأل مجرب ولا تسأل طبيب