المساعد الشخصي الرقمي

مشاهدة النسخة كاملة : اليوكون مايشتغل من أول نقرة !!


ابو شكاع
17/06/2009, 05:45 PM
سلام عليكم يارجال
أتمنى تكونون بخير
هذا الله يسلمكم اليوكون تبعي موديل 2002 لون نحاسي << ماله دخل اللون بس كمل هرجك يالأخو
سم أبشر
أقول لكم الله يسلمكم ... كان فيه صوت قوي قبل شهور ..وديته لورشة ..قالوا لي ثلاجة المكينة ... صلحوه لي ...وبعده صار مية مية الصراحة
بعد ما طلعته من الورشة ... صار مايشتغل على طول
يعني مهوب من أول نقرة مثل أول ...
يعني عشان يشتغل ... يبي لك تفتح السويتش لحد ماتولع اللمبات << الخطوة اللي قبل التشغيل مباشرة
اقول لكم عشان يشتغل تمام ...يبي لك تسوي هالحركة مرتين وتشغله بالثالثة ويشتغل تمام
لكن محاولة التشغيل من أول نقرة مايشتغل ...أو يشتغل ومابه حيل أبد أبد ... يعني ضغط المكينة يكون أقل من واحد ...يعني تحس ان ماله نفس يتحرك
لكن لما أسوي الحركة اللي كتبت فوق اللي هي ثلاث مرات يشتغل ويكون ضغط المكينة تمام
عاد انا رجعته للورشة نفسها ...شيكو عليه ..يقولون الموتر مافيه أي مشكلة
يالحبيب وش لون مافيه اي مشكلة ... قال أبد مافيه شي
قال لي واحد طرمبة البنزين ...قلت له طرمبة البنزين انا مجرب عطلها ..لما تكون ماسك طريق يسخن ويطفى
مجرد ماتلبق على جنب وتشغله من اول نقرة يشتغل
لكن هاللي حصل شي جديد علي
المشكلة منول ماشية الأمور لكن بهالحر الواحد مابه حيل يحتري لمين شتغل الموتر ...يبي يشتغل على طول عشان يشغل المكيف
فـ وش رايكم يامكشاتيين الله يسلمكم ؟
قال لي رفيقي ان المشكلة احيان تكون بحساس عمود الكرنك
ما أدري
أبي رأيكم
فيه شي ثاني بارك الله فيكم
ريموت اليوكون أجلد مرة وحدة
أجلد أي انه انطفى مرة وحدة وبدون أي سابق انذار
وديته لمحل ....قال البطارية ضعيفة ...غيرها لي بجديدة ونفس المشكلة
أبد أبد مايشتغل
مع انه قد طاح قبل فترة ...بس انه اشتغل عقب هالطيحة ..
فـ وش رايكم الله يسلمكم
أنا اليوم فكرت قلت ممكن له فيوز بالسيارة متعطل ..هل الإحتمال صحيح ؟
شي ثالث وأخير
الموتر ياكل مطب ...خصوصا بالجهة الجنوبية << صارت أرض مهوب موتر
قصدي الله يسلمكم ...من الجهة الخلفية اليمين
أعتقد انه مساعد خربان لأني لما أضغط على الموتر من عند الصدام مايعطي ليونه بالحركة ..بعكس الجهة اليسرى
.
.
.
هذا بارك الله فيكم كل مالدي
وجزاكم الله خير ورفع قدركم
أخوك أبو شكاع ... من أمام الموتر ...وأنا أجرب بالريموت أغديه يشتغل
my own
17/06/2009, 08:00 PM
هذا معروض ما هي مشاكل الله يكون بعونك ,,
المشكلة الاولى فيه بلف ما ادري ايش اسمه اظنه رقيليتور يمسك البنزين ويحافظ على ضغط البنزين لما تجي تشغل يشتغل من اول نقرة و اذا كان خربان لازم تشغل السوتش وتطفي عشان ينضغط البنزين على البخاخات .
المشكلة الثانية جرب برمج الريموت مرة ثانية او خذ ريموت وبرمج اذا نجح المشكلة من الريموت .
وهذا موقع طريقة البرمجة
http://www.programyourremote.com/classified/DisplayAd.asp?id=676

المشكلة الثالثة زي ما تفضلت لو ليونة السيارة لما تهزها من اليمين مختلفة عن اليسار في الغالب تكون مساعدات ,
م.أبوإبراهيم
17/06/2009, 08:23 PM
المشكلة عندك في بلف في طرمبة البنزين هذا يودي البنزين للبخاخات ولا يسمح للبنزين انه يرجع للتانكي المشكلة إنه معلق وإذا طفى الموتر رجع البنزين للتانكي وتفظي المواسير وإذا جيت تشغل لازم تملاء المواسير بالبنزين على شان يشتغل تلقى البلف لما تفك العوامة تلقاه بالفتحة العلوية من الطرمبة مشبوك في لي جرجور
ابو شكاع
19/06/2009, 01:38 AM
هذا معروض ما هي مشاكل الله يكون بعونك ,,
المشكلة الاولى فيه بلف ما ادري ايش اسمه اظنه رقيليتور يمسك البنزين ويحافظ على ضغط البنزين لما تجي تشغل يشتغل من اول نقرة و اذا كان خربان لازم تشغل السوتش وتطفي عشان ينضغط البنزين على البخاخات .
المشكلة الثانية جرب برمج الريموت مرة ثانية او خذ ريموت وبرمج اذا نجح المشكلة من الريموت .
وهذا موقع طريقة البرمجة
http://www.programyourremote.com/classified/DisplayAd.asp?id=676

المشكلة الثالثة زي ما تفضلت لو ليونة السيارة لما تهزها من اليمين مختلفة عن اليسار في الغالب تكون مساعدات ,

بالنسبة للمشاركة ..وش نسوي ياخوك ...لازم نعرض المشكلة بدقة عشان تكون واضحة
ل
مشكلة الاولى فيه بلف ما ادري ايش اسمه اظنه رقيليتور يمسك البنزين ويحافظ على ضغط البنزين لما تجي تشغل يشتغل من اول نقرة و اذا كان خربان لازم تشغل السوتش وتطفي عشان ينضغط البنزين على البخاخات .

تمام بس وين مكان هالبلف الله يرفع قدرك ؟
هل هو نفس اللي يقول عليه أبو ابراهيم ؟

الرابط وصل يا أخي الكريم وان شاء الله أبجرب جزاك الله خير
بالنسبة للمشكلة الثالثة ...إذا هي المساعدات
طيب وش أحسن مساعدات تركب على اليوكون الدبل وكم سعرها ؟
جزاك الله خير قل آمين ووفقك لما يحبه ويرضاه على هالمشاركة الطيبة ياخوك
ابو شكاع
19/06/2009, 01:44 AM
المشكلة عندك في بلف في طرمبة البنزين هذا يودي البنزين للبخاخات ولا يسمح للبنزين انه يرجع للتانكي المشكلة إنه معلق وإذا طفى الموتر رجع البنزين للتانكي وتفظي المواسير وإذا جيت تشغل لازم تملاء المواسير بالبنزين على شان يشتغل تلقى البلف لما تفك العوامة تلقاه بالفتحة العلوية من الطرمبة مشبوك في لي جرجور

تسلم تسلم يامهندس ابراهيم يامال العافية والله على هالمشاركة
هالبلف الله يسلمك كم سعره ؟
ولما اروح للميكانيكي وش أقول له ؟ يعني اقول له فيه بلف بذاك المكان غيره لي ؟
احس انه بهالطريقة يبي يقول لي خذ موترك محناب مصلحينه صلحه أنت :D
أمزح معك ... الحين التانكي فيه ثلاث أرباع ...وباتسر جمعة
السبت بإذن الله يكون نقص البنزين لأن بعد وراي مشوار باتسر ... واحتمال الأحد أوديه ورشة وأقول له يغير لي البلف الموجود بطرمبة البنزين
يقول لي احد الزملاء ...فيه حساس عند السلف ...حساس عمود التيمن
مدري قال عمود التيمن او عمود الكرنك لا أحد يضحك :D
يقول هذا غيره ويضبط الموتر ..ولا أدري
مرة أخرى أخوي ابو ابراهيم اقول لك
جزاك الله الجنة ووالديك على هالرد
في حال كان فيه اي تقدم بهاالأمر أبنكس وأعطيكم خبر
شكرا
م.أبوإبراهيم
19/06/2009, 10:18 AM
المشكلة إني ما اتذكر انك تقدر تفك البلف حق الطرمبة ولا لا طبعا البلف مع الطرمبة يعني لازم تشتري طرمبة جديدة أو تشوفلك طرمبة قديمة تاخذ بلفها بالنسبة للبلف كانه ينفك فهو زي بلف الكفرات تجيب الي يفك بلف الهواء حق الكفرات وتحاول تفكه بالنسبة لي اقدر افحصلك ضغط البنزين والموتر طافي وااكد لك إنه ما فيه ضغط بنزين وتذكرت شي ترى يمكن الي الي بين الطرمبة والعوامة جوى التانكي فيه تهريب خفيف ويهرب بالتانكي
ابو شكاع
24/06/2009, 10:09 PM
المشكلة إني ما اتذكر انك تقدر تفك البلف حق الطرمبة ولا لا طبعا البلف مع الطرمبة يعني لازم تشتري طرمبة جديدة أو تشوفلك طرمبة قديمة تاخذ بلفها بالنسبة للبلف كانه ينفك فهو زي بلف الكفرات تجيب الي يفك بلف الهواء حق الكفرات وتحاول تفكه بالنسبة لي اقدر افحصلك ضغط البنزين والموتر طافي وااكد لك إنه ما فيه ضغط بنزين وتذكرت شي ترى يمكن الي الي بين الطرمبة والعوامة جوى التانكي فيه تهريب خفيف ويهرب بالتانكي

هلا فيك مهندس إبراهيم ... مسيك بالخير
قدر الله علي الله يحفظك وجميع من يقرأ ...ووديت الموتر لم الورشة وقال لي المشكلة 90 بالمية إنها من طرمبة البنزين
لكن ما أقدر اؤكد لك إلا لما يكون بارد وأفحص ضغط البانزين ..مثل ماتفضلت الله يسلمك
قلت خير .....وقال لي اركب لك طرمبة شد بلد بحدود 800 ريال ... أو طرمبة فورد بحدود 600 ريال ...هذا بدون شغل اليد ..قلت طيب وطرمبة الفورد يعني أزين من شد بلاده ؟ قال لي كثير ركبوها مشت معهم بدون مشاكل ...يعني زينة ...مع اني مغير طرمبة البانزين قبل تقريبا 3 سنوات ...وقفت الموتر عنده ...ومن باتسر ... جيت لمه لقيته مغير طرمبة البانزين ... قلت أجل طلعت المشكلة من طرمبة البنزين ؟
قال نعم ...
المهم قال لي مالقيت تراي مساعدات لقيت حجم أصغر شوي ..قلت أنا أروح ادور ..رحت عنيزة ...وشريت من هناك وجبتهن ..صارن نفس اللي جايب هو :D
جبت أثنين لأنه حسب كلامه يقول إن مالقينا نفس الرقم " المقاس" نركب أثنين من هذا ..لأنه صعب تلاقيهن هالنوعية قديمات
اشتريت المساعد الواحد بـ 230
وركبهن ..الموتر تمام من هالناحية بس تبقى مشكلة الطرمبة
كلمته اليوم قلت له ترى الموتر كما كان ...ما زان ..يعني ما استفدنا ولاعليك أمر طرمبة البنزين القديمة لاتروح أبيها ...لأنها صارت مهيب هي سبب المشكلة
قال خلاص ... موجودة ...
قلت له مايكون المشكلة من حساس عمود الكرنك ؟
قال لي انت جيبه وأشوف
سألت عن حساس عمود الكرنك في اوتو ستار في عنيزة قال لي بـ 140
ما أخذته لأنه قال لي القطعة اللي تطلع ماترجع يقصد القطع الإلكترونية يبدو
كنت في ورشة سابقة قالوا لي ان هالمشكلة مهيب من طرمبة البنزين وموترك مافيه شي :confused:
قلت ان شاء الله وعدنا يوم السبت
وهذي الحكاية ياسادتي ...
وهذا الموجز وأليكم التفاصيل :D
سأوافيكم بإذن الله بما يستجد
شاكر لكم وقتكم ونصايحكم وجزاكم الله خير
ابو شكاع
26/06/2009, 05:00 PM
يالربع
المصادفة العجيبة هي مايلي
قبل تقريبا 3 سنوات قال لي واحد من الشباب ...عشان تحافظ على الطرمبة وماتخرب ...لما تجي تشغل السيارة افتح الأنوار وانتظر شوي ...تسمع صوت الطرمبة حق البنزين او هي العوامة ما أدري
وهو صوت يدوم تقريبا ثانيتين
يقول بعدها شغل السيارة ماعندك مشكلة
عاد البارح انا قلت ليش ما أجرب اني أشغلها مباشرة بدون ما انتظر هالصوت يخلص
النتيجة هي أن السيارة صارت تشتغل على طول لما ما أنتظر ثانيتين أو ثلاث
وش تفسير هالأمر الله يسلمكم ؟
شي ثاني يامال العافية .... الريموت ما نجحت طريقة برمجته ... مدري وش المشكلة
الف شكر
راعي المجهم
02/07/2009, 03:52 PM
وش صار معك أخوي ؟؟؟؟
سوبر VTC
03/07/2009, 03:21 AM
و عليكم السلام و رحمة الله
كلام ابو ابراهيم مضبوط
و هاذي صارت لموتري
انت افتح السويتش اللي هو اشتغال الانبيرات
ثم طفه
كرر هذه الحركة ثلاث مرات
في المرة الثالتة
راح تسمع ان الطرمبة مات عزم
طبعا اول مرة و ثانية مرة
تسمع الطرمبة مسرعة يعني فاضية المواصير اللي رايحه للتانكي
لكن في المرة الثالثة
تسمع الطرمبة
حملت
مثل دينمو الماء حق البيت اذا كان داخله هوا
يكون مرتاح
ثم اذا عبيته ماء
و شغلته اذا صب الماء
تلاحظ ان الدينمو شال او حمل
طبعا الطرمبة به بلف رمانة مدورة و تحته سبرنج
اذا كان ينسم البلف بمعنى يرجع البنزين
فانه ماراح يشتغل من اول نقرة
و هذه صارت لموتري اللي تحت بالتوقيع

نقطة اخرى
فيه ريقويتر بلف صغير
راكب
على ماصورة البخاخات
و طالع منه لي صغير يروح للثلاجة
هذا البلف بوسطه ربل اذا انشق انس انه يشتغل الموتر
طبعا موتري عيا يشتغل
و غيرته ب200 ريال :mad:
غالي مرة
وزان الموتر

تحياتي
سوبر VTC
03/07/2009, 03:23 AM
يالربع
المصادفة العجيبة هي مايلي
قبل تقريبا 3 سنوات قال لي واحد من الشباب ...عشان تحافظ على الطرمبة وماتخرب ...لما تجي تشغل السيارة افتح الأنوار وانتظر شوي ...تسمع صوت الطرمبة حق البنزين او هي العوامة ما أدري
وهو صوت يدوم تقريبا ثانيتين
يقول بعدها شغل السيارة ماعندك مشكلة
عاد البارح انا قلت ليش ما أجرب اني أشغلها مباشرة بدون ما انتظر هالصوت يخلص
النتيجة هي أن السيارة صارت تشتغل على طول لما ما أنتظر ثانيتين أو ثلاث
وش تفسير هالأمر الله يسلمكم ؟
شي ثاني يامال العافية .... الريموت ما نجحت طريقة برمجته ... مدري وش المشكلة
الف شكر



تفسير الامر الله يسلمك
ان راجع او بلف الطرمبة ما شاء الله ماسك تمام :good:
يعني ما فيه تنسيم للراجع
ابو شكاع
17/08/2009, 03:30 PM
وش صار معك أخوي ؟؟؟؟

المعذرة يا اخوان على التأخر بالرد بارك الله فيكم لظروف السفر والترحال
اخوي راعي المجهم ماصار شي الله يسلمك ...الموتر على ماهو عليه ...
رحت عليه الجنوب وجيت ...وآخر شي قررت اني أوديه الوكالة ...اتصلت عليه لأني أبعد عنهم تقريبا 80 كيلو متر
قال لي واحد شو مشكلتك ... شرحت له المشكلة قال هذي لازم عن طريق الكهربائي وهو مشغول دقيقة اشوف لك موعد
اسمعه يقلب بأوراق ...قال خلاص موعدك 5 رمضان :confused: << هذا وجهي يوم قال لي
شو اسمك ... قلت أبو شكاع الشكعاني
قال خلاص أبو شكاع تم تسجيل موعدك
قلت يعني 5 رمضان أجي وإلا وأتصل أو شو ؟
قال 5 رمضان تعال على طول
قلت خير ان شاء الله
وهذانا ننتظر الموعد
والله كريم
شكرا لك مرة أخرى وعذرا أخي الكريم على التأخير الخارج عن ارادنا
ابو شكاع
17/08/2009, 03:39 PM
و عليكم السلام و رحمة الله
كلام ابو ابراهيم مضبوط
و هاذي صارت لموتري
انت افتح السويتش اللي هو اشتغال الانبيرات
ثم طفه
كرر هذه الحركة ثلاث مرات
في المرة الثالتة
راح تسمع ان الطرمبة مات عزم
طبعا اول مرة و ثانية مرة
تسمع الطرمبة مسرعة يعني فاضية المواصير اللي رايحه للتانكي
لكن في المرة الثالثة
تسمع الطرمبة
حملت
مثل دينمو الماء حق البيت اذا كان داخله هوا
يكون مرتاح
ثم اذا عبيته ماء
و شغلته اذا صب الماء
تلاحظ ان الدينمو شال او حمل
طبعا الطرمبة به بلف رمانة مدورة و تحته سبرنج
اذا كان ينسم البلف بمعنى يرجع البنزين
فانه ماراح يشتغل من اول نقرة
و هذه صارت لموتري اللي تحت بالتوقيع

نقطة اخرى
فيه ريقويتر بلف صغير
راكب
على ماصورة البخاخات
و طالع منه لي صغير يروح للثلاجة
هذا البلف بوسطه ربل اذا انشق انس انه يشتغل الموتر
طبعا موتري عيا يشتغل
و غيرته ب200 ريال :mad:
غالي مرة
وزان الموتر

تحياتي




هلا بك سوبر فتيك ... أسعدني ردك الجميل ياخي واعتذر لك أيضا على التأخر بالرد الله يسلمك
أنا قريت ردك قلت أبروح أجرب ..من ناحية صوت الطرمبة ...مثل ماقلت فعلا لكن متى ؟
لما اشتغل بعد الثاثة ...طفيته ...وسويت مرة رابعة وفعلا على ماقلت الصوت ثقيل مرة مثل الدينمو لما يعبي ماء
المشكلة ان الورشة غيروا لي المضخة ...يعني اللي تقول عليه ذا غير المضخة ؟
هذي المضخة اللي غيروها ...وماغيروا العوامة ولا شي
http://www.alrassxp.com/uploaded2/820/01250512713.jpg

شكرا لك وبارك الله فيك
سوبر VTC
17/08/2009, 05:03 PM
هلا براعي صاعقة السودة و لجة البزارين :D:p:D

و الحمدلله على السلامه :cool:

الله الله هذي الطرمبه

اهم شي ان الورشة ثقه و غيروا الطرمبه ماحطوا مستعمل

انا بموتري 2001 غيرت الريقيوريتر
لان الموتر عيا يشتغل نهائيا و ضبط الموتر :good:

http://www.mekshat.com/vb/../pix/upload02/images76/mk53291_ntbbn3.jpg


و بعد فتره عيا يشتغل باول نقرة و غيرت الطرمبه وزان
و السبب ان البلف ما يحجب البنزين يرجع البنزين للتانكي و البلف له رمانه + سبرنق
بدليل اذا شغلت الموتر و هو بارد ما يشتغل على طول

http://www.mekshat.com/vb/../pix/upload02/images76/mk53291_uhhs2.jpg


هذولي الفلاتر تنظيفهن بالهوا يساعد باشتغال الطرمبه
و سبق انه طلع منهن غبار عجيب :eek:
اهم شي اذا بغيت تفكهن براحه عشان ما تكسر الليات لانهن كبس+ المكان ضيق
لو تلاحظ اللي رقم 2 عليه عصار مخلوط فانتبه :no:


http://www.mekshat.com/vb/../pix/upload02/images76/mk53291_nfn5.jpg





و هذه صورة أخرى
http://www.mekshat.com/vb/../pix/upload02/images76/mk53291_nfb6.jpg



موفق
ابو شكاع
19/08/2009, 04:11 AM
هلا براعي صاعقة السودة و لجة البزارين :D:p:D

و الحمدلله على السلامه :cool:

الله الله هذي الطرمبه

اهم شي ان الورشة ثقه و غيروا الطرمبه ماحطوا مستعمل

انا بموتري 2001 غيرت الريقيوريتر
لان الموتر عيا يشتغل نهائيا و ضبط الموتر :good:

http://www.mekshat.com/vb/../pix/upload02/images76/mk53291_ntbbn3.jpg


و بعد فتره عيا يشتغل باول نقرة و غيرت الطرمبه وزان
و السبب ان البلف ما يحجب البنزين يرجع البنزين للتانكي و البلف له رمانه + سبرنق
بدليل اذا شغلت الموتر و هو بارد ما يشتغل على طول

http://www.mekshat.com/vb/../pix/upload02/images76/mk53291_uhhs2.jpg


هذولي الفلاتر تنظيفهن بالهوا يساعد باشتغال الطرمبه
و سبق انه طلع منهن غبار عجيب :eek:
اهم شي اذا بغيت تفكهن براحه عشان ما تكسر الليات لانهن كبس+ المكان ضيق
لو تلاحظ اللي رقم 2 عليه عصار مخلوط فانتبه :no:


http://www.mekshat.com/vb/../pix/upload02/images76/mk53291_nfn5.jpg





و هذه صورة أخرى
http://www.mekshat.com/vb/../pix/upload02/images76/mk53291_nfb6.jpg



موفق




ياهلا بك والله يالسوبر ...انت سوبر بتفانيك وعملك الله يجزاك خير
والله يسلمك من كل شر يالغالي
اجل شفت الصاعقة ...انا قلت غدي الموتر يزين عقبه :D
كلامك ماعليه ...وماعقبه ...وخلاص حجزنا الله يغفر ذنبك عند الوكالة ..يقولون بخمسة رمضان ..لو اني ابقابل معالي الدكتور الربيعة وزير الصحة ما أخذت كل هالوقت :D
طبعا الوكالة لأن الموتر يحتاج إيضا لريموت ..الريموت ضاع ..والثاني لافظ انفاسه الأخيرة من 3 سنوات تقريبا يعني ديكور على لاشي
وديته لواحد " أنت يالموتر" عندنا يبيع ريموتات حاول يبرمج جديد قال عندك مشكلة بالأقفال ماقدرت أبرمجه ..من جرف لدحديرا :D
ان شاء الله الوكالة تحل هالمشكلة وتنتهي ... لو ياخذون 200 ريال عادي << وراك مكثر الله يهديك بس.... مالك إلا من 2000 وفوق :D
طيب تعتقد مثلا ان الفلاتر اللي تحتاج لتنظيف بردك الأخير قد تكون سبب لحل المشكلة او تقصد انها أمر تكميلي ؟
عاد باقي شي واحد الديكور الوسطي اللي هو الدرج مكسور ..الاقيه بالتشاليح مثلا ؟
شكرا لك وماقصرت ياخوي والله يوفقك لما يحب ويرضى
سوبر VTC
19/08/2009, 03:36 PM
ياهلا بك والله يالسوبر ...انت سوبر بتفانيك وعملك الله يجزاك خير
والله يسلمك من كل شر يالغالي
اجل شفت الصاعقة ...انا قلت غدي الموتر يزين عقبه :D
حياك ربي و جزاك الله خير
لاهنت اخوي
ههههه ==> ماجبتوا لنا على دربكم قحشة برشومي :p:D




كلامك ماعليه ...وماعقبه ...وخلاص حجزنا الله يغفر ذنبك عند الوكالة ..يقولون بخمسة رمضان ..لو اني ابقابل معالي الدكتور الربيعة وزير الصحة ما أخذت كل هالوقت :D
حجزت طرمبه ؟؟؟
اهم شي تاخذ طرمبه حديد كامله بسعر تقريبا 950 الى 1059ريال
يعين الله
اهم شي انتبه من اي شخص به انفلونزا :p
تبي تفصل تؤام :)




طبعا الوكالة لأن الموتر يحتاج إيضا لريموت ..الريموت ضاع ..والثاني لافظ انفاسه الأخيرة من 3 سنوات تقريبا يعني ديكور على لاشي
وديته لواحد " أنت يالموتر" عندنا يبيع ريموتات حاول يبرمج جديد قال عندك مشكلة بالأقفال ماقدرت أبرمجه ..من جرف لدحديرا :D
هههههه انتبه لا يدخلك الاثل :D
اخبر عندنا البريدي بالصفراء
و بالفايزيه يوجد شخص اخر اظنه الرومي
عندك القفاري بالخبيب يمكن يضبطون الشغله :good:


ان شاء الله الوكالة تحل هالمشكلة وتنتهي ... لو ياخذون 200 ريال عادي << وراك مكثر الله يهديك بس.... مالك إلا من 2000 وفوق :D
صرصر دارهمك بخيشه و جبهن لهم :D




طيب تعتقد مثلا ان الفلاتر اللي تحتاج لتنظيف بردك الأخير قد تكون سبب لحل المشكلة او تقصد انها أمر تكميلي ؟

بظني ان التنظيف يفيد :rolleyes:
قد صارت هذه المشكله عند العثيم و اظنها جابت نتيجه
جمس غمارة كان منب واهم او غمارة و نص



عاد باقي شي واحد الديكور الوسطي اللي هو الدرج مكسور ..الاقيه بالتشاليح مثلا ؟
شكرا لك وماقصرت ياخوي والله يوفقك لما يحب ويرضى
قليل جدا تلقاه بالتشاليح ما يقعد
اخبر اول تشليح على اليمين مقابل المحطه عنهم جموس
عندك تشليح العجلان القديم ابو سعود المحل الكبير
عندهم حول 5جموس انت و حظك
على طريق الشماسية تشليح ابو عبدالله العجلان
عنده حول 4جموس و انت حظك
فيه تشليح على اليمين في الجهة الجنوبيه على اليمين
تشوف الجمس على نفس الخط
تقريبا قبل اخر 5تشاليح على اليمين

تقدر تركب فصالات حديد
ادخل هذا الرابط

لاتستهين بدرج اليوكن بين السائق والراكب.... (http://www.mekshat.com/vb/showthread.php?t=220820)



http://www.mekshat.com/vb/../pix/upload/images29/mk32963_lllllllllllllll.jpg



على هذا الرابط


ثلاجة الطمرة تقول شد بلد باليوكون يوجد صورلاتفوتكم؟؟؟؟؟؟؟؟؟؟؟؟ (http://www.mekshat.com/vb/showthread.php?t=77654)











موفق
ابو شكاع
21/08/2009, 04:23 AM
سلام عليكم من جديد

حياك ربي و جزاك الله خير
لاهنت اخوي
ههههه ==> ماجبتوا لنا على دربكم قحشة برشومي :p:D

يحذر الكثير من الأطباء من مغبة الإكثار من البرشومي لأنه يسبب مشاكل بالوشسموه :D
لذلك ماحرصنا عليه


حجزت طرمبه ؟؟؟
اهم شي تاخذ طرمبه حديد كامله بسعر تقريبا 950 الى 1059ريال
يعين الله
اهم شي انتبه من اي شخص به انفلونزا :p
تبي تفصل تؤام :)

والله ياخوك انا حجزت موعد والطرمبات أعتقد متوفرة عندهم مشكلة لما تكون مهيب متوفرة عاد ..تسان علوم :confused::D
والله يعين على السعر ...اصلا انا راصد للموتر 2000 ريال للطرمبة والريموت ...مولم نفسي عشان ما أنصدم ..وقايل بعد يمكن تاصل 3000 :D


هههههه انتبه لا يدخلك الاثل :D
اخبر عندنا البريدي بالصفراء
و بالفايزيه يوجد شخص اخر اظنه الرومي
عندك القفاري بالخبيب يمكن يضبطون الشغله :good:

والله ياخوك مدري ... بس يقال ان فيه ورشة يقال له الشيبان اعتقد من عند حديقة العقيلات يمين شرقا يعني . تخلي الحديقة خلف ظهرك وأنت رايح لم مصنع الببسي .همن مع اول اشارة تروح يمين
تجيك على يسارك الورشة ..يقولون سعوديين هذي شغلتهم ..عاد انا قلت بدال وجع الراس خلن اوديه مرة وحدة للوكالة


صرصر دارهمك بخيشه و جبهن لهم :D

أبعطيهم بطاقة الصراف والرقم السري وأقول لهم أنتم وذمتكم :D


قليل جدا تلقاه بالتشاليح ما يقعد
اخبر اول تشليح على اليمين مقابل المحطه عنهم جموس
عندك تشليح العجلان القديم ابو سعود المحل الكبير
عندهم حول 5جموس انت و حظك
على طريق الشماسية تشليح ابو عبدالله العجلان
عنده حول 4جموس و انت حظك
فيه تشليح على اليمين في الجهة الجنوبيه على اليمين
تشوف الجمس على نفس الخط
تقريبا قبل اخر 5تشاليح على اليمين

تقدر تركب فصالات حديد
ادخل هذا الرابط

مالنا إلا التشاليح اليوم كان المفروض اخوي يروح تشاليح بريدة بس أجل روحته ...أبوصيه يدور لي .. بالنسبة لثلاجة الطمرة الصراحة ما أحب يكون بالسيارة إلا الأمور اللي شد بلد خصوصا بأمور الكهرب ..هذي غير اني غير محتاج لوجود ثلاجة لأني منب راعي صيد ..وبالطرق الطويلة اللي يخليه الثلاجة المتنقلة على كيفك
اشكرك اخوي وماقصرت والله يجزاك خير ويرفع قدرك على تواجدك الطيب
وأتمنى اني اقدر اخدمك فيما استطيع باقرب وقت
أخوك أبوشكاع
جنوبي اصيل
26/08/2011, 07:02 PM
ياراعي اليوكن روح غير كتاوت طرمبة البنزين وان شالله ماتشوف شر بعدها ..

تحياتي لك