المساعد الشخصي الرقمي

مشاهدة النسخة كاملة : الباترول مايركب عليه الا البرازيلي !!! صحيح ؟؟


Khalid AlGhamdi
23/06/2004, 09:01 PM
السلام عليكم ورحمة الله وبركاته

مريت السليماني اليوم عشان اركب فرارات

وقال لي الهندي اللي بالمحل انه مايركب على السفاري الا الفرار البرازيلي والامريكي مايركب الا على سيارات تويوتا !!!

صحيح هالكلام ؟؟

وهل تنصحوني اركب البرازيلي او فيه خيار ثاني ؟؟؟
Khalid AlGhamdi
24/06/2004, 02:32 AM
ماحد يعرف يعني :rolleyes:
الربذي
27/06/2004, 12:42 PM
شف اخوي MaxPower انا جربت البرازيلى على اكثر من سيارة تويوتا ونيسان وبصراحة زين البرازيلى وانا ماني راعي بران يعني يكون الدبل معشق لمسافة طويلة وسرعة علية بالامطار وعند اللزوم اشبكة وفي النفود ولا اروح بعيد بس كثيرين يقولون ينفرط بالاستعمال الطويا وانا استعملتة ومشيت علية طرق طويلة مامجموعة حوالي 50000 كيلو ولم يخرب معي ولان مستعملة ولي اكثر من 2 سنة ولا مشاكل بس اني ماجور!!!على الموتر وهو معشق الدبل
مهيلان
28/06/2004, 12:04 AM
اخوي ماكس حياك الله


اقول ركب والاجر على الله والسبب انك لن تجد الا البرازيلي !!

مع انني ركبته لجيب اسوزو وونيت اسوزو وفورنر وجميعهم فكوه بعد شهر !!

والسبب : يصدر اصوات مزعجه ويحتمي ..

المشكله انه ليس عليه ضمان حسبي الله على ابو حضرم
وحماية المستهلك

ارجو ان اكون قد افدتك اكثر مما حيرتك !!..
والسلام
الربذي
28/06/2004, 01:09 PM
حسبي الله على ابو حضرم
وحماية المستهلك
:confused: :confused: :confused: :confused: وهو فية احد يسمع شكواك وحماية المستهلك اسم بلا جسم:what:
Khalid AlGhamdi
29/06/2004, 08:30 AM
الشكوى لله عموما انا ركبته خلاص ولاحظت تغيير في السيارة من ناحية خف الموتر خصوصا في القومه

وخف الدركسون بعد اكثر من اول .
الربذي
29/06/2004, 11:40 AM
اخي ماكس باور رد على ارسلت لك عالخاص 000000000000000
لهاب
29/06/2004, 02:07 PM
السلام عليكم ورحمة الله وبركاته


أخوي MaxPower الله يعطيك العافيه ودي اسألك عن الفرارات ماني عارف معناها ويمكن المسميات تختلف بينا وبينكم وانا لي حاجه يمكن تكون هي نفسها.

ارجوالرد بالسرعه الممكنه بعد اذنك،،،،،،،

مع الشكر
Khalid AlGhamdi
29/06/2004, 02:20 PM
وعليكم السلام ورحمة الله وبركاته

اخوي الفرارات والله مادري ان كان لها اسم ثاني :confused:

لكن مهمتها انها تفصل الدبل



فيه موضوع للاخ مهيلان على هذا الرابط http://www.mekshat.com/vb/showthread.php?s=&threadid=8291&highlight=%DD%D1%C7%D1%C7%CA


فيه تلقى توضيح وشرح عن الفرارات .
الربذي
29/06/2004, 06:50 PM
لهاب احنا نسميها فرارات او تحضيرة انتم وش تسمونها عندكم بالكويت
لهاب
30/06/2004, 02:07 AM
السلام عليكم ورحمة الله وبركاته

يامرحبا بأخواني MaxPower والربذي ومرحبا بالجميع،،،،،،،،


الفرارات عندنا نسميها ( لوكات ) .لكن الفرارات الأصليه عندكم كم سعرها والتجاري كم سعرها

ووين نحصلها اي مكان او شركه ، وبعض الناس يذكرونها بالقصيم بس انا أبي العلم الوكاد لأني محتاجها

بالحيل واللي عندنا كلها تجاري وانا اخاف من شغل التجاري وأخاف يتعطل فيني وانا وراي مقناص للعراق

وابي اللي يزبني .


مع التحيه للجميع،،،،،،
لهاب
30/06/2004, 02:25 AM
السلام عليكم ورحمة الله وبركاته

اخوي MaxPower انا شفت الرابط وهي اللوكات اللي انا اقصدها لكن انا عندي استفسار انا سيارتي

جيب سفاري موديل 91 أبي أركبله فرارات شنو تنصحوني فرارات التيوتا تركب له او اي فرار تنصحوني فيها.


لكم مني كل تحيه وتقدير.
Khalid AlGhamdi
30/06/2004, 09:27 AM
وعليكم السلام ورحمة الله وبركاته
في الرياض تلقاها عند السليماني واذا كان موترك نيسان مالك الا تركب برازيلي AVM

وبعدين تركيبه سهل يعني حتى لو انه تعطل عليك تقدر تشيله خلال 10 دقائق بس انك تحتفظ بالقطعة اللي يشيلونها من الدفرنس الامامي عشان تركبها لو تعطل الفرار لاقدر الله

بعدين يالحبيب وين رايح تقنص بالعراق !! الحين العراق احد يقنص به وهو فيه شي اصلاً !!
لهاب
30/06/2004, 06:17 PM
السلام عليكم ورحمة الله وبركاته

حياك الله أخوي MaxPower وشكرا على ردك السريع بعد اذنك ابي اسألك عن بعض الشغلات

1-السليماني ــــــــ هو شنو شركه ولا محل ولا...........؟

2-أنا موتري نيسان يعني تنصح بالبرازيلي وهل يركب على موتري وهل نوعه أصلي ولا يمشي الحال.

3- ياعزيزي انت ماذكرت لي سعر الفرار البرازيلي .


وعن مقناص العراق اقولك ان الحباري بالعراق كثر الرمل والطيرما يطلع الا على 10 او 20 حباره

حتى مره احد اصحابنا مطير حوش فيه حروة الخمسين ويمكن ماتصدقني لكن هالكلام مشهود عليه

وأكثر صقاقير الكويت راحو بعد تحرير العراق .

لكن لاتخليني يالحبيب بالفرارات .وأنشاء الله يجي يوم وتقنص معي للعراق وتشوف شي ماشفته من الحباري بس اعلمك الحباري يبيلها فرخ شاهين ولا طير أخو فلانه ولا تروح وترجع وانت ماصدت شي .

أسف على الأطاله وتقبل تحياتي.
Khalid AlGhamdi
01/07/2004, 10:51 AM
وعليكم السلام ورحمة الله وبركاته

السليماني الظاهر هو الوكيل لهم في الرياض ، وانا مالقيت احد غيره يبيع فرارات
واذا جيت للرياض او بتوصي احد اعطيتك الوصف
وقيمته البرازيلي عندهم 450 ريال وانا مالقيت نوع غيره يركب للنيسان ، ومادري اذا الوكالة عندهم فرارات ولا لا .. لكن بسال واعلمك

واما العراق وانا اخوك بعد احتلالها مالظاهر ان الواحد يقدر يجيها ( اخاف نروح نقنص يقنصوننا :D )

الله ينصر اخواننا المجاهدين في العراق :good:
لهاب
02/07/2004, 02:18 AM
السلام عليكم ورحمة الله وبركاته

اللهم آمين ..........

أخوي MaxPower اسمحلي طولتها عليك ماعليش .

ابي منك تعطيني رقم السليماني لأن عندي واحد شرواك وهل البرازيلي نوع أصلي .


وتقبل تحياتي ،،،،،،