ذبحني والله ذبحني ... وش الحل

[الحايلي 1119]

السلام عليكم

اخواني افيدوني جزاكم الله خير
.
.
.
.

انا معي ددسن 2000 كبليتر
ملاحظ انها تشرب شرب مو صاحي من البنزين يعني اعبي فل((بنزين95)) من بكرا الا وهي على النص
و اذا مشيت بالسياره اثبتها على 110 ولا اتعدها بعد

ارجوكم افيدوني

ولكم جزيل الشكر

[التعـ King ـديل]

الغالي شيك على الكلبيتر

[راعي الطلعات]

زي ما قال اخوي عسول شك على الكلبيتر والبواجي واسلاك البواجي والديلكو اذا كان موترك فيه ديلكو و على فلتر البنزين وفلتر الهواء عطه تشييك كامل

والله يوفقك

[الحايلي 1119]

مشكورين اخواني


شيكت على الكببليتر وقالي المكنيكي رح جب قطع اصلاح كبليتر ويوم سئلت عنه قاللولي 300 ريال
و هل هذي سعره وشغل ايده 100 ريال

تقبلو تحياتي

[راعي الطلعات]

اذا كانه قطع اصلاح اصلي فتوكل على الله واذا انت تبي ترتاح من الروحه والجيه للورش اشتر لك كلبيتر جديد افظل لائن نادراً من يعرف يضبط الكلبيتر وشغل اليد سليم هذي قيمته 100 او 80 ريال ونصيحه حافظ على نظافة فلتر الهواء كل شهرين ثلاث نظفه الدنيااء هالايام غبار

والله يفقك وييسر امرك

[الحايلي 1119]

اخوي راعي الطلعات تسلم على مرورك وردك


ممكن تفيدني عن سعر الكبليتر الجديد الاصلي ...؟

وواحد من الشباب يقول تصليح الكبليتر صعب ركب كبليتر جديد...؟؟ <<< محتار

[سطام vip]

بسم الله الرحمن الرحيم

اخوي الحايلي

مشكلتك في الكربليتر ولا تتعب مثلي خساير على الفاضي

انا معي باجيرو وذبحني بالبنزين 95 وما يمشي الا 200 كيلو وهو فاضي

مدري موتري مسوي جمس عبارتين ههههههههه

المهم ركبت اصلاح كربليتر مرتين ولا ضبط ووزن ديلكو وبواجي وبليتين

واسلاك بواجي ونفس الشي

رحت الصناعيه القديمه ورحت لحقين توضيب وتجديد الكربليتر واعطاني الحل

قال الكربليتر الي عندك قاعده بلاستيك ولا ينفع فيه الاصلاح خذ لك واحد كله حديد

وقال كل ما خرب ركب اصلاح وامش والحمد لله ركبته من عنده قال 500 ريال

ويعد المكاسر 300 ريال راكب جاهز والحمد لله الصرفيه فرقت واجد والعزم مضبوط

انت وانا اخوك يا تشوف لك ورشه مضبوطه وتركب الاصلاح على الشرط

والا روح يم الورش المتخصصه في توضيب واصلاح الكربليتر وخذ لك واحد

من هناك وريح بااااااااااالك والله يسهل امرك

[راعي الطلعات]

اذا كانك ياطويل العمر قادر عليه فا راح تحصل من 800 ريال الى 900 ريال هذا خبري اسعارهم من كم سنه

اذا كان الميكانيك الي راح تركب عنده قطع الاصلاح مضبوط وكل يشهد له انه ميكيانيكي مضبوط هينا تطمن وركب لك اصلاح اذا كنت شاك في الوضع زدها 400ريال واشتر جيد افظل بكثير والقديم لا ترميه

[ولد وايل]

عيب كلبليتر الددسن لو تصلحه يزين شهر ويخرب

[ابو نايف 111]

على حسب كلامك عندك تهريب شيك قبل كل شي
احسن شي فلل ودخلها للبايكه ودور التهريب
مهب طبيعي اليوم افلل وبكره لنص :no2:

[الحايلي 1119]

مشكورين اخواني

وانا ان شاء الله راح اشوف لي كبليتر جديد

لاكن يا اخوي سطام ليش اخذ حديد هل فيه نوعيه غيره


والي من حايل اغديه يدلني على مكانيكي شاطر..؟