المساعد الشخصي الرقمي

مشاهدة النسخة كاملة : يااصحاب الـ جي اكس ار 2009


خيال الغلبا
27/05/2009, 10:12 PM
عندي استفسارات عن كيفية الاستخدام

فاللذي يعرف مختلف استخداماته يفيدني جزاكم الله خير
ولد الهاااص
27/05/2009, 10:52 PM
هلابك ..

اول شي .. اركب وسم بالله ..

وحط رجلك على الفرامل .. لين تولع لمبة خضراء في زر التشغيل .. Power

معناته ان شغلك مضبوط .. اضغطه وتوكل على الله .. وراح تشتغل السيارة ..

بس تراك ماعطيتنا وش تبي بالضبط :)


:>

اذا فيه اي استفسار محدد .. تفضل فيه وان شاء الله نحاول نساعدك !
خيال الغلبا
28/05/2009, 12:50 AM
اخوي بيض الله وجهك

انت جاوبت على اول سؤال خطر في بالي

باقي وانا اخوك

نوعية البنزين المناسبة

ثم نوع زيت المكينه

ومتى تغييره

واين اغيره في الرياض

وزيت القير

ومتى تغييره

وهل يوجد زيوت اخرى غير القير والمكينه


والسيفون متى يغير
دهمان
28/05/2009, 12:51 AM
يفيدونك الاخوان ان شاء الله
كاره الأمريكي
28/05/2009, 12:54 AM
انا اجاوبك عن البانزين فقط اول ماتفتح الباب حق التانكي تلقى نوع البنانزين المناسب للمفخرة
خيال الغلبا
28/05/2009, 12:58 AM
كاره الأمريكي اولا : لست وحدك الذي تكره الامريكي ، كل من يؤمن بالله يكره الامريكان ... وفعلا اختيارك موفق
ثانيا : هل نوعية البنزين مكتوبه على تانكي البنزين
ولد الهاااص
28/05/2009, 02:01 AM
اذا كانت السيارة عندك .. 6 سلندر .. نوعيه البنزين 95

واذا كانت 8 سلندر .. نوعية البنزين 91 وفوق .. وهو شي غريب بصراحه لكن هذا كلام الكتالوجات والمصنع !
.

نوعية زيت المكينه .. اي شي من سوبر جي تي الى سوبر شل كلها ممتازه لكن انا من ناحيتي اغير جي تي اكس !

ووقت التغيير اذا مشت سيارتك مابين ( 4000 - 10000) توكل على الله وغيره ..

وحاول انك تغيره اذا بغيت تروح مشوار طويل .. واما السيفون غيره بعد كل تغييرتين او ثلاث

والقير والدفرنس .. لاتغيرهم ابد .. خلهم على زيت الوكاله .. لانه بعض السيارات تغير زيتها بعدين تون عندك الكوارين او القيور .!

واذا معزم غيرها بعد مئة الف كيلو !


والله يسهل دروبك ! تحياتي
خيال الغلبا
28/05/2009, 10:11 AM
ولد الهااااص

السيارة جي اكس ار
وماادري هي سته سرندل والا ثمانيه
هل يوجد اي علامة على البدي تدل على سريندل السيارة ؟

وهل علامة الثمانيه والفي الموجودة في الخلف تدل على شي
8v

من اغير الزيت عنده هل اغيره عند اي محطه مافيه مشكله
VXR.2007
28/05/2009, 02:00 PM
ولد الهااااص

السيارة جي اكس ار
وماادري هي سته سرندل والا ثمانيه
هل يوجد اي علامة على البدي تدل على سريندل السيارة ؟

وهل علامة الثمانيه والفي الموجودة في الخلف تدل على شي
8v

من اغير الزيت عنده هل اغيره عند اي محطه مافيه مشكله

نعم 8V هو 8 سرندل اذا فتحت الكبوت مكتوب في غط المكينه
من تجربتي اي محطه بعضهم غشيم يزود علب زيت علشان الفلوس ولا يعرف كم علب للسياره والسيفون تجاري وطني او صيني يشتري 5 اريال ويبيعه 20 اريال ويبيع الاصلي 25 والاصلي في الوكاله 15 اريال والجديد من العماله بنقالي او يمني مايعرف يربط السره والسيفون
خيال الغلبا
29/05/2009, 10:51 AM
طيب يااخي ماصحة هذا الكلام حيث كتب احد الاخوة في موضوع اخر مايلي :


رابعاً : نوع البنزين المستخدم
سيارات ال vxr 8 سلندر والجي اكسر ار 8 سلندر تستخدم بنزين 91 اما gxr 6 سلندر فتستخدم بنزين95
معلومه غريبه صح؟؟؟؟؟؟

علما بان غطاء التانكي عندي مكتوب عليه 95
عرهب
29/05/2009, 02:00 PM
الجيب ال 8 سلندر بنزين 95
خيال الغلبا
29/05/2009, 03:12 PM
الدبل يااخوان كيف استعمله

وضعيات الدبل مع القير

كيف استخدم الدبل ؟
خيال الغلبا
30/05/2009, 09:11 PM
للرفع ..................................
سديراوي 13
30/05/2009, 11:37 PM
السلام عليكم
الكتيب الي يجي مع السياره فيه كل شي تستفسر عنه اخوي
تحياتي لك
خيال الغلبا
02/06/2009, 11:34 PM
الدبل يااخوان كيف استعمله

وضعيات الدبل مع القير

كيف استخدم الدبل ؟
ولد الهاااص
03/06/2009, 12:03 AM
.. الدبل ..

نظامه شغال لما سرعة 60 كيلو .. بعدين يفصل

لكن مايمنع انك تضغط الزر اللي يسار زر التشغيل مو اللي تحته وطبعاً راح يكون معك شغال على طول .. واللي تحته هو الدبل الثقيل وتحصل لونه فضي !


بس احرررررررص .. على الوقوف بعدين تشغل الدبل !

ورح الله يسهل دروبك !
خيال الغلبا
03/06/2009, 07:18 AM
ولد الهاص

الله يجعل والديك بالجنه
ابو خطاب
03/06/2009, 07:37 AM
اخوي بيض الله وجهك

انت جاوبت على اول سؤال خطر في بالي

باقي وانا اخوك

نوعية البنزين المناسبة

ثم نوع زيت المكينه

ومتى تغييره

واين اغيره في الرياض

وزيت القير

ومتى تغييره

وهل يوجد زيوت اخرى غير القير والمكينه


والسيفون متى يغير

السلام عليكم
بين اللي طاف :) :)
الله يطعمك خيره ويكفيك شره وعساه مركوب العافية قبالية هل صيفية وتلقاه يقول بس وين تبي تصيف اركب والوعد قدام.

سلمك الله اسئلتك بديهية واساسية . . وراح تجد اجوبتها في كتيب السيارة بل وراح تجد اجوبة لادق التفاصيل الا ماندر . . ما عليك الا انك تفصفص الكتيب من الجلدة للجلدة.
ونصيحة لتجنب غشامة او تحايل محلات الزيت . . خذلك كرتون زيت تطلع لك العلبة بنص القيمة . . واخذ السيفون من محلات تويوتا حرصاً على الاصلي الحقيقي. . هذا في حالة انك ماتروح للصيانة الدورية حقت الوكالة وتغير الزيت عندهم.
تقبل تحياتي.